སྒ་ཡུལ་ཐོན་མིའི་སློབ་ཚོགས་ཀྱིས་སྤྱི་ཕན་བྱ་འགུལ་སྤེལ་བ།
ཉིས་སྟོང་བཅུ་དགུ་ལོར་སྒ་ཡུལ་ས་ཆའི་གངས་ལྗོངས་ཤེས་རིག་ནོར་བུའི་སློབ་གླིང་གི་མཐར་ཕྱིན་སློབ་བུ་ཁག་ཅིག་ལྷན་དུ་འཛོམས་ནས་སྒ་ཡུལ་ཐོན་མིའི་སློབ་ཚོགས་བཙུགས་ཤིང་། ལོ་རེ་བཞིན་སྤྱི་ཕན་བྱ་འགུལ་སྤེལ་རྒྱུའི་འཆར་གཞི་དང་དམིགས་ཡུལ་གསལ་བསྒྲགས་བྱས་ཏེ་ད་ལོའི་སྤྱི་ཟླ་གཉིས་པའི་ཚེས་ཉེར་ལྔ་ཉིན་ཐ་སྙད་རྒྱུགས་སྤྲོད་ཆེན་མོའི་བྱེད་སྒོ་གཟབ་རྒྱས་ངང་འཚོགས། སྔ་དྲོར་འགྲན་ཞུགས་པ་དག་ལ་རང་སློབ་གླིང་གི་རྒྱུན་བཀོལ་ཐ་སྙད་ཕྱོགས་བསྒྲིགས་དང་བསྟུན་ནས་འགྲན་རྒྱུགས་བླངས་ཏེ་ཕྱི་དྲོར་ཕུལ་དུ་བྱུང་བའི་འགྲན་ཞུགས་པ་ཚོར་བྱ་དགའ་སྟེར་བའི་ལས་རིམ་འགོ་བརྩམས། མ་ཟད་གདན་ཞུས་སྐུ་མགྲོན་རྣམ་པས་ཆོས་དང་འཇིག་རྟེན་གཉིས་ཆར་ཕན་པའི་ལེགས་བཤད་གྱ་ནོམ་པ་གནང་། ཞོར་དུ་ཕ་ཡུལ་གྱི་དམངས་གླུ་སྙན་མོ་དག་གིས་ཚོགས་ཞུགས་པ་སྤྱིའི་སྙན་དབང་གསོས་པ་སོགས་ཐེངས་འདིའི་བྱ་བཞག་བཀྲ་ཤིས་བདེ་ལེགས་ངང་མཇུག་གྲུབ་བོ། །
༢༠༡༩—༢—༢༥ཉིན་སྒ་ཡུལ་ཐོན་མིའི་སློབ་ཚོགས་ཀྱིས་ཕུལ།
གསར་འགོད་པ་སངས་རྒྱས་རྒྱལ།
|