དགེ་རྒན་ཤེས་རབ་བསྟན་དར།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 9 ཚེས 18 རེས་གཟའ་ལྷག་པ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» གཙོ་ངོས།» དགེ་རྒན་དང་ལས་བཟོ་བ། »དགེ་རྒན་ཤེས་རབ་བསྟན་དར།
དགེ་རྒན་ཤེས་རབ་བསྟན་དར།
རྩོམ་སྒྲིག་པ།  ཁྰ་ཤེས་རབ་རྒྱ་མཚོ། སྤེལ་དུས 2015-03-24ལྟ་ཀློག (3417)རྩོམ་ཁུངས: ངེད་དྲ་བ།པར་འདེབ།


         དགེ་བའི་བཤེས་གཉེན་ཤེས་རབ་བསྟན་དར་རམ་སྨྱུག་མིང་ལ་རྒྱ་གྲོལ་ལགས་ནི་སྤྱི་ལོ་1968ལོར་མདོ་སྨད་མང་རར་སྐྱེས།   ཀླུ་ཚང་དགོན་པའི་ཆོས་སྒོར་ཞུགསཏེ་གཞུང་བཀའ་པོད་ལྔ་དང་སྔགས་རྒྱུད་སྡེ་བཞི་ལ་སྦྱངས། 1997ཕར་ཕྱིན་རབ་འབྱམས་པའི་དམ་བཅའ་བཞག   ཀླུ་ཚང་དགོན་པ་དང་དབུས་གཞུང་ཐར་ཤུལ་དགོན་པ།   གངས་ལྗོངས་ཤེས་རིག་ནོར་བུའི་གླིང་སོགས་སུ་བསྡུས་ཚན་དབུ་ཕར་དང་ཐ་སྙད་རིག་གནས་སོགས་ཀྱི་འཆད་ཉན་སྤེལ་ཅིང་།    སློབ་གྲྭ་ཆེ་འབྲིང་ཆུང་གསུམ་གྱི་དགེ་སློབ་དང་།  བསླབ་རམས་པ་དང་འབུམ་རམས་པ།  གཞུང་སྒེར་གྱིས་བསྒྲུབས་པའི་འཛིན་གྲྭ་བཅས་སུ་བོད་ཀྱི་རིག་གནས་ཀྱི་སློབ་ཁྲིད་བྱས།   ད་ལྟའི་བར་དུ་སྙན་ངག་དང་ལྷུག་རྩོམ།  བསྒྱུར་རྩོམ་སོགས་བརྒྱ་ལྷག་༼སྦྲང་ཆར་༽སོགས་ཞིང་ཆེན་ཕྱི་ནང་གི་དུས་དེབ་མང་བོར་སྤེལ།སྐབས་གསུམ་པའི་སྦྲང་ཆར་རྩོམ་རིག་བྱ་དགའ་སོགས་ཐོབ།    སྔ་རྗེས་སུ༼སྒྲུང་ལྡེའུ་བོན་གསུམ་གྱིས་བོད་ཀྱི་ཆབ་སྲིད་བསྐྱངས་མིན་ལ་གསར་དུ་དཔྱད་པ་༽སོགས་དཔྱད་རྩོམ་ཉི་ཤུ་ལྷག༼ཀྲུང་གོའི་བོད་རིག་པ་༽སོགས་སུ་སྤེལ།    ད་ལྟའི་བར་གཞན་དང་མཉམ་འབྲེལ་གྱིས༼ར་མ་ཎའི་རྟོགས་བརྗོད་༽དེབ་དང་བོ་ནས་བཞི་བའི་བར་དང་།   ༼སྟོན་པའི་རྣམ་ཐར།༽༼མི་ཚེ་སླར་གསོ།༽ ༼སངས་རྒྱས་ཀྱི་གཟི་འོད་ནུབ་ལ་འཕྲོས་པ་༽བསྒྱུར།   ༼ནང་བསྟན་སློབ་དེབ་སྐལ་བཟང་འཇུག་ངོགས།༽ ༼སྐྱབས་འགྲོ་བྲན་གཡོག་གི་འདུ་ཤེས་ཡིན་ནམ།༽ ༼ནང་བསྟན་དཔལ་འབྱོར་རིག་པ།  སྟོད་ཆ།༽ ༼བོད་རིག་པའི་དཔྱད་རྩོམ་ཕྱོགས་བསྒྲིགས།༽  ༼གངས་སེང་འཚོལ་བ།༽   ༼ལྷ་འདྲེའི་སྲེད་པས་བདག་གིར་བྱས་པའི་ལྷ་ས།༽ ༼བོད་ཀྱི་ལོ་རྒྱུས་ཀྱི་མཐའ་དཔྱོད།༽  ༼དགེ་ལུགས་པའི་ཚད་མའི་ལོ་རྒྱུས།༽  ༼བོད་ཀྱི་དགོན་སྡེའི་སློབ་གསོ།༽  ༼ཚངས་མགུར་ཞིབ་འཇུག༽  གཞན་ད་དུང་༼ལྰ་མོའི་ཡོངས་འཛིན་རིན་པོ་ཆེའི་རྣམ་ཐར།༽  དང་༼ཐར་ཤུལ་རིན་པོ་ཆེའི་རྣམ་ཐར།༽  སོགས་དཔེ་དེབ་བཅུ་ལྷག་བྲིས་ཤིང་ཀན་སུའུ་མི་རིགས་དཔེ་སྐྲུན་ཁང་ནས་བསྐྲུན།   དེབ་མང་ཤོས་དཔར་ཁང་ནས་སྒོར་བུད་པའི་ཉིན་དེ་མ་ཁད་དུ་ཡང་དེབ་གྲངས་སྟོང་ཕྲག་གསུམ་བཞི་རེ་བཙོངས་ཚར་འགྲོ།   ད་དུང་ཁོང་གིས་གཙོ་སྒྲིག་གནང་བའི༼བསམ་བློའི་ཤེས་རིག༽ཀྱང་བོད་ཁུལ་ཆེས་དགའ་བསུ་ཐོབ་པའི་རིག་གཞུང་དུས་དེབ་ཅིག་ཏུ་གྱུར་ཡོད།   སྔ་རྗེས་སུ་བོད་ཡིག་ནང་བསྟན་གྱི་དྲ་བ་ཐོག་མ་བོད་གསང་སྔགས་རིག་གནས་དྲ་བ་བཟོས་ཤིང་།  ནང་བསྟན་གྱི་དཔེ་དེབ་རིན་མེད་གཟིགས་འབུལ་བྱེད་པའི་ཤེས་རབ་གསུང་རབ་དངོས་འབུལ་ཁང་བཙུགས།   ༢༠༡༠ལོར་སྤུན་མཆེད་ཚོ་དང་མཉམ་དུ་རང་རང་གིས་ལོ་མང་བོའི་རིང་ལ་ཉར་ཚགས་བྱས་པའི་དཔེ་ཆ་དག་གཞིར་བྱས་ནས་ཆོས་ལུགས་དང་བོད་རིག་པ་སྐོར་གྱི་དཔེ་མཛོད་ཁང་བསྐྲུན།   ད་ལྟ་སྔར་བཞིན་ཕྱོགས་སོ་སོར་སློབ་ཁྲིད་བྱེད་ཀྱིན་སློབ་དཔོན་ཐོན་མི་སམ་བྷོ་ཊ་དང་།   བོད་ཀྱི་ལོ་རྒྱུས་རིག་པ།  བོད་ཀྱི་མི་ཆོས་རིག་པ།   ནང་བསྟན་མཚན་ཉིད་རིག་པ།  ནང་བསྟན་དང་སྤྱི་ཚོགས་བར་གྱི་འབྲེལ་བ་བཅས་ལ་ཞིབ་འཇུག་བྱེད་བཞིན་ཡོད།   ༢༠༡༠ལོ་ནས་གངས་ལྗོངས་ཤེས་རིག་ནོར་བུའི་སློབ་གླིང་གི་གདན་ཞུ་དང་ལེན་གནང་སྟེ་ད་ལྟའི་བར་འཆད་ཁྲིད་ཀྱི་འགན་བཞེས་ཡོད་ལ།   སློབ་གླིང་གི་དགེ་རྒན་གྱི་སྡེ་ལ་ཕར་ཕྱིན་དང་དབུ་མ་སོགས་གཞུང་ཆེན་མོ་དག་ཁྲིད་བཞིན་ཡོད།   དུས་མཚུངས་སུ་རྒྱ་འགྱུར་བཀའ་བསྟན་ལས་བོད་ཀྱི་བཀའ་བསྟན་གསབ་སྒྱུར་ཚོགས་པ་ཞེས་པར་ཞུགས་ཏེ་བསྟན་པ་ཡང་དར་གྱི་ལོ་ཙྰ་བའི་འགན་བཞེས༼བདེ་བ་ཅན་དུ་སྐྱེ་བའི་སྒོམ་རིམ༽མདོ་སོགས་མདོ་ཚན་བཅུ་ལྷག་བོད་ཡིག་ཏུ་བསྒྱུར་ཅིང་།ད་ལྟའང་ད་དུང་སྒྱུར་བཞིན་ཡོད་དོ། །

     མདོར་ན་ཁོང་ནི་དོན་ཉུང་བྱ་ཉུང་དང་།   འདོད་ཆུང་ཆོག་ཤེས་བསྟེན་ཏེ་བཀའ་གདམས་ཀྱི་སྐྱེ་བུ་གོང་མ་དག་གི་རྣམ་ཐར་ཉམས་བཞེས་མཛད་མཁན་ཞིག་ཡིན་པས།   དགེ་སློབ་སུ་ཡིན་ཡང་བརྩི་མཐོང་ཧ་ཅང་ཆེ།  ༼ནང་བསྟན་དཔལ་འབྱོར་རིག་པ།༽  དང༼ལྷ་འདྲེའི་སྲེད་པས་བདག་གིས་བྱས་པའི་ལྷ་ས༽  ༼ནང་བསྟན་སློབ་དེབ་སྐལ་བཟང་འཇུག་ངོགས།༽སོགས་རྒྱལ་ཁབ་ཕྱི་ནང་ཀུན་ཏུ་ཁྱབ་རྒྱ་ཤིན་ཏུ་ཆེ་བར་མ་ཟད།  གདེང་འཇོག་ཚད་མཐོན་པོ་ཐོབ་པའི་ཉེ་རབས་ཀྱི་དེབ་ཆེས་ལེགས་ཤོས་སུ་གྱུར་ཡོད།


དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། mjbp བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
5782062
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号