སློབ་གླིང་གསར་འགྱུར།
ངེད་སློབ་གླིང་གིས་ལོ་རེའི་འཆར་ཅན་ལྟར་ཐ་སྙད་འགྲན་སྡུར་སྐབས་ཉེར་དགུ་བ་གླིང་སྟོད་ཀྱི་དཔེ་མཛོད་ཁང་དུ་འཚོགས་ཤིང་། འགྲན་ཞུགས་སློབ་མ་ཚང་མས་གཅིག་ལས་གཅིག་ལྷག་ངང་འགྲན་རྩོད་ཆེན་པོ་བྱས་པས་རྒྱལ་ཕམ་གྱི་རྟིང་ཐག་གཅོད་དཀའ་བ་བྱུང་།
མཐར་ཐེངས་སྔོན་མའི་ཟིན་ལོ་ལས་ཐེངས་དྲུག་བརྒལ་རྗེས་གཞི་ནས་ཨང་རིམ་བཀར་ཏེ་རྒྱལ་ཁའི་གཟེངས་རྟགས་དང་བྱ་དགའི་བདག་རྐྱེན་བསྩལ།
འགྲན་སྡུར་མཇུག་བསྡུ་སྐབས་སློབ་དཔོན་ཆེན་མོ་ལྡོང་ཡོན་ཏན་རྒྱ་མཚོ་ལགས་ཀྱིས་ཐེངས་འདིའི་འགྲན་སྡུར་ལ་སྤྱི་སྡོམ་དང་གདེང་འཇོག་ལས་འཕྲོས་ཏེ་སྐད་ཡིག་གི་གལ་ཆེ་བའི་རང་བཞིན་དང་། སྐད་ཡིག་རྒྱུན་འཛིན་ནི་འགྲན་སྡུར་ཙམ་མ་ཡིན་པར་ནམ་རྒྱུན་གྱི་འཚོ་བའི་ཁྲོད་ནས་བཀོལ་སྤྱོད་བྱ་དགོས་ཚུལ། དེ་ལ་དགེ་སློབ་ཚང་མས་འབད་ལ་གནང་སྟེ་རང་སློབ་གླིང་གི་སྔར་སྲོལ་བཟང་བོ་མ་ཉམས་པར་གནང་རྒྱུ་གལ་ཆེ་བའི་སྐོར་ནས་གསུངས་བཤད་རྒྱས་པར་གནང་།
ཐེངས་འདིའི་འགྲན་སྡུར་ཁྲོད་བྱ་དགའ་སློབ་པའི་སློབ་མ་དག་ནི་གཤམ་གསལ་ལྟར།
རྟིང་སྐུལ།
མཐོ་གཉིས་གཉིས་པ། སྲས་མཆོག
མཐོ་གཅིག་གཉིས་པ། པདྨ་དབང་ཆེན།
འབྲིང་གཅིག བསམ་པ་ལྷུན་འགྲུབ།
མཐོ་གཅིག་གཉིས་པ། གཅོད་པ་དོན་འགྲུབ།
ཨང་གསུམ་པ།
མཐོ་གཅིག་དང་བོ། ཡེ་ཤེས་རྒྱ་མཚོ།
མཐར་ཕྱིན་དང་བོ། བྱང་ཆུབ་ཟླ་བ།
མཐར་ཕྱིན་དང་བོ། ཤེས་རབ་རྒྱ་མཚོ།
ཨང་གཉིས་པ།
མཐོ་གཉིས་གཉིས་པ། བཀྲ་ཤིས་ཕུན་ཚོགས།
མཐོ་གཉིས་དང་བོ། ལྷ་བསྟན་རྒྱལ།
ཨང་དང་བོ།
འབྲིང་གཉིས། རིན་ཆེན་དོན་འགྲུབ།
ཕུལ་བྱུང་འཛིན་གྲྭ། འབྲིང་གཉིས།
སྒྲིག་ལམ་ཕུལ་དུ་བྱུང་བའི་འཛིན་གྲྭ། མཐོ་གཅིག་གཉིས་པ།
གསར་འགོད་པ། གྱི་ལིང་འཇིགས་མེད།
|