སློབ་གླིང་གི་གསར་འགྱུར།

སྤྱི་ལོ་2020ལོའི་ཟླ་6པའི་ཚེས19ཉིན་གངས་ལྗོངས་ཤེས་རིག་ནོར་བུའི་སློབ་གླིང་གི་ལོ་རེ་རེའི་འཆར་ཅན་ལྟར་༼ གཏམ་བཤད་ནོར་བུའི་ཕྲེང་བའི་འགྲན་སྡུར་༽ སྐབས་ལྔ་བ་གཟབ་རྒྱས་ངང་འཚོགས་ཤིང་། ཐེངས་འདིའི་བྱ་འགུལ་སྟེང་རང་སློབ་གྲྭའི་འཛིན་གྲྭ་སོ་སོའི་སློབ་མ་གཉིས་རེ་དང་། མཐར་ཕྱིན་གཉིས་ནས་དམིགས་བསལ་སློབ་མ་གསུམ་རེ་དང་། ད་ལོ་ལོ་སྔོན་མ་དག་དང་མ་འདྲ་བར་སློབ་དཔོན་ལྡོང་ཡོན་ཏན་རྒྱ་མཚོ་མཆོག་གི་ཐུགས་བཀོད་ལྟར་འཆད་ཁྲིད་ཀྱི་རྣམ་པར་བསྒྱུར་ཞིང་གླིང་སྨད་དུ་སུམ་ཅུ་བ་དང་གླིང་སྟོད་རྟགས་འཇུག་གཉིས་བདམས་ཏེ་འཆད་ཁྲིད་གནང་དུ་བཅུག་པ་དང་། དེ་མིན་སློབ་དཔོན་ཡོན་ཏན་རྒྱ་མཚོས་ཐེངས་འདིའི་འཆད་ཁྲིད་དང་འབྲེལ་ཏེ་གསུང་བཤད་གལ་ཆེན་གནང་བ།མཇུག་མཐར་བྱ་དགའ་ཐོབ་པའི་སློབ་གྲོགས་དྲུག་དང་ཕུལ་བྱུང་འཛིན་གྲྭ་གཅིག་བཅས་ལ་གཟེངས་རྟགས་གྱ་ནོམ་པ་གནང་ཞིང་ཐེངས་འདིའི་སྦྱིན་བདག་བླ་ལྷག་གནང་མཁན་མང་རྫོང་ཐོན་མིའི་སློབ་ཚོགས་ཀྱིས་བྱ་འགུལ་འདིར་དམངས་སྒོར༢༠༠༠ཕུལ་བར་དྲིན་གཟོའི་གཟི་བརྗིད་རྟགས་མ་གནང་སྟེ་མཇུག་བསྡུས།

གངས་ལྗོངས་ཤེས་རིག་ནོར་བུའི་སློབ་གླིང་།