ངག་རིག་དཔལ་གྱིས་དུད་པའི་དབྱངས་བསྟོད་སྙན་ཚིག་ཟླ་བ།

རྡོ་རྗེ་དབང་ཕྱུག་ནུ་རྒྱས་མ། །

༢༦
སྤྲིན་དཀར་གཏིབས་པའི་དབང་གཞུའི་ཁྱིམ། །
གར་གྱི་ཡོན་བརྒྱད་རོལ་བ་མོས། །
བག་ཡངས་རྒྱུ་བའི་བྱ་རི་ཀུན། །
རིང་ནས་བཀུག་པ་མ་ལགས་སམ། །
༢༧
ལྡབ་ལྡིབ་ངག་འགྲོས་ཐལ་རྡུལ་གྱིས། །
གསུང་གི་མེ་ལོང་མ་གོས་པར། །
རབ་སྙན་ཚངས་དབྱངས་དྲུག་ཅུའི་གཟུཊ། །
མ་ལུས་འདོད་འཇོ་གདོང་བཞིའི་སྲས། །
༢༨
མགྲིན་ཕྲའི་ལྷུ་དྲུག་གླིང་བུ་ཡིས། །
ཟབ་དོན་ཆོས་སྙན་རབ་འབུད་བའི། །
ལས་སྐལ་འཁོར་ཚོགས་སྨིན་གྲོལ་མར། །
བདེ་གཤེགས་ཀུན་གྱིས་ལེགས་སོ་སྟེར། །
༢༩
བཻ་སྔོན་ཏམ་བུའི་རྒྱུད་དྲུག་ལས། །
ཕྱིན་དྲུག་ཆོས་དབྱངས་རབ་འཁྲོལ་ཞིང་། །
ཐགས་བཟང་ཚེམས་དཀར་རྒྱས་པ་ནས། །
གདངས་སྙན་མགུར་མ་སྙན་པ་ལ། །
༣༠
ཚེམས་བཟང་པད་དཀར་བསྟར་སྒྲིག་ཀློང་། །
སྨྲ་བྱེད་རྐང་པ་དྲུག་ལྡན་གྱིས། །
གཤོག་གླུས་དྲི་ཟའི་གླུར་བསྒྲུན་དུས། །
སྒྲ་དབྱངས་མ་དེ་ཁྱེད་མིན་སུ། །
༣༡
དྲུག་འགྱུར་དབྱངས་རྟ་རྫོགས་པའི་གསུང་། །
གནའ་དེང་འཕགས་བོད་སྙན་སྨྲའི་ཀུན། །
ཡིད་ལ་རྩེ་གཅིག་བསྒོམས་དང་ལྷན། །
ཚིག་ཕྲེང་མཆོད་ཁ་ཅི་ཡང་གསོལ། །
༣༢
སྲིད་གསུམ་འཇིཊ་རྔམ་ནགས་དཀྱིལ་དུ། །
གསུང་མཆོག་སེང་གེའི་ང་རོ་ཡིས། །
ལོག་ལྟའི་བདུད་སྡེ་ཝ་སྐྱེས་བུའི། །
མགོ་བོའི་ཀླད་ཁྲག་ཡོམ་པའང་བྱས། །
༣༣
ལས་ཉོན་སྤྲིན་ནག་འཐབ་པ་ཡི། །
མ་གྱུར་འགྲོ་བའི་སྟོང་དབྱིངས་སུ། །
གསུང་སྐད་རྨ་བྱའི་གར་འཇུག་གིས། །
སྐྱེ་དགུ་ལམ་སྟོན་བྲེལ་བར་མཚར། །
༣༤
དལ་མེད་རྣམ་རྟོག་རླུང་ཆེན་གྱིས། །
འདོད་ལྡན་རྐང་གཉིས་རབ་དེད་ངལ། །
ཞལ་གསུང་དབྱངས་བདུན་རྫོགས་པ་ཡིས། །
ངལ་སངས་སྟེགས་བུ་དཔག་མེད་བསྐྲུན། །
༣༥
ཡིད་གཉིས་སྨག་རུམ་གཏན་བཅོམ་ཞིང་། །
གསུང་གཅིག་འཕྲིན་ལས་མཐའ་ཡས་པའི། །
སྲིད་ཞི་དབྱངས་ཀུན་བསྡུས་པའི་ངག །
ངག་གི་ལྷ་མོ་ལུས་ཕྲ་མ། །
༣༦
ཞལ་སྒོ་ཆུ་རྒྱན་དམར་པོའི་དབར། །
གསུང་སྙན་དྲི་བསུང་འཐིབ་པའི་དཔལ། །
ཡིད་དད་བུང་བའི་གཤོག་གླུ་ནི། །
གཏན་དུ་ཁྱེད་དྲུང་འབུལ་ན་ལེགས། །
༣༧
ཕྲིན་ལས་མངའ་བརྙེས་དབྱངས་ལྷ་མོའི། །
ངག་རིག་དབྱངས་ཀྱི་སྙན་པ་ཡིས། །
སྟོབས་ལྡན་རིག་བྱེད་སྙིང་པོ་ཡི། །
ཡིད་བརྟན་ཆུ་གཏེར་བསྐྱོམས་སོ་ལོ། །
༣༨
བདེན་གཉིས་མཁྱེན་པའི་ཡེ་ཤེས་ཀྱིས། །
འགྲོ་གཉིས་ལམ་སྟོན་ཆེ་མཛད་ཅིང་། །
དོན་གཉིས་རྫོགས་པའི་ཌཱ་ཀི་མས། །
བདེ་བའི་ཞིང་སར་གཤེཊ་སོ་ལོ། །
༣༩
བདག་འཛིན་ལོ་ཏོག་རྒྱས་པའི་ཞིང་། །
ཡེ་སྟོང་བུ་ཆུང་འཛུབ་ཁྲིད་དེ། །
ཤེས་རབ་ཟོར་བའི་རྣོར་དབར་གྱིས། །
རྣམ་རྟོག་བདག་གཅེས་རྩ་བཅོམ་མ། །
༤༠
གཞན་དོན་ཆུ་ཡི་ཟེར་མ་རེ། །
བསྐལ་མང་ཡིད་ཀྱི་རྫིང་སྟིམ་པས། །
ད་ཀོ་ཁྱེད་ཐུགས་པད་མ་མཚོར། །
ཕན་བདེའི་ངང་སེར་ལྷུན་འཇུག་མ། །
༤༡
ཐུགས་རྗེའི་ཨུ་དུམ་ཚལ་ཆེན་ནས། །
མོས་འདུས་གདུལ་བྱའི་རྐང་དྲུག་གཞོན། །
དམ་ཆོས་གེ་སར་སྙིང་བཅུད་ཀྱི། །
སྤྱིན་པའི་ཆོ་ག་སྤེལ་བར་རངས། །
༤༢
སྲིད་ཞི་གྲོང་དུ་མི་གནས་ཤིང་། །
ཡིད་དམ་རྡོ་རྗེ་གཤིས་རྗེས་འགྲོ། །
ཡང་དག་ཚུལ་ཁྲིམས་པད་སྡོང་ལས། །
ལེགས་བསུང་ངེད་པ་རབ་འཐུལ་བ། །
༤༣
སྔོན་དུས་བཟོད་པའི་གོ་ཆ་ཁྲབ། །
འདོར་མེད་གྲོགས་སུ་ལེགས་རྟེན་སྟབས། །
སྐྱེ་འདིར་རྒྱན་བརྒྱད་ལ་སོགས་ཀྱིས། །
ཁྱོད་སྐུ་མཛེས་པའི་ཡུལ་དུ་བཞེངས། །
༤༤
ཉོན་སྒྲིབ་སྲིས་འཁྱམ་འགྲོ་དོན་སླད། །
ངལ་མེད་ན་རག་ཡན་བགྲོད་པའི། །
ཟླ་མེད་བརྩོན་སེམས་རིན་ཅེན་ནོར། །
ཚུལ་ཁྲིམས་གཏེར་དེས་སྦྱིན་པ་ཉིད། །
༤༥
ཆོས་དབྱིངས་སྤྲོས་པའི་མཐའ་བྲལ་ཀློང་། །
ལོངས་སྤྱོད་རྫོགས་སྐུའི་ཚུལ་བཞེངས་ནས། །
དུས་གསུམ་འགྲོ་བའི་དཔུང་གཉེན་དུ། །
ལེགས་བྱོན་མཐོ་རིས་བསམ་གཏན་མ། །
༤༦
སྤྱིན་ཚུལ་བཟོད་བརྩོན་བསམ་གཏན་གྱིས། །
ཐུགས་རྗེའི་གོ་ཆ་བགོས་བགྱིས་ཤིང་། །
རབ་རྣོ་ཤེས་རབ་རལ་གྲི་ཡུར། །
ལེགས་འཇུས་ཉོན་དགྲའི་དཔུང་བཅོམ་བསྔཊ། །
༤༧
ཏང་འཛིན་སྒོམ་པའི་མཚོ་ཆེན་ངོགས། །
བློ་གྲོས་ངང་དཀར་རྩལ་རྫོགས་པས། །
བདེ་གཤེགས་བགྲོད་པའི་སྤྲིན་གྱི་ལམ། །
དུས་ཀུན་ལྡིང་བའི་ཁེངས་ལྡན་མ། །
༤༨
ཡེ་གསལ་ཡིད་ཀྱི་མེ་ལོང་ངོས། །
རྨོངས་པའི་ཡོལ་བའི་མ་བརྟུམ་ཞིང་། །
སྙན་འཇེབས་དབྱངས་ཀྱི་བ་དན་དཀར། །
སྲིད་པའི་ཞིང་སར་བསྒྲེངས་བར་བསྟོད། །
༤༩
འཕྱར་གཡེང་སྒེག་པའི་སྟངས་སྟབས་སྐུ། །
དྲུག་ཅུའི་དབྱངས་རྫོཊ་ཚངས་དབྱངས་གསུང་། །
ཟབ་གཏེར་གསང་བའི་གཏེར་མཛོད་ཐུགས། །
གཏན་དུ་མཆོད་ཚིག་འབུལ་ནོ་ལོ། །
༥༠
ཚིག་ཕྲེང་ཀུན་དཱའི་དགོད་པའི་ཚལ། །
དབྱངས་སྙན་སྨྲ་བའི་ལྷར་མཆོད་ན། །
ཡིད་འཇེབས་ངག་གི་འོད་སྣང་དཀར། །
དད་འདུན་གཙང་བོ་རྒྱས་བསྐྱེད་མཛོད། །
༥༡
འདི་ཀོ་ཁྱེད་སྐུ་གསུང་ཐུགས་ཡོན། །
ཚིག་གི་གསེར་སྐུད་ལ་བརྒྱུས་པའི། །
སྡེབ་སྦྱོར་འོད་ཆཊ་འབྱིན་པའི་ཕྲེང་། །
དབྱངས་ལ་འཁྲེང་བའི་བནྡེས་སྦྱར། །