སློབ་གླིང་གསར་འགྱུར།

    2018.5.4ཉིན་གངས་ལྗོངས་ཤེས་རིག་ནོར་བུའི་སློབ་གླིང་དུ་ལོ་རེའི་འཆར་ཅན་ལྟར་༿གཏམ་བཤད་ནོར་བུའི་ཕྲེང་བའི་འགྲན་བསྡུར་༾སྐབས་གསུམ་པ་གཟབ་རྒྱས་ངང་སྤེལ།   ཐེངས་འདིའི་འགྲན་ཞུགས་པ་རྣམས་ཀྱིས་༿བོད་ཀྱི་སྲོལ་རྒྱུན་རྒྱན་གོས་རྒྱུན་འཛིན་དར་སྤེལ་སྐོར་གླེང་བ་༾ཞེས་པའི་གཅིག་གྱུར་གྱི་བརྗོད་གཞིའི་སྟེང་ནས་གཏམ་བཤད་བྱས།  གཏམ་བཤད་ཀྱི་བརྗོད་དོན་ཐད་ནས་དཔྱད་གཞིའི་རྒྱུ་ཆ་དང་འབྲེལ་ཡོད་ལོ་རྒྱུས་ཡིག་ཚང་སོགས་ལ་ལྟ་ཀློག་དང་སློབ་སྦྱོང་སྔོན་དུ་བཏང་ཡོད་པས་ནང་དོན་ཐད་ལོ་རྒྱུས་ཀྱི་ཁུངས་བཙུན་པ་དང་།   དཔྱད་ཞིབ་ཀྱི་རིགས་པ་རྣོ་བ།  ངོ་སྤྲོད་ལ་ཞིབ་ཚགས་ལྡན་པ།    རྒྱུན་འཛིན་གྱི་ཐབས་ལམ་བཟང་བ་སོགས་ཞིབ་འཇུག་གི་རིན་ཐང་འོས་འཚམས་ལྡན་ལ།  བཤད་སྟངས་ཀྱི་རྣམ་པའི་ཐད་ནས་རིག་གཞུང་འཆད་ཁྲིད་དང་།   དཔྱད་གཏམ་སྒྲོག་སྦྱོང་།   སྲོལ་རྒྱུན་གཏམ་བཤད།   ཁ་བརྡ་འཁྲབ་སྟོན་སོགས་གཏམ་གྱི་སྒྱུ་རྩལ་ཀློང་དུ་བརྡོལ་བའི་བཤད་སྟངས་སྣ་ཚོགས་དང་།   ངོ་མཚར་མིག་གི་ལྟད་མོར་གྱུར་བའི་རྒྱན་གོས་ཀྱི་པར་རིས་མང་བོས་ཉན་མཁན་དང་གཟིགས་མོ་བ་ཡོངས་ལ་བློ་སྐྱེད་དང་སྤྲོ་དགའ་ཟད་དུ་མེད་པ་སྦྱིན།   ལྷག་པར་དུ་༧སློབ་དཔོན་རིན་པོ་ཆེ་ལྡོང་ཡོན་ཏན་རྒྱ་མཚོ་མཆོག་གིས་ཐེངས་འདིའི་འགྲན་བསྡུར་ལ་གདེང་འཇོག་དང་དཔྱད་བརྗོད་བླ་མེད་གནང་བར་མ་ཟད།  ཁོང་གི་ཉམས་མྱོང་དང་འབྲེལ་ཏེ་གཏམ་བཤད་སྒྱུ་རྩལ་གྱི་ཁྱད་ཆོས་དང་ཉམས་འཇོག་བྱ་དགོས་ས་སོགས་ཀྱི་ཐད་ལ་བཀའ་སློབ་ལམ་སྟོན་ཕུན་སུམ་ཚོགས་པ་གནང་།   མཇུག་མཐར་བྱ་དགའ་ཐོབ་མཁན་གྱི་སློབ་གྲོགས་བཅུ་དང་ཕུལ་བྱུང་འཛིན་གྲྭ་གཅིག་བཅས་ལ་གཟེངས་རྟགས་གྱ་ནོམ་པ་གནང་ཞིང་།   ཐེངས་འདིའི་སྦྱིན་བདག་རྣམ་པར་དྲིན་བཟོའི་གཟི་བརྗིད་རྟགས་མ་གནང་སྟེ་མཇུག་བསྡུས།

བྱ་དགའ་ཐོབ་མཁན། 

ཨང་དང་བོ།   ཆོས་དབྱིངས་རྒྱ་མཚོ།  གཏམ་བཤད་ཁ་བྱང་།༿བོད་ཀྱི་སྲོལ་རྒྱུན་སྲོལ་རྒྱུན་རྒྱན་གོས་ཀྱི་བཟོ་སྟངས་དང་འབྲེལ་བའི་ཁྱད་ཆོས་རགས་ཙམ་བརྗོད་པ།༾ཨང་གཉིས་པ། ངག་དབང་ནོར་བུ། གཏམ་བཤད་ཁ་བྱང་།༿སྲོལ་རྒྱུན་རྒྱན་གོས་ཀྱི་གནས་བབ་གླེང་བ།༾ བྱམས་པ་དགེ་ལེགས།གཏམ་བཤད་ཁ་བྱང་།  ༿བརྗེད་རྒྱུ་མེད་པའི་བོད་ཀྱི་མེས་པོའི་པགས་རྩག༾
ཨང་གསུམ་པ།  བསོད་ནམས་རྡོ་རྗེ། གཏམ་བཤད་ཁ་བྱང་།  ༿སྟོང་སྐུད་དམར་བོ་ཛར་ལོ།༾མགོན་པོ་རྡོ་རྗེ། གཏམ་བཤད་ཁ་བྱང་། ༿སྲོལ་རྒྱུན་རྒྱན་གོས་ཀྱིས་མཚོན་ཞིང་རྒྱན་གོས་རྒྱུད་འཛིན་ལ་འབད་དགོས།༾   ཚེ་བསམ།གཏམ་བཤད་ཁ་བྱང་། ༿བོད་ཀྱི་རྒྱན་གོས་ཉམས་པའི་རྒྱུ་རྐྱེན་གླེང་བ།༾
ཨང་བཞི་བ།  སྨིན་གྲོལ་རྒྱ་མཚོ། གཏམ་བཤད་ཁ་བྱང་།༿གཡུའི་སྐོར་གླེང་བ།༾ལྕགས་ཐར་འབུམ།གཏམ་བཤད་ཁ་བྱང་། ༿སྲོལ་རྒྱུན་རིག་གནས་ཀྱི་བྱེ་བྲག་རྩག་པ་དང་ཆུ་ཕྱིང་གཉིས་ཀྱི་བཟོ་རྩལ་དང་དེའི་ཁྱད་ཆོས་སྐོར་གླེང་བ།༾  རྒྱལ་མཚན་མཐའ་ཡས།གཏམ་བཤད་ཁ་བྱང་། ༿བོད་ཀྱི་རྒྱན་གོས་དང་དེའི་གལ་ཆེན་སྐོར་ཉུང་ཙམ་གླེང་བ།༾ བསོད་ནམས་དར་རྒྱས།གཏམ་བཤད་ཁ་བྱང་།༿བོད་ཀྱི་སྲོལ་རྒྱུན་གྱོན་གོས་བྱུང་འཕེལ་ལས་རྒན་པོ་ཞིག་གི་མི་ཚེ་རོབ་ཙམ་གླེང་བ།༾
ཕུལ་བྱུང་འཛིན་གྲྭ།  མཐར་ཕྱིན་དང་བོའམ་བདེན་འཚོལ་རུ་དཔུང་ཚང་།

གཙོ་སྐྱོང་ལས་ཁུངས།
གངས་ལྗོངས་ཤེས་རིག་ནོར་བུའི་སློབ་གླིང་།

གཏམ་བཤད་ནོར་བུའི་ཕྲེང་བའི་འགྲན་བསྡུར་ཡུལ་དངོས།

བྱ་དགའི་ལེགས་སྐྱེས།

ཚོགས་རའི་རྣམ་པ།

སློབ་དཔོན་ཆེན་མོ་ལྡོང་ཡོན་ཏན་རྒྱ་མཚོ་མཆོག་གིས་བྱ་དགའ་གནང་བ།

བྱ་དགའ་ཐོབ་མཁན་གྱི་མཉམ་པར།

བྱ་དགའ་ཐོབ་མཁན་གྱི་མཉམ་པར།

བྱ་དགའ་ཐོབ་མཁན་དང་དགེ་སློབ་མཉམ་པར།