འབའ་སྣང་གྲོལ་གྱི་དེབ་གསར་འགྲེམ་བརྡ།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2020 ལོའི་ཟླ 10 ཚེས 28 རེས་གཟའ་ལྷག་པ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» གཙོ་ངོས།» འོས་སྦྱོར་གླིང་། »འབའ་སྣང་གྲོལ་གྱི་དེབ་གསར་འགྲེམ་བརྡ།
འབའ་སྣང་གྲོལ་གྱི་དེབ་གསར་འགྲེམ་བརྡ།
རྩོམ་སྒྲིག་པ།  ཁཱ་ཤེས་རབ་རྒྱ་མཚོ། སྤེལ་དུས 2020-05-25ལྟ་ཀློག (3060)རྩོམ་ཁུངས: ངེད་དྲ་བ།པར་འདེབ།


འབའ་སྣང་གྲོལ་གྱི་དེབ་གསར་འགྲེམ་བརྡ།


      འབའ་སྣང་གྲོལ་གྱི་དེབ་གསར་༼གནའ་བོའི་མི་ཆོས་ཀྱི་རིག་གཞུང་སློབ་གསོ༽ཞེས་པ་ཉེ་ཆར་འགྲེམ་སྤེལ་བྱས་ཤིང་། གངས་ལྗོངས་ཤེས་རིག་ནོར་བུའི་སློབ་གླིང་དང་རྩྭ་ཐང་བུ་མོའི་སློབ་གྲྭ་སོགས་སུ་ཐོག་མར་དབུ་འབྱེད་ཀྱི་ཚུལ་དུ་བཀྲམ་པ་དང་། སློབ་གྲྭ་དེ་གའི་དགེ་རྒན་རྣམས་ཀྱིས་གདེངས་འཇོག་བླ་མེད་ཐོབ་པར་མ་ཟད།   དེ་དང་བསྟུན་ནས་དེབ་གསར་འདི་དྲྭ་ལམ་སོགས་སུའང་ཡི་གེ་བ་རྣམས་ཀྱིས་དོ་སྣང་ཤུགས་ཆེན་གནང་ཞིང་། རྩོམ་པ་པོའི་ཕ་ཡུལ་འབའ་རྫོང་དུ་ཤེས་ཡོན་པ་དང་གྲོགས་པོ་འགས་སྣེ་ཁྲིད་དེ་མི་ཆོས་དེབ་གསར་འགྲེམ་སྤེལ་གྱི་མཛད་སྒོ་སྟབས་བདེ་ཞིག་འཚོགས་ཤིང་།  མཛད་སྒོའི་སྟེང་དུ་རྩོམ་པ་པོས་མི་ཆོས་ཀྱི་དེབ་གསར་འདི་འདྲ་ཞིག་བྲི་བའི་ཀུན་སློང་དང་དགོས་པ་སོགས་ཀྱི་སྒོ་ནས་གཏམ་བཤད་བྱས་པ་དང་།   ནག་བཟའ་འཇམ་དབྱངས་ཀླུ་སྒྲུབ་དང་འབའ་སྲས་མོ། དགེ་རྒན་བསོད་ནམས་ཀུན་ལྡན།  བཀྲ་ཤིས་རྒྱ་མཚོ།   ཞིང་གཙོ་ཆོས་བྷ་སོགས་ཀྱིས་རང་རང་གི་བསམ་ཚུལ་ལྷུག་བརྗོད་གནང་ནས་རྩོམ་པ་པོ་ལ་རྟེན་འབྲེལ་ཞུས། 

ཤེས་རིག་སློབ་གླིང་ནས་རྩོམ་པ་པོ་དང་དགེ་རྒན་གྱི་ལིང་འཇིགས་མེད། ལྡོང་རུ་ཆོས་དུང་། བླ་ནག་སྐལ་ལྡན་སོགས་དང་བགྲོ་གླེང་གནང་བཞིན་པ།

     གནའ་བོའི་མི་ཆོས་ཀྱི་རིག་གཞུང་སློབ་གསོ་ཞེས་པའི་མི་ཆོས་རིག་གཞུང་གི་རྩོམ་དེབ་འདི་ནི་རྩོམ་པ་པོས་ལོ་འགའི་རིང་བྲིས་པ་ཞིག་ཡིན་ཞིང་།  དེབ་འདིའི་ནང་དུ་བོད་རང་གི་རིག་གཞུང་ཁྲོད་ཀྱི་མི་ཆོས་ཀྱི་རྩ་བའི་ངོས་འཛིན་དང་། བོད་རང་གི་མི་ཆོས་རིག་གཞུང་སྤྱིའི་འཕེལ་རིམ། ཏུན་ཧོང་གི་ལོ་རྒྱུས་དང་འབྲེལ་ནས་ཕུ་ནུའི་མདོའི་བསྟན་བཅོས་ཀྱི་བྱུང་བ་བརྗོད་ཡོད་པར་མ་ཟད། ཕུ་ནུའི་མདོའི་བསྟན་བཅོས་གཞུང་ཁོག་སྤྱི་ལ་དབྱེ་ཞིབ་དང་ཕྱོགས་བསྡོམས།  གསལ་འགྲེལ་ཞིབ་ཏུ་བཀོད་ནས་མི་ཆོས་ཀྱི་ཚན་པ་རེ་རེེར་བརྗོད་བྱང་གསར་དུ་བཏགས་ཡོད།   ཁྱད་པར་དུ་ཕུ་ནུའི་མདོའི་བསྟན་བཅོས་འདི་བོད་རང་གི་མི་ཆོས་རིག་གཞུང་ཆེས་སྔ་ཤོས་དང་བོད་ཀྱི་མི་ཆོས་རིག་གཞུང་འཕེལ་རིམ་སྤྱིའི་ཕྱི་མོ་ལྟ་བུར་གྱུར་ཡོད་པའི་བསམ་ཚུལ་བཏོན་ཡོད།


རྩྭ་ཐང་བུ་མོའི་སློབ་གཙོས་གདེངས་འཇོག་གནང་བཞིན་པ།


རྩྭ་ཐང་བུ་མོའི་སློབ་གྲྭའི་དགེ་སློབ་ཡོངས་ལ་རྩོམ་པ་པོས་དེབ་འདི་ངོ་སྤྲོད་གནང་བཞིན་པ།


འབའ་རྫོང་དུ་བསྡུས་པའི་དེབ་འདིའི་འགྲེམ་སྤེལ་མཛད་སྒོ།


འགྲེམ་སྤེལ་མཛད་སྒོའི་ཟུར་ཞིག


སྦྲ་ནག་ནང་གི་དེབ་གསར་སྒོ་འབྱེད།


གནའ་བོའི་མི་ཆོས་ཀྱི་རིག་གཞུང་སློབ་གསོ།


ཕྱོགས་ཐམས་ཅད་དུ་མངགས་ཉོ་བྱེད་བཞིན་པ།


སྡེབ་ཉོ་དང་སིལ་ཉོ་གནང་ན་བཤེར་རིས་འདིར་འབྲེལ་དང་། ས་གནས་གང་ཡིན་ཡང་བསྐུར་ཐུབ།



དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 2 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། if7l བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
  འབའ་སྣང་གྲོལ་གྱི་དེབ་གསར་འགྲེམ་བརྡ།   སྤེལ་མཁན།: དྷཱི སྤེལ་དུས:2020/6/6
རྗེས་སུ་ཡི་རང་།མུ་མཐུད་ནས།
  འབའ་སྣང་གྲོལ་གྱི་དེབ་གསར་འགྲེམ་བརྡ།   སྤེལ་མཁན།: གེ་གོ་ལ། སྤེལ་དུས:2020/6/3
ངོ་མ་གཅིག་ཡག་གི
  པར་ངོས1/1 པར་ཡོད།
ལྟ་ཀློག་གྲངས་ཀ
6728850
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།