ས་ཁྱི་ལོའི་ཤིས་ཚིག་དུང་ཟླའི་གཟི་འོད།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 10 ཚེས 21 རེས་གཟའ་ཟླ་བ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» རྩོམ་རིག» བཅད་རྩོམ། »ས་ཁྱི་ལོའི་ཤིས་ཚིག་དུང་ཟླའི་གཟི་འོད།
ས་ཁྱི་ལོའི་ཤིས་ཚིག་དུང་ཟླའི་གཟི་འོད།
རྩོམ་སྒྲིག་པ།  བན་ཤུལ་འཇམ་དབྱངས། སྤེལ་དུས 2018-02-16ལྟ་ཀློག (1488)རྩོམ་ཁུངས: ངེད་དྲ་བ།པར་འདེབ།

ས་ཁྱི་ལོའི་ཤིས་ཚིག་དུང་ཟླའི་གཟི་འོད།

བཛྲ་ཚུལ་ཁྲིམས་ཀྱིས་བརྩམས།

 

རབ་འབྱམས་རྒྱལ་བ་རྒྱ་མཚོའི་སྙིང་རྗེའི་གཏེར།།

རབ་དཀར་འོད་ཀྱི་ཕུང་བོར་ཤར་བའི་ལྷ།།

རབ་ཡངས་ཁ་བ་རི་བའི་དཔུང་གཉེན་དུ།།

རབ་བྱོན་སྤྱན་རས་གཟིགས་མགོན་སྙིང་ནས་བསྟོད།།

དྲི་མེད་དད་གསུམ་འོ་མཚོ་བསྲུབས་པ་ལས།།

བྱུང་བའི་བསྟོད་ཚིག་དུང་ཟླའི་གཟི་འོད་ཀྱིས།།

གང་གང་ཡིད་ལ་བསམ་པའི་རེ་བ་ཀུན།།

ཇི་ལྟར་སྨོན་བཞིན་འགྲུབ་པའི་ཤིས་པ་སྩོལ།།

ལག་ཟུང་པདྨོའི་འདབ་མ་སྙིང་དབུས་སུ།།

བཀོད་ནས་བླ་མ་དཀོན་མཆོག་གསུམ་ལ་འབོད།།

བསྟན་འཛིན་སྤྱི་དང་ཁྱད་པར་གངས་རི་བའི།།

གཉེན་གྱུར་བླ་མའི་སྐུ་ཚེ་བརྟན་པར་མཛོད།།

བྱམས་དང་སྙིང་རྗེ་བྱང་ཆུབ་སེམས་མཆོག་དང་།།

བཅོས་མ་ཚུན་གྱིས་ཟིན་ལ་འབད་བྱས་ནས།།

མདོ་རྒྱུད་སྙིང་ནས་འདོན་ནོ་རིགས་དྲུག་དང་།།

ཁྱད་པར་འཛམ་གླིང་ཞི་བདེས་འཚོ་བར་སྨོན།།

སྔོན་བྱོན་དམ་པ་མང་བོས་བཀའ་བསྒོས་པའི།།

དཀར་ཕྱོགས་སྐྱོང་བའི་ཡུལ་ལྷ་གཞི་བདག་དང་།།

ཆོས་སྐྱོང་སྲུང་མར་མཆོད་དོ་གདོང་དམར་བའི།།

ཆོས་རིག་སྲིད་གསུམ་དར་བའི་འཕྲིན་ལས་སྒྲུབས།།

བླ་མ་ཡི་དམ་མཆོག་གསུམ་བྱིན་རླབས་དང་།།

རང་ཡང་དགེ་ལ་འབད་པའི་མཐུ་ཉིད་ལས།།

རྣམ་དག་སྨོན་པའི་བདེན་ཚིག་ཅི་བརྗོད་ཀུན།།

གནམ་ལོ་གསར་བའི་མདངས་ལ་སྨིན་པར་ཤོག།

མདོར་ན་ལྷ་དང་བླ་མའི་སྐུ་ཚེ་བརྟན།།

སྐྱ་སེར་འབངས་རྣམས་སྐྱིད་ཀྱི་དཔལ་ལ་རོལ།།

ནག་ཕྱོགས་བསམ་སྦྱོར་ངན་པའི་གདུག་རྩུབ་ཞི།།

འཆམ་མཐུན་གཡང་གིས་སྣོད་བཅུད་གང་བར་ཤོག།

        ཅེས་ས་ཁྱི་ལོའི་ཤིས་ཚིག་དུང་ཟླའི་གཟི་འོད་ཅེས་བྱ་བ་འདི་ནི། ཤཀྱཱའི་དགེ་སྦྱོང་གི་གཟུགས་བརྙན་ཙམ་འཛིན་པ་བཛྲ་ཚུལ་ཁྲིམས་རྒྱ་མཚོ་ཞེས་བྱ་བས་གང་བསམ་སྨོན་པའི་རེ་བ་མ་ལུས་པ་བླ་མ་མཆོག་གསུམ་དང་རང་གིས་བསགས་པའི་རྣམ་དཀར་དགེ་བའི་བྱིན་མཐུ་ལ་ལྷག་བསམ་གཙང་མས་བཅོལ་ནས། སྤྱི་ལོ་༢༠༡༨ལོའི་ལུགས་རྙིང་ཟླ་༡༢ཚེས་༢༩ཉིན། ཕ་ཡུལ་གྱི་ཕུ་བོའི་དགུན་ས་ཨ་ཡག་ཤར་ནས་བྲིས་པའོ།།

 གནམ་ལོ་གསར་བའི་ནང་ཁྱེད་ཅག་ཀློག་པ་བོ་དག་གི་ལས་བསོད་རླུང་རྟ་རྒྱས་པ་དང་བསམ་དོན་ཡིད་བཞིན་དུ་འགྲུབ་པའི་སྨོན་འདུན་ཞུ།


དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། vsky བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
5865544
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号