མིང་། གྱི་ལིང་འཇིགས་མེད། 
ཡུལ། མདོ་སྨད་ཨ་མཆོག་གྱི་ལིང་རྒྱལ་བཞེར་ཚང་། 
སྐྱེས་ལོ། 1983-1-17
བརྒྱུད་རིམ། ཆུང་དུས་སློབ་གྲྭ་ཆུང་འབྲིང་འགྲིམས་ཤིང་རང་ལོ་བཅུ་དྲུག་སྟེང་གྱི་ལིང་དགོན་ནས་རབ་ཏུ་བྱུང་སྟེ་སྔ་ཕྱིར་ཡུལ་ངེས་མེད་འགྲིམས་ཏེ་སློབ་གཉེར་བྱས། རང་ལོ་བཅུ་དགུ་བ་ལ་རོང་ཁམས་ཞབས་དྲུང་གི་རྣམ་ཐར་བྲིས་ཏེ་པར་དུ་བསྐྲུན། རང་ལོ་ཉེར་གསུམ་སྟེང་གངས་ལྗོངས་ཤེས་རིག་ནོར་བུའི་སློབ་གླིང་འགྲིམས་ཤིང་ཉེར་དྲུག་སྟེང་སློབ་མཐར་ཕྱིན། ལོ་དེར་མཚོ་སྔོན་འཁྱམས་རུ་དགོན་པར་རིག་གནས་དགེ་རྒན་བྱས། དེའི་ཕྱི་ལོ་སྟེ2009ནས་ད་ལྟའི་བར་གངས་ལྗོངས་ཤེས་རིག་ནོར་བུའི་སློབ་གླིང་དུ་དགེ་རྒན་བྱས་ཤིང་ཞར་དུ་མཚོ་བྱང་བེ་རི་དགོན་དང་ཨ་རིག་དགོན་ཆེན་སོགས་སུ་དགེ་རྒན་དུ་སོང་།2003ལོར་ཀན་ལྷོའི་ཕུལ་བྱུང་རྩོམ་པ་བོ་དང་། 2016ལོར་གུར་ཀུམ་ཆུན་པོའི་ཕུལ་བྱུང་རྩོམ་པ་བོའི་བྱ་དགའ། 2017ལོར་ཀན་ལྷོའི་ཟླ་ཟེར་གྱིས་ཕུལ་བྱུང་བྱ་དགའ། 2018ལོར་ཞིང་ཆེན་རིམ་པའི་ཕུལ་བྱུང་རྩོམ་པ་བོའི་བྱ་དགའ་བཅས་དང་། ལོ་འགར་བསྟུད་མར་ཕུལ་བྱུང་དགེ་རྒན་གྱི་བྱ་དགའ་སོགས་ཐེངས་འགའ་ལ་ཐོབ། ༼རོང་ཁམས་ཞབས་དྲུང་རིམ་བྱོན་གྱི་རྣམ་ཐར།༽༼མི་ཚེ་དང་རིན་ཐང་།༽༼ཤ་རིའི་རི་ཁྲོད་ཀྱི་ལོ་རྒྱུས།༽༼ཆོས་སྲིད་ཟུང་འབྲེལ་དང་ཆིག་སྒྲིལ་གྱི་ངོ་བ་ལ་དཔྱད་པ།༽༼སྨུག་པ་གྱོན་པའི་མེ་ཏོག༽༼བོད་ཀྱི་ལོ་རྒྱུས་སྤྱི་དོན།༽༼རླབས་ཆེན་གྱི་བྱ་བཞག་འདིས་རླབས་ཆེན་གྱི་མི་སྣ་མཚོན།༽༼ལོ་རྒྱུས་ཀྱི་གསང་བ།༽༼སྤྲིན་གྱི་ཕོ་ཉའི་འགྲེལ་བ་ངག་རིག་གཞོན་ནུའི་མགུལ་རྒྱན།༽༼མི་ལོ་སྟོང་གི་སྒྲོན་མེ།༽༼ཞེ་སྐྱོ་བའི་རིག་གནས་འགྲུལ་བཞུད།༽༼དབྱངས་ཅན་དགྱེས་གླུའི་ཟིན་བྲིས་ལྷའི་རོལ་མོ།༽༼ནུབ་ཕྱོགས་ཆོས་སྤེལ་བ་དང་བོད་ཡུལ།༽༼བེ་རི་དགོན་གྱི་གདན་རབས།༽༼ལྷུག་རྩོམ་མྱུར་ལམ།༽སོགས་པར་དུ་བསྐྲུན་ཅིང་༼གྲྭ་བ་དང་མཚན་ཉིད་པ།༽བོད་ཡིག་ཏུ་བསྒྱུར། 
༼མདོ་སྡེ་དཔེ་བརྒྱ་བ།༽དང་༼ཆུ་ཡིས་དྲིས་ལན་ཤེས་པ།༽༼རྒྱལ་ཁབ་གསུམ་གྱི་གཏམ་རྒྱུད་བསྡུས་པ།༽སོགས་བོད་ཡིག་ཏུ་བསྒྱུར་ཡོད་ལ། དེ་ལས་༼རྒྱལ་ཁབ་གསུམ་གྱི་གཏམ་རྒྱུད་བསྡུས་པ།༽དེ་ད་ལྟ་པར་ཟིན། 
     གཞན་ད་ལྟ་ལས་ཞོར་དུ་རྒྱ་རྒྱུད་ནང་བསྟན་ལས་མདོ་ཚན་མང་བོ་ཞིག་བོད་སྐད་དུ་སྒྱུར་བའི་ལོ་ཙཱ་བའི་གྲས་སུ་ཞུགས་ཡོད། 
     ལོ་འདི་དག་ལ་དབུ་ཕར་འདུལ་མངོན་དང་སྒྲ་རྩིས་སྙན་ངག་སོགས་ཀྱི་དཔེ་ཁྲིད་རེ་ཐོབ་མྱོང་བ་དང་། སློབ་མ་དོན་གཉེར་ཅན་མང་བོར་གང་ཤེས་སྦ་གསང་མེད་པར་ཁྲིད་རྒྱུ་བྱུང་བ་ལ་སྙིང་ནས་དགའ་བ་སྒོམ་ཞིང་། སྔར་མུས་བཞིན་འབྱུང་འདུའི་ཕུང་བོ་འདི་ཉིད་ཀྱིས་ཅི་ཙམ་བཟོད་པ་དེ་ཙམ་དུ་འབད་པ་ལྷོད་མེད་བྱ་རྒྱུའི་ཆོད་སེམས་བཅས་ཡོད་དོ། །