དེ་བཞིན་གཤེགས་པའི་གསུང་འབྲས་ཆན་གྱི་སྣོད་ཅེས་བྱ་བའི་མདོ་རྒྱ་བོད་ཤན་སྦྱར།

འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཽངྒལ་གྱི་བུ་ཆེན་པོས་མངོན་ཤེས་དྲུག་གསར་དུ་ཐོབ་ཅིང་། ཕ་མས་ནུ་ཞོས་གསོས་པའི་དྲིན་ལན་གསབ་པའི་སླད་དུ། ཕ་མ་འདྲེན་པར་དགོངས་ཏེ་མངོན་པར་ཤེས་པའི་སྤྱན་གྱིས་འཇིག་རྟེན་དུ་གཟིགས་པ་ན། རང་གི་མ་ཡུམ་ཤི་བ་ཡི་དྭགས་སུ་སྐྱེས་ཏེ་ཟས་སྐོམ་མ་རྙེད་པར་བཀྲེས་སྐོམ་གྱིས་རིད་ཅིང་གདུང་བ་གཟིགས་སོ།

目连悲哀，即以钵盛饭，往饷其母，母得钵饭，即以左手障钵，右手搏食，食未入口，化成火炭，遂不得食。目连大叫，悲号涕泣，驰还白佛，具陈如此。

མཽངྒལ་གྱི་བུ་ཡིད་རབ་ཏུ་གདུང་བཞིན་དེ་མ་ཐག་ལྷུང་བཟེད་ཟས་ཀྱིས་བཀང་བ་ཁྱེར་ཏེ་མ་ལ་སྟེར་བ་ན། མས་ལྷུང་བཟེད་ཀྱི་ཟས་ལག་ཏུ་བཟུང་སྟེ་ལག་པ་གཡོན་པས་གཡོགས་ཤིང་གཡས་པས་ཟས་རིལ་བུར་བསྒྲིལ་ཏེ་བཟའ་བར་བརྩམ་པ་ན། ཁར་མ་སླེབས་གོང་མེ་རུ་འབར་ནས་ཐལ་བར་གྱུར་ཏེ་ཟ་བར་མ་ནུས་པས་མོའུ་འགལ་གྱི་བུ་འོ་དོད་འབོད་ཅིང་སྙིང་རྗེས་སྤྱན་ཆབ་བླགས་སོ། །དེ་ནས་བཅོམ་ལྡན་འདས་བཞུགས་པའི་གནས་ག་ལ་བ་དེར་ལྷགས་ཏེ་བཅོམ་ལྡན་འདས་ལ་ཚུལ་དེ་ཉིད་དེ་བཞིན་དུ་གསོལ་ཏོ། །

佛言：‘汝母罪根深结，非汝一人力所奈何。汝虽孝顺，声动天地、天神地祇、邪魔外道、道士四天王神，亦不能奈何。当须十方众僧威神之力乃得解脱。吾今当说救济之法，令一切难皆离忧苦。’

དེ་ནས་བཅོམ་ལྡན་འདས་ཀྱིས་བཀའ་བསྩལ་པ། ཁྱོད་ཀྱི་མའི་སྡིག་པའི་རྩ་བ་ཤིན་ཏུ་ཟབ་པས་ཁྱོད་གཅིག་པུའི་ནུས་པས་ཇི་ལྟར་ལྕོགས། ཁྱོང་རང་མ་ལ་བྱམས་གུས་བསྙེན་བཀུར་གྱི་གྲགས་པས་ས་གནམ་གཡོ་བར་བྱེད་ཀྱང་། ལྷ་དང་ས་བདག་དང་། གནོད་སྦྱིན་དང་། བདུད་དང་། མུ་སྟེགས་དང་། བྲམ་ཟེ་དང་། རྒྱལ་བོ་ཆེན་པོ་བཞིས་ཀྱང་སྐྱོབ་པར་མི་ནུས་སོ། ། དེས་ན་ཕྱོགས་བཅུའི་དགེ་འདུན་པའི་ཚོགས་ཀྱི་ནུས་པ་དང་བྱིན་མཐུ་ལ་བརྟེན་པར་བྱས་ན་གཞི་ནས་གྲོལ་བར་འགྱུར་བས་དེང་བདག་གིས་སྐྱོབ་པའི་ཐབས་ཤིག་སྨྲ་བར་བྱེད་ན། ཐབས་དེས་ཉམ་ང་བའི་གདུང་བ་ཐམས་ཅད་དང་། སྡུག་བསྔལ་མཐའ་དག་ལས་གྲོལ་བར་འགྱུར་རོ། །

佛告目连：‘十方众生，七月十五日，僧自恣时，当为七世父母及现在父母厄难中者，具饭、百味五果、汲灌盆器、香油锭烛、床敷卧具、尽世甘美以著盆中，供养十方大德众僧。

དེ་ནས་བཅོམ་ལྡན་འདས་ཀྱིས་མཽངྒལ་གྱི་བུ་ལ་བཀའ་བསྩལ་པ། ཕྱོགས་བཅུ་ན་བཞུགས་པའི་དགེ་འདུན་གྱི་སྡེ་མཐའ་དག་ལ་ཟླ་བདུན་པའི་ཚེས་བཅྭོ་ལྔ་དགག་དབྱེའི་སྐབས་སུ། སྡུག་བསྔལ་མྱོང་བཞིན་པའི་ཚེ་རབས་བདུན་བརྒྱུད་ཀྱི་ཕ་མ་དང་ཚེ་འདིའི་ཕ་མའི་སླད་དུ། རོ་བརྒྱ་ལྡན་པའི་ཞལ་ཟས་དང་། སིལ་ཏོག་ལྔ། ཁྲུས་གསོལ་གྱི་སྣོད། མར་མེ་དང་ཁྲི་གདན་མལ་ཆ། འཇིག་རྟེན་ན་ཆེས་ཞིམ་མངར་ལྡན་པའི་རྫས་རྣམས་སྣོད་དུ་བསགས་ཏེ་ཕྱོགས་བཅུའི་དགེ་འདུན་བཙུན་པ་རྣམས་ལ་དབུལ་བར་བགྱིའོ། །

当此之日，一切圣众，或在山间禅定、或得四道果、或在树下经行、或六通自在教化声闻缘觉、或十地菩萨大人，权现比丘，在大众中，皆同一心，受钵和罗饭，具清净戒，圣众之道，其德汪洋。

ཉིན་དེ་ལ་ནི་འཕགས་པའི་དགེ་འདུན་ཐམས་ཅད་རི་ཡི་ཁྲོད་དུ་ཏིང་ངེ་འཛིན་ལ་གནས་པ་དང་། ཡང་ན་འབྲས་བུ་བཞི་བོ་གང་རུང་མངོན་དུ་བྱེད་པའམ། ལྗོན་ཤིང་གི་རྩར་སྤྱད་པ་སྤྱོད་པར་བྱེད་པའམ། མངོན་ཤེས་དྲུག་ལ་རང་དབང་འབྱོར་བས་ཉན་ཐོས་དང་རང་སངས་རྒྱས་འདུལ་བར་མཛད་པའམ། ས་བཅུ་ལ་གནས་པའི་བྱང་ཆུབ་སེམས་དཔའ་ཆེན་པོ་རྣམས་ཀྱང་དགེ་སློང་གི་གཟུགས་ཀྱིས་ཚོགས་པ་ཆེན་པོའི་དབུས་སུ་དགོངས་པ་གཅིག་གིས་ལྷུང་བཟེད་ཀྱི་ཟས་ལ་སྤྱོད་པར་བྱེད་ཅིང་། ཚུལ་ཁྲིམས་རྣམ་པར་དག་པ་དང་། འཕགས་པའི་ཚོགས་ཀྱི་ལམ་ལ་གནས་པ། ཡོན་ཏན་གྱི་ཚོགས་རྒྱ་མཚོ་ལ་ཞུགས་པ་ཤ་སྟག་གོ། །

其有供养此等自恣僧者，现世父母、六亲眷属，得出三涂之苦应时解脱，衣食自然；若父母现在者，福乐百年；若七世父母生天，自在化生，入天华光。’

དེ་ལ་དགེ་འདུན་དགག་དབྱེ་ལ་གནས་པ་རྣམས་ལ་འདི་ལྟ་བུ་ཡི་མཆོད་པ་ཕུལ་ན་ནི་ཚེ་འདི་ཡི་ཕ་མ་དང་། གཉེན་ཉེ་འཁོར་རྣམས་ཀྱང་ངན་སོང་གསུམ་ལས་ཐར་བར་འགྱུར་ཞིང་། ཟས་གོས་རང་དབང་དུ་འབྱོར་ཞིང་། ཚེ་ལོ་བརྒྱ་ཐུབ་པ། བདེ་སྐྱིད་བསོད་ནམས་ཀྱི་དཔལ་ལ་རོལ་བ་དང་། གང་དག་འདས་ཟིན་པའི་ཚེ་རབས་བདུན་གྱི་ཕ་མ་རྣམས་ཀྱང་རང་དབང་དུ་བརྫུས་ཏེ་སྐྱེ་ཞིང་། ལྷའི་གནས་སུ་འོད་ཟེར་འཕྲོ་བའི་ལུས་དང་ལྡན་པར་འགྱུར་རོ། །

时佛敕十方众僧，皆先为施主家咒愿，愿七世父母行禅定意，然后受食。初受食时，先安在佛前，塔寺中佛前，众僧咒愿竟，便自受食。

དེའི་ཚེ་བཅོམ་ལྡན་འདས་ཀྱིས་ཕྱོགས་བཅུ་ཡི་དགེ་འདུན་རྣམས་ལ། ཐོག་མར་ཀུན་གྱིས་སྦྱིན་པའི་བདག་པོའི་ཁྱིམ་དུ་སྔགས་དང་སྨོན་ལམ་བརྗོད་དེ། ཚེ་རབས་བདུན་གྱི་ཕ་མ་རྣམས་སེམས་ཏིང་ངེ་འཛིན་ལ་སྤྱོད་པར་སྨོན་ནས་ཟས་ལ་ལོངས་སྤྱོད་པ་དང་། སངས་རྒྱས་སམ། མཆོད་རྟེན་ནམ། གཙུག་ལག་ཁང་གི་དྲུང་དུ་འཁོད་ནས་སྔགས་དང་སྨོན་ལམ་བརྗོད་ནས་བདག་ཉིད་ཟས་ལ་ལོངས་སྤྱོད་པར་བྱའོ་ཞེས་གདམས་པར་མཛད་དོ། །

时目连比丘及大菩萨众皆大欢喜，目连悲啼泣声释然除灭。

དེའི་ཚེ་དགེ་སློང་མཽངྒལ་འགལ་གྱི་བུ་དང་། བྱང་ཆུབ་སེམས་དཔའ་ཆེན་པོ་ཡི་ཚོགས་རྣམས་མངོན་པར་དགའ་བས་ཡི་རང་ཏེ་མཽངྒལ་གྱི་བུ་ཐུགས་རྗེས་ཤུགས་ཀྱིས་མཆི་མ་འདོན་པའང་དེ་ཉིད་དུ་མཚམས་ཆད་དོ། །

时目连母即于是日，得脱一劫饿鬼之苦。

ཡང་དེའི་ཚེ་མཽངྒལ་བུའི་མ་དེ་ཉིད་ཀྱང་བསྐལ་བ་གཅིག་གི་ཡུན་གྱི་ཡི་དྭགས་སུ་སྐྱེ་བའི་སྡུག་བསྔལ་ལས་ཉིན་དེར་ཐར་བར་གྱུར་ཏོ། །

目连复白佛言：‘弟子所生母，得蒙三宝功德之力，众僧威神力故。若未来世，一切佛弟子，亦应奉盂兰盆，救度现在父母，乃至七世父母，可为尔否？’

དེ་ནས་མོའུ་འགལ་གྱི་བུས་སླར་ཡང་བཅོམ་ལྡན་འདས་ལ་གསོལ་བ། སློབ་མ་བདག་ཉིད་བསྐྱེད་པའི་མ་ནི་དཀོན་མཆོག་གསུམ་གྱི་ཡོན་ཏན་དང་། དགེ་འདུན་པའི་བྱིན་མཐུ་ལ་བརྟེན་པ་ལགས་ན། མ་འོངས་པའི་དུས་སུ་བཅོམ་ལྡན་འདས་ཀྱི་བུ་སློབ་རྣམས་ཀྱང་འབྲས་ཆན་འདེགས་པའི་ལྷུང་བཟེད་ཀྱི་མདོ་ཞེས་བྱ་བས་ཚེ་འདིའི་ཕ་མ་ནས་ཚེ་རབས་བདུན་གྱི་ཕ་མ་རྣམས་ཀྱང་སྒྲོལ་བར་བྱེད་ནུས་སམ།

佛言：‘大善快问！我正欲说，汝今复问。

བཅོམ་ལྡན་འདས་ཀྱིས་བཀའ་བསྩལ་པ། དགེ་བ་ཆེན་པོ། དོན་འདི་མྱུར་དུ་དྲིས་པ་ལེགས་སོ། །བདག་གིས་ཀྱང་དེང་མངོན་དུ་སྨྲ་བར་འདོད་ན། ཁྱོད་ཀྱིས་དྲིས་པ་དེ་ཤིན་ཏུ་ལེགས་སོ། །

善男子！若比丘比丘尼、国王太子、大臣宰相、三公百官、万民庶人，行慈孝者，皆应先为所生现在父母、过去七世父母，于七月十五日，佛欢喜日，僧自恣日，以百味饭食，安盂兰盆中，施十方自恣僧

རིགས་ཀྱི་བུ། གལ་ཏེ་དགེ་སློང་དང་དགེ་སློང་མ། རྒྱལ་བོ་དང་རྒྱལ་སྲས། བློན་དང་བློན་ཆེན་པོ། གཞུང་གསུམ་དཔོན་རིགས་དང་། འབངས་མིའི་སྐྱེ་བོ་ཀུན་གྱིས་བྱམས་པ་དང་བརྩེ་བས་སྲི་ཞུ་བྱེད་ན། ཐམས་ཅད་ཀྱིས་ཐོག་མར་ཚེ་འདིའི་ཕ་མ་དང་། འདས་པའི་ཚེ་རབས་བདུན་གྱི་ཕ་མའི་སླད་དུ། ཟླ་བདུན་པའི་ཚེས་བཅྭོ་ལྔ་བཅོམ་ལྡན་འདས་ཐུགས་དགྱེས་པའི་ཉིན། དགེ་འདུན་གྱི་དགག་དབྱེའི་ཉིན་མོ་དེར། འབྲས་ཆན་གྱི་སྣོད་དུ་རོ་བརྒྱ་དང་ལྡན་པའི་ཁ་ཟས་དག་བཞག་ནས་ཕྱོགས་བཅུ་ཡི་དགག་དབྱེ་ལ་གནས་པའི་དགེ་འདུན་ལ་རྣམས་ལ་དབུལ་བར་བྱའོ། །

愿使现在父母，寿命百年无病、无一切苦恼之患，乃至七世父母离恶鬼苦，生人天中，福乐无极。

ད་ལྟ་འཚོ་ཞིང་གཞེས་པའི་ཕ་དང་མ་ནད་མེད་ཚེ་ལོ་བརྒྱ་ཐུབ་པ་དང་། སྡུག་བསྔལ་དང་ཉམ་ང་བའི་མནར་བ་ཐམས་ཅད་དང་བྲལ་ནས། ཚེ་རབས་བདུན་གྱི་ཕ་མའི་བར་ཡི་དྭགས་ཀྱི་སྡུག་བསྔལ་དང་བྲལ་བ་དང་། ལྷ་དང་མི་ཡི་ནང་དུ་སྐྱེས་ནས་ཀྱང་དགའ་བ་དང་བདེ་བ་མཐའ་དང་བྲལ་བ་འཐོབ་པར་སྨོན་པ་ཡིན་ནོ། །

是佛弟子修孝顺者，应念念中，常忆父母，乃至七世父母。年年七月十五日，常以孝慈，忆所生父母，为作盂兰盆，施佛及僧，以报父母长养慈爱之恩。

གང་དག་བཅོམ་ལྡན་འདས་ཀྱི་སློབ་མ་སྲི་ཞུ་དོན་དུ་གཉེར་བ་རྣམས་ནི་རྟག་ཏུ་ཕ་མ་དྲན་པ་ནས་ཚེ་རབས་བདུན་གྱི་ཕ་མའི་བར་དུ་ཡང་ཡང་ཡིད་ལ་བྱེད་པ་དང་། ལོ་རེའི་ཟླ་བདུན་པའི་ཚེས་བཅྭོ་ལྔར་བྱམས་བརྩེས་བཀུར་སྟི་དང་། ཚེ་འདིའི་ལུས་སྦྱིན་གྱི་ཕ་མ་ཡིད་ལ་དྲན་ནས་ཕ་མའི་གཅེས་སྐྱོང་གི་དྲིན་ལན་བསབ་པའི་ཕྱིར་དུ་སངས་རྒྱས་དང་དགེ་འདུན་ལ་མཆོད་པར་བྱེད་དོ། །

若一切佛弟子，应常奉持是法。’

སངས་རྒྱས་བཅོམ་སྡན་འདས་ཀྱི་རྗེས་འཇུག་པ་ཡོད་དོ་ཅོག་གིས་ངེས་པར་དུ་ཆོས་འདི་ཉམས་སུ་ལེན་པར་བྱོས་ཤིག

时目连比丘、四众弟子，欢喜奉行。

དེའི་ཚེ་དགེ་སློང་མོའུ་འགལ་གྱི་བུ་དང་འཁོར་རྣམ་བཞི་དང་བཅས་ཡི་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དེ་བཞིན་གཤེགས་པའི་གསུང་འབྲས་ཆན་འདེགས་པའི་སྣོད་ཅེས་བྱ་བའི་མདོ་རྫོགས་སོ། །

མདོ་འདི་མ་ཧཱ་ཙི་ནའི་ནུབ་ཅིན་ཞེས་༢༦༥—༣༡༧པའི་དུས་རབས་སུ་རྒྱ་གར་གྱི་ལོ་ཙཱ་བ་དྷརྨ་རཀྵི་ཏའམ་ཆོས་སྲུང་གིས་རྒྱ་ནག་སྐད་དུ་བསྒྱུར་པ་དང་། ཉེ་དུས་དཔའ་རིས་བློ་བཟང་རྒྱ་མཚོས་བོད་ཡིག་ཏུ་བསྒྱུར་བ་མཐོང་བའི་རྐྱེན་བྱས། ཉིས་སྟོང་ཉེར་གཅིག་ཟླ་བརྒྱད་ཚེས་བདུན་ལ་ཕྲན་སྒང་བ་བསྟན་པའི་རྒྱལ་མཚན་དང་བཞག་པ་རིན་པོ་ཆེ་ཟུང་གིས་ 三公百官 སོགས་ཀྱི་ཚིག་ལས་འཕྲོས་ཏེ་མདོ་དངོས་མ་ཡིན་མིན་དོགས་སློང་དང་བཅས་གྲོང་ཁྱེར་སྤོས་ངད་ལྡང་བར་ཇ་གླེང་རྩེད་མོའི་ཞར་ལ་མགྱོག་པར་བསྒྱུར།

འབྲས་ཆན་འདེགས་པ་ཞེས་བྱ་བའི་མདོའི་གསལ་བཤད།

【盂兰盆】ཡུས་ལན་པན་ཅིན་་་་ཟེར་བའི་མདོ་འདི་རྒྱ་ནག་དང་། ཉི་ཧོང་། ཀོ་རི་ཡ་སོགས་སུ་དར་ཁྱབ་ཤིན་ཏུ་ཆེ། རྒྱ་ནག་འགྱུར་གྱི་མཛད་བྱང་ལས་གསལ་བ་ལྟར་ན། ཅིན་ནུབ་མའི་265—317རྒྱལ་རབས་ཀྱི་ཀྲོས་ཧྥ་ཧོས་ 竺法护སྟེ་ལེགས་སྦྱར་ལ། घर्मरक्क्षित་་་་རྒྱ་གར་སློབ་དཔོན་ཆོས་སྐྱོང་ཟེར་བས་ཐོག་མར་འགྱུར་བར་བཤད། 竺法兰 དང་འདི་གཉིས་མི་གཅིག་སྟེ་ཀྲོས་ཧྥ་ལན་ནི་ནུབ་རྒྱུད་ཤིན་ཅང་མི་སྤྱི་ལོ་༦༧ལོར་རྒྱ་ནག་ཏུ་འབྱོར་བས་ཀྲོས་ཧྥ་ཧོས་ཀྱི་ལོ་བརྒྱ་ཕྲག་གཉིས་ཙམ་སྔོན་གྱི་མི་ཡིན། 竺法兰 ལན་ནམ་སློབ་དཔོན་ཆོས་དགའ ༼竺法兰་་་་་་་་竺ནི་天竺སྟེ་“རྒྱ་གར་གྱི་དོན་དང་། 法兰 ནི་ལེགས་སྦྱར་धर्मरत དྷརྨ་ར་ཏ་ཟུར་ཉམས་པ་ཡིན་པས། ཆོས་དགའ་ཞེས་པའི་དོན་ཡིན། ༽ལོ་ཆེན་གྱིས་བསྒྱུར་བར་གྲགས་མོད། ཡུལ་མི་རང་བཞིན་པའི་སྐད་དང་། ལེགས་སྦྱར་གང་ཞིག་ལས་བསྒྱུར་གསལ་ཁ་མ་བྱུང་། རྒྱ་ནག་ཐང་རྒྱལ་རབས་དང་དེའི་གོང་གི་མཁས་པ་རྣམས་ཀྱང་མདོ་འདིའི་མཚན་བྱང་ཇི་ལྟར་བྱུང་བའི་སྐོར་ལ་དགོངས་ཚུལ་མི་འདྲ་བ་ཡོད། ལ་ལས་མདོ་འདི་ལེགས་སྦྱར་སྐད་དུ། अवलम्बन ཨ་བ་ལམྦ་ན་་་༼ अव ཉེར་སྒྱུར་དང་། लम्ब् བྱིངས་(འཕྱང་བ་)དང་། འོག་ཏུ་ཀྲྀཏ྄་རྐྱེན་ ལྱུཊ྄་(=ཨ་ན་) བསྣན་ནས་ अवलम्बन རུ་གྲུབ༽ དང་དེ་དང་གོ་དོན་གཅིག་པ་པྲ་ཀྲྀ་ཏའི་སྐད་དུ། उल्लम्बन ཨུ་ལླམྦ་ན་་་་ཟེར་བ་རྒྱ་ཡིག་གི་་་ 盂兰盆 དང་སྒྲ་མཉམ་པོ་བྱུང་སྟེ། （उ盂ल्लम्兰बन盆） འདྲ་བའི་ཕྱིར་ཟེར། བོད་སྐད་དུ་བསྒྱུར་ན། གཞོལ་བའམ་འཕྱང་བ་ཞེས་པའི་མཚན་གང་རུང་འདོགས་པའམ། ཡང་ལ་ལས། 【盂兰盆 ལེགས་སྦྱར་གྱི་་་ཨོ་ད་ན་་་་སྟེ་་་་འབྲས་ཆན་དང་། 盆 ནི་་་་པཱ་ཏྲ་་་་སྟེ་ལྷུང་བཟེད་དམ་སྣོད་ཀྱི་མིང་ཡིན་པས། ཨུ་ད་ན་པཱ་ཏྲ་ནཱ་མ་སཱུ་ཏྲ་་་སྟེ་འབྲས་ཆན་གྱི་སྣོད་ཅེས་བྱ་བའི་གོ་དོན་དུ་བསྒྱུར། མདོ་འདི་ལ་མ་ཧཱ་ཙི་ནའི་སྐད་དུ། མཚན་བྱང་གཞན་པ་ཞིག་བྱུང་བ་ནི། 佛說報恩奉盆經ཟེར་བ་སྟེ་རྒྱ་ནག་东晋(317-420) ཅིན་ཤར་མའི་རྒྱལ་རབས་ཀྱི་ཆོས་མཛོད་དཀར་ཆག་ལས་གསལ་བཞིན་ཡོད་པས་ད་བར་ལོ་ངོ་ཆིག་སྟོང་བདུན་བརྒྱ་མ་ལོན་ཙམ་གྱི་ལོ་རྒྱུས་སོང་། བོད་སྐད་དུ། དུས་ཕྱིས་དཔའ་རིས་བློ་བཟང་རྒྱ་མཚོ་ལགས་ཀྱིས་༼དེ་བཞིན་གཤེགས་པས་ཐུར་འཕྱང་གི་སྡུག་བསྔལ་ལས་བསྐྱབས་པའི་མདོ་ཞེས་བྱ་བ་བཞུགས་སོ། །༽ཞེས་བསྒྱུར་བ་ནི་མཚན་བྱང་ལས་ལྷག་པའི་གོ་དོན་མང་བོས་རྫོབ་བསྲེས་པས་སྙན་པོ་མ་བྱུང་འདུག མདོ་འདིའི་ལེགས་སྦྱར་བློ་བཟོ་་ཞིག་བྱེད་དགོས་ན། རྒྱ་གར་པྲ་ཀྲྀ་ཏའི་སྐད་དུ། अुल्लम्बननामसूत्र་་་་ཨུལླམྦ་ན་ནཱ་མ་སཱུ་ཏྲ། བོད་སྐད་དུ། འཕྱང་བ་ཞེས་བྱ་བའི་མདོའམ། ཡང་ན། རྒྱ་གར་སྐད་དུ། अुदनपात्रनामसूत्र་་་་་་ ཨུ་ད་ན་པཱ་ཏྲ་ནཱ་མ་སཱུ་ཏྲ། བོད་སྐད་དུ། འབྲས་ཆན་གྱི་སྣོད་ཅེས་བྱ་བའི་མདོ། ཞེས་བསྒྱུར་ཏེ་གཞུང་དོན། ལུགས་རྙིང་ཟླ་བདུན་པའི་ཚེས་བཅོ་ལྔ་ལ་ལྷུང་བཟེད་ཀྱི་སྣོད་གཙོ་བྱས་པའི་སྣོད་སྣ་ཚོགས་ཀྱི་ནང་དུ་མཆོད་རྫས་སྣ་ཚོགས་དང་མར་མེས་བཀང་སྟེ་ཕྱོགས་བཅུའི་དགེ་འདུན་བླ་མ་མཆོག་གསུམ་ལ་བསྙེན་བཀུར་མཆོད་འབུལ་བྱས་པས་ཚེ་འདིའི་ཕ་མའི་གཙོ་བྱས་པའི་བདུན་བརྒྱུད་ཚུན་ཆད་ཀྱི་དྲིན་ཅན་ཕ་མའི་ལས་ངན་པའི་སྡིག་སྒྲིབ་དག་སྟེ་དྲིན་ལན་འཁོར་ཚུལ་མཽ་གལ་གྱི་བུའི་བྱུང་བ་བཞིན་བསམ་ཆོག་ཅིང་། མདོ་རང་འདོན་པའི་ཞར་ལ་་བྱ་འགུལ་ཡིད་དུ་འོང་བ་མང་བོ་ཞིག་ཡོད་པ་དག་ཀྱང་རང་རེ་བོད་པ་རྣམས་ཀྱིས་བྱེད་ཆོག་ཆོག་ཏུ་ཡོད། འོན་ཀྱང་སྤྱི་ཚོགས་སྟེང་གི་ཞིབ་འཇུག་པ་མང་བོ་ཞིག་གིས་ནི་མདོ་འདི་རྒྱ་ནག་པ་རང་གིས་བཟོས་པའི་མདོ་ཞིག་ཡིན་པར་ངོས་འཛིན་མཁན་ཡང་བྱུང་བཞིན་ཡོད་དོ། །

ཞེས་པ་འདིའང་ཁམས་རྫོགས་ཆེན་དགོན་པའི་ཆོས་གྲོགས་རིན་པོ་ཆེ་གུར་དགའ་ཚང་ནས་དྲ་ལམ་བརྒྱུད་དེ་བདག་ལ་མདོ་འདིའི་མཚན་བྱང་ལེགས་སྦྱར་ཡོད་མེད་སོགས་ཀྱི་དྲི་བ་གནང་བའི་ལན་ཙམ་དུ་ཕྲན་ཤཱ་ས་ན་དྷྭ་ཛས་སྤྱི་ཟླ་བརྒྱད་པའི་ཚེས་བཞིའི་མཚན་མོ་ཆུ་ཚོད་བཅུ་གཉིས་ལ་ཉེ་བར་བྲིས་ཏེ་ཕུལ།

སྤྱིའི་ལྟ་སྐུལ་བ། སློབ་གྲྭའི་དབུ་བཞུགས་ལྷན་ཚོགས།
གཙོ་སྐྱོང་སྡེ་ཁག ཐོན་མིའི་སློབ་ཚོགས།
དོ་དམ་པ། ཁཱ་ཤེས་རབ་རྒྱ་མཚོ།
ཞིབ་དཔྱད་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། འབའ་སྣང་གྲོལ།
རྩོམ་སྒྲིག་ཨུ་ཡོན། འོད་ཟེར་བཟང་བོ། བསོད་ནམས་རབ་སྣང་། འཕྲིན་ལས་ཉི་མ། བན་ཤུལ་འཇམ་དབྱངས་ཡེ་ཤེས། དམ་ཆོས་ཕུན་ཚོགས། སྦྲ་ནག་འཇིགས་མེད་རྡོ་རྗེ།