༄༅།། འཇམ་མགོན་བླ་མས་དོན་ཆེན་པོ་གསུམ་གྱི་སྒོ་ནས་གསོལ་བ་འདེབས་ཚུལ་གྱི་མཆན་འགྲེལ་མདོར་བསྡུས།

三大事祈请之理

བཛྲ་ཚུལ་ཁྲིམས་རྒྱ་མཚོ།

班子尔慈智加措

    འཇམ་མགོན་བླ་མ་ཤར་ཙོང་ཁ་བ་ཆེན་པོའི་ཞལ་ནས། བཤེས་གཉེན་ལ་མ་གུས་པ་ནས་བདག་གཉིས་སུ་མཚན་མར་འཛིན་པའི་བར་གྱི་ཕྱིན་ཅི་ལོག་གི་བློ་སྣ་མཐའ་དག་མྱུར་དུ་འགག་པ་དང་། བཤེས་གཉེན་ལ་གུས་པ་ནས་བདག་མེད་པའི་དེ་ཁོ་ན་ཉིད་རྟོགས་པའི་བར་གྱི་ཕྱིན་ཅི་མ་ལོག་པའི་བླ་ོསྣ་ཐམས་ཅད་བདེ་བླག་ཏུ་སྐྱེ་བ་དང་། ཕྱི་དང་ནང་གི་བར་ཆད་ཐམས་ཅད་ཉེ་བར་ཞི་བར་བྱིན་གྱིས་བརླབ་ཏུ་གསོལ། ཞེས་གསུངས།

    妙音怙主东宗喀巴大师说：＂惟愿加持，从不恭敬善知识起，乃至执着二种我相所有一切颠倒分别，速当灭除。从恭敬善知识起，乃至通达无我真实，所有一切无颠倒心，速当发起，及其内外一切障缘，悉当寂灭。＂

    མཆན་འགྲེལ་མདོར་བསྡུས། རྗེ་བླ་མས་གསུངས་པའི་དོན་ཆེན་པོ་གསུམ་གྱི་སྒོ་ནས་གསོལ་བ་འདེབས་ཚུལ་འདི་ཚིག་ཉུང་དོན་འདུས་ཞིག་སྟེ། འདིའི་ནང་དུ་ལམ་གྱི་རིམ་པ་ཆ་ཚང་ཞིག་འདུ་བའི་ཕྱིར་རོ།།

    注解：至尊上师所写的这种以三大事祈请之理，真乃言简意赅，因这几句已总摄完整的修道次第之故。

    དོན་ཆེན་པོ་གསུམ་ནི། 

༼༡༽ བཤེས་གཉེན་ལ་མ་གུས་པ་སོགས་ཕྱིན་ཅི་ལོག་གི་བློ་སྣ་འགག་པ། 

༼༢༽ བཤེས་གཉེན་ལ་གུས་པ་སོགས་ཕྱིན་ཅི་མ་ལོག་པའི་བླ་ོསྣ་སྐྱེ་བ། 

༼༣༽ ཕྱི་ནང་གསང་བའི་བར་ཆད་མཐའ་དག་ཞི་བ་གསུམ་མོ།།

    三大事，即三件大事：

（1）断除不恭敬善知识等颠倒心。

（2）生起恭敬善知识等不颠倒心。

（3）息灭内、外、秘密障碍。

    དང་བོ། ཕྱིན་ཅི་ལོག་གི་བློ་སྣ་ཞེས་པ་ནི་གང་དག་ཡིན་ཞེ་ན།

༼༡༽ བཤེས་གཉེན་ལ་མི་གུས་པ།

༼༢༽ དལ་འབྱོར་ཆུད་གཟོན་པ།

༼༣༽ འཆི་བ་མི་དྲན་པ།

༼༤༽ ཚེ་འདིའི་བདེ་ཐབས་ཙམ་བསྒྲུབ་པ།

༼༥༽ ངན་འགྲོར་མི་འཇིགས་པ།

༼༦༽ ཡང་དག་པའི་སྐྱབས་མི་འཚོལ་བ།

༼༧༽ ལས་འབྲས་མི་སེམས་པ།

༼༨༽ བླང་དོར་ལོག་པར་བསྒྲུབ་པ།

༼༩༽ འཁོར་བ་བདེ་བར་འཛིན་པ།

༼༡༠༽ འཁོར་བའི་རྒྱུ་ལས་ཉོན་སྤེལ་བ།

༼༡༡༽ ཐར་བར་མི་སྤྲོ་བ།

༼༡༢༽ བསླབ་པ་གསུམ་མི་བསྟེན་པ།

༼༡༣༽ མར་གྱུར་འགྲོ་བ་རྣམས་ཡལ་བར་འདོར་བ།

༼༡༤༽ རང་ཉིད་ཁོ་ན་གཅེས་པར་འཛིན་པ།

༼༡༥༽ ཆོས་ཐམས་ཅདབདག་གཉིས་སུ་མངོན་པར་ཞེན་པ།

༼༡༦༽ གསང་སྔགས་ལ་མི་མོས་པ་རྣམས་སོ།།

    དེ་དག་ངོས་ཟིན་པ་ན། བླ་མ་ཡི་དམ་དཀོན་མཆོག་གསུམ་ལ་མི་ལྡོག་པའི་དད་གུས་དང་བཅས། ཕྱིན་ཅི་ལོག་གི་བློ་སྣ་འདི་དག་མྱུར་དུ་འགག་པར་བྱིན་གྱིས་བརླབ་ཏུ་གསོལ་ཞེས་གསོལ་བ་དྲག་ཏུ་འདེབས་པའོ།།

    一，颠倒心：即

（1）不恭敬善知识。

（2）不珍惜暇满人身。

（3）不思维死亡无常。

（4）仅求现实利乐。

（5）不畏惧恶趣之苦。

（6）不寻求不欺诳的依处。

（7）不思索因果之理。

（8）颠倒取舍。

（9）妄执轮回为安乐。

（10）轮回之因业惑使其任意增长。

（11）无心追求解脱。

（12）不习修三学。

（13）舍弃一切如母众生。

（14）过度自惜。

（15）一切所知妄执为二种我相。

（16）不信密法。

    认清这些是颠倒之心后，以极为虔诚之心极力祈祷上师本尊三宝 ，祈求加持，所有这些颠倒之心，在我相续中速当断除。

    གཉིས་པ། ཕྱིན་ཅི་མ་ལོག་པའི་བློ་སྣ་ཞེས་པ་གང་དག་ལ་བྱེད་ཅེ་ན།

༼༡༽ བཤེས་གཉེན་ལ་དད་གུས།

༼༢༽ དལ་འབྱོར་ལ་སྙིང་བོ་ལེན་འདོད་པ།

༼༣༽ འཆི་བ་རྗེས་སུ་དྲན་པ།

༼༤༽ ཚེ་འདིའི་འདུན་མ་བསྐྱུངས་པ།

༼༥༽ ངན་སོང་གི་འཇིགས་པ་དྲན་པ།

༼༦༽ དཀོན་མཆོག་གསུམ་སྐྱབས་སུ་འཛིན་པ།

༼༧༽ ལས་འབྲས་བསམས་པ།

༼༨༽ བླང་དོར་ཚུལ་བཞིན་བསྒྲུབ་པ།

༼༩༽ འཁོར་བའི་སྐྱོན་མཐོང་བ།

༼༡༠༽ ལས་ཉོན་སྤོང་བར་འདོད་པ།

༼༡༡༽ ཐར་བ་དོན་དུ་གཉེར་བ།

༼༡༢༽ རྣམ་དག་བསླབ་གསུམ་བསྟེན་པ།

༼༡༣༽ མ་རྣམས་གཅེས་པར་འཛིན་པ།

༼༡༤༽ རང་ཉིད་ཡལ་བར་འདོར་བ།

༼༡༥༽ བདག་མེད་པའི་དོན་མཐོང་བ།

༼༡༦༽ སྔགས་ལ་བློ་མོས་པརྣམས་སོ།།

    འདི་དག་མྱུར་དུ་རྒྱུད་ལ་སྐྱེ་བར་བྱིན་གྱིས་བརླ་བ་ཏུ་གསོལ་ཞེས་བླ་མ་ཡི་དམ་དཀོན་མཆོག་གསུམ་ལ་གསོལ་བ་དྲག་ཏུ་འདེབས་དགོས།

    二，不颠倒心，即：

（1）恭敬善知识。

（2）勤取暇满人身之心要。

（3）思维死亡无常。

（4）减少追求现实的利益而忙碌。

（5）思维恶趣之苦。

（6）真心皈依三宝。

（7）坚信因果。

（8）如理取舍。

（9）正视轮回之过。

（10）立志断除业惑。

（11）真心寻求解脱。

（12）修学清净三学。

（13）惜爱一切如母众生。

（14）舍弃过分自私。

（15）证求无我真实。

（16）敬信清净密乘。
    向上师本尊三宝极力祈求加持，这些无颠倒之心，于我相续中速当生起。

    གསུམ་པ། ཕྱི་ནང་གསང་བའི་བར་ཆད་ཅེས་པ་གང་ལ་ངོས་འཛིན་ཞེ་ན།

༼༡༽ ཕྱིའི་བར་ཆད་ནི། དཔེར་ན་རང་ཉིད་ཡོད་སའི་རྒྱལ་བོ་སོགས་ཀྱིས་རྒྱལ་ཁབ་ཚུལ་བཞིན་མི་སྐྱོང་བ་དང་། འཐབ་རྩོད་འཁྲུགས་ལོང་རྒོད་པ་སོགས་ཕྱིའི་ཁོར་ཡུག་གི་ཆ་ནས་ཆོས་བསྒྲུབ་པའི་བར་ཆད་དུ་འགྱུར་བ་རྣམས་ལ་བའོ།།

༼༢༽ ནང་གི་བར་ཆད་ནི། ནད་གདོན་སྡིག་སྒྲིབ་སོགས་ལ་གོ་དགོས།

༼༣༽ གསང་བའི་བར་ཆད་ནི། རང་བཞིན་གྱིས་དམ་པའི་ཆོས་ལ་མི་དད་པ་དང་རྒྱུད་འདུལ་དཀའ་བ་སོགས་ལ་བྱེད་དོ།།

    བར་ཆད་འདི་དག་རང་གི་དད་སྟོབས་དང་བླ་མ་ཡི་དམ་དཀོན་མཆོག་གསུམ་གྱིས་བྱིན་རླབས་ལ་བརྟེན་ནས་ཉེ་བར་ཞི་བར་མཛད་དུ་གསོལ་བ་འདེབས་དགོས་སོ།།

    三，内、外、秘密障碍：

（1）譬如自己所在的国王不如法治国，或者多发生战乱等障碍修法的外在环境因缘，称之为＂外障碍。＂

（2）所谓内障碍，是指如因四大失调、或者鬼魅作祟而患病失去身体的健康、由于贪嗔痴等烦恼扰乱情绪等障碍修法的内在法。

（3）秘密障碍，是指为不信受正法、或者顽固不化等。祈愿这些所有一切修法的障碍，依靠自心的信受之力，以及上师本尊三宝的力量，悉当寂灭。

2013，8，16于圣地拉卜楞寺。

༄༅།། འཇིག་རྟེན་ཆོས་བརྒྱད་ཀྱི་བྲན་དུ་མ་འགྲོ།

切勿成为八风之奴隶

བཛྲ་ཚུལ་ཁྲིམས་རྒྱ་མཚོ།

班子尔慈智加措

༼༡༽

    གལ་ཏེ་ཆོས་བརྒྱད་ཕྲ་རགས་མ་ལུས་པ་ཡོངས་སུ་སྤངས་ཟིན་པ་ཞིག་ཡིན་ན། དེ་ལ་སངས་རྒྱས་ཞེས་པའི་མཚན་ཕུལ་ཆོག་ལ། ཆོས་བརྒྱད་ཀྱི་ནུས་པ་ཤིན་ཏུ་སྲབ་མོར་བྱས་པ་ཞིག་ཡིན་ན་ནི་འཕགས་པའི་མཚན་ཐོབ་པོ།། གལ་ཏེ་ང་ལྟ་བུའི་རྟག་པར་ཆོས་བརྒྱད་ཀྱི་བྲན་དུ་གྱུར་བ་ཞིག་ཡིན་ན་ནི་སོ་སོ་སྐྱེ་བོ་ཉིད་ལས་མ་འདས་སོ།།

    如果已根除粗细世间八法，那么可以称之为佛陀；如果经由修行，把世间八风的力量已变成极其薄弱，那么这个人可以称之为圣人；但是如果就像我一样经常成为八风的奴隶，那么你就还没有超越凡夫俗子的范围。

༼༢༽

    འོ་སྐོལ་ཆོས་བརྒྱད་ཀྱི་བྲན་དུ་སོང་འདུག་སྟེ། བདེ་སྡུག་ཐམས་ཅད་ཆོས་བརྒྱད་ལ་བཅོལ་བའི་ཕྱིར། དཔེར་ན་གཞན་གྱིས་རང་ལ་བསྟོད་བསྔགས་བྱས་པ་ལྟ་བུའི་གཏམ་ཞིག་ཐོས་པ་ན། བསྟོད་པ་དེ་རང་ལ་འབབ་མིན་གཏན་མི་དཔྱོད་པར་དགའ་ཐག་ཆོད་ཅིང་ང་རྒྱལ་བྱེད།

    其实我们真的是八风的奴隶，因为自己所有苦乐寄托于八风故。比如我们当听到他人对自己的赞叹时，根本不去分析这句赞叹是否属实而感到无比喜悦，甚至得意忘形。

༼༣༽

    གཞན་གྱིས་ཀུན་སློང་རྣམ་དག་སྒོས། ཁྱོད་ལ་སྐྱོན་ཆ་འདི་འདྲ་མཆིས་པས་འདི་ཚོ་ངེས་པར་སྤང་དགོས། མ་སྤངས་ན་ཁྱོད་རང་ཡར་རྒྱས་འགྲོ་བའི་འགལ་རྐྱེན་དུ་འགྱུར་རོ་ཞེས་བཤད་ཚེ། ཐོག་མར་ངེད་ཅག་གིས་ཁོས་བཤད་པ་དེ་བདེན་མི་བདེན་ལ་བསམ་བློ་ཞིབ་མོ་མི་གཏོང་བར། ཁོས་ངའི་སྐྱོན་ཆ་གླེང་སོང་སྙམ་ནས་ང་ཚོ་ཤིན་ཏུ་མི་སྐྱིད།

    比如他人以赤诚的心对我们说，你有一些诸如此类的过失，一定要断除这些弊端，不然它们会障碍你健康成长，这时我们不会扪心自问，我是否真的存在他所说的这些问题，而是首先会怨他揭穿我的过错，于是我感到极为不悦。

༼༤༽

    དེའི་ཕྱིར་ང་ཚོས་་རང་ཉིད་བདེན་ལུགས་དང་ཁོ་རང་བརྫུན་ཚུལ་ཀྱི་སྒྲུབ་བྱེད་མང་དུ་འཚོལ་ཞིང་འགོད་པར་བྱེད། བསམ་བློ་ཞིབ་ཏུ་བཏང་ཚེ། འདི་ནི་ང་ཚོ་ཆོས་བརྒྱད་ཀྱི་དབང་འོག་ཏུ་ཚུད་པའི་རྟགས་ཡང་དག་ཡིན་ལ། གོམས་གཤིས་འདིས་ང་ཚོ་སོར་སྐྱེའི་ས་ལས་འདའ་བའི་གོ་སྐབས་ཡང་ཡང་བཀག་ཅིང་ཡང་ཡང་བསླུས་སོ།།

    因此，我们会尽力搜集许多理论来试图证明，我是对的，他是错的。其实如果我能够反省，就不难发现这就是我们受制于八风的有力证据，这种习性不知障碍了多少次我们要超凡入圣的机会，也不知蒙骗我们多少次了。

རྩོམ་ཡིག་མཁོ་སྤྲོད་པ།  བྱམས་པ་དོན་གྲུབ།   གསར་འགོད་པ།  སྨར་ཁམས་མཁའ་འགྲོ་རྒྱལ།