ལྕགས་བྱི་ལོའི་ལོ་སར་སྨོན་ཚིག
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2020 ལོའི་ཟླ 7 ཚེས 3 རེས་གཟའ་པ་སངས་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» གཙོ་ངོས།» ཐོན་མིའི་སློབ་གསོ། »ལྕགས་བྱི་ལོའི་ལོ་སར་སྨོན་ཚིག
ལྕགས་བྱི་ལོའི་ལོ་སར་སྨོན་ཚིག
རྩོམ་སྒྲིག་པ།  བན་ཤུལ་འཇམ་དབྱངས། སྤེལ་དུས 2020-01-25ལྟ་ཀློག (1694)རྩོམ་ཁུངས: རྩོམ་ཁུངས་འདེམ་བྱང་།པར་འདེབ།

༄༅།། ལྕགས་བྱི་ལོའི་ལོ་སར་སྨོན་ཚིག

བཛྲ་ཚུལ་ཁྲིམས་རྒྱ་མཚོ།

སྙིང་གི་འོ་མཚོ་བསྲུབས་པའི་གཏིང་རིམ་ནས།།

དད་གདུང་རྦ་རླབས་མཁའ་ལ་འཕྱོ་བའི་མདངས།།

བླ་མ་དཀོན་མཆོག་གསུམ་ལ་གསོལ་དེབས་ཀྱི།།

དབྱངས་སུ་འཕོས་སོ་མཆོག་ཐུན་དངོས་གྲུབ་སྩོལ།།


ཤིས་དང་མི་ཤིས་མ་ལུས་འགྲོ་རྣམས་ཀྱི།།

ཚུལ་དང་ཚུལ་མིན་བསམ་སྦྱོར་ལས་བྱུང་བས།།

དགེ་སྡིག་བླང་དོར་འབྱེད་པའི་བློ་མིག་གིས།།

མི་ཤིས་རྒུད་པའི་མུན་པ་ཀུན་སེལ་ཤོག །


ནད་དང་སྡིག་སྒྲིབ་རང་རང་ལས་ལས་བྱུང་།།

ལས་ནི་ཉོན་མོངས་དེ་ཡང་བདག་འཛིན་ལས།།

བྱུང་ལ་ངེས་རྙེད་རྟེན་འབྲེལ་འཚོལ་བའི་བློས།།

རིམས་སོགས་འཇིགས་པ་ཀུན་ལས་མྱུར་འགྲོལ་ཤོག །


སྣོད་ཀྱི་བཅུད་ཉམས་བཅུད་ཀྱི་གཡང་ཉམས་པ།།

ཀུན་ཀྱང་ནང་གི་ཆགས་སྡང་ཉིད་ལས་བྱུང་།།

བྱམས་དང་སྙིང་རྗེ་སྙོམས་པའི་སེམས་ཀྱི་མཐུས།།

སྣོད་བཅུད་འཆམ་མཐུན་དཔལ་ལ་འཁོད་པར་ཤོག།


ཚན་རིག་སྔོན་ཐོན་ཡིན་ན་དགའ་འོས་ཤིང་

སྨན་ལ་ནུས་མཐུ་ཆེ་ན་མཐེ་བོང་སྒྲེང་།།

འོན་ཀྱང་དད་དང་བྱིན་རླབས་བདུད་རྩི་ཡང་།།

བསྣན་ན་ཉེས་པ་མེད་པས་ཀུན་འཛོམས་ཤོག །


མདོར་ན་ལྕགས་བྱི་གནམ་ལོ་གསར་བའི་ནང་།།

ནད་མུག་འཐབ་རྩོད་འཁྲུག་ལོང་ཀུན་ཞི་ཞིང་།།

ཕུན་ཚོགས་སྡེ་བཞིའི་དཔལ་གྱིས་བསྟན་དང་འགྲོ།།

ལྷག་པར་བདེ་ཞིང་གོང་དུ་འཕེལ་བར་ཤོག །


 


དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། 52t8 བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
6403688
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།