འཕྲིན་བཟང་། ༼བོད་ལྗོངས་སུ་ནད་གཞི་གཏན་འཁེལ་བྱས་པའི་ནད་པ་གཅིག་པུ་དེ་དྲག་སྐྱེད་བྱུང་སྟེ་སྨན་ཁང་ནས་སྒོར་བུད་འདུག༽

      དེ་རིང་ཕྱི་དྲོ་བོད་ལྗོངས་སུ་གློ་ཚད་གསར་པ་གཏན་འཁེལ་བྱས་པའི་ནད་པ་ཀྲང་ག་གེ་མོ་དྲག་སྐྱེད་བྱུང་བས་སྨན་ཁང་ནས་ཐོན་པའི་འགྲོ་ལུགས་ཚང་མ་བསྒྲུབས་ཏེ་བོད་རང་སྐྱོང་ལྗོངས་མི་དམངས་སྨན་ཁང་གསུམ་པ་ནས་ཁ་གྱེས་པ་རེད། བོད་རང་སྐྱོང་ལྗོངས་སྨན་ཁང་གསུམ་པའི་གློ་བའི་ཚན་ཁག་གཉིས་པའི་ཀྲུའུ་རེན་སྐྱོབ་བཅོས་ཚོགས་ཆུང་གི་ཙུའུ་ཀྲང་ཧྭ་ཏེ་སྨི་ཡིས་ངོ་སྤྲོད་བྱས་པར་གཞིགས་ན། ནད་དཔེ་དེར་ཟླ་2ཚེས་9ཉིན་ཞིབ་དཔྱད་ཚད་ལེན་ཐེངས་དང་པོ་བྱས་པའི་འབྲས་བུ་ནི་སྲིབས་གཤིས་ཡིན་པ་དང་། ཟླ་2ཚེས་11ཉིན་བསྐྱར་དུ་ཞིབ་དཔྱད་ཚད་ལེན་བྱས་འབྲས་སྔར་བཞིན་སྲིབས་གཤིས་ཡིན་པ་དང་། མིག་སྔར་CTསོགས་ནད་ཐོག་སྨན་བཅོས་ཀྱི་དཔང་རྟགས་ནང་ནད་གཞི་དྲག་སྐྱེད་བྱུང་བ་དང་ནད་ཐོག་སྨན་བཅོས་ཚོགས་ཆུང་གིས་གྲོས་བསྡུར་བྱས་པ་དང་འབྲེལ་སྨན་ཁང་དང་བོད་རང་སྐྱོང་ལྗོངས་འཕྲོད་བསྟེན་བདེ་ཐང་ཨུ་ལྷན་ལ་སྙན་སེང་ཡང་ཞུས་པ་དང་། རང་སྐྱོང་ལྗོངས་དང་ཧྲང་ཧའེ་པེ་ཅིང་གི་རིགས་གཅིག་མཁས་ཅན་གྱིས་ཚོད་སྐོར་བྱས་རྗེས་ནད་དཔེ་དེ་དྲག་སྐྱེད་བྱུང་ནས་སྨན་ཁང་ནས་ཐོན་པའི་ཚད་གཞི་ལོན་ཡོད། ཀྲང་ཆེ་གེ་མོས་ཟླ་1ཚེས་22ཉིན་ནས་ཚེས་24ཉིན་བར་ཝུའུ་ཁྲང་ནས་མེ་འཁོར་ལ་བསྡད་དེ་ལྷ་ས་གྲོང་ཁྱེར་དུ་འབྱོར། ཟླ་1ཚེས་25ཉིན་གྱི་དགོང་མོ་ཀྲང་ག་གེ་མོས་བོད་རང་སྐྱོང་ལྗོངས་ཀྱིས་གཏན་འཁེལ་བྱས་པའི་གནས་གཏན་འཁེལ་གྱི་སྨན་བཅོས་སྒྲིག་གཞིར་སྨན་བཅོས་བྱེད་པར་བསྐྱོད་པ་དང་འབྲེལ་སྨན་ཁང་དུ་བསྡད་དེ་ཟུར་བཀར་ལྟ་ཞིབ་སྨན་བཅོས་དང་ལེན་བྱས་པ་རེད།   ཟླ་1ཚེས་29ཉིན་ཀྲང་ག་གེ་མོར་གློ་ཚད་གསར་པ་གཏན་འཁེལ་བྱུང་ནས་བོད་ལྗོངས་སུ་གློ་ཚད་གསར་པ་གཏན་འཁེལ་བྱུང་བའི་ནད་དཔེ་དང་པོར་གྱུར་ཡོད། ངོ་སྤྲོད་བྱས་པར་གཞིགས་ན། ཀྲང་ག་གེ་མོས་དེ་རིང་ཕྱི་དྲོ་མེ་འཁོར་ལ་བསྡད་དེ་བོད་ལྗོངས་ནས་ཁ་བྲལ་རྒྱུ་ཡིན་པ་རེད།

རྩོམ་ཁུངས། (མི་དམངས་ཉིན་རེའི་ཚགས་པར་གྱི་གསར་འགོད་པ། ཞུས་ཧུའེ་ཡའོ་དང་ཏེང་ཅན་ཧྲེང་། )

ཡིག་སྒྱུར་བ་དང་འཕྲིན་གཏོང་སྤྲེལ་ཉི་མ་རྒྱལ་མཚན།