དད་པའི་ཚོམས།

   དད་དང་ངོ་ཚ་ཚུལ་ཁྲིམས་སྦྱིན་པ་སྟེ། །

ཆོས་འདི་རྣམས་ནི་སྐྱེས་བུ་དམ་པས་བསྔགས། །

འདི་ཡིས་ལྷ་ཡི་འཇིག་རྟེན་འགྲོ་འགྱུར་ཞིང། །

ལམ་འདི་ཉིད་ཀྱིས་ལྷ་ཡུལ་འགྲོ་ཞེས་གསུངས། །

འཇུངས་རྣམས་ལྷ་ཡི་འཇིག་རྟེན་མི་འགྲོ་ཞིང། །

དེ་ཡིས་བྱིས་པ་སྦྱིན་པའི་བསྔགས་མི་བརྗོད། །

བརྟན་རྣམས་སྦྱིན་ལ་རྗེས་སུ་ཡི་རང་བ། །

དེས་ནི་དེ་དག་གཞན་དུ་བདེ་བ་མྱོང། །

འདི་ན་སྐྱེས་བུའི་ནོར་མཆོག་དད་པ་སྟེ། །

འདི་ན་ཆོས་ལ་ལེགས་སྤྱོད་བདེ་བ་འཐོབ། །

བདེན་པ་ཁོ་ན་རོ་བྲོ་རྣམས་ཀྱི་ཕུལ། །

ཤེས་རབ་ཀྱིས་འཚོ་འཚོ་བའི་མཆོག་ཅེས་གསུངས། །

མྱ་ངན་འདས་པར་འགྲོ་བ་ཡི། །

དགྲ་བཅོམ་ཆོས་ལ་དད་བསྐྱེད། །

མཁས་པས་གུས་པར་མཉན་ན་ནི། །

དེ་དང་དེ་ཡི་ཤེས་བར་འཐོབ། །

བག་ཅན་གྱི་ནི་གྱིས་ནི་རྒྱ་མཚོ་དང་། །

དད་པས་ཆུ་བོ་རྣམས་ལས་སྒྲོལ། །

བརྩོན་འགྲུས་ཀྱིས་ནི་སྡུག་བསྔལ་སྤོང། །

ཤེས་རབ་ཀྱིས་ནི་ཡོངས་དག་འགྱུར། །

དགེ་སློང་དད་པའི་གྲོགས་ལྡན་ཞིང། །

ཤེས་རབ་ཀྱིས་ནི་གཏམས་པ་དང། །

མྱ་ངན་འདས་ལ་མངོན་དགའ་བས། །

འཆིང་བ་ཐམས་ཅད་གཅོད་པར་འགྱུར། །

གང་གིས་དད་དང་ཚུལ་ཁྲིམས་དང། །

ཤེས་རབ་ཉིད་ནི་ལེགས་བསྒོམས་ཤིང། །

མཁས་བ་སྐྱོན་རྣམས་སྤོང་བ་དེའི། །

ལེགས་པའི་ངང་ཚུལ་ཅན་ཞེས་བརྗོད། །

དད་དང་ཚུལ་ཁྲིམས་ཕུན་སུམ་ཚོགས། །

གཏོང་ལྡན་འཇུངས་པ་རྣམ་སྤངས་པ། །

དེ་ནི་གང་དང་གར་སོང་བ། །

དེ་དང་དེར་ནི་མཆོད་པར་འགྱུར། །

མཁས་གང་འཚོ་པའི་འཇིག་རྟེན་ན། །

དད་དང་ཤེསརབ་སྟེན་བྱེད་པ། །དེ

་དག་དེ་ཡི་ནོར་མཆོག་སྟེ། །

དེ་ཡི་ནོར་གཞན་ཕལ་པར་ཟད། །

འཕགས་པ་ལྷ་བར་འདོད་པ་དག །

དམ་ཆོས་ཉན་པར་དགའ་བ་དང་། །

སེར་སྣའི་དྲི་མ་རྣམ་སྤངས་པ། །

དེ་ནི་དད་པ་ཅན་ཞེས་བྱ། །

དད་པའི་ལམ་རྒྱུགས་བསྐུར་བར་བྱ། །

བསོད་ནམས་ཆོམ་པོས་དབྲོག་མི་ནུས། །

ཆོམ་རྐུན་འཕྲོག་པར་བྱེད་པ་བཟློག །  

དགེ་སྦྱོང་རྣམས་ཀྱིས་བླངས་ནས་དགའ། །

མཁསཔ་དགེ་སྦྱོང་འོངས་བ་ལ། །

མངོན་པར་དགའ་བར་བྱེད་འགྱུར་ཞིང་། །

སྐྱེ་བོ་རྣམས་ནི་ཅི་རིགས་པར། །

དད་པ་ཇི་བཞིན་སྦྱིན་བྱེད་ཅིག། །

གཞན་གྱི་ཟས་དང་སྐོམ་དེ་ལ། །

གང་ཞིག་ཡིད་ནི་མི་བདེ་བ། །

དེས་ནི་ཉིན་དང་མཚན་རྣམས་སུ། །

ཏིང་འཛིན་ཐོབ་པར་མི་འགྱུར་རོ། །

གང་གིས་ཏ་ལའི་མགོ་བཅད་ལྟར། །

དེ་འདྲ་ཀུན་ཏུ་གཅོད་བྱེད་པ། །

དེས་ནི་ཉིན་དང་མཚན་རྣམས་སུ། །

ཏིང་ངེ་འཛིན་དག་ཐོབ་པར་འགྱུར། །

ཁྲོན་པ་སྐམ་པོ་ལྟ་བར། །

དད་པ་མེད་པ་བསྟེན་མི་བྱ། །

ཇི་ལྟ་དེ་ལ་ཡོངས་བསྐོས་ཀྱང། །

འདམ་ཆུ་དྲི་ང་འབྱུང་བར་འགྱུར། །

ཆུ་མང་རྣམ་པར་དང་བ་དང། །

བསིལ་བར་གྱུར་ཅིང་རྙོག་མེད་པའི། །

མཚོ་ལ་ཆུ་འདོང་ཇི་ལྟ་བར།།

ཤེས་རབ་ཅན་ཀྱིས་དད་ལྡན་བསྟེན། །

ཆགས་སམ་མ་ཆགས་ཀྱང་རུང་སྟེ། །

དེ་ཡིས་ཐུབ་སྐུ་མི་ངེས་པས། །

མ་དད་པ་དག་སྤང་བར་བྱ། །

དད་པ་རྣམས་ནི་ཉེ་བར་བསྟེན། །

དད་པའི་ཚོམས་ཏེ་བཅུ་པའོ། །

སྡོམ་ལ།  

མི་རྟག་འདོད་དང་སྲེད་པ་དང་། །

བག་ཡོད་དེ་བཞིན་དགའ་བ་དང། །

ཚུལ་ཁྲིམས་ལེགས་སྤྱོད་ཚིགས་དག་དང་། །

ལས་དང་དད་པ་དེ་དག་བཅུ། །

རྩོམ་ཡིག་མཁོ་སྤྲོད་པ།  གསར་འགོད་པ།  ནག་ཙན་དན།