ནོ་བྷེལ་གསོ་བ་རིག་པའི་བྱ་དགའ་ཐོབ་པའི་གནས་ཚུལ་ཁྱབ་བསྒྲགས།

      ཀྲུང་གོའི་གསར་འགྱུར་དྲ་བ་ནས་བསྒྱུར་འཕྲིན། སྤྱི་ཟླ་༡༠བའི་ཚེས༧ཉིན་གྱི་ཕྱི་དྲོར། ༢༠༡༩ལོའི་ནོ་བྷེལ་སྐྱེ་ཁམས་རིག་པའམ་གསོ་བ་རིག་པའི་བྱ་དགའ་ཐོབ་པའི་གནས་ཚུལ་ཁྱབ་བསྒྲགས་བྱས།
ཨ་རིའི་ཝེ་ལམ.ཁེ་ལུན (William G. Kaelin Jr) དང་དབྱིན་ཇིའི་ཕེས་ཁྲུར.རཱ་ཁྲུ་ཁུ་ལེ་ཧྥུ། (Sir Peter J. Ratcliffe)ཨ་རིའི་རྒུ་རེ་རྒུ.ཟེ་མུན་ཟཱ (Gregg L. Semenza) བཅས་ལ་ནོ་བྷེལ་སྐྱེ་ཁམས་རིག་པའམ་གསོ་བ་རིག་པའི་བྱ་དགའ་འདི་གནང་སྟེ་ཁོ་ཚོས་ཕྲ་ཕུང་གིས་ཇི་ལྟར་ཚོར་ཤེས་འབྱུང་བ་དང་གསོ་རླུང་གི་འཕྲོད་ཤུགས་རང་བཞིན་ཤེས་རྟོགས་བྱུང་བར་གཟེངས་བསྟོད་བྱ་རྒྱུ་རེད།

གསར་རྙེད་འདིས་ཟུངས་ཁྲག་ཉམས་པ་དང་སྐྲན་ནད་སོགས་ནད་མང་བོ་ཞིག་གི་གསོ་བཅོས་ལ་རེ་བ་ཆེན་པོ་བསྩལ།

  ནོ་བྷེལ་སྐྱེ་ཁམས་རིག་པའམ་གསོ་བ་རིག་པའི་བྱ་དགའ་ནི་སུའེ་ཙེར་གྱི་འདས་པོ་རྫས་འགྱུར་རིག་པ་ཨར་ཧྥོ་ལེ་ངྷི.ནོ་བྷེལ་ལགས་ཀྱི་ཁ་ཆེམས་ལྟར་དུ་བཙུགས་པ་ཞིག་ཡིན་ལ། དེའི་དམིགས་ཡུལ་ནི་ལོ་སྔོན་མའི་སྐྱེ་ཁམས་རིག་པའམ་གསོ་བ་རིག་པའི་སྟེང་དུ་ཐོལ་བརྒལ་རང་བཞིན་གྱི་གསར་རྟོགས་བྱེད་མཁན་ལ་གཟེངས་བསྟོད་བྱ་ཆེད་ཡིན།

     བྱ་དགའ་འདི་༡༩༠༡ལོར་ཐེངས་དང་བོར་བྱིན་པ་དང་། སུའེ་ཙེར་གྱི་རྒྱལ་ས་སི་ངྷི་རྒུ་ཨར་མོའི་གསོ་རིག་སློབ་ཆེན་ཁཱ་ལོ་ལེན་སི་ཁཱ་ཡིས་དཔྱད་འདེམས་ཀྱི་ཁུར་བླངས་པ་དང་། བྱ་དགའ་གནང་བའི་མཛད་སྒོ་ལོ་རེའི་ཟླ༡༢བའི་ཚེས༡༠ཉིན（ནོ་བྷེལ་སྐུ་གཤེགས་པའི་ལོ་རེའི་དྲན་གསོའི་ཉིན་མོ།）སྤེལ་གྱིན་ཡོད།

གསར་འགོད་པ།  སྨར་ཁམས་མཁའ་འགྲོ་རྒྱལ།