ཟླ༧ པའི་ཚེས༡༠ ཉིན་གྱི་སྔ་དྲོར་ཐོན་མིའི་འབུམ་གླིང་དང་། དཔེ་མཛོད་ཁང་སྒྲ་སྒྱུར་གཙུག་ལག་གླིང་། གླིང་སྟོད་མཁས་པའི་འབྱུང་གནས་སོགས་སུ་མཆོད་མཇལ་དང་ལྟ་སྐོར་བྱས་ཤིང་། མ་ཡུམ་སློབ་གླིང་གི་མི་ལོ་འདི་དག་གི་ཕྱི་ནང་གི་འཕེལ་རྒྱས་ལ་སློབ་གྲོགས་རྣམས་ཀྱིས་དགའ་བའི་འཛུམ་མདངས་གྲོལ་ཅིང་བསྟོད་པའི་མེ་ཏོག་ཡང་ཡང་ཕུལ། ཉིན་གུང་སློབ་དཔོན་རྣམ་གསུམ་དབུར་བཞུགས། མ་ཡུམ་གངས་ལྗོངས་ཤེས་རིག་ནོར་བུའི་སློབ་གླིང་གི་དགེ་རྒན་དང་ལས་བཟོ་བ་ཡོངས་ལ། ཨ་མྱེས་ཁྲ་རྒན་རིག་གནས་ཁམས་བསངས་གླིང་དུ་ལྷན་འཛོམས་གསོལ་སྟོན་ནམ་དྲིན་གཟོའི་གུང་ཚིགས་དྲངས་ཤིང་། སློབ་དཔོན་འཇིགས་མེད་རྒྱལ་མཚན་གྱིས་བཀའ་སློབ་གསུང་བཤད་གནང་བ་དང་། སྐབས་བཅོ་ལྔ་བའི་མཐར་ཕྱིན་འཛིན་གྲྭའི་སློབ་གྲོགས་དག་གིས་གླུ་དང་རྡུང་ལེན་སོགས་རིག་རྩལ་སྣ་ཚོགས་ཀྱི་མཆོད་པ་ཕུལ་པ་དང་། སྐབས་བཅོ་ལྔ་བའི་མཐར་ཕྱིན་སློབ་མ་བསམ་འགྲུབ་ཚེ་རིང་གིས་རྩོམ་སྒྲིག་བྱས་པའི་ཡུལ་ཤུལ་ཕྱོགས་ཀྱི་མཐོ་གསུམ་སློབ་མའི་ཉིན་ཐོ་ཕྱོགས་བསྒྲིགས་ཀྱི་དེབ《ལང་ཚོ་རུམ་པའི་ལོ་ཟླ》འི་དཔེ་ཕུད་དགེ་རྒན་དང་སློབ་གྲོགས་ཡོངས་ལ་སྤྱན་བསྟར་ཞུས་ཤིང་། དགེ་སློབ་ལྷན་འཛོམས་ཀྱི་མཉམ་པར་སྒྲོན་པ་དང་། ཕྱི་དྲོར་གླིང་སྨད་དང་སྨན་རྩིས་འགྲོ་ཕན་གླིང་ལ་མཆོད་མཇལ་བྱས། ནུབ་མོར་གངས་ལྗོངས་ཤེས་རིག་ནོར་བུའི་སློབ་གླིང་གི་སྐབས་ཉེར་གསུམ་པའི་མཐར་ཕྱིན་དགོང་ཚོགས་ཆེན་མོར་མཉམ་ཞུགས་ཞུས་ཏེ། མ་ཡུམ་སློབ་གླིང་གི་བཀའ་དྲིན་དང་ཁ་ཕྱོགས་ཞེ་ལ་ཉར་ནས་གོམ་པའི་འདེགས་འཇོག་མདོ་སྨད་སོག་རྫོང་རྩྭ་ཐང་ཆེན་མོར་བསྒྱུར་བ་བཅས་སོ། །

གསར་འགོད་པ། གླིང་བུའི་སྙེ་མ།