རྒྱའི་གནའ་མིའི་བསླབ་བྱ་འགའ།

ཚིགས་བཅད་གཉིས་པོ་འདིས། རང་ལ་གཞན་གྱི་རོགས་རམ་དང་གྲོགས་བྱེད་དགོས་པའི་བྱ་བ་རེ་བྱུང་སྟེ་དོན་དག་བཅོལ་དགོས་པ་བྱུང་ན། ཁ་དོན་ཚིག་ལ་གནས་པའི་སྐྱེས་ཕོ་རབ་རྣམས་ལ་ཆོལ་དང་བཟང་། རང་གིས་གཞན་སྐྱོབ་པའམ་རོགས་རམ་བྱེད་འདོད་ན། ངེས་པར་སྐྱོབ་དགོས་པའི་ཉམ་ཐག་བསྐྱབ་འོས་པ་རྣམས་སྐྱོབས་དང་བཟང་། རྒྱུ་མཚན་ནི། སྐོམ་པས་གདུང་བའི་དུས་སུ་ཆུ་ཐིགས་ཙམ་སྦྱིན་པ་བཏང་ན་ཡང་བདུད་རྩི་ཞིམ་པོ་ཞིག་བཏུང་དུ་བཅུག་པའི་སྣང་བ་སྐྱེས་ལ། ཆང་འཐུང་དྲག་པས་བཟི་སྟེ་ར་རོ་བར་གྱུར་བ་ན། ད་དུང་ཆང་ཕོར་གང་ཙམ་བཞེས་རོགས་ཞེས་བཙན་གྱིས་བསྐུལ་བ་ལས་མ་བསྐུལ་བ་བཟང་ངོ་ཞེས་རང་ཅག་ལ་བྱ་བ་ཅི་ཞིག་བསྒྲུབ་ཀྱང་གནས་ཚུལ་དང་བསྟུན་ནས་བསྒྲུབ་དགོས་ཞེས་གདམས་པ་ཡིན་ནོ།།

积金千两，不如多买经书。

人不通古今，马牛而襟裾。

གསེར་སྲང་སྟོང་ཕྲག་གསོག་པ་ལས།།

དཔེ་ཆ་མང་ཙམ་ཉོས་ན་བཟང་།།

གནའ་དེང་གནས་ཚུལ་མི་ཤེས་ན།།

རྟ་གླང་གོས་ཀྱིས་གཡོགས་དང་མཚུངས།།

解释：

积蓄千两黄金，不如多买书籍。一个人不能博古通今，就如同牛马穿上衣服没有什么区别。

ཚིག་དོན་དཀྲོལ་བ།

ཚིག་རྐང་སྔ་མ་གཉིས་ཀྱིས་ནི། གསེར་དངུལ་གཡུ་བྱུར་སོགས་རྒྱུ་ནོམ་པ་མང་དུ་གསོག་པ་ལས་ལེགས་ཉེས་སྟོན་པའི་དཔེ་ཆ་མང་ཙམ་ཉོས་དང་དེས་བཟང་ཞེས་གདམས་ནས། ཚིག་རྐང་ཕྱི་མ་གཉིས་ཀྱིས་དེའི་རྒྱུ་མཚན་བསྟན་ཏེ། གལ་ཏེ་གནའ་དེང་གི་ལོ་རྒྱུས་དང་བཟང་ངན་གྱི་དབྱེ་བ་གང་ཡང་མ་བསླབས་ཤིང་མི་ཤེས་ན། རྟ་དང་བ་ལང་ལ་སོགས་པ་མིའི་གྱོན་ཆས་སུ་གྱུར་བའི་གོས་ཀྱིས་བཏུམས་ནས་བཞག་པ་དང་ཁྱད་པར་ཆེན་པོ་མེད་ཅེས་བཤད་པས་སོ།།

磨刀恨不利，刀利伤人指。

求财恨不多，财多害人子。

知足常足，终身不辱。

知止常止，终身不耻。

ཅི་ཙམ་བརྡར་ཡང་གྲི་འདི་མི་རྣོ་སྙམ།།

རྣོ་དབལ་ཆེ་ན་འཛུམ་མོ་སྣད་ཉེན་ཡོད།།

ཅི་ཙམ་བསགས་ཀྱང་ནོར་འདི་ཉུང་སོང་སྙམ།།

རྒྱུ་ནོར་མང་བོས་བུ་བརྒྱུད་བརླག་ཀྱང་སྲིད།།

རྟག་ཏུ་འདོད་ཆུང་ཆོག་ཤེས་པས།།

ཚེ་གང་བརྙས་བཅོས་མྱོང་མི་འགྱུར།།

རྟག་ཏུ་རང་ཚོད་རན་པར་ཟིན།།

ཚེ་གང་ངོ་ཚས་གཙེ་མི་འགྱུར།།

解释：

磨刀都嫌磨得不够锋利，但刀过于锋利则易伤人手指。追求钱财总嫌不够多，但钱财太多反而会害了自己的子女。明白知足常乐的道理就会经常感到满足，懂得任何事物都有止境就应适可而止，能做到这样一生都不会遭受耻辱。

ཚིག་དོན་དཀྲོལ་བ།

ཚིགས་བཅད་གཉིས་པོ་འདིས། མི་ལ་ལས་གྲི་ཇི་ཙམ་བརྡར་ཡང་ད་དུང་རྣོ་དབལ་དེ་ཙམ་ཕྱིན་མི་འདུག་སྙམ་ནས་ཡིད་མ་ཚིམ་པར་ཡོད་ཀྱང་། གྲི་ཧ་ཅང་རྣོ་ཆེ་ན་རང་གི་ལག་པའི་མཛུབ་མོ་སྣད་པར་འགྱུར་བའི་ཉེན་ཁ་ཡོད། དེ་བཞིན་དུ་རང་ཅག་མི་ཕལ་མོ་ཆེས་ནོར་ཇི་ཙམ་གསགས་ཀྱང་ད་དུང་ནོར་ཉུང་ཆེ་སོང་སྙམ་དུ་བསམ་ཡོད་མོད། འོན་ཀྱང་ནོར་མང་དྲགས་ཤིང་བེད་སྤྱོད་ལེགས་པར་བྱེད་མ་ཤེས་ན་རང་གི་བུ་རབས་ཚ་བརྒྱུད་ལ་གནོད་ཅིང་དེ་དག་བརླག་པར་འགྱུར་བའང་སྲིད་ཅེས་བསླབ་བྱ་བྱས་ཤིང་། རྟག་ཏུ་འདོད་ཆུང་ཆོག་ཤེས་དང་ཧམ་པ་ལ་ཚོད་ཟིན་ཅིང་། ནམ་ཡིན་ཡང་རང་ཚོད་རང་གིས་ཟིན་ན་བརྙས་བཅོས་དང་ངོ་ཚ་མང་བོ་ཞིག་གི་སྒོ་འགོག་ཐུབ་པོ་ཞེས་གདམས་པ་ཡིན་ནོ།།

ཞེས་པ་ནི་བཛྲ་ཚུལ་ཁྲིམས་རྒྱ་མཚོས་རྒྱ་ཡིག་ནས་བསྒྱུར་བའོ།།

——班字尔慈智加措由汉译藏

སྤྱིའི་ལྟ་སྐུལ་བ། སློབ་གྲྭའི་དབུ་བཞུགས་ལྷན་ཚོགས།
གཙོ་སྐྱོང་སྡེ་ཁག ཐོན་མིའི་སློབ་ཚོགས།
དོ་དམ་པ། ཁཱ་ཤེས་རབ་རྒྱ་མཚོ།
ཞིབ་དཔྱད་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། འབའ་སྣང་གྲོལ།
རྩོམ་སྒྲིག་ཨུ་ཡོན། འོད་ཟེར་བཟང་བོ། བསོད་ནམས་རབ་སྣང་། འཕྲིན་ལས་ཉི་མ། བན་ཤུལ་འཇམ་དབྱངས་ཡེ་ཤེས། དམ་ཆོས་ཕུན་ཚོགས། སྦྲ་ནག་འཇིགས་མེད་རྡོ་རྗེ།