རྩྭ་ཐང་བུ་མོའི་སློབ་གྲྭའི་སློབ་མ་གསུམ་གྱིས་ཞིབ་འཇུག་སློབ་མར་རྒྱུགས་འཕྲོད་པ།
  ཤེས་རིག་ནོར་བུའི་སློབ་གླིང་གིས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2024 ལོའི་ཟླ 4 ཚེས 26 རེས་གཟའ་པ་སངས་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» གཙོ་ངོས།» རྩྭ་ཐང་བུ་མོའི་སློབ་གྲྭ། »རྩྭ་ཐང་བུ་མོའི་སློབ་གྲྭའི་སློབ་མ་གསུམ་གྱིས་ཞིབ་འཇུག་སློབ་མར་
རྩྭ་ཐང་བུ་མོའི་སློབ་གྲྭའི་སློབ་མ་གསུམ་གྱིས་ཞིབ་འཇུག་སློབ་མར་རྒྱུགས་འཕྲོད་པ།
རྩོམ་སྒྲིག་པ།  བན་ཤུལ་འཇམ་དབྱངས། སྤེལ་དུས 2019-04-27ལྟ་ཀློག (12018)རྩོམ་ཁུངས: ངེད་དྲ་བ།པར་འདེབ།

གངས་ལྗོངས་རྩྭ་ཐང་བུ་མོའི་སློབ་གྲྭའི་སློབ་མ་གསུམ་གྱིས་ཞིབ་འཇུག་སློབ་མར་རྒྱུགས་འཕྲོད་པ།

        རིན་ཆེན་སྒྲོལ་མ་ནི་མཚོ་ལྷོ་ཁུལ་བྲག་དཀར་རྫོང་དཔལ་ཁ་གྲོང་རྡལ་ཧྲོང་བོ་སྡེ་བའི་འབྲོག་ཁྱིམ་ཞིག་ཏུ་སྐྱེས། རང་ལོ་བཅུ་གཉིས་སྟེང་སྟེ་སྤྱི་ལོ་2005་ལོར་གངས་ལྗོངས་རྩྭ་ཐང་བུ་མོའི་སློབ་གྲྭར་ཞུགས་ཤིང་རིམ་བཞིན་སློབ་གླིང་དེའི་བཤེས་གཉེན་བཀའ་དྲིན་ཅན་དག་གི་མཛུབ་སྟོན་དང་བྱམས་སྐྱོང་འོག་བོད་རང་གི་རིག་གནས་ཀྱི་བླ་མེད་རིན་ཐང་དང་དགོས་གལ་གྱི་རང་བཞིན་ལ་ངེས་པ་རྙེད་ཅིང་།   དེ་ནས་བཟུང་བོད་ཀྱི་རིག་གནས་ཀྱིས་དྲངས་པའི་དགའ་ཕྱོགས་སམ་མི་ཚེའི་ཕུགས་འདུན་ཞིག་ཀྱང་མེད་པ་ནས་ཡོད་པར་གྱུར།    དེ་ལྟར་མི་ལོ་བརྒྱད་ལ་དཀའ་སྡུག་གི་འཚོ་བར་གདོང་གཏད་དེ་སློབ་སྦྱོང་གི་འདུན་མ་རྒྱུན་བསྐྱངས་པས། མཐར་སྤྱི་ལོ༢༠༡༣ལོར་གནས་དེ་གར་སློབ་ཐོན་གྱི་དཔང་ཡིག་བླངས།   དེ་ནས་བཟུང་མུ་མཐུད་དུ་མཚོ་ལྷོ་ཁུལ་མི་རིགས་མཐོ་འབྲིང་གཉིས་པར་ཞུགས་པ་དང་།  སྤྱི་ལོ་༢༠༡༦ལོར་མཐོ་རྒྱུགས་ལ་ཞུགས་ཤིང་།   ད་ལྟ་ནུབ་བྱང་མི་རིགས་སློབ་ཆེན་གྱི་བོད་སྐད་ཡིག་ཆེད་སྦྱོང་འཛིན་གྲྭར་ཡོད་ཅིང་དང་བོའི་དམ་བཅའ་དང་ཕུགས་རེ་མ་དོར་བར་ད་ལོར་མཚོ་སྔོན་མི་རིགས་སློབ་ཆེན་གྱི་ཞིབ་འཇུག་སློབ་མར་རྒྱུགས་འཕྲོད།

རིན་ཆེན་སྒྲོལ་མ།

         རིག་བྱེད་འཚོ་ནི་ཕ་ཡུལ་མཚོ་སྔོན་ཞིང་ཆེན་མགོ་ལོག་ཁུལ་རྨ་ཆེན་རྫོང་རྭ་རྒྱ་གྲོང་རྡལ་གྱི་ཡིན། སྤྱི་ལོ༢༠༠༥ལོར་གངས་ལྗོངས་རྩྭ་ཐང་བུ་མོའི་སློབ་གྲྭར་ཞུགས་ནས་མི་ལོ་བརྒྱད་ཀྱི་སློབ་སྦྱོང་གི་འཚོ་བ་མཇུག་རྫོགས་པ་དང་སློབ་གླིང་དེ་གའི་སྐབས་དང་བོའི་མཐར་ཕྱིན་སློབ་མར་གྱུར།  དེ་ནས་མུ་མཐུད་དུ་མགོ་ལོག་ཁུལ་མི་རིགས་མཐོ་འབྲིང་སློབ་མཐར་ཕྱིན་ཞིང་ལོ་དེར་རྒྱལ་ཡོངས་མཐོ་རྒྱུགས་ལ་ཞུགས་ཏེ་ནུབ་བྱང་མི་རིགས་སློབ་ཆེན་གྱི་བོད་སྐད་ཡིག་ཆེད་སྦྱོང་འཛིན་གྲྭར་མི་ལོ་གསུམ་རིང་དཀའ་སྡུག་གི་འཚོ་བར་གདོང་གཏད་ཅིང་བརྩོན་འགྲུས་ཀྱི་རྟ་ཕོར་ལྕག་གིས་བསྣུན་ནས་ད་ལོར་སློབ་གླིང་དེ་གའི་ལོ་རྒྱུས་ཡིག་ཚང་རིག་པའི་རམ་འབྱམས་ཞིབ་འཇུག་སློབ་མར་རྒྱུགས་འཕྲོད།     

རིག་བྱེད་འཚོ།

          ཡིད་བཞིན་སྐྱིད་ནི་ཕ་ཡུལ་མཚོ་སྔོན་ཞིང་ཆེན་མགོ་ལོག་ཁུལ་རྨ་ཆེན་རྫོང་རྭ་རྒྱ་གྲོང་རྡལ་གྱི་ཡིན། སྤྱི་ལོ་༢༠༡༣ལོར་གངས་ལྗོངས་རྩྭ་ཐང་བུ་མོའི་སློབ་གྲྭ་ནས་སློབ་ཆུང་དང་དམའ་འབྲིང་མཐར་ཕྱིན་ཞིང་སློབ་གླིང་དེའི་སྐབས་དང་པོའི་མཐར་ཕྱིན་སློབ་མའི་གྲས་སུ་ཚུད། མུ་མཐུད་དུ་ཧོའུ་པེའུ་ཞིང་ཆེན་དུ་མཐོ་འབྲིང་བཏོན།   སྤྱི་ལོ༢༠༡༦ལོར་ནུབ་བྱང་མི་རིགས་སློབ་ཆེན་ཀྱི་བོད་སྐད་ཡིག་གི་ཆེད་སྦྱོང་འཛིན་གྲྭར་མིང་ཐོ་བཀོད་ནས་དེར་ལོ་གསུམ་ལ་སློབ་ཆེན་གྱི་མིང་བྱང་ཙམ་ཁུར་ཞིང་སློབ་སྦྱོང་ཐན་ཐུན་བྱས་ཏེ་ད་ལོའི་དཔྱིད་ཁར་མཐར་སྟེར་བའི་གྲས་ཡིན་པ་མ་ཟད་དྲིན་ཆེན་ཕ་མ་དང་དགེ་རྒན་དམ་པ་རྣམ་གྱི་བཀའ་དྲིན་དང་བྱིན་རླབས་ཀྱིས་ད་ལོར་བོད་ལྗོངས་སློབ་ཆེན་གྱི་རྩོམ་རིག་གི་ཞིབ་འཇུག་སློབ་མར་རྒྱུགས་འཕྲོད་སོང་བས་ནམ་རྒྱུན་རང་ལ་ཐུགས་ཁུར་དང་རྒྱབ་སྐྱོར་གནང་མཁན་ཚོ་ལ་བཀའ་དྲིན་དང་ཐུགས་རྗེ་ལེགས་གསོལ་ཕུལ་བཞིན་ཡོད་ཟེར།


ཡིད་བཞིན་སྐྱིད།

གསར་འགོད་པ།  གཡོན་གཞིས་ཁྲོ་རྒྱལ།

སྤྱིའི་ལྟ་སྐུལ་བ། སློབ་གྲྭའི་དབུ་བཞུགས་ལྷན་ཚོགས།
གཙོ་སྐྱོང་སྡེ་ཁག ཐོན་མིའི་སློབ་ཚོགས།
དོ་དམ་པ། ཁཱ་ཤེས་རབ་རྒྱ་མཚོ།
ཞིབ་དཔྱད་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། འབའ་སྣང་གྲོལ།
རྩོམ་སྒྲིག་ཨུ་ཡོན། འོད་ཟེར་བཟང་བོ། བསོད་ནམས་རབ་སྣང་། འཕྲིན་ལས་ཉི་མ། བན་ཤུལ་འཇམ་དབྱངས་ཡེ་ཤེས། དམ་ཆོས་ཕུན་ཚོགས། སྦྲ་ནག་འཇིགས་མེད་རྡོ་རྗེ།
འདྲེན་བཀོལ:
61.4K
  དཔྱད་གཏམ ( 3 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། a80e བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
  རྩྭ་ཐང་བུ་མོའི་སློབ་གྲྭའི་སློབ་མ་གསུམ་གྱིས་ཞིབ་འཇུག་སློབ་མར་རྒྱུགས་འཕྲོད་པ།   སྤེལ་མཁན།: ཁ་བ་རང་འཚོ། སྤེལ་དུས:2019/5/8
ཨ་མའི་སློབ་གསོ་ནི་བུ་མོའི་སློབ་གསོ་ཡིན། དེ་བས་བུ་རབས་ཚ་རྒྱུད་ཤེས་ཡོན་ཅན་རེ་སྐྱེད་དགོས་ཨ།
  རྩྭ་ཐང་བུ་མོའི་སློབ་གྲྭའི་སློབ་མ་གསུམ་གྱིས་ཞིབ་འཇུག་སློབ་མར་རྒྱུགས་འཕྲོད་པ།   སྤེལ་མཁན།: ཟླ་ཚང་དུངས་བརྗོད། སྤེལ་དུས:2019/4/27
ཨ་མའི་བུ་མོ་ཚོ།ཁྱེད་ཅག་གི་བསམ་དོན་ཆོས་བཞིན་འགྲུབ་པར་སྨོན།
  རྩྭ་ཐང་བུ་མོའི་སློབ་གྲྭའི་སློབ་མ་གསུམ་གྱིས་ཞིབ་འཇུག་སློབ་མར་རྒྱུགས་འཕྲོད་པ།   སྤེལ་མཁན།: གཡུ་ཨ་གར། སྤེལ་དུས:2019/4/27
འདི་ནི་དམ་པ་ཞིག་གི་ཐུགས་སྟོབས་ཀྱིས་བྲིས་པའི་གསེར་གྱི་ཨ་ཡིག་ཡིན་ལ། ང་ཚོས་ངོམ་ཆོག་ཆོག་གི་གངས་འདབས་ཀྱི་རྡོ་རིང་ཡིན། སྐུ་དྲིན་ཆེ། ཐུགས་བཞེད་འགྲུབ།
  པར་ངོས1/1 པར་ཡོད།
ལྟ་ཀློག་གྲངས་ཀ
23531523
 
འབྲེལ་གཏུག་བྱ་ཡུལ།    ཁ་པར།  15283703999    E-mail:QQ:3267109906
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།