སེམས་ཀྱི་མངའ་ཐང་ལགས།

ཤེས་རིག་ནོར་བུའི་སློབ་གླིང་གིས་ཁྱེད་ལ་དགའ་བསུ་ཞུ།

དེ་རིང་ནི་སྤྱི་ལོ 2024 ལོའི་ཟླ 4 ཚེས 28 རེས་གཟའ་ཉི་མ་ཡིན།

དྲ་གནས་ཉར་ཚགས། གཙོ་ངོས་སུ་འགོད་པ།

ཕྱོགས་སྟོན།

གཙོ་ངོས།» གཙོ་ངོས།» སྙན་རྩོམ། » སེམས་ཀྱི་མངའ་ཐང་ལགས།

སེམས་ཀྱི་མངའ་ཐང་ལགས།

རྩོམ་སྒྲིག་པ། འབའ་སྣང་གྲོལ།

སྤེལ་དུས 2015-07-07

ལྟ་ཀློག (2985)

རྩོམ་ཁུངས: ངེད་དྲ་བ།

པར་འདེབ།

སེམས་ཀྱི་མངའ་ཐང་ལགས།

                                  འབའ་སྣང་གྲོལ།
ང་ནི་མེ་ཕུང་ཞིག་སྟེ།
ཚག་ཚག་སྒྲ་ལ་བསྐྱོན་ཡོད།
སེམས་ཀྱི་བསིལ་རླུང་ལགས།

ང་ནི་འཁྱག་རོམ་ཞིག་སྟེ།
ཐམ་ཐམ་སོ་རྩ་འདར་ཡོད།
སེམས་ཀྱི་དྲོད་ཁོལ་ལགས།

ང་ནི་ན་ཟུག་ཅིག་སྟེ།
སིབ་སིབ་རུས་ལ་བབས་ཡོད།
སེམས་ཀྱི་བརྩེ་དུང་ལགས།

ང་ནི་ཁྲག་ཐིག་ཅིག་སྟེ།
རལ་གྲིའི་སོ་ལ་བགོས་ཡོད།
སེམས་ཀྱི་ཞི་བ་ལགས།

ང་ནི་དུར་ཕུང་ཞིག་སྟེ།
ལོ་ཟླའི་གཞུང་ལ་བཏབ་ཡོད།
སེམས་ཀྱི་འཆི་བདག་ལགས།

ང་ནི་བཀྲེན་པོ་ཞིག་སྟེ།
ལྟོ་བ་བྲང་ལ་རྡིབ་ཡོད།
སེམས་ཀྱི་མངའ་ཐང་ལགས།

སྙིང་ཕུར་རུས་ལ་གདབ་མཁན།
ལྕགས་སྲོག་རྣོ་ལ་རྡུང་མཁན།
རྨི་ལམ་ཞེ་ལ་གཏོང་མཁན།
དམ་བཅའ་སྲོག་ལ་མདུད་མཁན།

ཚད་མེད་པའི་ང་ཡི་ནམ་མཁའི་རྒྱ་ཁྱོན་ཨ།
མཐའ་མེད་པའི་ང་ཡི་ས་གཞིའི་གཤོང་བ་ཨ།

༢༠༡༥ ༦ ༩ཉིན།

རྩོམ་སྒྲིག་འགན་འཁུར་བ། ཁཱ་ཤེས་རབ་རྒྱ་མཚོ། མགར་རྩེ་ཉི་ཟེར། ཨ་བུ་འབྲོང་། བན་ཤུལ་འཇམ་དབྱངས།

སྤྱིའི་ལྟ་སྐུལ་བ། སློབ་གྲྭའི་དབུ་བཞུགས་ལྷན་ཚོགས།
གཙོ་སྐྱོང་སྡེ་ཁག ཐོན་མིའི་སློབ་ཚོགས།
དོ་དམ་པ། ཁཱ་ཤེས་རབ་རྒྱ་མཚོ།
ཞིབ་དཔྱད་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། འབའ་སྣང་གྲོལ།
རྩོམ་སྒྲིག་ཨུ་ཡོན། འོད་ཟེར་བཟང་བོ། བསོད་ནམས་རབ་སྣང་། འཕྲིན་ལས་ཉི་མ། བན་ཤུལ་འཇམ་དབྱངས་ཡེ་ཤེས། དམ་ཆོས་ཕུན་ཚོགས། སྦྲ་ནག་འཇིགས་མེད་རྡོ་རྗེ།