གདོང་མཛེས་བྱུག་སྨན།

          དེ་ཡང་གདོང་མཛེས་བྱུག་སྨན་འདི་ནི་གངས་ལྗོངས་ཤེས་རིག་ནོར་བུའི་སློབ་གླིང་གི་སྐབས་བཅུ་བཞི་བའི་མཐར་ཕྱིན་སློབ་མ་འོད་ཚེ་ལགས་ཀྱིས་གསར་གཏོད་གནང་བ་ཞིག་ཡིན།  ཁོང་ནི་ཤེས་རིག་སློབ་གླིང་ནས་སློབ་མཐར་ཕྱིན་རྗེས་གངས་ལྗོངས་སྨན་གྲོང་གི་སྐབས་བཅུ་གསུམ་པའི་མཐར་ཕྱིན་སློབ་མ་དང་། རུས་ཆག་གསོ་བཅོས་ཀྱི་མཁན་པོ་ཁམས་འཇམ་དབྱངས་རྣམ་རྒྱལ་གྱི་རུས་ཆག་གསོ་བཅོས་ཀྱི་རྒྱུད་འཛིན་བྱས་ཤིང་། དབུས་གཙང་སོགས་དམངས་ཁྲོད་ཀྱི་སྨན་པ་རྒན་གྲས་དག་གི་མདུན་ནས། ནད་ཐོག་ལག་ལེན་དང་སྨན་རྫས་འདུལ་སྦྱོང་སོགས་མཐོང་རྒྱུད་ཀྱི་ཕྱག་བཞེས་ཚུལ་བཞིན་བསླབས་པའི་སྨན་པ་ཞིག་ཡིན།

སྦྱོར་སྡེ།

     དབྱར་རྩྭ་དགུན་འབུ་སོགས་སྨན་སྣ་དུ་མ་མཉམ་པོར་སྦྱར་ཏེ་གྲུབ་པའོ། །

ཉར་ཚགས་བྱ་ཚུལ།

    བསིལ་སར་འཇོག་དགོས།

        གནས་ལུགས་དང་དྲང་བདེན་གྱི་གཏན་ཚིགས་ཨ་འཐས་སུ་གྱུར་ཅིང་། དུས་གསུམ་སྐྱིད་སྡུག་གི་ལས་དབང་གཅིག་པའི་རླབས་ཆེ་བའི་ཕུ་ནུ་མིང་སྲིང་ཚོ། བདག་གིས་སྣ་མང་སྣེ་འཛིང་གི་བྱ་བའི་བྲེལ་འཚུབ་བར་ནས། ༼གདོང་མཛེས་བྱུག་སྨན། ༽ནམ་༼མཐོ་སྒང་དབྱར་རྩྭ་བྱུག་སྨན།༽ཞེས་པ་འདི་དུས་ཡུན་རིང་བོར་ཉམས་མྱོང་དང་ཚོད་ལྟ་བགྱིས་མཐར། སྤྱི་ལོ་༢༠༡༨ལོའི་ཟླ་༥ཚེས་༥ཉིན་སྦྱར་བཟོ་ཡོད་ཚད་ལེགས་གྲུབ་བྱུང་བ་ལགས་ན། ཁྱེད་ཚོའི་ལྷན་སྐྱེས་ཀྱི་ཞལ་རས་དྭངས་མོར། དུང་མདོག་གི་དཀར་འོད་འཚེར་ཞིང་། གཞོན་ཉམས་ཀྱིས་མཛེས་སྡུག་ཡོང་བའི་ཡིད་ཆེས་དང་ཁ་གཡང་བསྒྲོན་ནོ། །

---- སྨན་པ་འོད་ཚེས།