༄༅། །དཔེ་ཀློག་གི་སྐོར་གླེང་བ།

རྩོམ་པ་པོ། པ་ཁོན།【དབྱིན་ཇི།】

སྒྱུར་བ་པོ། བདུད་ལྷ་རྒྱལ།

པ་ཁོན། (培根,1561~1626)དབྱིན་ཇིའི་མཚན་ཉིད་རིག་པ་བ་དང་བསམ་བློ་མཁན་ཞིག་ཡིན།

ཤེས་འདོད་ནི་ཉི་མ་འཁྱོལ་བའི་ཐབས་སུ་བྱེད་ཆོག་ལ། རྒྱན་མཆོར་དུའང་བྱས་ཆོག ད་དུང་ནུས་པ་མཐོར་འདེགས་ཀྱི་ཐབས་སུའང་བྱས་ཆོག ཁྱོད་རང་གྲོགས་མེད་ཁེར་རྐྱང་གི་དུས་སུ་ལྟ་ཀློག་གིས་ཉི་མ་ཕུད་ཐུབ། ཁྱོད་ཀྱིས་ལོང་བཤད་རྒྱས་བཤད་བྱེད་དུས་ཤེས་བྱ་ཁྱོད་ཀྱིས་རྒྱན་མཆོར་དུ་བྱས་ཆོག ཁྱོད་ཀྱིས་བྱ་བ་ཐག་གིས་གཅོད་ཅིང་སྒྲུབ་པའི་དུས་སུ། ཤེས་འདོད་ཀྱིས་ཁྱོད་ཀྱི་ནུས་པ་མཐོར་འདེགས་བཟོ་ཐུབ། དངོས་དོན་གྱི་ཉམས་མྱོང་ཡོད་པའི་མི་ཡིས་བྱ་བ་བྱེ་བྲག་པ་རེ་འགའ་སྒྲུབ་ཐུབ་ཀྱང་། ཡོངས་ཁྱབ་པ་ལ་བསམ་ནས་སྤྱི་ཁྱབ་ལ་ཐབས་བཀོད་འདོན་དུས་ཤེས་བྱ་ཁོང་དུ་ཆུད་པ་ཁོ་ནས་ལས་དེ་སྒྲུབ་ཐུབ།

ཤེས་བྱ་འདོད་པ་ཆེས་བུལ་ན་ངང་རིང་དུ་འགྱུར་ལ། རྒྱན་མཆོར་གྱི་ཆེད་དུ་ཤེས་བྱ་འདོད་པའང་རང་མགོ་རང་གིས་གཡོག་པ་ཡིན། ཁྱོན་ཡོངས་ནས་དཔེ་ཆ་ཇི་བཞིན་དུ་ལས་སྒྲུབ་པས་ཨུ་ཚུགས་གཉའ་རེངས་ཀྱི་དཔེ་ཆ་པ་རུ་འགྱུར་བ་ཡིན།

ཤེས་འདོད་ཀྱི་མིའི་ལྷན་གཤིས་བསྒྱུར་ཐུབ་པ་ཡིན་ལ། ཉམས་མྱོང་གིས་ཤེས་བྱ་རང་ཉིད་བསྒྱུར་བཅོས་བྱ་ཐུབ། མིའི་ལྷན་གཤིས་ནི་རི་སྐྱེས་ཀྱི་རྩི་ཤིང་མེ་ཏོག་དང་འདྲ་བ་ལ། ཤེས་འདོད་ཀྱི་སྦྱང་བ་ནི་ལེགས་བཅོས་བསྒྱུར་བཟོ་དང་འདྲ། དངོས་སྦྱོང་དང་ཚོད་བལྟས་ཤེས་བྱ་རང་ཉིད་ཀྱི་བདེན་རྫུན་ལ་ཞིབ་བཤེར་དང་ཡོ་བསྲང་བྱེད་ཐུབ།

གཡོ་སྒྱུ་ཅན་གྱིས་ཤེས་བྱ་ལ་མཐོང་ཆུང་བྱེད་ལ། བླུན་རྨོངས་པས་ཤེས་བྱ་ལ་ཡིད་སྨོན་བྱེད། སྤྱང་གྲུང་ཅན་ཁོ་ནས་ཤེས་བྱ་ལ་བཀོལ་སྤྱོད་བྱེད། ཤེས་བྱ་རང་ཉིད་ཀྱིས་མི་རྣམས་ལ་ཤེས་བྱ་ཇི་ལྟར་བཀོལ་དགོས་པ་བསྟན་མེད། བཀོལ་སྤྱོད་ཀྱི་ཐབས་ཤེས་ནི་དཔེ་ཆའི་ཕྱི་རོལ་ན་ཡོད། འདི་ནི་ལག་རྩལ་ཞིག་ཡིན་ཏེ་ཚོད་བལྟ་མ་བརྒྱུད་པར་ཤེས་མི་ཐུབ། སྐྱོན་འབྱིན་རྩོད་ཟློག་ཁོ་ནའི་ཆེད་དུ་དཔེ་ཀློག་བྱ་བ་ནི་གཞན་ལ་ངོམ་པའམ་བདག་ཉིད་སྒྲོག་པའི་ཆེད་དུ་མ་ཡིན་པར། བདེན་ལུགས་འཚོལ་བ་དང་བློ་སྒོ་འབྱེད་པའི་ཆེད་དུ་ཡིན་དགོས།

 རྩོམ་ཁུངས།  འོད་འཛིན་འཕྲིན་སྟེགས་ལས་བཤུས།