ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་མཚོ་སྔོན་དུ་རྟོག་ཞིབ་མཛད་སྐབས་ཀྱི་གསུང་བཤད་གནས་བསྡུས།

༡

   མདོ་དབུས་མཐོ་སྒང་གི་སྐྱེ་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཐད་ནས་རྒྱུན་ཆད་མེད་པར་གྲུབ་འབྲས་གསར་བ་བླངས་ཏེ། ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པའི་ཐད་མཚོ་སྔོན་གྱི་ལེའུ་ཧུར་ཐག་གིས་འབྲི་དགོས་ཞེས་ནན་གྱིས་བསྟན།

༢

    སྡེ་ཁུལ་ནི་མི་རིགས་མཐུན་སྒྲིལ་ཡར་ཐོན་གསར་འཛུགས་ཀྱི་གཡུལ་ས་གལ་ཆེན་ཞིག་ཡིན་པའི་ཆ་ནས། རིགས་སོ་སོའི་མི་དམངས་ཀྱི་ལག་གདང་མཉམ་སྦྲེལ་དང་སེམས་པ་མཉམ་སྦྲེལ་གྱི་གོམས་སྲོལ་བཟང་བོ་དར་སྤེལ་བྱས་ཏེ། མི་རིགས་ཚང་མ་ཁྱིམ་ཚང་གཅིག་ལྟར་བརྩེ་བའི་འཆམ་མཐུན་ཁྱིམ་གཞིས་མཉམ་དུ་འཛུགས་སྐྲུན་བྱེད་དགོས།

༣

 མཚོ་སྔོན་པོའི་སྐྱེ་ཁམས་སྲུང་སྐྱོབ་དང་ཁོར་ཡུག་བཅོས་སྐྱོང་ཐད་ནས་བླངས་པའི་ཕན་འབྲས་ནི་ཐོབ་སླ་བ་ཞིག་མིན་པས། ལྡབ་འགྱུར་གྱིས་གཅེས་སྤྲས་དང་རྒྱུན་ཆད་མེད་པར་སྲ་བརྟན་རྒྱ་བསྐྱེད་བྱེད་དགོས།

༤

  སྐྱེ་ཁམས་ནི་ང་ཚོའི་ཐོན་ཁུངས་དང་རྒྱུ་ནོར་རྩ་ཆེན་ཡིན། རྒྱལ་ཁབ་ཀྱི་སྐྱེ་ཁམས་འཐབ་ཇུས་དོན་འཁྱོལ་བཟང་བོ་བྱས་ཏེ། རང་བྱུང་སྐྱེ་ཁམས་སྲུང་སྐྱོབ་དང་རང་བྱུང་ཐོན་ཁུངས་སྐྱེད་སྲིང་བྱེད་པ། སྐྱེ་དངོས་སྣ་མང་ཅན་ལ་སྲུང་སྐྱོབ་བཟང་བོ་བཅས་བྱེད་དགོས་ཞེས་གསུངས།

༥

    ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་སྐབས། མི་རིགས་གཅིག་ཀྱང་ཆད་མི་ཆོག ཀྲུང་ཧྭ་མི་རིགས་ཀྱི་ཁྱིམ་གཞི་ཆེན་པོའི་ནང་ཚང་མ་སེ་འབྲུ་དང་འདྲ་བར་དམ་དུ་འབྲེལ་ཏེ་ཕན་ཚུན་སྤུན་ལྟར་བརྩེ་བ་དང་ཕན་ཚུན་རོགས་རེས་བྱས་ན། མི་རིགས་བསྐྱར་དར་གྱི་རླབས་ཆེན་ཕུགས་འདུན་མངོན་འགྱུར་བྱེད་ཐུབ་པ་དང་། མི་རིགས་མཐུན་སྒྲིལ་ཡར་ཐོན་གྱི་གྲུབ་འབྲས་སྲ་བརྟན་དུ་གཏོང་ཐུབ་ཅེས་གསུངས།

༦

   ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པའི་ཐད་མཚོ་སྔོན་གྱི་ལེའུ་ཧུར་ཐག་གིས་འབྲི་དགོས་ཞེས་ནན་གྱིས་བསྟན།

༧

    སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས་ན། ཆེས་ཁྱད་ཆོས་ལྡན་པའི་ཐོན་ལས་དང་ཆེས་གསོན་ཤུགས་ལྡན་པའི་ཁེ་ལས་དམ་འཛིན་བྱེད་མཁས་པར་བྱེད་པ་དང་། ཁྱད་ལྡན་ཐོན་ལས་ལ་བརྟེན་ནས་སྤུས་ལེགས་ཁེ་ལས་སྐྱེད་སྲིང་བྱེད་པ། ཁེ་ལས་ཀྱི་འཕེལ་རྒྱས་ལ་བརྟེན་ནས་ཐོན་ལས་སྤུས་འདེགས་ལ་སྐུལ་ཁྲིད་བྱེད་དགོས།

༨

   དམངས་གཉེར་ཁེ་ལས་ཀྱི་འཕེལ་རྒྱས་ལ་སྐུལ་ཁྲིད་དང་རྒྱབ་སྐྱོར། ཁྲིད་སྟོན་བཅས་བྱེད་པའི་སྲིད་ཇུས་ཀྱི་ཁོར་ཡུག་ཧུར་ཐག་གིས་བསྐྲུན་དགོས་ཞེས་གསུངས།

༩

    ཁེ་ལས་ཀྱི་གསར་གཏོད་ཞབས་ཞུའི་མ་ལག་མྱུར་དུ་འཐུས་ཚང་དུ་གཏོང་བ་དང་། ཁེ་ལས་ཀྱིས་ཚན་རྩལ་གསར་གཏོད་ཐད་མ་དངུལ་མང་དུ་གཏོང་བར་སྐུལ་མ་གཏོང་བ། སྲོལ་རྒྱུན་བཟོ་རྩལ་དང་དེང་རབས་ལག་རྩལ་ནུས་ལྡན་གྱིས་ཟུང་སྦྲེལ་བྱེད་པར་ཡར་སྐུལ་བཅས་བྱས་ཏེ། ཁེ་ལས་ཀྱི་སྲོག་ཤིང་འགྲན་རྩོད་ནུས་ཤུགས་ཇེ་ཆེར་གཏོང་དགོས།

༡༠

    ཐོན་ལས་སྐྱེད་སྲིང་དང་ཁེ་ལས་འཕེལ་རྒྱས་སུ་གཏོང་བ་དེ་མང་ཚོགས་ཀྱི་ལས་ཞུགས་དང་གྲོང་གསེབ་དར་སྤེལ། མི་རིགས་མཐུན་སྒྲིལ་བཅས་དང་གཅིག་གྱུར་སྒོས་བཀོད་སྒྲིག་སྔར་ལས་བཟང་བོ་བྱས་ཏེ།  ཕན་ཚུན་ལ་ཡར་སྐུལ་དང་ཕན་ཚུན་ལ་རོགས་འདེགས་བྱེད་དགོས་ཞེས་གསུངས།

༡༡

    སྡེ་ཁུལ་གྱི་ཏང་ཡོན་དང་ལས་བྱེད་པའི་གདོང་མཆོང་མིག་དཔེའི་ནུས་པ་འདོན་སྤེལ་བྱས་ཏེ། སྡེ་ཁུལ་གྱི་བྱ་བ་དག་དོན་ཐོག་དང་དམིགས་ཐོག་ཏུ་འབྱོར་བར་བྱས་ནས། མང་ཚོགས་ཀྱིས་དོ་སྣང་དང་སེམས་ཁུར་བྱེད་པའི་དོན་དག་རེ་རེ་བཟང་བོར་སྒྲུབ་པའི་ཁྲོད་ནས་མང་ཚོགས་ཀྱི་ཐོབ་ཚོར་དང་སྐྱིད་སྣང་། བདེ་ཚོར་བཅས་མཐོར་འདེགས་སུ་གཏོང་དགོས།

༡༢

   ཏང་གི་ཐོག་མའི་བསམ་འདུན་དང་འགན་འཁྲི་ཡིད་ལ་བརྟན་པོར་བཅངས་ནས། མི་དམངས་སྔར་ལས་བདེ་སྐྱིད་ལྡན་པར་བྱེད་པའི་ཐད་ཡང་འབད་བསྐྱར་འབད་དང་འབད་འཐབ་ལྷོད་མེད་བྱེད་དགོས་ཞེས་གསུངས།

 ༡༣

མི་དམངས་དཀྱིལ་སྙིང་དུ་འཛིན་རྒྱུ་རྒྱུན་འཁྱོངས་དང་། བརྟན་ཐོག་ཡར་འཕེལ་གྱི་བྱ་བའི་སྤྱིའི་དགོངས་གཞི་རྒྱུན་འཁྱོངས་བྱས་ནས་བཅོས་སྒྱུར་སྒོ་འབྱེད་གཏིང་ཟབ་ཏུ་སྤེལ་དགོས་ཞེས་གསུངས། 

ཀྲུའུ་ཞི་ཞི་ཅིན་ཕིང་གིས་མཚོ་སྔོན་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་བྱ་བའི་ཡར་ཞུ་ལ་ཉན་རྗེས་ཀྱི་གསུང་བཤད་གནས་བསྡུས།

༡

   རྒྱལ་ཁོངས་བར་སྟོང་གསར་གཏོད་སྲུང་སྐྱོབ་ཀྱི་རྣམ་པ་ལེགས་སྒྱུར་བྱེད་པ་དང་། ལྗང་མདོག་ཐཱན་ཉུང་འཕེལ་རྒྱས་རྒྱུན་འཁྱོངས་ཀྱིས་དོན་དངོས་དང་སྦྲེལ་བ་དང་དགེ་སྤེལ་སྐྱོན་སྤང་བྱས་ནས། ས་གནས་ཀྱི་ཁྱད་ཆོས་ཡོད་པའི་སྤུས་ཚད་མཐོ་བའི་འཕེལ་རྒྱས་བགྲོད་ལམ་ཞིག་ཏུ་བསྐྱོད་དགོས།

༢

    མཐོ་སྒང་དུ་དམིགས་སུ་ཡོད་པའི་ཐོན་ཁུངས་ཀྱི་ཁྱད་ཆོས་ལ་དམིགས་ཏེ། ཧུར་ཐག་སྒོས་གསར་དར་ཐོན་ལས་གསོ་སྐྱོང་བྱེད་པ་དང་། འཛམ་གླིང་རིམ་པའི་ཚྭ་མཚོའི་ཐོན་ལས་རྟེན་གཞི་མྱུར་དུ་འཛུགས་སྐྲུན་བྱས་ཏེ། རྒྱལ་ཁབ་ཀྱི་དག་གཙང་ནུས་ཁུངས་ཐོན་ལས་ཀྱི་མཐོ་ས་དང་རྒྱལ་སྤྱིའི་སྐྱེ་ཁམས་གནས་སྐོར་གྱི་དམིགས་ས། ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ས་བཅས་བསྐྲུན་དགོས།

༣

    ཚན་རྩལ་སྒྲིག་སྲོལ་རྐྱེན་སྲོལ་མྱུར་དུ་བཅོས་སྒྱུར་བྱེད་པ་དང་། ཚན་རྩལ་གསར་སྐྲུན་རྒྱབ་སྐྱོར་དང་གྲུབ་འབྲས་ལེགས་སྒྱུར་བྱེད་ཤུགས་ཇེ་ཆེར་གཏོང་བ། གསར་སྐྲུན་རང་བཞིན་གྱི་འཇོན་མི་མྱུར་དུ་སྐྱེད་སྲིང་བྱས་ནས། གསར་གཏོད་ཀྱི་གསོན་ཤུགས་བསྐྱེད་དགོས།

༤

     རིམ་པ་སོ་སོའི་ཏང་ཨུ་དང་ལྷག་པར་དུ་འགན་འཁུར་བློ་མཐུན་གཙོ་བོས་ཆབ་སྲིད་འགན་འཁྲི་ཁུར་དུ་བླངས་ནས།  ནོར་སྲིད་དང་ཁྲལ་བསྡུ། རྩིས་བཤེར་སོགས་ཀྱི་བྱ་བ་དམ་འཛིན་བྱེད་པར་གཅིག་གྱུར་སྒོས་འཆར་འགོད་དང་།   ནོར་སྲིད་དཔལ་འབྱོར་སྒྲིག་ལམ་ཇེ་དམ་དུ་བཏང་ནས།ཕྱོགས་སོ་སོའི་མ་དངུལ་དོ་དམ་དང་བཀོལ་སྤྱོད་བཟང་བོ་བྱས་ཏེ། དངུལ་རྩའི་ཉེན་ཁར་དོགས་ཟོན་ནན་མོ་བྱེད་དགོས།

༥

 མཚོ་སྔོན་གྱི་སྐྱེ་ཁམས་ཁོར་ཡུག་སྲུང་སྐྱོབ་བཟང་བོ་བྱེད་པ་ནི་རྒྱལ་ཁབ་ཀྱི་དོན་དག་གལ་ཆེན་ཞིག་ཡིན།  རྨ་འབྲི་རྫ་གསུམ་འབྱུང་ཡུལ་སྲུང་སྐྱོབ་བྱེད་རྒྱུ་དེ་མཚོ་སྔོན་གྱི་སྐྱེ་ཁམས་དཔལ་ཡོན་འཛུགས་སྐྲུན་བྱེད་པའི་ཐད་ཀྱི་གལ་ཆེན་ནང་གི་འགངས་ཆེན་དུ་བརྩིས་ནས་སྲུང་སྐྱོབ་བྱ་དགོས།

༦

    གངས་རི་དང་འཁྱག་ཀླུང་།  ཆུ་བོའི་བཞུར་རྒྱུད་དང་མཚེའུ། བརླན་ས། རྩྭ་ཐང་དང་སྤང་ལྗོངས།   བྱེ་ས་བྱེ་ཐང་སོགས་ཀྱི་སྐྱེ་ཁམས་བཅོས་སྐྱོང་ཉམས་གསོར་ཤུགས་བསྣན་ནས།  སྟོབས་ཤུགས་ཡོད་རྒུས་མདོ་དབུས་མཐོ་སྒང་གི་སྐྱེ་དངོས་སྣ་མང་ཅན་སྲུང་སྐྱོབ་བྱེད་པར་སྐུལ་འདེད་གཏོང་དགོས།

༧

     མི་དམངས་ལ་བརྩེ་བ་ཟབ་མོ་བཅངས་པ་དང་།   མི་དམངས་ལ་དམ་དུ་བརྟེན་པ། མི་དམངས་ལ་བདེ་སྐྱིད་བསྐྲུན་ནས།   ཐུན་མོང་གི་འབྱོར་ཕྱུག་ལ་ཏན་ཏིག་གིས་སྐུལ་འདེད་གཏོང་དགོས།

༨

   མི་དམངས་དཀྱིལ་སྙིང་དུ་འཛིན་པའི་འཕེལ་རྒྱས་དགོངས་པ་ལག་བསྟར་བྱེད་པ་དང་།   ལས་ཞུགས་དང་ཡོང་སྒོ་བགོ་བཤའ། སློབ་གསོ། སྤྱི་ཚོགས་འགན་སྲུང་། སྨན་བཅོས། སྡོད་ཁང་།   རྒན་གསོ།བུ་བཅོལ།  ཟས་རིགས་བདེ་འཇགས། སྤྱི་ཚོགས་བདེ་འཇགས་སོགས་ཀྱི་གནད་དོན་ལ་གཅིག་གྱུར་འཆར་འགོད་བྱས་ཏེ་ཐག་གཅོད་བཟང་བོ་བྱེད་དགོས།

༩

     ཞིང་ཕྱུགས་ཐོན་རྫས་ཚད་གཞི་ཅན་དང་ལྗང་མདོག་ཅན་ཐོན་སྐྱེད་ལ་ཤུགས་སྣོན་པ་དང་།  སྐྱེ་ལྡན་ཁྱད་ལྡན་ཐོན་ལས་སྟོབས་ལྡན་ཅན་དུ་བསྒྱུར་བ། གྲོང་གསེབ་འཛུགས་སྐྲུན་འགུལ་སྐྱོད་ལག་བསྟར་བྱེད་པ། ཞིང་སྡེའི་མི་སྡོད་ཁོར་ཡུག་ལེགས་སྒྱུར་བྱེད་པ།  རོང་འབྲོག་མང་ཚོགས་ཀྱི་བྱང་ཚད་མཐོར་འདེགས་གཏོང་བ།  རོང་འབྲོག་ཁུལ་གྱི་རིག་གནས་དར་རྒྱས་སུ་གཏོང་དགོས་ཞེས་གསུངས།

༡༠

    རང་རྒྱལ་གྱི་ཆོས་ལུགས་ཀྲུང་གོ་ཅན་དུ་བསྒྱུར་བའི་ཁ་ཕྱོགས་རྒྱུན་འཁྱོངས་བྱས་ཏེ།  ཆོས་ལུགས་སྤྱི་ཚོགས་རིང་ལུགས་སྤྱི་ཚོགས་དང་མཐུན་པར་ཧུར་ཐག་གིས་ཁྲིད་སྟོན་བྱེད་དགོས།

༡༡

    ནག་འཇོམས་ངན་སེལ་རྒྱུན་རྣམ་ཅན་ལ་སྐུལ་འདེད་གཏོང་བ་དང་སྲིད་ཁྲིམས་དཔུང་སྡེའི་སློབ་གསོ་དག་ཐེར་གཏིང་ཟབ་ཏུ་སྤེལ་ན། སྤྱི་ཚོགས་ཁྱོན་ཡོངས་ཀྱི་འཆམ་མཐུན་གཏན་འཇགས་སྲུང་འཛིན་བྱེད་དགོས་ཞེས་གསུངས།

༡༢

   རྒྱ་ཆེའི་ཏང་ཡོན་དང་ལས་བྱེད་པ་རྣམས་ཀྱིས་ཐོག་མཐའ་བར་གསུམ་དུ་མི་དམངས་དང་སྐྱིད་སྡུག་མཉམ་མྱོང་དང་ཤི་གསོན་མཉམ་གནས་བྱས་ཏེ།   ཁག་ཁུར་བྱེད་ཕོད་པ་དང་ཧུར་བརྩོན་ཆེན་པོས་བྱས་རྗེས་བཞག་ནས་ངེས་པ་དོན་གྱིས་མི་དམངས་ལ་བདེ་སྐྱིད་བསྐྲུན་པ་དེ་ཆེས་རྩ་བའི་འགན་འཁྲི་རུ་བརྩི་དགོས། 

༡༣

      རྒྱ་ཆེའི་ཏང་ཡོན་དང་ལས་བྱེད་པ་རྣམས་ཀྱིས་གཟབ་ནན་སྒོས་ཚུལ་ལྡན་གྱི་མི་ཞིག་དང་།  ཟོལ་མེད་ཀྱི་མི་ཞིག སྤྱོད་བཟང་གི་མི་ཞིག མ་རབས་བྱ་སྤྱོད་དང་བྲལ་བའི་མི་ཞིག མི་དམངས་ལ་ཕན་པའི་མི་ཞིག་བཅས་བྱེད་དགོས་ཞེས་གསུངས།