ལྷ་ལྡན་སྨན་རྩིས་ཁང་དུ་དགེ་རྒན་དགའ་བའི་རྡོ་རྗེ་ལགས་ཀྱིས་འཆད་ཁྲིད་གནང།

    སྤྱི་ལོ་༢༠༢༡ལོའི་སྤྱི་ཟླ་༣པའི་ཚེས་༢༥ཉིན་གྱི་ཕྱི་དྲོ་དུས་ཚོས་༣དང་ཕྱེད་ཀའི་ཐོག་བོད་རང་སྐྱོང་ལྗོངས་ལྷ་ལྡན་སྨན་རྩིས་ཁང་ནས་བོད་ཀྱི་གསོ་བ་རིག་པའི་ཕྱག་ལེན་ལ་མཛད་རྗེས་བླ་ན་མཐོ་བའི་དགེ་རྒན་ཆེན་མོ་དགའ་བའི་རྡོ་རྗེ་ལགས་ཀྱིས་བོད་ཀྱི་གསོ་བ་རིག་པའི་གཞུང་དང་ལག་ལེན་ལ་ཕྱག་རྗེས་ཟབ་ཅིང་ངེས་དོན་གྱི་མཁས་པའི་དབང་བོ་རྗེ་དེལ་དམར་བའམ་༧དགེ་བཤེས་བསྟན་འཛིན་ཕུན་ཚོགས་ཀྱིས་མཛད་པའི་སྨན་གཞུང་གྲགས་ཅན་དྲི་མེད་ཤེལ་གང་དང་ཤེལ་ཕྲེང་གི་པར་གཞི་ཁག་གི་བྱུང་རིམ་དང་རྗེ་དེ་ཉིད་ཀྱི་མཛད་རྣམ། ད་དུང་པར་སྐྲུན་ཁང་སོ་སོ་ནས་བཏོན་པའི་པར་གཞི་ཁག་ལས་གཏགས་ནོར་ཤོར་བའི་ཡི་གེ་སོགས་རེ་རེ་ནས་འདིར་ཞུགས་པའི་སྨན་པ་དང་སྨན་སློབ་པ་ཡོངས་ལ་གསལ་དག་ངོ་སྤྲོད་ཞུས།