ཞེན་ཆགས་ཀྱི་རྨི་ལམ།
དབུ་འཇིགས་མེད། མཚོ་ལྷོ།
དྭངས་གསལ་གཉུག་མ་ཡི་སྣང་བ།།
འགོག་མེད་རང་བྱུང་གི་འོད་ཟེེར།།
ཚོར་བ་མཐའ་མེད་ཞིག་ཁྱེར་ནས།།
ཚིག་ཚོཊ་མགུར་མ་ཞིག་བསྐྲུན་པ།།
གང་སྣང་ཚོར་བ་ཡིས་བསྡུས་ཀྱང་།།
གཟུགས་མེད་སྣང་བ་ཡི་མཛེས་སྡུག།
གཉུག་སེམས་མེ་ལོང་གི་སྒྲོམ་ཆུང་།།
སྙན་ངག་ཚིག་འགྱུར་གྱི་གཡང་རྟེན།།
སེམས་པའི་དཀྱིལ་འཁོར་གྱི་ཉི་འོད།།
དབྱངས་ཅན་ལྷ་མོ་ཡི་འཛུམ་དཀར།།
ཞེན་ཆགས་བརྒྱ་སྟོང་གི་བརྩེཊ་རིམ།།
བརྗོད་འདས་གཟུཊ་མེད་དུ་གྱུར་བ།།
སྒྲིབ་མེད་སེམས་ཉིད་ཀྱི་འོད་གསལ།།
རྫོགས་མེད་སྙན་ངག་གི་བཞུར་རྒྱུན།།
དྭངས་གསལ་ཚོར་བ་ཡི་འཇའ་ཚོན།།
རྟོག་བཏཊ་ཚིག་མགུར་གྱི་དབུ་རྒྱན།།
ནམ་མཁའི་དཀྱིལ་འཁོར་གྱི་ཟླ་འོད།།
དྲན་འཛིན་གུར་ཁྱིམ་དུ་འཕྲོས་བྱུང་།།
མཛེས་དཀར་ཟླ་གཟུགས་ཀྱི་གཞི་ལ།།
ཞེན་ཆགས་རྨི་ལམ་ཞིག་བསྲེས་བྱུང་།།
འོད་གསལ་སེམས་ཉིད་ཀྱི་གཉུག་མ།།
ཞེན་ཆགས་རྨི་ལམ་གྱིས་བསྒྱུར་ནས།།
དྲན་སྣང་མཐའ་མེད་ཀྱི་བཞུར་རྒྱུན།།
འཁོར་འདས་སྣང་སེམས་དུ་བསྲེས་པ།།
ཞི་དབྱིངས་རག་མེད་ཀྱི་ཚོར་གཤིས།།
གཟུགས་མེད་སྣང་བ་ཡིས་བསྡུས་པ།།
སྐྱིད་སྡུག་འདྲེས་མ་ཡི་དབྱངས་རྟས།།
འཁོར་བའི་ཉིན་སྲིབ་དེ་བསྒྱུར་བྱུང་།།
༢༠༢༢.༨.༦ཉིན་བརྩམས།