དབྱིན་ཡིག་ངག་རྩལ་འགྲན་སྡུར་ཆེན་མོ།
༢༠༢༣ལོའི་སྤྱི་ཟླ་༤ཚེས་༡༠ཉིན་གངས་ལྗོངས་ཤེས་རིག་ནོར་བུའི་སློབ་གླིང་དང་གངས་ལྗོངས་རྩྭ་ཐང་བུ་མོའི་སློབ་གྲྭ་གཉིས་མཉམ་འབྲེལ་སྒོས་ལོ་རེ་འཆར་ཅན་ལྟར་སྤེལ་བའི་དབྱིན་ཡིག་ངག་རྩལ་འགྲན་སྡུར་ཆེན་མོ་སྐབས་དགུ་བ་སྒྲ་སྒྱུར་གཙུག་ལག་གླིང་དུ་གཟབ་རྒྱས་ངང་སྤེལ་ཞིང་། འགྲན་སྡུར་བྱ་འགུལ་འདི་ལ་དབྱིན་གླུ་དང་། དབྱིན་སྐད་ཀྱི་གཏམ་བཤད། དབྱིན་སྐད་ཀྱི་བཞད་གར། དབྱིན་སྐད་གྱེར་འདོན་སོགས་ཀྱི་འགྲན་སྡུར་ཡོད་ཅིང་། འདི་ལ་བརྟེན་ནས་མིང་སྲིང་ལྟ་བུའི་སློབ་གྲྭ་གཉིས་ཀྱི་སློབ་མ་རྣམས་ཀྱི་དབྱིན་སྐད་ཀྱི་སྨྲ་ལྕེ་དང་སྤོབས་པ། ཕན་ཚུན་གྱི་མིག་དཔེ་སོགས་ལ་སློབ་སྦྱོང་གི་སྐུལ་སློང་བྱེད་ཀྱིན་ཡོད། དཔྱད་འདེམས་དགེ་རྒན་རྣམ་པས་ཀྱང་འགྲན་ཞུགས་སློབ་མ་རེ་རེའི་སྨྲ་ལྕེ་དང་སྒྲ་གདངས། ནང་དོན། ཉམས་འགྱུར་སོགས་ཕྱོགས་མང་བོ་ཞིག་ལ་གཞིགས་ནས་འདྲ་མཉམ་དང་དྲང་བདེན། གཟབ་ནན་གྱི་ངང་ནས་དཔྱད་འཇོག་གི་སྐར་མ་གནང་བར་མ་ཟད། འགྲན་ཞུགས་སློབ་མ་སོ་སོས་རང་རང་གི་དབྱིན་སྐད་ཀྱི་བྱང་ཚད་རྣམ་པ་མི་འདྲ་བའི་འཁྲབ་སྟོན་སྣ་ཚོགས་ཀྱི་ལམ་ནས་འདོན་སྤེལ་གནང་། མཇུག་ཏུ་དཔྱད་འདེམས་དགེ་རྒན་རྣམ་པས་དབྱིན་སྐད་ཀྱི་ལམ་ནས་སྤྱི་སྡོམ་གྱི་གཏམ་བཤད་གནང་བར་མ་ཟད། དགེ་རྒན་གྱི་ལིང་འཇིགས་མེད་ཀྱིས་སློབ་གྲྭ་གཉིས་ཀྱིས་མཉམ་དུ་སྤེལ་བའི་དབྱིན་སྐད་འགྲན་སྡུར་གྱི་དམིགས་ཡུལ་དང་འབྲེལ་ནས་གཞན་སྐད་ཤེས་པའི་དགེ་མཚན་ཕྱོགས་ནས་གསུང་བཤད་གནང་།
ཐེངས་འདིའི་དབྱིན་ཡིག་ངག་རྩལ་འགྲན་སྡུར་ལ།
གཏམ་བཤད་འགྲན་སྡུར་ཁྲོད་ཨང་དང་བོ་ཐོབ་མཁན། མཐོ་གཉིས་གཉིས་པའི་བློ་བཟང་འཇམ་དཔལ། ཨང་གཉིས་པ་ཐོབ་མཁན། མཐོ་གཉིས་དང་བོའི་ནོར་བུ་ཚེ་བརྟན།
གླུ་དབྱངས་འགྲན་སྡུར་ཁྲོད་ཨང་དང་བོ་ཐོབ་མཁན། མཐར་ཕྱིན་དང་བོའི་བསོད་ནམས་དོན་གྲུབ། མཐར་ཕྱིན་དང་བོའི་བསོད་ནམས་འབྱུང་གནས། ཨང་གཉིས་པ་ཐོབ་མཁན་མཐོ་གཅིག་དང་བོའི་ལྷ་མོ་སྐྱབས། འཕྲིན་ལས་རྡོ་རྗེ།
གྱེར་འདོན་འགྲན་སྡུར་ཁྲོད། ཨང་དང་བོ་ཐོབ་མཁན་མཐར་ཕྱིན་དང་བོའི་རྣམ་རྒྱལ་བཀྲ་ཤིས། མཐར་ཕྱིན་དང་བོའི་མཁས་འཇུག ཨང་གཉིས་པ་ཐོབ་མཁན་རྩྭ་ཐང་བུ་མོའི་སློབ་གྲྭའི་ཇི་སྙེད་མཚོ། སྒྲོལ་མ་སྐྱིད།
བཞད་གར་འགྲན་སྡུར་ཁྲོད། ཨང་དང་བོ་ཐོབ་མཁན་མཐོ་གཉིས་གཉིས་པའི་སྐྱིད་དགའ་བཀྲ་ཤིས། གུ་རུ་འོད་ཟེར། སྐལ་བཟང་བློ་གྲོས། རྣམ་རྒྱལ་ཚེ་རིང་། བསྟན་འཛིན་ཚེ་རིང་། ཨང་གཉིས་པ་ཐོབ་མཁན་མཐར་ཕྱིན་གཉིས་པའི་དབང་སྟོབས། བསོད་ཕུན། རྟ་མགྲིན་ཚེ་རིང་། ཀིརྟི་ཚེ་རིང་། དགེ་འདུན་ལྷུན་གྲུབ་བཅས་ཡིན་ནོ། །
ཕུལ་བྱུང་འཛིན་གྲྭ། མཐར་ཕྱིན་དང་བོ་བཅས་ལ་ཐོབ་ནས་གཟེངས་བསྟོད་ཀྱི་བྱ་དགའ་ཕུལ་ཏེ་མཇུག་བསྡུས་སོ།།
|