རྒྱ་གར་ཕ་དམ་པས་བོད་ཀྱི་ཆོས་པ་རྣམས་ལ་བཀའ་བཀྱོན་ཞུས་པ།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2020 ལོའི་ཟླ 4 ཚེས 4 རེས་གཟའ་སྤེན་པ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» སློབ་གསོ།» དགོན་སྡེའི་སློབ་གསོ། »རྒྱ་གར་ཕ་དམ་པས་བོད་ཀྱི་ཆོས་པ་རྣམས་ལ་བཀའ་བཀྱོན་ཞུས་པ།
རྒྱ་གར་ཕ་དམ་པས་བོད་ཀྱི་ཆོས་པ་རྣམས་ལ་བཀའ་བཀྱོན་ཞུས་པ།
རྩོམ་སྒྲིག་པ།  འབའ་སྣང་གྲོལ། སྤེལ་དུས 2020-02-15ལྟ་ཀློག (843)རྩོམ་ཁུངས: ངེད་དྲ་བ།པར་འདེབ།

རྒྱ་གར་ཕ་དམ་པས་བོད་ཀྱི་ཆོས་པ་རྣམས་ལ་བཀའ་བཀྱོན་ཞུས་པ། 


   རྒྱ་གར་ན་གྲུབ་ཐོབ་མིས་ངོ་མི་ཤེས།   བོད་ན་གྲུབ་པ་མ་ཐོབ་ཀྱང་ཐོབ་རྫུན་བཏབ་ནས་རྒྱལ་མཚན་གྱི་རྩེ་མོ་ལ་འཕྱར་བར་འདུག་སྟེ། རང་གཞན་ཡོ་བསླུས་ཟིན་པ་དེ་ཡིན་གསུངས།  ཡང་ཆོས་ཁེ་དྲེགས་ཅན་ཚོ་ལ་ཆོས་ནི་མི་འདུག་པར།  ངེས་ཤེས་ཚེ་གང་འཇིག་རྟེན་ཆོས་བརྒྱད་ཀྱི་ཡོ་ལང་སུ་ཆེ་འགྲན་པ་འདི་རྣམས་དོན་དུ་ཆོས་པ་རེ་སྙམ་པ་མི་གདའ།   ཕལ་ཆེར་རང་གཞན་གཉིས་ཀ་མགོ་འཁོར་ནས་འདུག་པ་སྙིང་རྗེ།  སྟོན་པ་སངས་རྒྱས་ཀྱིས་གཟིགས་ན་ཅི་དགོངས་ན་གསུངས།  

    ཡང་འདི་ལྟར་གསུངས།   བོད་ཀྱི་ཆོས་པ་འདི་ཀུན།  དཀོན་མཆོག་གི་རྟེན་སྡིག་དང་རྫུན་གྱིས་བཞེངས་ནས།  ཚེ་འདི་རླུང་ལ་བསྐུར་བ་སྐད་ཟེར།   ནོར་འཚོལ་བ་ཡང་ཟུང་ཆོས་ལ་བྱས་ནས།  ང་སྡིག་ལ་འཛེམ་པ་སྐད་ཟེར།   གསང་སྔགས་ཀྱི་དཀྱིལ་འཁོར་ར་ཁྱིའི་ཚང་དུ་བཞེངས་ནས་འདི་གཉན་པ་སྐད་ཟེར། ཆོས་པའི་མདུན་མས་དམྱལ་བའི་འཁོར་གཞི་བཏིངས་ནས་ང་གྲོས་ཕུགས་ཆེ་བ་སྐད་ཟེར།  དགེ་འདུན་གྱི་སྤྱི་ནོར་རང་རེས་ཟོས་ནས་དགོས་སར་བཏང་བ་སྐད་ཟེར།  སྡིག་དང་རྫུན་གྱི་བསླུ་བྲིད་ཀྱིས་ནོར་བཙལ་ནས་ངའི་སྒོམ་རྒྱག་བྱེད་པ་སྐད་ཟེར།  

    བོད་ཀྱི་ཆོས་པ་འདི་ཀུན་དགོད་བྲོ།  ཐམས་ཅད་ལྟོ་གོས་འཚོལ་བའི་དོན་ལ།  ཁ་ནས་ཅི་འདོན་དང་འདི་འདོན་མི་འདུག  གཟུགས་བརྙན་ཅི་བྱེད་དང་འདི་བྱེད་མི་འདུག  ཧེ་ཧེ། བོད་ཀྱི་ཆོས་ཉན་པ་དང་། སེམས་ཅན་གྱི་དོན་བྱེད་པ་དང་།  གྲུབ་པ་ཐོབ་པ་དང་།  ཡོ་ང་ལ་རྒྱུས་ཡོད། གྲགས་པ་དང་གཏམ་སྙན་འདོད་པའི་ཕྱིར་ཆོས་འཆད་ཉན་དང་།  མནའ་མ་དང་ཚ་བོའི་དོན་བྱེད་པའི་བྱང་ཆུབ་སེམས་དཔའ་དང་།  འབུལ་སྐྱེས་དང་ཡོ་བྱད་གསོག་པའི་གྲུབ་ཐོབ་མང་བོ་འདུག   བོད་ཀྱི་ཆོས་པ་འདི་ཚོ་ཚེ་འདི་ལ་རང་སྐྱིད་པོ་འདུག་སྟེ།  ཤི་ཙ་ན་ཕམ་པར་འགྲོ།   རྒྱ་གར་ཡིན་ན་ནི་རྒྱལ་བོའི་ཆད་པའང་ཡོད་གསུངས།    

འབའ་སྣང་གྲོལ་གྱིས་ཕ་དམ་པའི་རྣམ་ཐར་ལས་བཤུས།  


དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། 41s7 བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
6239912
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།