ཤ་ཚ་བའི་ཁ་ཏ་གླུ་རུ་བླངས།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2020 ལོའི་ཟླ 4 ཚེས 4 རེས་གཟའ་སྤེན་པ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» སློབ་གསོ།» སྤྱི་ཚོགས་སློབ་གསོ། »ཤ་ཚ་བའི་ཁ་ཏ་གླུ་རུ་བླངས།
ཤ་ཚ་བའི་ཁ་ཏ་གླུ་རུ་བླངས།
རྩོམ་སྒྲིག་པ།  འབའ་སྣང་གྲོལ། སྤེལ་དུས 2020-03-08ལྟ་ཀློག (848)རྩོམ་ཁུངས: ངེད་དྲ་བ།པར་འདེབ།


ཤ་ཚ་བའི་ཁ་ཏ་གླུ་རུ་བླངས།

བཛྲ་ཚུལ་ཁྲིམས་རྒྱ་མཚོས།
དུས་དེང་སང་སྐྱེ་བོ་ཕལ་མོ་ཆེ།།
གཏམ་ཆེན་པོ་བཤད་རྒྱུར་ཧ་ཅང་དགའ།།
ཁ་ཉན་ན་ཁ་ཕོད་མི་སྒྲོག་རོགས།།
འདི་ཚིག་ཤུལ་དོན་གྱིས་འཚབ་རྒྱུ་དཀའ།།

གཏམ་གང་བཤད་ཁ་ཙམ་མ་གཏོགས་མེད།།
ཚིག་སྙན་ཡང་ཕྱོགས་བསྒྲིགས་ལས་མེད་ན།།
གྲལ་གོར་མོའི་དཀྱིལ་སྙིང་ཟིན་ཐབས་མེད།།
བསམས་ཤེས་ན་འཕྲལ་ཕུགས་གང་ཕན་སོམས།།

དུས་དེང་སང་སྐྱེ་བོ་ལ་ལ་ཞིག །
གཏམ་ཀུ་རེ་རྩེད་རྒྱུར་ཧ་ཅང་དགའ།།
ཁ་ཉན་ན་རྩེད་མོ་ཐལ་མ་དྲག །
ཚོད་མ་ཐུག་དགྲ་རུ་འགྱུར་ཉེན་ཆེ།།

གཏམ་གང་བཤད་རྩེད་མོ་མ་གཏོགས་མེད།།
ཁ་བདེ་ཡང་དོན་དག་མེད་ན་ནི།།
མིང་སྟོང་བས་མི་མགོ་འཛིན་ཚུལ་མེད།།
བསམས་ཤེས་ན་བཤད་ཤེས་ལབས་ཤེས་བྱོས།།

དུས་དེང་སང་སྐྱེ་བོ་ལ་ལ་ཞིག །
གཏམ་ཁ་ཡག་རྐྱང་རྐྱང་བཤད་རྒྱུར་དགའ།།
ཁ་ཡག་པ་གྲགས་རུང་ཁོག་རུལ་ན།།
གྲོགས་མཛའ་བཤེས་དགྲ་རུ་སྡང་ཉེན་ཡོད།།

ཁ་ཡག་པ་མ་གཏོགས་ལྷག་བསམ་མེད།།
དོན་གཞན་མགོ་བསྐོར་རྒྱུ་ལས་མེད་ན།།
ནང་ཕུ་ནུའི་ལག་རྡང་ཐོབ་ཐབས་མེད།།
བསམས་ཤེས་ན་རང་སེམས་གཏན་ལ་ཕོབ།།

དུས་དེང་སང་སྐྱེ་བོ་ལ་ལ་ཞིག །
རང་བློ་རིག་སྤྱང་གསུམ་འཛོམས་རབས་བཤད།།
གཞན་མི་ཤེས་རྨོངས་པ་ཆེ་རབས་གླེང་།།
ཐལ་མ་ཆེ་རང་ཉིད་ཕུང་ཉེན་ཡོད།།

དོན་བྱ་གཞག་སྒྲུབ་ན་ནན་གྱིས་སྒྲུབས།།
ནམ་ཡིན་ཡང་ཀུན་སྤྱོད་ཚངས་ཐིག་སྲུངས།།
ཤ་ཚ་བའི་ཁ་ཏ་གླུ་རུ་བླངས།།
ཉན་བསམ་ན་ཉོན་དང་སྙིང་གཏམ་ཡིན།།


དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 1 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། eb4h བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
  ཤ་ཚ་བའི་ཁ་ཏ་གླུ་རུ་བླངས།   སྤེལ་མཁན།: དྷཱི སྤེལ་དུས:2020/3/9
ཡག་པོ་གསུང་འདུག ཐུགས་རྗེ་ཆེ།
  པར་ངོས1/1 པར་ཡོད།
ལྟ་ཀློག་གྲངས་ཀ
6240295
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།