|
|
འཇིག་རྟེན་སྣང་བ་བཞེས་པ། | རྩོམ་སྒྲིག་པ། འབའ་སྣང་གྲོལ། | སྤེལ་དུས 2015-07-07 | ལྟ་ཀློག (2464) | རྩོམ་ཁུངས: ངེད་དྲ་བ། | པར་འདེབ། |
|
འཇིག་རྟེན་སྣང་བ་བཞེས་པ།
འབའ་སྣང་གྲོལ།
ལུས་ལ་རུས་པ་མ་སྐྱེས་སམ།།
འཇགས་སྐྱ་རླུང་གིས་ཁྱེར་རམ་ཅི།།
ང་ཡི་རང་ཚུགས་སྲོག་ཤིང་ནི།།
ཁྱོད་ཀྱིས་ཐལ་བ་ཐལ་བར་བྱས།།
ཡིད་ཀྱི་མ་དྲོས་མཚོ་ཆེན་དུ།
འཁྱུག་འཁྱུག་གནང་ཞིང་ལྡེམ་ལྡེམ་བྱེད།།
སྙིང་གི་སྒྲོམ་བུ་ཆུང་ཆུང་ཡང་།།
ལན་རེ་འདར་ཞིང་ལན་རེ་འགུལ།།
དཀར་ལ་དམར་བའི་ཞལ་ཁྱིམ་ནི།།
འཛུམ་པའི་འོད་ཐིག་བཀྲ་བ་ཅན།།
མཐོང་ན་ཡིད་ལ་བདེ་སྟེར་བས།།
སྣང་བའི་བདུད་རྩི་ཁྱོད་ལ་དབང་།།
སྤྱན་གྱི་རྒྱལ་མོ་སྒེག་འགྲོས་ཅན།།
གསང་བའི་ཁྲུས་ལ་ཞུགས་ཤིང་རྩེན།།
ལང་ཚོའི་འཁྲི་ཤིང་ལྡེམ་པ་ཡང་།།
ངོ་ཚའི་གོས་དང་ལྷན་ཅིག་བསྐྱོད།།
གཤིས་ཀྱི་པད་མོ་འཛུམ་པ་ལ།།
འོ་མའི་སེམས་ཀྱི་རོལ་བ་ཅན།།
འཇིག་རྟེན་གདུང་བ་གཞོམ་པ་མོ།།
སྙིང་གི་ཐིག་ལེར་ཆགས་པ་ཁྱོད།།
འཇིག་རྟེན་དགའ་བ་འདྲེན་པའི་དབྱངས།།
དྲི་ཟའི་ངག་གི་གླིང་བུ་གང་།།
ཁྱོད་ཀྱི་མགྲིན་པའི་སྦུབས་སུ་ནི།།
སྙན་གྱི་སྐོམ་པ་སིམ་པར་བྱེད།།
མཁའ་ཡི་འོད་དཀར་ཟླ་བ་ཡང་།།
ས་ལ་རྒྱུ་བ་ད་ཚོད་ཤེས།།
ས་ཡི་མེ་ཏོག་དགོད་པ་ཅན།།
སེམས་ལ་སྣང་བ་ད་ཚོད་རྟོགས།།
སྡུག་པར་འོངས་པའི་ཁྱོད་ཀྱི་ཆོས།།
ངག་རིག་འཕྲུལ་ལ་མ་ཤོང་ཡང་།།
སྣང་བའི་འཕྲུལ་གྱི་ཞགས་པ་ཡིས།།
ཁྱོད་ཀྱི་འཇིག་རྟེན་དམ་དུ་བཅིངས།།
དེ་ལྟར་སྣང་བའི་པིར་གྱི་རྩེར།།
སེམས་ཀྱི་ཡིག་འབྲུ་གཤོག་པ་ཅན།།
མཐུན་འཇུག་ལས་ཀྱི་སྐུད་པ་ལ།།
བརྡ་ཡི་གོ་བ་གློག་བཞིན་འཁྱུག །
༢༠༡༥ ༦ ༡༣ཉིན།
རྩོམ་སྒྲིག་འགན་འཁུར་བ།
ཁཱ་ཤེས་རབ་རྒྱ་མཚོ། མགར་རྩེ་ཉི་ཟེར། ཨ་བུ་འབྲོང་། བན་ཤུལ་འཇམ་དབྱངས།
|
| |
སྤྱིའི་ལྟ་སྐུལ་བ། སློབ་གྲྭའི་དབུ་བཞུགས་ལྷན་ཚོགས། གཙོ་སྐྱོང་སྡེ་ཁག ཐོན་མིའི་སློབ་ཚོགས། དོ་དམ་པ། ཁཱ་ཤེས་རབ་རྒྱ་མཚོ། ཞིབ་དཔྱད་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འབའ་སྣང་གྲོལ། རྩོམ་སྒྲིག་ཨུ་ཡོན། འོད་ཟེར་བཟང་བོ། བསོད་ནམས་རབ་སྣང་། འཕྲིན་ལས་ཉི་མ། བན་ཤུལ་འཇམ་དབྱངས་ཡེ་ཤེས། དམ་ཆོས་ཕུན་ཚོགས། སྦྲ་ནག་འཇིགས་མེད་རྡོ་རྗེ།
|
|
འདྲེན་བཀོལ: |
|
|
དཔྱད་གཏམ (
0
)ཡོད། |
|
|
|
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་། |
|
|
|
|
|
|
འབྲེལ་གཏུག་བྱ་ཡུལ། ཁ་པར། 15283703999 E-mail:QQ:3267109906 |
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་། |
|
|
|
|