བྱང་ཆུབ་སེམས་དཔའི་ནོར་བུའི་ཕྲེང་བ་བཞུགས་སོ། །
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 10 ཚེས 19 རེས་གཟའ་སྤེན་པ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» མི་སྣ།» འཛམ་གླིང་མི་སྣ། »བྱང་ཆུབ་སེམས་དཔའི་ནོར་བུའི་ཕྲེང་བ་བཞུགས་སོ། །
བྱང་ཆུབ་སེམས་དཔའི་ནོར་བུའི་ཕྲེང་བ་བཞུགས་སོ། །
རྩོམ་སྒྲིག་པ།  བན་ཤུལ་འཇམ་དབྱངས། སྤེལ་དུས 2019-04-15ལྟ་ཀློག (765)རྩོམ་ཁུངས: ངེད་དྲ་བ།པར་འདེབ།

༄༅། ། བྱང་ཆུབ་སེམས་དཔའི་ནོར་བུའི་ཕྲེང་བ་བཞུགས་སོ། །

ཇོ་བོ་རྗེ་དཔལ་མར་མེ་མཛད།

     རྒྱ་གར་སྐད་དུ། བོ་དྷི་སཏྭ་མ་ཎི་ཨ་བ་ལི། བོད་སྐད་དུ།  བྱང་ཆུབ་སེམས་དཔའི་ནོར་བུའི་ཕྲེང་བ། ཐུགས་རྗེ་ཆེན་པོ་ལ་ཕྱག་འཚལ་ལོ། ། བླ་མ་རྣམས་ལ་ཕྱག་འཚལ་ལོ། ། དད་པའི་ལྷ་ལ་ཕྱག་འཚལ་ལོ། ། ཐེ་ཚོམ་ཐམས་ཅད་སྤང་བྱ་ཞིང་། ། བསྒྲུབ་ལ་ནན་ཏན་གཅེས་སུ་བྱ། ། གཉིད་རྨུགས་ལེ་ལོར་རབ་སྤང་ཞིང་། ། རྟག་ཏུ་བརྩོན་འགྲུས་འབད་པར་བྱ། ། དྲན་དང་ཤེས་བཞིན་བག་ཡོད་པས། ། དབང་བོའི་སྒོ་ནས་རྟག་ཏུ་བསྲུང་། ། ཉིན་མཚན་དུས་གསུམ་ཡང་དང་ཡང་། ། སེམས་ཀྱི་རྒྱུད་ལ་བརྟག་པར་བྱ། ། བདག་གི་ཉེས་པ་བསྒྲག་བྱ་ཞིང་། ། གཞན་གྱི་འཁྲུལ་བ་བཙལ་མི་བྱ། ། བདག་གི་ཡོན་ཏན་སྦ་བྱ་ཞིང་། ། གཞན་གྱི་ཡོན་ཏན་བསྒྲག་པར་བྱ། ། རྙེད་དང་བཀུར་སྟི་སྤང་བྱ་ཞིང་། ། ཁེང་གྲགས་རྟག་ཏུ་སྤང་བར་བྱ། ། འདོད་པ་ཆུང་ཞིང་ཆོག་ཤེས་དང་། ། བྱས་ལ་དྲིན་དུ་གཟོ་བར་བྱ། ། བྱམས་དང་སྙིང་རྗེ་བསྒོམ་བྱ་ཞིང་། ། བྱང་ཆུབ་སེམས་ནི་བརྟན་པར་བྱ། ། མི་དགེ་བཅུ་ནི་སྤང་བྱ་ཞིང་། ། རྟག་ཏུ་དད་པ་བརྟན་པར་བྱ། ། ཁྲོ་དང་ང་རྒྱལ་གཞོམ་བྱ་ཞིང་། ། དམན་པའི་སེམས་དང་ལྡན་པར་བྱ། ། ལོག་པའི་འཚོ་བ་སྤང་བྱ་ཞིང་། ། ཆོས་ཀྱི་འཚོ་བས་འཚོ་བར་བྱ། ། ཟང་ཟིང་ཐམས་ཅད་སྤང་བྱ་ཞིང་། ། འཕགས་པའི་ནོར་གྱིས་བརྒྱན་པར་བྱ། ། འདུ་འཛི་ཐམས་ཅད་སྤང་བྱ་ཞིང་། ། དགོན་པ་ལ་ནི་གནས་པར་བྱ། ། འཁྱལ་བའི་ཚིག་རྣམས་སྤང་བྱ་ཞིང་། ། རྟག་ཏུ་ངག་ནི་བསྡམ་པར་བྱ། ། བླ་མ་མཁན་པོ་མཐོང་བའི་ཚེ། ། གུས་པར་རིམ་གྲོ་བསྐྱེད་པར་བྱ། ། གང་ཟག་ཆོས་ཀྱི་མིག་ཅན་དང་། ། ལས་དང་བོ་བའི་སེམས་ཅན་ལ། ། སྟོན་པའི་འདུ་ཤེས་བསྐྱེད་པར་བྱ། ། སེམས་ཅན་ཐམས་ཅད་མཐོང་བའི་ཚེ། ། ཕ་མ་བུ་ཚའི་འདུ་ཤེས་བསྐྱེད། ། སྡིག་པའི་གྲོགས་པོ་སྤང་བྱ་ཞིང་། ། དགེ་བའི་བཤེས་གཉེན་བསྟེན་པར་བྱ། ། སྡང་དང་མི་དགེའི་སེམས་སྤང་ཞིང་། ། གང་དུ་བདེ་བར་འགྲོ་བར་བྱ། ། གང་ལའང་ཆགས་པ་སྤང་བྱ་ཞིང་། ། ཆགས་པ་མེད་པར་གནས་པར་བྱ། ། ཆགས་པས་བདེ་འགྲོའང་མི་ཐོབ་ཅིང་། ། ཐར་བའི་སྲོག་ཀྱང་གཅོད་པར་བྱེད། ། གང་དུ་བདེ་བའི་ཆོས་མཐོང་བ། ། དེར་ནི་རྟག་ཏུ་འབད་པར་བྱ། ། ཐོག་མར་བརྩམས་པ་གང་ཡིན་པ། ། དང་བོར་དེ་ཉིད་བསྒྲུབ་བྱ་སྟེ། ། དེ་ལྟ་ན་ནི་ཀུན་ལེགས་བྱས། ། གཞན་དུ་གཉིས་ཀ་འགྲུབ་མི་འགྱུར། ། རྟག་ཏུ་སྡིག་དང་དགའ་བྲལ་བས། ། གང་དུ་མཐོ་བའི་སེམས་བྱུང་ཚེ། ། དེ་ཚེ་ང་རྒྱལ་བཅག་བྱ་ཞིང་། ། བླ་མའི་གདམས་ངག་དྲན་པར་བྱ། ། ཞུམ་པའི་སེམས་ནི་བྱུང་བའི་ཚེ། ། སེམས་ཀྱི་གཟེངས་ནི་བསྟོད་པར་བྱ། ། གཉིས་ཀ་སྟོང་བ་ཉིད་དུ་བསྒོམ། ། གང་དུ་ཆགས་སྡང་ཡུལ་བྱུང་ཚེ། ། སྒྱུ་མ་སྤྲུལ་བ་བཞིན་དུ་ལྟ། ། མི་སྙན་ཚིག་རྣམས་ཐོས་པའི་ཚེ། ། བྲག་ཅ་བཞིན་དུ་བལྟ་བར་བྱ། ། ལུས་ལ་གནོད་པ་བྱུང་བའི་ཚེ། ། སྔོན་གྱི་ལས་སུ་བལྟ་བར་བྱ། ། བས་མཐའ་དགོན་པར་རབ་གནས་ཤིང་། ། རི་དྭགས་ཤི་བའི་རོ་བཞིན་དུ། ། བདག་གིས་བདག་ཉིད་སྦ་བྱ་ཞིང་། ། ཆགས་པ་མེད་པར་གནས་པར་བྱ། ། རྟག་ཏུ་ཡི་དམ་བརྟན་བྱ་ཞིང་། ། ལེ་ལོ་སྙོམས་ལས་སེམས་བྱུང་ཚེ། ། དེ་ཚེ་བདག་ལ་རྔན་བགྲང་ཞིང་། ། བརྟུལ་ཞུགས་སྙིང་བོ་དྲན་པར་བྱ། ། གལ་ཏེ་གཞན་དག་མཐོང་བའི་ཚེ། ། ཞི་དེས་གསོང་བོར་སྨྲ་བ་དང་། ། ཁྲོ་གཉེར་ངོ་ཟུམ་སྤང་བྱ་ཞིང་། ། རྟག་ཏུ་འཛུམ་ཞིང་གནས་པར་བྱ། ། རྒྱུན་དུ་གཞན་དག་མཐོང་བའི་ཚེ། ། སེར་སྣ་མེད་ཅིང་སྦྱིན་ལ་དགའ། ། ཕྲག་དོག་ཐམས་ཅད་སྤང་བར་བྱ། ། གཞན་གྱི་སེམས་ནི་བསྲུང་བའི་ཕྱིར། ། རྩོད་པ་ཐམས་ཅད་སྤང་བྱ་ཞིང་། ། རྟག་ཏུ་བཟོད་དང་ལྡན་པར་བྱ། ། ངོ་དགའ་མེད་ཅིང་གསར་འགྲོགས་མེད། ། རྟག་ཏུ་ཚུགས་ནི་ཐུབ་པར་བྱ། ། གཞན་ལ་བརྙས་པ་སྤང་བྱ་ཞིང་། ། གུས་པའི་ཚུལ་གྱིས་གནས་པར་བྱ། ། གཞན་ལ་གདམས་ངག་བྱེད་པའི་ཚེ། ། སྙིང་རྗེ་ཕན་སེམས་ལྡན་པར་བྱ། ། ཆོས་ལ་སྐུར་བ་མི་འདེབས་ཤིང་། ། གང་མོས་དེ་ལ་འདུན་པ་དང་། ། ཆོས་སྤྱོད་རྣམ་བཅུའི་སྒོ་ནས་ནི། ། ཉིན་མཚན་ཕྱེད་པར་འབད་པར་བྱ། ། དུས་གསུམ་དགེ་བ་ཅི་བསགས་པ། ། བླ་མེད་བྱང་ཆུབ་ཆེན་པོར་བསྔོ། ། བསོད་ནམས་སེམས་ཅན་རྣམས་ལ་བདར། ། རྟག་ཏུ་ཡན་ལག་བདུན་པ་ཡི། ། སྨོན་ལམ་ཆེན་མོ་གདབ་པར་བྱ། ། དེ་ལྟར་བྱས་ན་བསོད་ནམས་དང་། ། ཡེ་ཤེས་ཚོགས་གཉིས་རྫོགས་པར་འགྱུར། ། སྒྲིབ་པ་གཉིས་ཀྱང་ཟད་འགྱུར་ཏེ། ། མི་ལུས་ཐོབ་པ་དོན་ཡོད་པས། ། བླ་མེད་བྱང་ཆུབ་ཐོབ་པར་འགྱུར། ། དད་པའི་ནོར་དང་ཚུལ་ཁྲིམས་ནོར། ། གཏོང་བའི་ནོར་དང་ཐོས་པའི་ནོར། ། ཁྲེལ་ཡོད་ངོ་ཚ་ཤེས་པའི་ནོར། ། ཤེས་རབ་ཉིད་ཀྱི་ནོར་བདུན་ཏེ། ། ནོར་གྱི་དམ་པ་འདི་དག་ནི། ། མི་ཟད་པ་ཡི་ནོར་བདུན་ཏེ། ། མི་མ་ཡིན་ལ་བརྗོད་མི་བྱ། ། མང་བོའི་ནང་དུ་ངག་ལ་བརྟག ། གཅིག་པུར་འདུག་ན་སེམས་ལ་བརྟག ། རྒྱ་གར་གྱི་མཁན་པོ་དཔལ་ལྡན་མར་མེ་མཛད་བཟང་བོ་ཡེ་ཤེས་སྙིང་བོས་མཛད་པ། བྱང་ཆུབ་སེམས་དཔའི་ནོར་བུའི་ཕྲེང་བ་རྫོགས་སོ། ། །།

 ཕབ་བཤུ་བྱེད་མཁན་འཇིགས་མེད་གྲགས་པ།


དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། libo བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
5861527
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号