​གཙོ་བོ་རང་ལ་ཐུག་ཡོད།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 10 ཚེས 21 རེས་གཟའ་ཟླ་བ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» རྩོམ་རིག» བཅད་རྩོམ། »​གཙོ་བོ་རང་ལ་ཐུག་ཡོད།
​གཙོ་བོ་རང་ལ་ཐུག་ཡོད།
རྩོམ་སྒྲིག་པ།  འབའ་སྣང་གྲོལ། སྤེལ་དུས 2018-12-06ལྟ་ཀློག (2021)རྩོམ་ཁུངས: ངེད་དྲ་བ།པར་འདེབ།


གཙོ་བོ་རང་ལ་ཐུག་ཡོད།

སྒྲུབ་དཀའ་དོན་ཆེན་འགྲུབ་དང་མི་འགྲུབ་ནི།།

སྒྲུབ་བྱེད་སེམས་ཤུགས་ཡོད་དང་མེད་ལ་ལྟོས།།

འགལ་རྐྱེན་མཐུན་རྐྱེན་ཇི་ལྟར་འགྱུར་བ་ནི།།

སྒྱུར་བྱེད་སྙིང་སྟོབས་ཡོད་དང་མེད་ལ་ལྟོས།།

བསྟོད་དང་སྨད་པས་དགའ་དང་མི་དགའ་ནི།།

རང་གཤིས་སྦྱངས་དང་མ་སྦྱངས་ཉིད་ལ་ལྟོས།།

གཏོང་ལེན་བླང་དོར་ཤེས་དང་མི་ཤེས་ནི།།

སྐྱེས་སྦྱངས་ཤེས་རབ་ཡོད་དང་མེད་ལ་ལྟོས།།

མངོན་འདོད་རེ་བ་མངོན་དུ་འགྱུར་མིན་ནི།།

གུས་རྟག་བརྩོན་པས་འབད་དང་མ་འབད་ཡིན།།

དེ་ཕྱིར་ཕྱི་རོལ་གཟུང་བའི་ཐང་ཆེན་དུ།།

ཤུགས་ཀྱིས་རྒྱུག་པས་ངལ་དུབ་འཛིན་པ་སེམས།།

རང་གི་དབང་དུ་འགྱུར་མིན་འདུལ་བའི་ཐབས།།

ནང་ནས་འཚོལ་བ་གནད་དུ་ཤེས་པ་གལ།།

ཀུན་མཁྱེན་སྟོན་པས་གང་གསུང་ཆོས་ཀུན་ཀྱང་།།

མདོར་ན་རང་སེམས་སྦྱོང་བའི་ཐབས་ཡིན་ཞེས།།

སྔོན་བྱོན་རྒྱ་བོད་མཁས་གྲུབ་དམ་པ་རྣམས།།

མཐུན་པར་ལན་བརྒྱར་གསུངས་པའང་ཨེ་མ་བསྔགས།།

ཇི་ལྟར་མཚེར་མས་གང་བའི་ཐང་ཆེན་དུ།།

བགྲོད་དགོས་བྱུང་ཚེ་ཀོ་བས་ཐང་ཆེན་ཀུན།།

གཡོགས་པ་ཉིད་ལས་ལྷམ་མཐིལ་ཀོ་ཙམ་གྱིས།།

རང་གི་རྐང་མཐིལ་གཡོགས་ན་དགའ་བ་ལྟར།།

ཕྱི་རོལ་མི་སྲུན་སྐྱེ་བོ་འབུམ་གྱི་ཁ།།

ཞེ་སྡང་ལག་པས་གཅོད་པར་མི་ནུས་པས།།

ཞི་བསིལ་ཆོས་ཀྱི་བདུད་རྩིས་རང་གི་སེམས།།

ཞི་བར་བཀོད་ན་གནོད་པ་རང་ཞི་ཡིན།།

ཞེས་བཛྲ་ཚུལ་ཁྲིམས་རྒྱ་མཚོས་ཆོས་ཀྱི་དོན་སེམས་ལ་ཤར་ཚུལ་ཐོལ་བྱུང་དུ་བྲིས་པའོ།།


དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 1 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། kh9n བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
  ​གཙོ་བོ་རང་ལ་ཐུག་ཡོད།   སྤེལ་མཁན།: བྱང་བྷོད། སྤེལ་དུས:2018/12/6
སྨྲ་བའི་ཉི་མ་བདག་ཡིད་མཁའ་ལ་ཤར།། བཀའ་དྲིན་ཆེའོ་རྗེ་བཙུན་མཁྱེན་པའི་གཏེར།།
  པར་ངོས1/1 པར་ཡོད།
ལྟ་ཀློག་གྲངས་ཀ
5865421
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号