ཐོན་མིའི་དགོངས་དོན་འཚོལ་བའི་གཏམ་ལམ་བཟང་གསལ་བའི་སྒྲོན་མེ།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 10 ཚེས 21 རེས་གཟའ་ཟླ་བ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» རྩོམ་རིག» བཅད་རྩོམ། »ཐོན་མིའི་དགོངས་དོན་འཚོལ་བའི་གཏམ་ལམ་བཟང་གསལ་བའི་སྒྲོན་མེ།
ཐོན་མིའི་དགོངས་དོན་འཚོལ་བའི་གཏམ་ལམ་བཟང་གསལ་བའི་སྒྲོན་མེ།
རྩོམ་སྒྲིག་པ།  འབའ་སྣང་གྲོལ། སྤེལ་དུས 2018-08-01ལྟ་ཀློག (1230)རྩོམ་ཁུངས: ངེད་དྲ་བ།པར་འདེབ།

ཐོན་མིའི་དགོངས་དོན་འཚོལ་བའི་གཏམ་ལམ་བཟང་གསལ་བའི་སྒྲོན་མེ།

རྭ་རྒྱ་འཇིགས་མེད་རྒྱལ་མཚན།


ཆོས་ཀུན་རྟེན་ཅིང་འབྲེལ་འབྱུང་བས།།

ཤེས་རབ་ལྷག་བསམ་བསྐྱེད་པའི་མཐུས།།

ཚེ་རབས་ཕྲེང་བར་སྨིན་པའི་བློ།།

ཐོན་མིའི་སློབ་གསོའི་འདུ་ཤེས་ཡིན།།

 

བློར་འཚམ་སློབ་གསོ་ལ་བརྟེན་ནས།།

བག་ཉལ་ཤེས་འཇོན་སྔོག་འདོན་ཅིང་།།

བླང་དོར་གཞན་ཕན་སྒྲུབ་མཁས་པ།།

ཐོན་མིའི་སློབ་གསོའི་དམིགས་ཡུལ་ཡིན།།

 

མི་གཤིས་བཟང་ངན་གང་ཡིན་ཡང་།།

ཀུན་སྤྱོད་ཤེས་རིག་ཟུང་འབྲེལ་ན།།

འཛམ་གླིང་མཁས་པའི་རྩེར་སོན་པ།།

ཐོན་མིའི་སློབ་གསོའི་ཁ་ཕྱོགས་ཡིན།།

 

རྩ་བ་བཅུ་ཕྲག་རིག་གནས་ལ།།

ཡན་ལག་བརྒྱད་ཀྱིས་ཉེར་བརྒྱན་ཏེ།།

དུས་ཀྱི་རིག་པས་གསོས་འདེབས་པ།།

ཐོན་མིའི་སློབ་གསོའི་ནང་དོན་ཡིན།།

 

རང་གཞན་ཟུང་འབྲེལ་རྣམ་གསུམ་སྒོས།།

བསླབ་པའི་སྐས་རིམ་མ་འཆོལ་བར།།

ཐོས་བསམ་ལག་ལེན་ཟུང་འབྲེལ་བ།།

ཐོན་མིའི་སློབ་གསོའི་ཐབས་ལམ་ཡིན།།

 

རྨོངས་སེལ་ཆོས་བཅུའི་དོན་རྟོགས་ཤིང་།།

སྡིག་ལྡོག་དགེ་སྒྲུབ་ལས་ལ་སྤྲོ།།

གྲོགས་ནོར་དཔལ་ལྡན་མཁས་རྣམས་མགུ།།

ཐོན་མིའི་སློབ་གསོའི་ནུས་པ་ཡིན།།

 

ཞི་དུལ་བག་ཡོད་ལས་ལ་སྤྲོ།།

ཡོན་ཏན་ལྷག་ཅིང་བསླབ་ལ་བརྩོན།།

གཞུང་དོན་རྟོགས་ཤིང་སྨྲ་མཁས་ལྡན།།

བརྩེ་བས་སྐྱོང་བ་དགེ་རྒན་མཆོག།

 

གཟུར་གནས་བློ་ལྡན་དོན་གཉེར་བ།།

སློབ་དཔོན་ལ་གུས་ཡིད་གཏོད་པ།།

ནམ་ཡང་སློབ་མར་འདུ་ཤེས་པ།།

སློབ་མ་བཟང་བོའི་སྤུས་ཚད་ཡིན།།

 

བློར་འཚམས་སྲོལ་མཐུན་གནད་ལ་འཁེལ།།

ལུས་ངག་ཡིད་ཀྱི་སྤྱོད་ལམ་ལ།།

བདུད་རྩི་སྨན་གྱི་ཁུར་འཛིན་པ།།

ཐོན་མིའི་སློབ་གསོའི་སྤུས་ཚད་དོ།།

 

རྩོམ་ཁུངས། བསླབ་བྱ་ཐོན་མིའི་དགོངས་རྒྱན།


དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། qnft བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
5865548
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号