ཨ་མཆོག་ཞག་སྡོད་སློབ་གྲྭའི་སྒོ་འབྱེད་མཛད་སྒོ།

ཤེས་སྤྱོད་མི་གཞི་གསོ་བའི་གནས་མཆོག མི་རིགས་སློབ་གསོ་དར་བའི་འབྱུང་གནས།

སྤྱི་ཟླ༩བའི་ཚེས༡༧ཉིན་གྱི་ཕྱི་དྲོ་མཛད་སྒོ་དངོས་སུ་སྤེལ་འགོ་ཚུགས་ཤིང་ཞིང་ཆེན་དམངས་ཆེན་རྒྱུན་ཨུ་ཁང་གི་ཀྲུའུ་རེན་གཞོན་པའམ་ཁུལ་ཨུའི་ཧྲུའུ་ཅི་ཡུས་ཁྲུན་ཧུའི་དང་། ཁུལ་སྲིད་གྲོས་ཀྱི་ཀྲུའུ་ཞི་རིན་ཆེན་དོན་འགྲུབ། ཁུལ་ཨུའི་རྒྱུན་ཨུའམ་ཏང་རྩ་འཛུགས་ཀྱི་ཧྲུའུ་ཅི་གཞོན་པ། ཁུལ་དཔོན་གཞོན་པའི་འདེམས་ཚབ་པ་ཙའོ་ལོན། ཁུལ་ཨུའི་རྒྱུན་ཨུའམ་ཁུལ་དཔོན་གཞོན་པ་ཧྥིན་ཞའོ་ལིན། ཁུལ་སློབ་གསོ་ཅུད་ཀྱི་ཏང་ཙུའུ་ཧྲི་ཅིའམ་ཅུད་ཀྲང་ཀླུ་འབུམ། ཁུལ་འཕེལ་རྒྱས་དང་བཅོས་བསྒྱུར་ཅུད་ཀྱི་ཀྲུའུ་རེན་བཱང་ཀོ་ཆིན། ཁུལ་དཔོན་གཞོན་པའམ་བསང་ཆུ་རྫོང་ཨུའི་ཧྲུའུ་ཅི་ཡང་ཀྲིན་ལེན། རྫོང་ཨུའི་ཧྲུའུ་ཅི་གཞོན་པའམ་འདེམས་ཚབ་རྫོང་གཙོ་ཡང་ཧེ་ཆང་། རྫོང་དམངས་ཆེན་རྒྱུན་ཨུའི་ཀྲུའུ་རེན་ཨན་ཅན་ཁོན། རྫོང་སྲིད་གྲོས་ཀྲུའུ་ཞི་ཚེ་རིང་སྐྱིད། རྫོང་ཨུའི་ཧྲུའུ་ཅི་གཞོན་པ་ཧན་ཙིན་ཕིན། རྫོང་གཙོ་གཞོན་པ་རྟ་མགྲིན་སྐྱབས། རྫོང་གཙོ་གཞོན་པ་ཚེ་རིང་རྣམ་རྒྱལ། རྫོང་དམངས་ཆེན་གྱི་ཀྲུའུ་རེན་གཞོན་པ་སྒྲོལ་མ་ལྷ་འཚོ། སྲིད་གྲོས་ཀྲུའུ་ཞི་གཞོན་པ་སངས་ལོ། རྫོང་ཚན་སློབ་ཅུད་ཀྱི་ཅུད་ཀྲང་ཏིང་འཛིན་རྒྱལ་སོགས་ཁུལ་དང་རྫོང་རིམ་པའི་འགོ་ཁྲིད་སློབ་གྲྭའི་སྒོ་འབྱེད་དང་སློབ་འགོ་ཚུགས་པའི་མཛད་སྒོར་ཞུགས་པར་མ་ཟད་སློབ་རའི་འཛུགས་བསྐྲུན་སོགས་ཀྱི་ཐད་ལྟ་རྟོག་མཛད། འདེམས་ཚབ་རྫོང་གཙོ་ཡང་ཧེ་ཆང་གིས་ཚོགས་འདུར་མདོ་འཛིན་བྱས། རྫོང་གི་ལས་ཁུངས་སོ་སོའི་འགོ་ཁྲིད། ཨ་མཆོག་གྲོང་རྡལ། འབོ་ར་གྲོང་རྡལ། སྒྱིས་ཚང་ཡུལ་ཚོ་། ཙ་ཡུས་ཡུལ་ཚོ། ཡ་རུ་རྒྱུད་དོན་གཅོད་ཁང་གི་ཏང་སྲིད་འགོ་ཁྲིད་དང་སྡེ་དམངས་འགན་འཁུར་བ། མང་ཚོགས་འཐུས་ཚབ། ཨ་མཆོག་དགོན་པའི་དོ་དམ་ཁང་གི་ལས་སྣེ། ཨ་མཆོག་ས་ཁུལ་སློབ་གསོ་ཡར་སྐུལ་ཚོགས་པའི་ཚོགས་མི། དེ་མིན་རྫོང་ཚན་རྩལ་ཅུད་ཀྱི་འབྲེལ་ཡོད་མི་སྣ་དང་ཨ་མཆོག་ལོ་དགུའི་ལུགས་ཀྱི་སློབ་གྲྭའི་དགེ་སློབ་ཚང་མ་ཐེངས་འདིའི་བྱ་འགུལ་ལ་ཞུགས།

ཚོགས་ཞུགས་མི་སྣའི་དགའ་སྤྲོའི་ཐལ་མོའི་ཁྲོད་ཞིང་ཆེན་དམངས་ཆེན་རྒྱུན་ཨུ་ཁང་གི་ཀྲུའུ་རེན་གཞོན་པའམ་ཁུལ་ཨུའི་ཧྲུའུ་ཅི་ཡུས་ཁྲིན་ཧུའི་དང་ཁུལ་སྲིད་གྲོས་ཀྱི་ཀྲུའུ་ཞི་རིན་ཆེན་དོན་འགྲུབ་གཉིས་ཀྱིས་སློབ་གྲྭའི་སྒོ་བྱང་ཕྱེས།

ཁུལ་སྲིད་གཞུང་གི་ཁུལ་དཔོན་གཞོན་པའམ་རྫོང་ཨུའི་ཧྲུའུ་ཅི་ཡང་ཀྲིན་ལེན་གྱིས་མཛད་སྒོར་ཤིས་ཚིག་ཕུལ།

ཏང་གི་ཚོགས་ཆེན་བཅུ་དྲུག་པའི་འཐུས་མི། ཨ་མཆོག་ས་ཁུལ་སློབ་གསོ་ཡར་སྐུལ་ཚོགས་པའི་ཚོགས་གཙོ་ཨ་ཁུ་བསྟན་པས་མང་ཚོགས་ཀྱི་འཐུས་ཚབ་བྱས་ནས་གཏམ་བཤད་བྱས།

ལོ་རིམ་བདུན་པའི་སློབ་མ་རྟ་མགྲིན་རྡོ་རྗེ་ཡིས་སློབ་མའི་ཚབ་བྱས་ནས་གཏམ་བཤད་བྱས།

བྱ་འགུལ་མཇུག་རྫོགས་པ་དང་ཡུས་ཁྲིན་ཧུའི་ལ་སོགས་པའི་འགོ་ཁྲིད་རྣམ་པས་སློབ་གྲྭའི་མཚམས་སྦྱོར་བའི་སྣེ་ཁྲིད་འོག་སློབ་ཁྲིད་ཐོག་ཁང་ནས་སློབ་གྲྭའི་མཚམས་སྦྱོར་བརྙན་ཐུང་ལ་བལྟས་པ་དང་། དེ་ནས་སློབ་གྲྭའི་ཁོར་ཡུག་དང་རྩལ་སྦྱོང་ར་བ། སློབ་མའི་ཉལ་ཁང་དང་ཇ་ཁང་སོགས་ལ་ལྟ་རྟོག་བྱས།

　མཇུག་མཐར་སློབ་ཁྲིད་ཐོག་ཁང་གི་མདུན་ནས་རྗེས་དྲན་མཉམ་པར་བླངས།

གསར་འགོད་པ། རྒྱ་འདུ་སངས་རྒྱས།