དབྱངས་རྩོམ་མཁན་རྒན་གསང་བདག་ལགས་ཀྱིས། བདུང་ལེན་པ་སྐལ་བཟང་བཀྲ་ཤིས། གཤིས་ཀྱིས་སྙན་མོ་བླངས་ཐལ། གཤིས་ཀྱིས་ཡ་མཚན་ཞིག་བདུང་ཐལ། ད་ང་ཚོའི་བདུང་ལེན་བདུང་ལེན་ཟེར་བ་དེ། གཅིག་ཡིན་ན་རོལ་ཆའི་བདུང་རྩལ་རེད། གཉིས་ཡིན་ན་སྐད་ངག་རེད། གསུམ་ནས་ཚིག་བཅས་གྲུབ་ཆའི་ཕྱོགས་ནས་འདི་གསུམ་ནི་གཅིག་ཀྱང་མེད་དུ་མི་རུང་བ་རེད། དེ་བས། བླངས་པའི་སྐད་ཡག་དགོས། བདུང་བའི་རྩལ་བཟང་དགོས། དེའི་འཕྲོ་ནས་བརྗོད་བྱའི་ཚིག་དོན་བཟང་དགོས། འདི་གསུམ་ཆ་འཛོམས་ཡིན་ན་ད་གཤིས་ཀྱིས་ངོ་མ་བདུང་ལེན་པ་ཞིག་ཡིན་ན་ཕྱོགས་ཡོངས་ནས་རང་གི་འཇོན་ཐང་ཕྱིར་མངོན་བཏང་བ་རེད། དེ་བས། འགྲན་བསྡུར་འགྲན་བསྡུར་ཟེར་བ་ཡང་མདོར་དེད་ན་ཕྱོགས་འདི་གསུམ་པོའི་ཆ་ནས་བསྡུར་དགོས་ནི་རེད།དེ་ཡིན་ན་ད་བར་དུ་བདུང་ལེན་པ་འགྲན་ཞུགས་པ་ཚང་མར་བལྟས་ཡོང་ན་ཁྱེད་ལྟ་བུའི་སྐད་ངག་དང་བདུང་རྩལ། ཚིག་ལ་སོགས་པའི་ཐོག་ནས་འདི་འདྲ་ཞིག་ཐོག་དང་བོར་ཐུག་ནི་རེད། དེ་ཡིན་ན། སེམས་ནས་ཤིན་ཏུ་དགའ་ནི་ཟིག་རེད།དེའི་འཕྲོ་ནས་རེ་བ་ཞིག་ཡོད་པ་ནི། དཔེར་ན་ང་ཚོའི་འདིའི་བརྗོད་དོན་ནི་སེམས་ལ་སེར་ཐིག་ལྷུང་སོང་ཟེར་གི། ཚིག་འདིའི་ཐོག་ནས་མཚོན་བཞིན་པ་གཙོ་བོ་སེམས་ལ་རྨ་ཁ་ཕོག་པ་སྟེ་སེམས་སྐྱོ་བ་དང་ཡང་ན་སེམས་སྡུག་པའི་དོན་འདི་མོ་མཚོན་བཞིན་འདུག

དེ་ཡིན་ན། བདུང་ལེན་པ་ཞིག་ཡིན་ན་ཁོས་ཕྱོགས་འདི་ལ་ཤིན་ཏུ་བསམ་བློ་གཏོང་རྒྱུ་གལ་ཆེན་ཞིག་རེད། ཁྱེད་ཀྱི་བདུང་རྩལ་ཡིན་ན་མགོ་ནས་འདྲེན་པའི་ཚུལ་དུ་མངོན་པ་འདི་དངོས་ནས་བཟང་གི། དེའི་ཕྱོགས་ནས་མགོ་རྔ་མ་ཚང་མ་ཆ་ཚང་རེད། བདུང་རྩལ་ངོམ་པ་བཟང་གི། འདིའི་བརྗོད་དོན་གྱི་རྣམ་པ་ལ་སེམས་ཀྱིས་ཅི་ཞིག་མཚོན་དགོས་པ་ལ་བསམ་བློ་གཏོང་དགོས་བགྱི་ཞིག་རེད། དགའ་བ་མཚོན་བཞིན་ཡོད་དམ་སྐྱོ་བ་མཚོན་གྱིན་ཡོད། དགའ་སྐྱོ་ཆགས་སྡང་གང་ཞིག་མཚོན་གྱིན་ཡོད་པ་སེམས་ཀྱི་རྣམ་པར་ད་རུང་བསམ་བློ་གཏོང་དགོས། དབྱངས་རྟའི་རྣམ་པའི་ཚུལ་དུ་སོང་ན། ཅུང་དགའ་བ་དང་སྤྲོ་བའི་ཚུལ་ལྡན་པ་དེ་འདྲ་ཡང་རེད། སྦྱོར་བའི་ཕྱོགས་ནས་ད་རུང་ཞིབ་ཏུ་བསམ་བློ་གཏོང་རྒྱུ་ཡོད་ཀི་བསམ་བྱུང་།

     སྐལ་བཟང་བཀྲ་ཤིས། རྨ་ཆུ་དངུལ་རྭར་སྐྱེས། གངས་ལྗོངས་ཤེས་རིག་ནོར་བུའི་སློབ་གླིང་གི་སྐབས་བཅུ་བདུན་པའི་མཐར་ཕྱིན་འཛིན་གྲྭ་ཡིན། ཉིས་སྟོང་བཅུ་བཞི་ལོར་སློབ་མཐར་ཕྱིན་ཏེ་དགེ་རྒན་རྣམ་པའི་གདམས་པ་ལྟར་བདུང་ལེན་སྒྱུ་རྩལ་སྦྱང་བ་ཧུར་ཐག་བྱས། མིག་སྔར་བོད་ཁུལ་གྱི་ཁྲི་སྒོར་རྟགས་མ་སོགས་བདུང་ལེན་འགྲན་བསྡུར་འགར་ཨང་དང་བོ་དང་གཉིས་པའི་དགའ་རྟགས་ཐོབ་མྱོང་། དེ་རིང་མི་རིགས་མཐུན་སྒྲིལ་རྟགས་མའི་སྒྲ་སྙན་བདུང་ལེན་སྐབས་བདུན་པའི་གདན་ཐོབ་དཔང་ཡིག་ཐོབ་ཅིང་བོད་ཁུལ་ཡོངས་ལ་མངའ་རིས་སྒྲ་སྙན་བདུང་རྩལ་གྱི་ཐོལ་བརྒལ་རང་བཞིན་གྱི་ཚ་རླབས་འཕྱུར་དུ་བཅུག

གསར་འགོད་པ། ཐེབ་ཐོགས་ཕྲུག