ཀུན་མཁྱེན་འཇམ་དབྱངས་བཞད་པའི་འཁྲུངས་སྐར།
བཛྲ་ཚུལ་ཁྲིམས་རྒྱ་མཚོ།
དེ་རིང་ནི་བླ་བྲང་དགོན་པ་འདེབས་པ་བོ།
འཛམ་གླིང་མཛེས་པར་བྱེད་པའི་རྒྱན་དྲུག་མཆོག་གཉིས་ཀྱི་ཡོན་ཏན་ཐམས་ཅད་གཅིག་ཏུ་བསྡུས་ནས་གངས་ལྗོངས་བསྟན་འགྲོའི་ཆེད་དུ་བསམ་བཞིན་བྱོན་པ་ལྟ་བུའི་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་དེ་ཉིད་འཁྲུངས་པའི་ཉིན་མོ་རེད།
དེ་ཡང་འདི་ནས་ཡར་བརྩིས་པས་ལོ་ངོ་སུམ་བརྒྱ་རེ་དྲུག་འདས་པའི་སྔོན་གྱི་དེ་རིང་གི་ཉིན་མོ་སྟེ།
བོད་རབ་བྱུང་བཅུ་གཅིག་པའི་ས་བྱི། སྤྱི་ལོ་༡༦༤༨ལོའི་ཧོར་ཟླ་དང་བོའི་ཚེས་བརྒྱད་ཉིན།
འཁོར་ལོ་སྡོམ་པའི་ཕོ་བྲང་མངོན་སུམ་དུ་བཞུགས་པའི་གནས་ཆེན་བྲག་དཀར་དང་ཧ་ཅང་མི་རིང་བའི་གནས།
རྒན་གྱའི་ལྟིང་རིང་ཞེས་པར་ངོ་མཚར་བའི་ལྟས་དང་བཅས་སྐུ་བལྟམས་སོ།།
ཡབ་ཀྱི་མཚན་ལ་དབལ་ཤུལ་ཁ་འདལ་དཔལ་འབུམ་རྒྱལ་དང་།
ཡུམ་གྱི་མཚན་ལ་ཐར་མོ་བྱམས་ཞེས་འབོད་དོ།། དེའི་ཚུལ་ལ་མ་ཧཱ་པཎྚི་ཏ་ཀུན་མཁྱེན་འཇིགས་མེད་དབང་བོའི་ཞལ་ནས།
ཉེས་པའི་རྡུལ་བྲལ་མངལ་གྱི་མཁའ།།
དམ་པའི་ཉི་མ་འདིས་བཟུང་ཚེ།།
ས་འདི་མུན་ལས་རྣམ་རྒྱལ་ཞེས།།
གྲགས་པའི་ཡི་གེ་འོག་མུན་བགྲོད།།
གང་ཞིག་ཡུམ་གྱི་ཆུ་འཛིན་ལས།།
སྐྱེ་དགུའི་གཉེན་ཁྱོད་བལྟམས་པ་ན།།
རྒྱལ་སྲས་ཟླ་བ་འོངས་སོ་ཞེས།།
ཀུ་མུད་ཚོགས་ཀྱང་དགོད་པ་བཞིན།།
ལོག་རྟོག་མཚན་མོའི་མལ་དུ་གར་བྱེད་པའི།།
མཁས་རློམ་འབྱུང་བོའི་བྱ་རྣམས་བག་ཡོད་བྱོས།།
དགེ་ལེགས་བརྒྱས་མཚན་མདོ་སྨད་ཤར་རིའི་རྩེར།།
ཀུན་མཁྱེན་ཉིན་མོའི་དབང་ཕྱུག་ཤར་འདིར་ལྟོས།།
ཞེས་བསྟོད་དོ།།
今天是第一世嘉木样大师的诞辰日
今天,是拉卜楞寺创建者,犹如装饰世界的二胜六庄严之一切功 德的总体,为了雪域高原的佛教及众生,特意来到人间的大遍知,第 一世嘉木样协贝多杰之诞辰日。
三百六十六年前的今天,藏历第十一绕迥甲子 ( 土鼠 ) 年,公元 一六四八年正月初八那天,在与胜乐宫殿亲临人间的圣地白石崖不远 处的一个叫“甘加当让”的地方,伴随着诸多奇异现象或征兆降临了,其 父亲叫哇秀卡达尔华本嘉,母亲叫塔尔母贤。
大班智达衮钦久美昂悟赞此曰:“远离过尘胎之空,由此圣日 ( 注: 即犹如太阳般的这位圣者 ) 所占时,此方极胜于黑暗,称颂已达究竟 天 ( 注:色界究竟天 )。从那母体祥云中,众生友您降临时,如月佛子 出于世,睡莲亦为此含笑。唯在邪见暗床中耍戏,伪学者诸鬼鸟 ( 即 猫头鹰 ) 应谨慎。请赏由百瑞祥所严饰,多麦 ( 指安多藏区 ) 东山升起 衮钦 ( 衮钦:一切遍知,在这里特指第一世嘉木样大师。) 日 ( 把上师 比喻成太阳。)。”
班字尔慈智加措2015 年正月初八 于拉卜楞寺。
ལམ་རིམ་སྨོན་ལམ།
རྗེ་ཙོང་ཁ་བས་མཛད།
བཛྲ་ཚུལ་ཁྲིམས་རྒྱ་མཚོས་བསྒྱུར།
དེར་ནི་རིང་དུ་འབད་ལས་ཚོགས་གཉིས་ནི།།
མཁའ་ལྟར་ཡངས་པ་གང་ཞིག་བསགས་པ་དེས།།
བློ་མིག་མ་རིག་གིས་ལྡོངས་འགྲོ་བ་ཀུན།།
རྣམ་འདྲེན་རྒྱལ་བའི་དབང་བོར་བདག་གྱུར་ཅིག །
དེར་མ་སོན་པའི་ཚེ་རབས་ཀུན་ཏུ་ཡང་།།
འཇམ་པའི་དབྱངས་ཀྱིས་བརྩེ་བས་རྗེས་བཟུང་སྟེ།།
བསྟན་པའི་རིམ་པ་ཀུན་ཚང་ལམ་གྱི་མཆོག །
རྙེད་ནས་སྒྲུབ་པས་རྒྱལ་རྣམས་མཉེས་བྱེད་ཤོག །
རང་གིས་ཇི་བཞིན་རྟོགས་པའི་ལམ་གྱི་གནད།།
ཤུགས་དྲག་བརྩེ་བས་དྲངས་པའི་ཐབས་མཁས་ཀྱིས།།
འགྲོ་བའི་ཡིད་ཀྱི་མུན་པ་བསལ་བྱས་ནས།།
རྒྱལ་བའི་བསྟན་པ་རིང་དུ་འཛིན་གྱུར་ཅིག །
བསྟན་པ་རིན་ཆེན་མཆོག་གིས་མ་ཁྱབ་པའམ།།
ཁྱབ་ཀྱང་ཉམས་པར་གྱུར་བའི་ཕྱོགས་དེར་ནི།།
སྙིང་རྗེ་ཆེན་པོས་ཡིད་རབ་བསྐྱོད་པ་ཡིས།།
ཕན་བདེའི་གཏེར་དེ་གསལ་བར་བྱེད་པར་ཤོག །
སྲས་བཅས་རྒྱལ་བའི་རྨད་བྱུང་འཕྲིན་ལས་ལས།།
ལེགས་གྲུབ་བྱང་ཆུབ་ལམ་གྱི་རིམ་པས་ཀྱང་།།
ཐར་འདོད་རྣམས་ཀྱི་ཡིད་ལ་དཔལ་སྟེར་ཞིང་།།
རྒྱལ་བའི་མཛད་པ་རིང་དུ་སྐྱོང་གྱུར་ཅིག །
ལམ་བཟང་སྒྲིག་པའི་མཐུན་རྐྱེན་སྒྲུབ་བྱེད་ཅིང་།།
འགལ་རྐྱེན་སེལ་བྱེད་མི་དང་མ་མིན་ཀུན།།
ཚེ་རབས་ཀུན་ཏུ་རྒྱལ་བས་བསྔགས་པ་ཡི།།
རྣམ་དག་ལམ་དང་འབྲལ་བར་མ་གྱུར་ཅིག །
གང་ཚེ་ཐེག་པ་མཆོག་ལ་ཆོས་སྤྱོད་བཅུས།།
ཚུལ་བཞིན་སྒྲུབ་ལ་བརྩོན་པ་དེ་ཡི་ཚེ།།
མཐུ་ལྡན་རྣམས་ཀྱིས་རྟག་ཏུ་གྲོགས་བྱེད་ཅིང་།།
བཀྲ་ཤིས་རྒྱ་མཚོས་ཕྱོགས་ཀུན་ཁྱབ་གྱུར་ཅིག
道次第祈愿文
宗喀巴大师 造
班字尔•慈智加措译
于此长勤所生二资粮,
犹如虚空广大所积力,
由痴障蔽慧目诸众生,
皆能渡脱胜王我愿成。
未至此道一切生世中,
皆由妙音慈悲而摄受;
教法次第完美道至胜,
获已修证愿令佛欢喜。
自己如是所解道之要,
猛力悲心引动善方便,
依此遣除众生意暗已,
胜者教法愿能长住持。
教法圣宝未曾普及地,
或虽遍扬今已迁灭方,
因由极大悲心牵动意,
利乐宝藏愿将能光显。
由从佛子及佛微妙业,
所成菩提胜道之次第,
赐予诸求解脱者胜德;
胜者事业愿能恒住持。
于修善道顺缘助成办;
遣除违缘诸人与非人,
皆能一切生中愿不离,
诸佛所赞清净之胜道。
若时于胜乘由十法行,
如理勤修尔时诸具力,
永恒助伴吉祥德大海,
遍满十方为此作祈愿!
2014年阴历马年春节 于成都
༄༅།། ལས་འབྲས་ནི་ཅུང་ཟད་བསླུ་བ་མེད་དོ།།
བཛྲ་ཚུལ་ཁྲིམས་རྒྱ་མཚོ།
མིང་ལ་ཧོ་བུའུ་ཏཱི་ཟེར་ཞིང་ཤིན་ཏུ་དབུལ་བའི་སློབ་གྲྭ་ཆེན་མོ་བ་ཞིག་ཡོད།
ཁོས་སློབ་ཡོན་སྤྲོད་པའི་ཕྱིར་དུ་དུད་ཁྱིམ་རེ་རེ་བཞིན་ཚོང་ཟོག་འགྲེམ་སྤེལ་བྱས།
དགོང་ཁར་ཐོན་པ་ན།
རང་ཉིད་ལྟོ་བ་ཧ་ཅང་ལྟོགས་པ་ཞིག་བྱུང་ཡང་གློ་ཁུགས་ནང་དུ་དངུལ་ཉུང་ངུ་ཞིག་ལས་མེད་པས་སྲང་ལམ་ནས་ཡུན་རིང་གི་བར་ཐེ་ཚོམ་གྱི་ངང་ཕར་འགྲོ་ཚུར་འགྲོ་བྱས་མཐར་སྤོབས་པ་ཆེར་བསྐྱེད་དེ་ཁྱིམ་ཚང་ཞིག་གི་སྒོ་བརྡུང་སྟེ་བཟའ་རྒྱུ་ཞིག་སློང་གྲབས་བྱས་སོ།།
ཡིན་ན་ཡང་བྱད་བཞིན་མཛེས་ཤིང་ལྟ་ན་སྡུག་པའི་བུ་མོ་གཞོན་ནུ་མ་ཞིག་གིས་སྒོ་ཕྱེ་བ་ན།
ཁོའི་སྤོབས་པ་ཉམས་པར་གྱུར་སོང་། ཁོས་ཟས་སློང་མ་ཕོད་པར་ཆུ་ཕོར་གང་སློང་ངོ་།།
བུ་མོ་དེས་ཁོ་ཧ་ཅང་བཀྲེས་ཤིང་ལྟོགས་པའི་ཉམས་མཐོང་སྟེ་འོ་གསར་ཕོར་བ་ཆེས་ཆེར་གང་བ་ཞིག་བཏེགས་འོངས་ནས་ཁོ་ལ་སྤྲད།
ཁོས་དལ་བུས་འཐུང་ཚར་རྗེས། ངས་ཁྱེད་ལ་སྒོར་དུ་ཙམ་སྤྲད་དགོས་ཞེས་དྲིས།
ཡིན་ནའང་བུ་མོས་ལན་དུ་འདི་ལྟར། ཁྱོད་ཀྱིས་ང་ལ་དངུལ་སྐར་གང་ཡང་མི་ཆད།
ཨ་མས་ང་ལ་དོན་བཟང་བསྒྲུབ་ན་ལན་ལ་མ་རེ་ཟེར།
ཁོས་དྲིན་དུ་ཚོར་བའི་སེམས་པའི་ཀློང་ནས་བུ་མོ་དེ་ལ་གུས་ཕྱག་ཤིན་ཏུ་ཟབ་མོ་ཞིག་ཕུལ་ཏེ།
བཅོས་མིན་སེམས་ཀྱི་གཏིང་ནས་འདི་ལྟར་བཤད།
འོ་ན་ངས་ཁྱེད་ལ་སྙིང་རུས་པའི་གཏིང་ནས་བཀའ་དྲིན་ཆེ་ཞུས་པ་ཡིན།
ཧོ་བུའུ་ཏཱི་དེ་དང་གྱེས་ནས་འགྲོ་དུས།
རང་གི་སྣང་བར་དབུགས་དང་སྟོབས་ཤུགས་སྔར་ལས་ཇེ་ཆེར་སོང་བར་མ་ཟད།
མི་ཚེའི་ཡིད་བརྟན་ཡང་སྔར་ལས་གོང་འཕེལ་དུ་སོང་བ་ལྟ་བུའི་ཉམས་ཤིག་ཤར་རོ།།
དེ་མིན་ན་ཕལ་ཆེར་ཁོ་རང་ཡིད་ཆད་ནས་ཡོད་ཚད་འཕྲོ་བཤོལ་བའི་གྲབས་བྱེད་བཞིན་ཡོད།
ལོ་བཅུའི་རྗེས་སུ་བུ་མོ་དེ་ལ་ན་ཚ་ཧ་ཅང་ལྕི་མོ་ཞིག་གིས་ཐེབས།
ས་གནས་དེ་ཀའི་སྨན་པ་ཚོར་ཐབས་ཡོངས་སུ་ཟད།
མཇུག་མཐར་བུ་མོའི་གཉེན་ཉེ་རྣམས་ཀྱིས་མོ་གྲོང་ཁྱེར་ཆེན་པོ་ཞིག་ཏུ་ཁྲིད་དེ་ཆེད་མཁས་པར་ངོས་ཟིན་དཀའ་བའི་ནད་དེར་བརྟག་དཔྱད་བྱེད་པའི་སྟ་གོན་བྱས།
ཁོ་ཚོའི་གཙོ་བཅོས་སྨན་པ་དེ་ནི་འབུམ་རམས་པ་ཞིག་རེད། ཁོས་ནད་པ་ལྗིད་མོ་ཞིག་ཡོང་ཡོད་པ་ཐོས་འཕྲལ་མྱུར་བར་ནད་པ་འདུག་སའི་ཁང་བའི་ནང་དུ་བལྟ་རུ་ཕྱིན།
ཁོས་ནད་པ་མཐོང་ཚེ་གློ་བུར་དུ་ཡ་མཚན་པའི་མིག་མདངས་ཤིག་དབང་མེད་དུ་མངོན་བྱུང་།
དེ་ནས་ནུས་ཤུགས་ཡོད་རྒུ་བཏོན་ནས་མོའི་ཚེ་སྲོག་སྐྱོབ་རྒྱུའི་སེམས་ཐག་བཅད།
ཉིན་དེ་ནས་བཟུང་ཁོས་བུད་མེད་དེའི་ནད་ཀྱི་གནས་ཚུལ་ལ་ཆེད་དུ་བལྟ་བརྟག་བྱས་ཤིང་དེའི་སྐོར་གྱི་ཡིག་ཆ་ཡོད་རྒུར་བལྟ་ཀློག་བྱས་པར་མ་ཟད།
འཛམ་གླིང་གི་ལས་ རིགས་གཅིག་པ་ཡོངས་ལ་འཕྲིན་ལམ་ནས་འདྲི་བརྟག་བྱས།
མི་བཟང་ལ་དངོས་གནས་ལས་བཟང་གིས་མི་བསླུ་བར་འདུག
སྨན་པ་འབུམ་རམས་པ་འདིས་ཞུམ་མེད་ཀྱི་འབད་བརྩོན་ལ་བརྟེན་ནས་མོ་འཆི་ལམ་ནས་བསྐྱབས་ཏེ་འཆི་བདག་ལས་རྒྱལ་བར་གྱུར་ཏོ།།
མཇུག་མཐར་རིན་འགོད་ཁང་གིས་སྨན་ཁང་ནས་སྒོར་འབུད་པའི་ཐོ་ཡིག་སྨན་པའི་ལག་ཏུ་བསྐོར་ཏེ་ཁོར་མིང་རྟགས་འགོད་དུ་བཅུག
སྨན་པས་ཀྱང་ཞིབ་ལྟ་ཞིག་བྱས་ཤིང་ཐོ་ཡིག་གི་གཤམ་དུ་ཡི་གེ་འགའ་བྲིས་ནས་བུད་མེད་དེའི་ནད་ཁང་དུ་བརྒྱུད་སྤྲོད་བྱས།
མོས་ཚེ་གང་བོར་སྨན་རིན་འཇལ་དགོས་པར་གོར་མ་ཆག་གོ་སྙམ་དུ་ཐོ་ཡིག་ལ་བལྟ་མ་ཕོད་པར་ཡུད་ཙམ་ལུས།
དེ་ནས་ཐོ་ཡིག་ཁ་ཕྱེས་ཚེ་གཤམ་དུ་ཡི་གེ་འདི་ལྟར་བྲིས་ཡོད་པ་མིག་ལམ་དུ་མངོན་བྱུང་།
འོ་མ་གསར་བ་ཕོར་གང་བོ་དེས་སྨན་ཡོན་འདི་ཡོངས་རྫོགས་དོད་ཐུབ་པོ།།
མིང་རྟགས་འགོད་མཁན།
སྨན་པ་ཧོ་བུའུ་ཏཱི།
མ་གཞི་སྨན་པ་འབུམ་རམས་པ་འདི་ནི།
སྔོན་ཀྱི་སློབ་མ་དབུལ་བོ་དེ་ཡིན་པར་འདུག་གོ།
མོས་འདི་དག་མཐོང་ཚེ།
མིག་ཟུང་མཆི་མས་གང་ཞིང་། སེམས་པ་དྲིན་ཤེས་དང་སེམས་འགུལ་གྱིས་ཡོངས་ཁེངས་སོ།།
དང་བོ།
རེ་བ།
ཁྱེད་ཅག་གིས་བྱུང་བ་འདི་བཀླགས་རྗེས་ཤེས་དགོས་པ་གཅིག་
ནི། ལན་ལ་ཧམ་སེམས་བཅིངས་པས་ལན་ཐོབ་པར་ངེས་པ་མེད་པ་དང་།
ལན་ལ་མ་བལྟོས་པས་ལན་མེད་པར་མི་འགྱུར་བའི་གནས་ལུགས་དེ་ཡིན།
གཉིས་པ།
ཁྱེད་ལ་འདམ་ང་གཉིས་ཡོད།
༼༡༽
ཁྱོད་ཀྱིས་རྩོམ་ཡིག་འདི་བཀླགས་རྗེས་གཞན་དག་ལ་མུ་མཐུད་དུ་བརྒྱུད་བསྒྲགས་བྱས་ཏེ།
འཇིག་རྟེན་ འདིར་བརྩེ་སེམས་གཅིག་གིས་ཇེ་མང་དུ་གཏོང་རོགས།
༼༢༽ ཁྱེད་ཀྱིས་གཏན་མ་མཐོང་བ་ལྟར་གཏན་ནས་ཁ་ཡ་བྱེད་མི་དགོས།
འདིའི་མིང་ལ་བརྩེ་སེམས་གཞན་ལ་བཏང་བས་བརྩེ་ལན་ཕྱིར་ལ་འཁོར་ཡོང་།
བསོད་ནམས་ཕར་ལ་སྦྱིན་པས་བདེ་སྐྱིད་ཚུར་ལ་སླེབས་ཡོང་ཟེར་བ་ཡིན་ནོ།།
༄༅།། གལ་ཏེ་དེ་འདྲ་ཡིན་ན་ང་ནི་རྗེས་ལུས་ཡིན་པས་དགའ།
བཛྲ་ཚུལ་ཁྲིམས་རྒྱ་མཚོ།
དེང་སྐབས་མང་བོ་ཞིག་གིས་བསམ་བློ་སྔོན་ཐོན་ཡིན་ན་བཟང་ཞེས་ཤུགས་ཀྱིས་སྒྲོག་བཞིན་འདུག
འོན་ཀྱང་ལ་ལ་ཞིག་གིས། དཔེར་ན་ཆོས་ལུགས་ལ་དད་པ་མི་བྱེད།
མི་རིགས་ཀྱི་ལ་རྒྱ་མི་གླེང་། གཉེན་ཉེ་ལ་བརྩེ་སེམས་མི་ཟབ།
འདི་ཀུན་སྤྱོད་དང་འགལ་བས་བྱེད་མི་རུང་།
དེ་ཡུལ་སྲོལ་དང་མི་མཐུན་པས་སྒྲུབ་མི་ཆོག་ཟེར་བ་ལྟ་བུས་མཚོན་རང་གི་ཁེ་ཕན་ལ་བར་ཆད་བྱེད་པའི་བཀག་རྒྱ་དང་མཁྲེགས་འཛིན་ཡོད་ཚད་བརྟོལ་བའི་སྙིང་སྟོབས་ལྡན་པ་སྟེ།
གལ་ལ་ཐུག་ན་ཁྲེལ་དང་ངོ་ཚ་ཞེས་པའི་སྒྲོག་ལྟ་བུ་ཞིག་ཡོད་པ་དེ་རྦད་དེ་གཅོད་ཐུབ་པའི་བསམ་བློ་ཡོད་པ་དེ་ལ་བསམ་བློ་སྔོན་ཐོན་ཅན་ཞེས་པ་ཡིན་ཟེར།
གལ་ཏེ་དེ་འདྲ་ཡིན་ན་ང་ནི་ནམ་ཡང་བསམ་བློ་སྔོན་ཐོན་ཅན་མིན་ན་དགའོ།།
ཡང་དེང་སང་མང་བོ་ཞིག་གིས་བསམ་བློ་རྗེས་ལུས་ཅན་ལ་མཐོང་ཆུང་བྱེད་ཀྱིན་འདུག འོ་ན་བསམ་བློ་རྗེས་ལུས་ཅན་ཞེས་པ་ནི་གང་འདྲ་ཞིག་ཡིན་ཞེ་ན།
དེ་ལ་ཡང་ཁ་ཅིག་ན་རེ། ཆོས་ལུགས་ལ་དད་པ་འགོག་མི་ཐུབ། རིགས་ཀྱི་ལ་རྒྱ་འདོར་མི་ནུས།
བྱ་བ་འདི་འདྲ་སྒྲུབ་ན་ཕ་མ་མི་དགའ། གཉེན་མཛའ་གྲོགས་ལ་གནོད། བླ་མ་རྣམ་པའི་བཀའ་གསུང་དང་འགལ་འགྲོ།
འཇིག་རྟེན་ཡ་རབས་ཀྱི་ལུགས་སྲོལ་དང་མི་མཐུན།
ཁྲེལ་དང་ངོ་ཚ་ཤེས་པ་ཞེས་མི་གཤིས་དང་འགལ་འགྲོ་ཞེས་སོགས་ལོང་གཏམ་མང་བོ་ཞིག་གིས་དེ་མི་རུང་འདི་མི་ཆོག་ཅེས་རང་གི་ཁེ་ཕན་སྒྲུབ་ཏུ་མི་སྟེར་བའི་བསམ་བློ་ཅན་དེ་ལ་བྱའོ་ཟེར།
གལ་ཏེ་དེ་འདྲ་ཡིན་ན་ང་ནི་རྗེས་ལུས་ཡིན་པས་དགའོ།།
༄༅།། འབངས་མིའི་སེམས་ཁོངས་དྲོ་བའི་ཉི་འོད།
བཛྲ་ཚུལ་ཁྲིམས་རྒྱ་མཚོ།
༼༡༽
འབྲུག་གི་རྒྱལ་བོ་རབས་ལྔ་བ་རྣམ་རྒྱལ་དབང་ཕྱུག་སྲིད་ཁྲིར་མངའ་གསོལ་བའི་ཉིན་མོར།
རྒྱལ་འབངས་རྣམས་ལ་འདི་ལྟར། མཛའ་ཞིང་བརྩེ་བའི་རྒྱལ་འབངས་རྣམས།
རང་རྒྱལ་ལ་ཆེས་གལ་ཆེ་བ་ནི། འབངས་ཡོངས་ལ་དད་པ་ཡོད་པ་འདི་ཡིན་པས།
དོན་འདི་ཁྱེད་ཅག་གིས་ནམ་ཡིན་ཡང་སེམས་ལ་དམ་པོར་ཟུངས་ཤིག
འབྲུག་རྒྱལ་ཁབ་ནི་གོ་ལ་ཡོངས་སུ་བདེ་སྐྱིད་ཀྱི་བསྡུར་གྲངས་ཆེས་མཐོ་བའི་རྒྱལ་ཁབ་ཀྱི་གྲས་ཤིག་ཡིན།
ཁྱེད་ལ་རྒྱལ་བོ་མེད་པར་གྱུར་ཀྱང་བླ་ལ། ཁྱེད་ཀྱི་ལས་ཀ་ཤོར་བའམ།
སློབ་སྦྱོང་གི་ལས་སྐལ་ཤོར་བའམ། བརྩེ་དུང་ལ་བར་ཆད་ཤོར་ཡང་རུང་སྟེ།
འདི་དག་ནི་ཡང་བསྐྱར་འགོ་འཛུགས་ཆོག་པའི་ཕྱིར་རོ།།
འོན་ཀྱང་དད་པ་ཉམས་པ་ནི་གཏན་མི་རུང་སྟེ། དད་པ་ཉམས་ན་ནི་ཀུན་སྤྱོད་དང་། དྲིན་དྲན།
ཡིད་ཆེས། འགྱོད་བཤགས། དགེ་སྡིག རང་སྡོམ་སོགས་ཐམས་ ཅད་ཉམས་འགྲོ་བས་སོ།།
དེའི་ཕྱིར་དད་པ་མེད་པའི་རྒྱལ་ཁབ་དེ་ནི་འཇིགས་སུ་རུང་བའི་རྒྱལ་ཁབ་ཤིག་ཡིན་ནོ།།
ཞེས་གསུངས།
གཞན་ཡང་འདི་ལྟར།
བདག་གིས་བདག་གི་སྲིད་སྐྱོང་གི་ཡུན་འདི་ལ། ནམ་ཡང་རྒྱལ་བོའི་རྣམ་པས་ཁྱེད་རང་ཚོར་དབང་བསྒྱུར་བྱེད་རྒྱུ་མིན།
ངས་ཕ་མ་བཞིན་ཁྱེད་ཚོར་སེམས་ཁུར་བྱེད་རྒྱུ་ཡིན་ལ།
ངས་བུ་ཕྲུག་བཞིན་ཁྱེད་ཚོའི་ཞབས་འདེགས་བསྒྲུབ་རྒྱུ་ཡིན།
ངས་ལྷག་མ་མེད་པར་ཡོད་ཚད་ཁྱེད་ཚོར་འབུལ་རྒྱུ་ཡིན།
ངས་ཁྱེད་ཀྱི་བུ་ཕྲུག་ཚོར་མིག་དཔེ་བཟང་བོ་ཞིག་འཇོག་ངེས་ཡིན། ང་ལ་ཁྱེད་ཅག་གི་རེ་བ་དང་འདོད་པ་སྐོང་རྒྱུ་ལས་གཞན་སྙེག་བྱ་ཅི་ཡང་མེད།
བདག་གིས་ནམ་ཡིན་ཡང་བྱམས་སྙིང་རྗེ་དང་འདྲ་མཉམ།
དྲང་བདེན་གྱི་རྣམ་པས་ཁྱེད་ཅག་གི་ཞབས་ཞུ་བྱེད་རྒྱུ་ཡིན། ཞེས་གསུངས་སོ།།
「温暖民心的阳光」
(1)
不丹第五世国王旺楚克登基时,对国民如此说道:"亲爱的国 民,你们永远记住对我国最重要的是全民都有信仰,不丹国是全球幸 福指数最高的国家之一,您可以失去国王,您可以失业、失学、失恋, 这些都可以重来。但绝对不能没有信仰,没有信仰就会失去道德、感恩、 信任、忏悔、善恶、自律,因此,没有信仰的国家是可怕的国家。
"又说:
"亲爱的国民,我在我的任期里,永远不会以国王的身份来统治你。我会像父母一样关心你,像孩子一样伺候你。我会毫无保留地将一切 都奉献给你,我会为你的孩子做好榜样,除了满足你的希望和愿望, 我别无他求。我会永远以慈悲心、平等、公正的态度来服侍你。
༄༅།། སྐྱོ་དད་བསྣོལ།
བཛྲ་ཚུལ་ཁྲིམས་རྒྱ་མཚོ།
༼༡༽
སྐྱེ་བོ་ཕལ་ཆེར་ཕལ་ལ་ཆགས་ཤིང་ཤེས་རབ་རྩལ་མེད་པས་ན་ལེགས་བཤད་རྣམས།།
དོན་དུ་མི་གཉེར་ཁོ་ནར་མ་ཟད་ཕྲག་དོག་དྲི་མ་དག་གིས་སྡང་བར་ཡང་།།
ཡོངས་གྱུར་དེས་ན་བདག་ལ་འདི་ནི་ཕན་པ་ཡིན་ཞེས་བསམ་པའང་མེད།།
སེམས་ནི་ཡུན་རིང་ལེགས་བཤད་གོམས་པ་ལྷུར་བསྐྱེད་ཕྱིར་འདི་ལ་དགའ་བ་སྐྱེས།།
ཞེས་པའི་དཔལ་ཆོས་ཀྱི་གྲགས་པའི་གསུང་ངོ་མཚར་བ་འདི།
བཀླག་ཐེངས་རེ་ལ་སྐྱོ་དད་སྤེལ་མར་བསྣོལ་བའི་སེམས་ཁོང་གི་མིག་ཆུ་རེ་དབང་མེད་དུ་བཞུར་འོང་།
འདི་ནི་ཅི་འདྲའི་ངོ་མཚར་བ་ལ་ཨང་།
དངོས་གནས་དེང་དུས་ཀྱི་ངན་མཚང་བརྟོལ་བའི་ལུང་བསྟན་ལྟ་བུའི་གསུང་ཞིག་རེད་འདུག
ང་དང་ང་ལྟ་བུའི་སྙིགས་མའི་སེམས་ཅན་འདི་དག་ངོ་མ་སྙིང་རེ་རྗེ།
ནོར་བུ་དོར་ནས་འཆིང་བུ་གཅེས་པར་འཛིན། དམ་པ་སྤངས་ནས་ངན་པ་གཙུག་ཏུ་བཀུར།
ལེགས་བཤད་བསྐྱུར་ནས་ཉེས་བཤད་སེམས་ལ་ཉར།
༼༢༽
ཚིག་འདིའི་དོན་མི་གོ་མཁན་ཡང་མང་བོ་ཡོད་ངེས་པས་ཅུང་ཙམ་བཤད་ན།
དཔལ་ལྡན་ཆོས་གྲགས་བདག་གིས་རྣམ་འགྲེལ་བརྩམས་པ་འདི་ནི་གཙོ་ཆེར་གཞན་ལ་ཕན་པ་ཡིན་ཞེས་བསམ་པའང་མེད་དེ།
རྒྱུ་མཚན་ནི། སྐྱེ་བོ་ཕལ་ཆེར་བྱ་བ་ཕལ་བ་དང་བསྟན་བཅོས་ཕལ་བ་ལ་ཆགས་ཤིང་། ལེགས་ཉེས་འབྱེད་པའི་ཤེས་རབ་ཀྱི་རྩལ་མེད་པས་ན་ལེགས་བཤད་རྣམས་དོན་དུ་མི་གཉེར་བ་ཁོ་ནར་མ་ཟད།
ད་དུང་ལེགས་བཤད་དང་རྩོམ་པ་བོ་དེ་ལའང་ཕྲག་དོག་གི་དྲི་མ་དག་གིས་ཡོངས་སུ་སྡང་བར་གྱུར་བ་དེའི་ཕྱིར།
འོ་ན་འདི་བརྩམས་ནས་ཅི་བྱེད། རང་གཞན་སུ་ལའང་དགོས་པ་མེད་དམ་ཞེ་ན།
གཞན་ལ་ཕན་པ་ཆེན་པོ་མེད་ཀྱང་། དགོས་པ་གཏན་མེད་པ་མིན་ཏེ།
རང་གི་སེམས་ནི་ཡུན་རིང་དུ་ལེགས་བཤད་ལ་གོམས་པ་ལྷུར་ལེན་པར་སྐྱེད་པའི་ཆེད་ཡིན་པའི་ཕྱིར།
དེའི་ཕྱིར་ཆོས་ཀྱི་གྲགས་པ་
བདག་བསྟན་བཅོས་འདི་རྩོམ་པ་ལ་དགའ་བ་སྐྱེས་སོ་ཞེས་པའི་དོན་ནོ།།
༼༣༽
འདིས་ད་དུང་ང་ལ་བསླབ་བྱ་འདི་ལྟ་བུ་ཞིག་ཀྱང་གནང་བྱུང་།
སྔོན་བྱོན་དམ་པ་དེ་དག་ལུང་རྟོགས་ཡོན་ཏན་གྱི་བང་མཛོད་ལ་ཇི་དགར་ལོངས་སྤྱོད་ཀྱང་།
དེ་འདྲའི་ཁེངས་སྐྱུང་མཛད། རང་ཅག་ལ་ཡོན་ཏན་ཏིལ་འབྲུ་ཙམ་ལས་མེད་ཀྱང་།
ང་རྒྱལ་གྱི་སེང་ཆེན་ཀུན་ནས་སྨྱོ།
དེའི་ཕྱིར་དམ་པ་རྣམས་ལ་དད་པ་དང་རང་གི་ཚུལ་ལ་སྐྱོ་བ་གཉིས་དུས་མཚུངས་སུ་བསྣོལ་མར་སྐྱེས་བྱུང་།
དེ་ནས་ངས་ང་ལ་འདི་ལྟར་གདམ། ཤེས་རབ་འཚོལ་དགོས། ང་རྒྱལ་སྤོང་དགོས།
༄༅།། སློབ་དཔོན་དང་སློབ་མའི་གླེང་མོལ།
སྒྲིག་པ་བོ། བཛྲ་ཚུལ་ཁྲིམས་རྒྱ་མཚོ།
སློབ་མས།
སློབ་དཔོན་ལགས། སེམས་ཐུལ་བའི་མན་ངག་ཞུ་ཞེས་སྐད་ཤུགས་བཏོན་ནས་ཞུས་པས།
སྤོབ་དཔོན་གྱིས།ཧེ་ཧེ་ཁོ་བོ་ལ་རྣ་བ་ཏ་བཟང་པོ་བཟང་པོ་བདོག་སྟེ་མན་ངག་བྱ་བ་དད་པ་ཡིན་དད་པ་དད་པ་ཞེས་གསུངས་སོ།།
ཡང་སློབ་མས།
སློབ་དཔོན་ལགས།
ངེད་ཅག་སྟོན་པའི་རྗེས་སུ་ཞུགས་ཀྱང་སྟོན་པའི་ཆོས་གང་ཡིན་གསལ་བོ་མི་ཤེས་པས་བསྟན་དུ་གསོལ་ཞུས་པས།
སློབ་དཔོན་གྱིས།
སྡིག་པ་ཅི་ཡང་མི་བྱ་ཞིང་།།
དགེ་བ་ཕུན་སུམ་ཚོགས་པར་སྤྱད།།
རང་གི་སེམས་ནི་ཡོངས་སུ་འདུལ།།
འདི་ནི་སངས་རྒྱས་བསྟན་པ་ཡིན།།
ཞེས་གསུངས་སོ།།
ཡང་སློབ་མས།
གཤོག་རྩལ་རབ་ཏུ་རྫོགས་པའི་མཁའ་ལྡིང་གིས།།
བགྲོད་པའི་ལམ་དུ་བྱིའུས་རྩོལ་བ་ལྟར།།
སྟོབས་བཅུ་མངའ་བ་གང་དུ་གཤེགས་པ་ཡི།།
ལམ་མཆོག་དེར་ནི་འཇུག་པར་འདོད་པ་བདག།
གནས་ལུགས་དོན་ལ་ལྟ་བའི་བློ་མིག་ཉམས།།
ངེས་འབྱུང་བྱང་ཆུབ་སེམས་ཀྱི་འབྱོར་བས་དབུལ།།
སྟོབས་ལྡན་ཉོན་མོངས་དགྲ་བོས་རྒྱུན་དུ་གཙེས།།
བདག་འཛིན་གཅོང་རོང་ཟབ་མོའི་སྦུབས་སུ་ལྷུང༌།།
འདི་འདྲའི་ཉམ་ཐག་གནས་སུ་གྱུར་ལགས་པ།།
བརྩེ་ཆེན་ཁྱོད་ཀྱིས་ཡལ་བར་འདོར་ལགས་ན།།
དམན་པ་རྣམས་ལ་ཆེས་ཆེར་བརྩེ་བའི་མགོན།།
ཁྱོད་ལས་གཞན་པ་གང་ལ་སྐྱབས་སུ་བཟུང༌།།
ཞེས་ཞུས་པས།
སློབ་དཔོན་གྱིས།
ཐུབ་རྣམས་སྡིག་པ་ཆུ་ཡིས་མི་འཁྲུ་ཞིང༌།།
འགྲོ་བའི་སྡུག་བསྔལ་ཕྱག་གིས་མི་སེལ་ལ།།
ཉིད་ཀྱི་རྟོགས་པ་གཞན་ལ་སྤོ་མིན་ཏེ།།
ཆོས་ཉིད་བདེན་པ་བསྟན་པས་གྲོལ་བར་མཛད།།
ཅེས་གསུངས་པ་ལྟར་ཡིན་པས།
ང་དང་དེ་ལས་གཞན་སངས་རྒྱས་དངོས་སུ་ཕེབས་ཀྱང་ལམ་མ་ནོར་བ་བསྟན་ནས་རྗེས་སུ་འཛིན་པ་མ་གཏོགས་པ།
སྡིག་པ་ཆུས་འཁྲུ་བ་སོགས་ནི་བྱར་མེད་པས། ཅིས་ཀྱང་རང་གིས་བརྩོན་པ་བསྐྱེད་དགོས།
གསོལ་བ་བཏབ་ནས་བསྡད་པས་ཅིར་ཕན་གསུངས།
སློབ་མས།
ལེགས་སོ།། ད་ནས་བཟུང་གུས་རྟག་ཟུང་གིས་བརྩོན་པར་འདོད་དོ།། ཞེས་ཞུས།
སློབ་དཔོན་གྱིས།
བདག་གིས་བྱང་ཆུབ་ག་ལ་ཞེས།།
སྒྱིད་ལུག་པར་ནི་མི་བྱ་སྟེ།།
འདི་ལྟར་དེ་བཞིན་གཤེགས་པ་ནི།།
བདེན་པ་གསུང་བས་བདེན་འདི་གསུངས།།
སྦྲང་བུ་ཤ་སྦྲང་བུང་བ་དང་།།
དེ་བཞིན་སྲིན་བུར་གང་གྱུར་པ།།
དེས་ཀྱང་བརྩོན་པའི་སྟོབས་བསྐྱེད་ན།།
བྱང་ཆུབ་ཐོབ་དཀའ་བླ་མེད་འཐོབ།།
བདག་ལྟ་རིགས་ཀྱིས་མིར་སྐྱེས་ལ།།
ཕན་དང་གནོད་པའི་དོ་ཤེས་པས།།
བྱང་ཆུབ་སྤྱོད་པ་མ་བཏང་ན།།
བདག་གིས་བྱང་ཆུབ་ཅིས་མི་འཐོབ།།
ཅེས་གསུངས་སོ།།
ཞེས་པ་ནི་བཛྲ་ཚུལ་ཁྲིམས་རྒྱ་མཚོས་རི་མོ་འདི་ལ་བལྟས་ནས་བསྒྲིགས་པའོ།།
༄༅།། གཤམ་གྱི་སེམས་ཁམས་བཟང་བོའི་རིགས་བདུན་པོ་འདི་དག་ལ་འབད་ན་འཚོ་བ་སྐྱིད་པོ་འོང་ངོ་།
བཛྲ་ཚུལ་ཁྲིམས་རྒྱ་མཚོ།
དང་བོ། བྱ་གཞག་ལ་ནི་འོ་སྐོལ་འབད་པ་བྱེད་ཀྱང། རྨོངས་སྲེད་མི་བྱའོ།།
གཉིས་པ། དངོས་རྫས་ཉོ་སྒྲུབ་ལ་ནི་རང་ནུས་དང་བསྟུན་པར་བྱེད་ཀྱི།
གཞན་ལ་འགྲན་པར་མི་བྱའོ།།
གསུམ་པ། སྤྲོ་སྐྱིད་ལ་ནི་དགའ་བར་རིགས་ཀྱང་། བསམ་བློ་འཆལ་བར་མི་བྱའོ།།
བཞི་བ། ཁྱིམ་གཞིས་ལ་ནི་ཡིད་གཞུངས་པར་རིགས་ཀྱང་། ཨུ་ཚུགས་མི་བྱའོ།།
ལྔ་བ། རྒྱུ་ནོར་ལ་ནི་དགའ་བར་རུང་ཡང་རྐམ་ཆགས་མི་བྱའོ།།
དྲུག་པ། ལོངས་སྤྱོད་འཚོལ་དུ་རུང་ཡང་། བག་མེད་པར་མི་བྱའོ།།
བདུན་པ། བརྩེ་དུང་ལ་ནི་ཡིད་ཆེས་བྱེད་ཀྱང་མགོ་མི་འཁོར་རོ།།
【若能保持以下七种良好的心态,就会活得幸福。】
1、对于工作,我们努力但不痴狂;
2、对于购物,我们量力而不攀比;
3. 对于娱乐,我们爱好但不丧志;
4、对于家庭,我们忠诚但不刻板;
5、 对于金钱,我们喜爱但不贪婪;
6、对于享受,我们追逐但不放纵;
7、 对于爱情,我们相信但不迷失。
རྩོམ་ཡིག་མཁོ་སྤྲོད་པ། བྱམས་པ་དོན་གྲུབ།
|