སློབ་གླིང་གསར་འགྱུར།

       སྤྱི་ལོ་2019.5.3ཉིན་གངས་ལྗོངས་ཤེས་རིག་ནོར་བུའི་སློབ་གླིང་གི་ལོ་རེ་རེའི་འཆར་གཞི་ལྟར་༼ གཏམ་བཤད་ནོར་བུའི་ཕྲེང་བའི་འགྲན་སྡུར་༽སྐབས་བཞི་བ་གཟབ་རྒྱས་ངང་འཚོགས་ཤིང་།   ཐེངས་འདིའི་བྱ་འགུལ་སྟེང་རང་སློབ་གྲྭའི་འཛིན་གྲྭ་སོ་སོའི་སློབ་མ་གཉིས་རེ་དང་། མཐར་ཕྱིན་གཉིས་ནས་དམིགས་བསལ་སློབ་མ་གསུམ་རེ་དང་།  གངས་ལྗོངས་རྩྭ་ཐང་བུ་མོའི་སློབ་གྲྭའི་འཐུས་ཚབ་སློབ་མ་དྲུག་བཅས་ཞུགས་ཏེ་༼ བོད་ཀྱི་སྲོལ་རྒྱུན་བཟའ་བཏུང་སྐོར་གླེང་བ་༽ཞེས་པའི་གཅིག་གྱུར་གྱི་བརྗོད་གཞི་སྟེང་ནས་གཏམ་བཤད་བྱས།  གཏམ་བཤད་ཀྱི་བརྗོད་བྱའི་ཆ་ནས་དཔྱད་གཞིའི་ཡིག་ཆའི་ཁུངས་བཙུན་པ་དང་། གོ་རིམ་ལྡན་པ།  བརྗོད་བྱའི་ནང་དོན་རེ་རེ་ལ་དཔྱད་ཞིབ་ཀྱི་རིག་པ་ཕྲ་བ། ཟས་རིགས་རེ་རེ་ངོ་སྤྲོད་ལ་ཞིབ་ཚགས་ལྡན་པ་མ་ཟད། སྲོལ་རྒྱུན་བཟའ་བཏུང་རིགས་མི་འདྲ་བ་མང་པོ་འཆད་ཁྲིད་དང་།  གཏམ་བཤད།  འཁྲབ་སྟོན།  སྒྲོག་སྦྱོང་སོགས་རྣམ་པ་མི་འདྲ་བའི་བཤད་སྟངས་ཀྱིས་ཚང་མར་སྔོན་མེད་ཀྱི་བློ་བསྐྱེད་མང་བོ་ཐོབ།  ད་དུང་ངོ་མཚར་བའི་མིག་གི་ལོངས་སྤྱོད་དུ་གྱུར་བའི་བཟའ་བཏུང་འདྲ་མིན་གྱི་པར་རིས་སྣ་ཚོགས་ཀྱིས་འདས་སོན་ལོ་རྒྱུས་ཀྱི་མཚར་སྡུག་ལ་ཕྱིར་རྟོག་གི་དྲན་ཤིང་ཕུན་སུམ་ཚོགས་པར་བཞག   དེ་མིན་དགེ་རྒན་བླ་ནག་པ་སྐལ་ལྡན་རྒྱ་མཚོ་མཆོག་གིས་ཐེངས་འདིའི་འགྲན་སྡུར་དང་འབྲེལ་ཏེ་གཏམ་བཤད་ནོར་བུའི་ཕྲེང་བ་བཙུགས་པའི་དགེ་མཚན་དང་།  གལ་ཆེན་རང་བཞིན་གྱི་སྐོར་ནས་གསུང་བཤད་བླ་མེད་གནང་བ་མ་ཟད་མ་འོངས་པའི་གཏམ་བཤད་ཀྱི་ཁ་ཕྱོགས་དང་། དོ་སྣང་བྱེད་དགོས་པའི་ཐད་ནས་ལམ་སྟོན་དཔེ་མེད་གནང་། མཇུག་མཐར་བྱ་དགའ་ཐོབ་མཁན་གྱི་སློབ་གྲོགས་ལྔ་དང་ཕུལ་བྱུང་འཛིན་གྲྭ་གཅིག་བཅས་ལ་གཟེངས་རྟགས་གྱ་ནོམ་པ་གནང་ཞིང་།   ཐེངས་འདིའི་སྦྱིན་བདག་རྣམ་པར་དྲིན་གཟོའི་གཟི་བརྗིད་རྟགས་མ་གནང་སྟེ་མཇུག་བསྡུས།

ཚོགས་རའི་ཡུལ་དངོས།

དཔྱད་འདེམ་པ།

རྩོམ་སྒྲིག་འཐུས་ཚབ་པ།

རིག་རྩལ་བ།

གཏམ་བཤད་པ།

བྱ་དགའ་ཐོབ་མཁན་དང་བུ་མོའི་སློབ་གྲྭའི་གཏམ་བཤད་འཐུས་ཚབ་པ།

མཛུབ་སྟོན་དགེ་རྒན་གྱིས་སྤྱི་སྡོམ་བྱས་པ།

བྱ་དགའ་ཐོབ་མཁན།