ཟི་ལིང་བོད་མིའི་ཁྲོམ་གྱི་སྐབས་གཉིས་པའི་ལོ་སར་སྤྲོ་ཚོགས།
2018 ལོའི་སྤྱི་ཟླ་3པའི་ཚེས་4ཉིན་བོད་ཀྱི་སློབ་གསོ་བ་ཆེན་མོ་རྭ་རྒྱ་འཇིགས་མེད་རྒྱལ་མཚན་མཆོག་ཟི་ལིང་བོད་མིའི་ཁྲོམ་གྱི་རྒྱུན་ལས་འགན་འཛིན་པ་རྣམས་ཀྱིས་ཆེད་ཞུས་ལྟར་ཟི་ལིང་བོད་མིའི་ཁྲོམ་གྱི་སྐབས་གཉིས་པའི་ལོ་སར་སྤྲོ་ཚོགས་སྟེང་དུ་ཕེབས་ཏེ་ཚོང་བ་རྣམས་ལ་ཚོང་ལས་མཉམ་འབྲེལ་དང་། ཚོང་ཚོགས་མཉམ་འབྲེལ་གྱི་གལ་ཆེན་རང་བཞིན་དང་། བོད་མིའི་ཁྲོམ་ཕན་ཚུན་བར་གྱི་མཐུན་སྒྲིལ་དང་ཚོང་བ་ནང་ཁུལ་གྱི་མཐུན་སྒྲིལ། ཐོན་རྫས་ཀྱི་སྤུས་ཚད་དང་ཞབས་ཞུའི་རྣམ་འགྱུར་གྱི་གལ་ཆེན་རང་བཞིན་སྐོར་གྱི་གསུང་བཤད་གནང་བར་མ་ཟད། མི་འགྱང་བར་བོད་པའི་ཚོང་བ་རྣམས་ཀྱིས་ལག་རྡང་མཉམ་དུ་སྦྲེལ་ཏེ་བྱ་བ་རྒྱ་ཆེན་སྒྲུབ་ཐུབ་པའི་སྨོན་འདུན་ཞུས་པར་དེར་ཞུགས་ཚོགས་མི་ཡོངས་ཀྱི་དགའ་བསུ་བླ་མེད་གནང་བ་དང་རིག་རྩལ་སྣ་ཚོགས་འཁྲབ་སྟོན་བྱས། མཐར་དགེ་རྒན་འཇིགས་མེད་རྒྱལ་མཚན་མཆོག་ལ་སྐུ་གསུང་ཐུགས་རྟེན་གྱི་ལེགས་སྐྱེས་གནང་བ་དང་། ཚོང་དཔོན་དཔའ་བྷོ་སོགས་ལ་གཟི་བརྗིད་དཔང་ཡིག་སོགས་ཀྱི་ལེགས་སྐྱེས་གནང་སྟེ་ལོ་སར་སྤྲོ་ཚོགས་བདེ་བླག་ངང་མཇུག་བསྡུས།
དགེ་རྒན་འཇིགས་མེད་རྒྱལ་མཚན་མཆོག་ལ་ཚོང་བ་རྣམས་ཀྱིས་ཕེབས་བསུ་གནང་བཞིན་པ།
དགེ་རྒན་མཆོག་གིས་ལོ་སར་སྤྲོ་ཚོགས་དང་འབྲེལ་བའི་གསུང་བཤད་གནང་བ།
དགེ་རྒན་མཆོག་གིས་ཀུན་གཟིགས་པན་ཆེན་རིན་པོ་ཆེ་མཆོག་གི་གསུང་བཤད་དང་འབྲེལ་ཏེ་ཚོང་བ་རྣམས་ལ་བསླབ་བྱ་གནང་བ།
དུས་རྒྱུན་བོད་ཆས་གྱོན་པའི་ཚོང་བ་རྣམས་ལ་བྱ་དགའ་གནང་བ།
ཁབ་རྐུད་བོད་ལྭ་མཐུན་གཉེར་ཁང་གི་འགན་འཛིན་པ་ཚེ་རིང་དོན་འགྲུབ་ལགས་ཀྱིས་དུས་རྒྱུན་བོད་ཆས་གྱོན་པའི་ཚོང་བ་རྣམས་ལ་བྱ་དགའ་གནང་སྟེ་སྐུལ་འདེད་བྱས་པ།
བོད་ཀྱི་གྱོན་ཆས་ལ་དོ་སྣང་བྱེད་མཁན་གྱི་ཚོང་བ་རྣམས་ལ་ལྷ་དར་འཐེན་ཏེ་སྐུལ་འདེད་བྱས་པ།
ཞིང་གྲོང་གི་མི་སེར་གྲོང་ཁྱེར་དུ་སོང་ནས་དཀའ་ངལ་མྱངས་པར་རྒྱབ་སྐྱོར་ཤུགས་ཆེན་གནང་མཁན་གྱི་མི་སྣར་བྱ་དགའ་གནང་བ།
བོད་མིའི་ཁྲོམ་གྱི་རྒྱུན་ལས་མི་སྣ་གསར་བ་བསྐོ་བཞག་བྱས་ཏེ་ལྷ་དར་འཐེན་པ།
ཁབ་རྐུད་བོད་ལྭ་མཐུན་གཉེར་ཁང་གི་འགན་འཛིན་པ་ཚེ་རིང་དོན་འགྲུབ་ལགས་བསྐྱར་དུ་བོད་མིའི་ཁྲོམ་གྱི་རྒྱུན་ལས་འགོ་བར་བདམས་པ།
གསར་འགྱུར་མཁོ་སྤྲོད་པ། གསར་འགོད་པ། སྨྲ་ཁམས་མཁའ་འགྲོ་རྒྱལ།
|