ལྕང་ལུང་རི་ཁྲོད་ཀྱི་ལོ་རྒྱུས་སྐྱ་ཐིག
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 10 ཚེས 22 རེས་གཟའ་མིག་དམར་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» ལོ་རྒྱུས།» གནའ་རབས། »ལྕང་ལུང་རི་ཁྲོད་ཀྱི་ལོ་རྒྱུས་སྐྱ་ཐིག
ལྕང་ལུང་རི་ཁྲོད་ཀྱི་ལོ་རྒྱུས་སྐྱ་ཐིག
རྩོམ་སྒྲིག་པ།  ཁཱ་ཤེས་རབ་རྒྱ་མཚོ། སྤེལ་དུས 2017-12-20ལྟ་ཀློག (2615)རྩོམ་ཁུངས: ངེད་དྲ་བ།པར་འདེབ།

ལྕང་ལུང་རི་ཁྲོད་ཀྱི་ལོ་རྒྱུས་སྐྱ་ཐིག


དྷཱིཿཕུ་ཉི་གཞོན།
 ཆོས་ཀྱི་བླ་མ་ཆོས་གྲགས་བཟང་བོ་ཡིས།།
 ཆོས་ཀྱི་ཞིང་ལ་ཆོས་ཀྱི་སྒར་ཞིག་བཏབ།།
 ཆོས་རྗེ་ཞེས་པའི་ཆོས་ཀྱི་ཞིང་ཁམས་འདིའི།།
 ཆོས་ཀྱི་བླ་མ་རྣམས་ལ་ཕྱག་འཚལ་ལོ།།


 གནས་མཆོག་ལྕང་ལུང་རི་ཁྲོད་ཅེས་བྱ་བའི།།
 གནས་ཀྱི་བཀོད་པ་སུམ་རྩེན་ལྷ་ཡུལ་འགྲན།།
 གནས་ཀྱི་བྱིན་རླབས་མངའ་བའི་ཞིང་མཆོག་འདིའི།།
 གནས་ཀྱི་ལོ་རྒྱུས་འགའ་ཞིག་བྲི་བར་བྱ།།
  
     ཞེས་མཆོད་ཚིག་མེ་ཏོག་ཆུན་པོས་མདུན་བསུས་ཏེ་གནས་མཆོག་ལྕང་ལུང་རི་ཁྲོད་ཀྱི་ལོ་རྒྱུས་སྐྱ་ཐིག་ཅིག་བྲི་བར་བྱ་བ་ལ།
 དེ་ཡང་ཇི་སྐད་དུ། བཀའ་གདམས་གླེགས་བམ་ལས།
 ཤར་རྡོ་རྗེ་གདན་གྱི་བྱང་ཕྱོགས་ན།།
 གནས་པུར་རྒྱལ་བོད་ཅེས་བྱ་བ་ཡོད།།
     ཅེས་གསུངས་པ་ལྟར།  རྣམ་འདྲེན་རྒྱལ་བ་དུ་མས་ཆོས་ཀྱི་འཁོར་ལོ་བསྐོར་སའི་གནས་མཆོག་འཕགས་ཡུལ་རྡོ་རྗེ་གདན་ལས་དཔག་ཚད་བརྒྱ་ལྷག་ཙམ་བགྲོད་པའི་བྱང་གི་ཆར། རབ་དཀར་གངས་རིའི་མུ་ཁྱུད་ཀྱིས་ཟླུམ་པོར་བསྐོར་བའི་ཆོས་ལྡན་བོད་ཀྱི་རྒྱལ་ཁམས་ཆེན་པོ་ལྷོ་རྒྱལ་འཛམ་བུ་གླིང་བའི་རྒྱ་ཕིབས་དང་ཆུ་བོའི་མཆོད་རྟེན་གྱི་གཟུགས་སུ་ལྷམ་མེར་ཆགས་ཤིང་། ཡུལ་ཁམས་ཆེན་པོ་འདི་ནང་བཅུད་ཀྱི་ཁྱད་ཆོས་ལ་བརྟེན་ནས་ཆོལ་ཁ་གསུམ་དུ་ཕྱེས་པ་ལས་མདོ་སྨད་ཤེས་རིག་གི་ཆོལ་ཁའི་ལྷོ་རྒྱུད་དུ་གཏོགས་པ། མདོ་སྨད་ས་ཡི་ཐིག་ལེ་མཛོད་དགེ་གླིང་དཀར་སྟོད་ཀྱི་སའི་ཆར་ཆོས་རྗེ་ནང་བ་ཞེས་དགེ་བཅུའི་མཚན་མ་མངོན་པར་བཀྲ་བའི་ཡུལ་གྲུ་དེའི་ཁོངས་གཏོགས་སུ་ཆགས་ཡོད།

ལྕང་ལུང་རི་ཁྲོད་ནི།

     ཐོག་མར་ནག་ཚང་མའི་གྲྭ་སའི་དགེ་བཤེས་འཇུ་དགེ་བཤེས་ཀྱི་རི་ཁྲོད་ཡིན་པར་གྲགས་ལ། དེ་ཡང་ཡིན་ངེས་ཏེ་མི་ལོ་ཉིས་བརྒྱའི་ཡར་སྔོན་ལ་རྨེ་བ་སྟོད་སྨད་དང་ཁ་བར་རྒྱ་སྒོ་ཐང་སོགས་སུ་ནག་ཚང་མས་ས་བཟུང་ཡོད་པ་ནི་ད་ལྟའང་ས་མིང་སོགས་ཀྱིས་ཤེས། དེ་ནས་རིམ་བཞིན་དྷཱིཿཕུ་ཆོས་རྗེ་དགོན་པའི་ལྕང་ལུང་སྤྲུལ་སྐུས་བདག་གིར་མཛད་དེ་བཞུགས་པ་ནས་བཟུང་མིང་ལའང་ལྕང་ལུང་རི་ཁྲོད་དུ་གྲགས་པ་བྱུང་། དེ་ནས་བཟུང་བླ་མ་ཆོས་རྗེ་ཚང་གིས་བདག་གིར་བཞེས་ཏེ་སྐྱབས་མགོན་རྗེས་དཀར་རྡོ་རྗེ་འཆང་དང་ཆོས་རྗེ་སྐུ་ཆེན་རིན་པོ་ཆེ་ཚང་། བླ་མ་མཁྱེན་བརྩེ་དང་ངག་ལོ། ཨ་ཁུ་སྦྱིན་པ་སོགས་སྐྱེས་ཆེན་དུ་མས་སྒྲུབ་པའི་རྒྱལ་མཚན་བཙུགས་ཏེ་བསྟན་འགྲོའི་དོན་རྒྱ་ཆེར་སྤེལ་ཡོད།

     རྗེས་ནས་རི་ཁྲོད་པ་འགའ་དང་ཆོས་རྗེ་ནང་བའི་བཙུན་མ་ཉེར་བདུན་ད་སྐབས་གནས་དེར་བཞུགས་ཤིང་བསྙེན་མཚམས་སོགས་ལ་སློབ་གཉེར་གྱི་སྒྲིག་འཛུགས་ཆ་ཚང་བ་ཞིག་རིམ་བཞིན་འཐུས་ཇེ་ཚང་དུ་འགྲོ་བཞིན་ཡོད་པ་ནི།

     ཁོང་ཚོས་ཀྱང་བླ་མའི་བཀའ་བཞིན་བཙུན་མ་ལྔ་ལྔ་བྱས་ཏེ་ཟླ་གསུམ་དང་ཉིན་བཅུའི་རིང་ལ་མཚམས་མ་ཆད་པར་བསྙེན་མཚམས་ལ་བཞུགས་ཀྱིིན་ཡོད་པར་མ་ཟད་གཞན་དག་གིས་ཀྱང་ཞོགས་པར་དུས་ཚོད་དྲུག་གི་སྟེང་དུ་ཡར་ལ་བཞེངས་ཏེ་ཐུན་བསྡམས་ནས་དུས་ཚོད་བརྒྱད་ཀྱི་སྟེང་གྲོལ་བ་དང་། ཡང་དགུ་དང་ཕྱེད་ཀའི་སྟེང་ཐུན་བསྡམས་ཏེ་བཅུ་གཅིག་སྟེང་གྲོལ། ཉིན་གུང་གསུམ་གྱི་སྟེང་དུ་ཐུན་བསྡམས་ནས་ལྔའི་སྟེང་དུ་གྲོལ་དགོས། དགོང་མོ་དགུ་དང་ཕྱེད་ཀའི་སྟེང་ནས་བཅུ་གཅིག་བར་ཐུན་བསྡམས་དགོས། འདི་ལྟར་གསེར་ལས་དཀོན་པའི་དུས་ཚོད་དམ་འཛིན་བྱས་ཏེ་ཐོས་བསམ་སྒོམ་གསུམ་དང་ཚོགས་བསགས་སྒྲིབ་སྦྱོང་ལ་འབད་ཀྱིན་མཆིས་པ་རེ་འགའ་ཞིག་ལས་ཡིག་ཚོགས་སྐྱུང་ཕྱིར་འདིར་མ་བཀོད་དོ།།

རི་ཁྲོད་འདིའི་ཆོས་ཐོག་གི་རིམ་པ་ནི།

     ཨ་མདོའི་བླ་མ་གྲགས་པ་བཟང་བོའི་བཀའ་བཞིན་ལོ་རེའི་ཟླ་བ་རེ་རེ་བཞིན་ཚེས་བརྒྱད་ཉིན་ཐུགས་རྗེ་ཆེན་པོ་སྡུག་བསྔལ་རང་གྲོལ། ཚེས་བཅུའི་ཉིན་རིག་འཛིན་འདུས་པ། ཚེས་བཅོ་ལྔ་ལ་ཐོས་གྲོལ། ཚེས་བཅོ་བརྒྱད་ལ་ཐུགས་རྗེ་ཆེན་པོ་སྡུག་བསྔལ་རང་གྲོལ། ཉེར་ལྔ་ལ་མཁའ་སྤྱོད་མ། གནམ་གང་ལ་ཐོས་གྲོལ། ལོ་རེ་བཞིན་ས་ག་ཟླ་བ་ལ་དགེ་སློང་མ་དཔལ་མོའི་ཆོ་ག་འདོན་ཞིང་སྨྱུང་གནས་སྲུང་། ཟླ་དགུ་བའི་ཚེས་ཉེར་དགུའི་ཉིན་དྷཱིཿཕུ་ཆོས་རྗེའི་བྱམས་ཆེན་གདན་རབས་དགུ་བ་སྐྱབས་མགོན་རྗེས་དཀར་རྡོ་རྗེ་འཆང་གི་གདུང་མཆོད་ལ་འཚོགས་བཞིན་ཡོད་པ་བཅས་སོ། །

གནས་འདིའི་ཕན་ཡོན་སོགས་ནི།

     གནས་འདིའི་ཕན་ཡོན་སོགས་པདྨ་འཕྲིན་ལས་གླིང་བས།

ན་མོ་ལོ་ཀུ་ཤྭ་ར་ཡེ།

གངས་ཅན་ལྗོངས་འདིར་འཕགས་མཆོག་སྤྱན་གཟིགས་ཀྱི།།ཐུགས་བསྐྱེད་རྨད་བྱུང་བླ་མེད་བདེན་མཐུ་ལས།། རིག་གསུམ་མགོན་གྱིས་གནས་རི་བྱིན་གྱིས་བརླབས།། དེ་ཡི་ནང་ཚན་སྐྱང་ལུང་རི་ཁྲོད་འདིར།།ཕྱི་ལྟར་འཁོར་ལོ་སྡོམ་པའི་གནས་ཀྱི་མཆོག། ནང་ལྟར་རི་བོ་གྲུ་འཛིན་ཞིང་གི་བཀོད།། གསང་ལྟར་ཨརྱ་ཏཱ་རེའི་གནས་མཆོག་འདིར།།སྔོན་ཚེ་སངས་རྒྱས་གཉིས་པ་ཀ་ར་ཡིས།། ཞབས་ཀྱིས་བཅགས་ཤིང་བྱིན་རླབས་རབ་གནས་མཛད།། ཐུགས་ཆེན་ཡང་གསང་རྡོ་རྗེ་རྒྱ་བདུན་དང་།། མཁའ་འགྲོ་རིག་བྱེད་དམར་མོའི་གསང་སྒྲུབ་སོགས།།གཏེར་དུ་སྦས་ཤིང་བྱིན་རླབས་རབ་གནས་མཛད།། གནས་དེར་གྲུ་འཛིན་ཞིང་གི་བློས་བསླངས་དང་།། གུ་རུ་སེང་གེ་སྒྲ་སྒྲོག་སྣང་བརྙན་སོགས།། ལེགས་པར་བསྐྲུན་ན་གནས་དེའི་ཉམས་རྒུད་གསོ།། གཞན་ཡང་རི་ཁྲུས་རབ་གནས་མང་མཛད་ན།། གནས་བདག་པདྨོ་སྒོ་བརྒྱ་རང་ཤུགས་འབྱེད།།གནས་དེར་དད་གུས་དག་སྣང་ལྡན་པ་ཡིས།། ཕྱག་སྐོར་ལན་གཅིག་བྱས་པའི་ཕན་ཡོན་ནི།། ལུས་སྒྲིབ་སྦྱངས་ནས་ཐར་བའི་ལམ་སྣེ་ཟིན།། གནས་དེར་སྐོར་བ་བརྒྱ་རྩ་བརྒྱད་བྱས་ན།། ཚེ་འདིར་མི་མཐུན་རྒུད་ཉེས་ཞི་བ་དང་།།ཕྱི་མ་མངོན་མཐོའི་ལྷ་མིའི་གོ་འཕང་ཐོབ།། གནས་དེར་ཚོགས་མཆོད་ཕུལ་བའི་བསོད་ནམས་ཀྱིས།། ཕྱི་མ་གྲུ་འཛིན་ཞིང་དུ་དབུགས་ཆེན་འབྱིན།། གནས་དེར་སྒོམ་སྒྲུབ་བྱས་པའི་རྣལ་འབྱོར་རྣམས།། ཚེ་འདིར་ཉམས་རྟོགས་ཡོན་ཏན་གོང་འཕེལ་ཞིང་།།ས་ལམ་ཐམས་ཅད་རིམ་བཞིན་བགྲོད་ནས་སུ།། མཐར་ཐུག་གྲོལ་བ་ཐོབ་པོ་ཨེ་མ་རྨད།། གནས་མཆོག་དེ་ལ་སྨྱུངགནས་བརྒྱ་རྩ་བརྒྱད།། བསྲུང་ན་སྐྱེ་དང་ཚེ་རབས་ཐམས་ཅད་དུ།།དབུལ་ཕོངས་བཀྲེས་སྐོམ་སྡུག་བསྔལ་གདུང་བ་སེལ།།

གནས་དེར་མ་ཎི་དུང་གྲངས་སུས་བགྲང་ན།། འདི་སྣང་འགགས་ཚེ་རི་བོ་གྲུ་འཛིན་ཞིང་།། རྣམ་གྲོལ་དབུགས་ཆེན་འབྱིན་པའི་ས་ལ་གྲོལ།། གནས་དེར་མཚམས་ཁང་ལེགས་པོ་གཅིག་བསྐྲུན་ན།། གཙུག་ལག་ཁང་ཆེན་བཞེངས་དང་བསོད་ནམས་མཉམ།། གནས་དེར་སྤོས་མཆོད་མར་མེ་སུས་ཕུལ་བ།། ཚེ་རབས་ཀུན་ཏུ་ཚུལ་ལྡན་ལུས་རྟེན་ཐོབ།། དེ་སོགས་གནས་དེའི་ཕན་ཡོན་བརྗོད་མཐའ་བྲལ།། ཡིན་ཡང་ས་བོན་ཙམ་དུ་ལེགས་པར་བཀོད།། དེའི་དོན་ཐུགས་སུ་ཟུངས་ཤིག་ཨཐྀ་རྒྱ།།
 ཞེས་གསུངས་པ་ལྟར་གནས་ཀྱི་ཁྱད་ཆོས་སོགས་མང་དུ་འབྲི་རྒྱུ་ཡོད་ཀྱང་ཡིག་ཚོགས་ལ་དོགས་ཏེ་རེ་ཞིག་འདིས་འཐུས་པར་གྱིས།

        ཆོས་ཀྱི་རྒྱལ་བོ་ཆོས་གྲགས་བཟང་བོ་ཡི།།
        ཆོས་རྒྱུན་འཛིན་པའི་ཆོས་འཕེལ་གླིང་མཆོག་གི།།
        ཆོས་སྲིད་ལུགས་གཉིས་ཕོངས་པའི་དྷཱིཿམིང་བས།།

        ཆོས་སྦྱིན་ཞིག་གི་ཚུལ་དུ་ཤར་མར་སྤེལ།།

གསལ་བཤད།

     རི་ཁྲོད་འདིའི་མིང་ཐོགས་ཚུལ་ལ་བཤད་སྲོལ་གཞན་ཞིག་ཡོད་ཀྱང་ངས་འདི་ནས་རང་སྡེའི་རྒན་པ་ཚོའི་ངག་རྒྱུན་ལྟར་བྲིས་ཡོད། མདོར་ན་རི་ཁྲོད་འདིའི་ལོ་རྒྱུས་ཆ་ཚང་ཞིག་མིག་སྔར་མཐོང་དུ་མེད་པས་འདིར་ལོ་རྒྱུས་ཀྱི་ཁ་སྐོང་དང་མ་འོངས་ལོ་རྒྱུས་ཀྱི་དཔྱད་གཞི་ཙམ་དུ་སྙན་ཚིག་གི་སྤྲོས་པ་སོགས་རིང་དུ་དོར་དེ་བོད་རབ་བྱུང་བཅུ་བདུན་པའི་མེ་བྱ་ལོའི་བོད་ཟླ་བཅུ་བའི་ཚེས་གཉིས་ཉིན་དྷཱིཿཕུ་ཆོས་རྗེ་དགོན་པའི་གྱི་ན་བ་འཇམ་དབྱངས་དབང་ཕྱུག་གམ་དྷཱིཿཕུ་ཉི་གཞོན་དུ་འབོད་པས་བྲིས་སོ།།


རི་ཁྲོད་འདིའི་མིང་ལ།   ལྕང་ལུང་རི་ཁྲོད་ཟེར།

ཕྱག་འདེབས་མཛད་པ་པོ  འཇུ་དགེ་བཤེས་ཡིན་པར་གྲགས།

འདེབས་ལོ།   ལོ་ངོ་ཉིས་བརྒྱ་ཡས་མས་ཤིག

ས་གནས།   མཛོད་དགེའི་ཆོས་རྗེ་ནང་བ།

ད་ལྟའི་གནས་ཚུལ།   བཙུན་མ་ཉེར་བདུན་ལྷག་གིས་ཐོས་བསམ་སྒོམ་གསུམ་བྱེད་པའི་རི་ཁྲོད་ཅིག་ཆགས་ཡོད།


དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 1 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། 41s7 བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
  ལྕང་ལུང་རི་ཁྲོད་ཀྱི་ལོ་རྒྱུས་སྐྱ་ཐིག   སྤེལ་མཁན།: རྩོམ་སྒྲིག་པ། སྤེལ་དུས:2017/12/2
ང་ཚོས་མིང་ཆེན་པོ་ཞིག་ཡོད་ས་ཞིག་ལ་ཚང་མ་འུར་གྱིས་འཚང་ནས་དེའི་སྐོར་སོགས་བསྐྱར་དཔར་གླང་ཆེན་གྱིས་མི་ཐེག་པའི་པོད་བརྩེགས་སྲིད་ཀྱང་། ཆུང་ས་རང་གི་མཐའ་སྐོར་དང་རྒྱུས་མངའ་ཡོད་པ་སོགས་ལ་དོ་སྣང་མ་བྱས་ཚེ་ང་ཚོ་ལོ་རྒྱུས་ཀྱི་ནག་ཉེས་ནང་དུ་བྱིང་ཉེན་ཆེ་བས་སློབ་གྲོགས་དྷཱིཿཕུ་ཉི་གཞོན་གྱིས་ལྕང་ལུང་རི་ཁྲོད་ཀྱི་ལོ་རྒྱུས་ལ་སྐྱ་ཐིག་ཅིག་བཏབ་པར་རྗེས་སུ་ཡི་རང་ཡོད།
  པར་ངོས1/1 པར་ཡོད།
ལྟ་ཀློག་གྲངས་ཀ
5870527
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号