ཐོན་མིའི་སློབ་ཚོགས་ཀྱི་ལས་འཛིན།  

    མཚོ་སྔོན་ཞིང་ཆེན་དགེ་ལས་སྤྱིའི་ཚོགས་པ་ཐོན་མི་སམ་བྷོ་ཊ་རོགས་སྐྱོར་ཐེབས་རྩའམ་ཐོན་མིའི་སློབ་ཚོགས་ཞེས་པ་འདི་ནི་གངས་ལྗོངས་ཤེས་རིག་ནོར་བུའི་སློབ་གླིང་གི་དགེ་སློབ་ཐུན་མོང་གིས་གྲུབ་པའི་སློབ་གྲོགས་མཉམ་འབྲེལ་ཚོགས་པ་ཞིག་ཡིན་ལ།   སྤྱི་ལོ་༢༠༡༤ལོའི་ཟླ་༧པའི་ཚེས་༡༣ཉིན་སློབ་གླིང་རང་གི་འཁྲུངས་སྟོན་སྐབས་ཉི་ཤུ་བའི་དགེ་སློབ་ལྷན་འཛོམས་ཀྱི་གླགས་དང་བསྟུན་ནས་མདོ་དབུས་ཁམས་གསུམ་གྱི་མཁས་པ་བརྒྱད་ཅུ་ལྷག་གདན་དྲངས་ནས་ཐོན་མིའི་སློབ་གསོའི་ཕྱོགས་ནས་བགྲོ་གླེང་རྒྱ་ཆེར་གནང་ཞིང་།    སྐབས་དེར་སློབ་གླིང་འདིའི་བྱེད་པོ་བོད་ཀྱི་སློབ་གསོ་བ་ཆེན་མོ་རྒན་དམ་པ་འཇིགས་མེད་རྒྱལ་མཚན་མཆོག་སྐུ་དངོས་ཀྱིས་དབུ་ཁྲིད་པར་བརྟེན་ནས་གསར་དུ་བཙུགས་པ་ཡིན།    སློབ་ཚོགས་ཀྱིས་ནམ་ཡང་སློབ་གྲྭའི་དབུ་བཞུགས་ལྷན་ཚོགས་ཀྱི་འཆར་གཞི་དང་བཀོད་འདོམས་ལྟར་ལས་ཀ་བྱ་དགོས་ཤིང་།    སློབ་ཚོགས་འདིའི་ཁ་ཕྱོགས་ནི་ཐོན་མིའི་སློབ་གསོའི་རྩ་དོན་གཞིར་བཟུང་ནས་དགེ་རྒན་འཇིགས་མེད་རྒྱལ་མཚན་མཆོག་གི་དགོངས་བཞེད་དང་མཐུན་དགོས་པར་མ་ཟད།  སློབ་ཚོགས་ཀྱིས་ནམ་ཡང་རྒྱལ་ཁབ་ཀྱི་རྩ་ཁྲིམས་དང་མཐུན་པར་མ་ཡུམ་སློབ་གྲྭ་དང་མཐུན་སྒྲིལ།  མཉམ་གནས།  སྐྱིད་སྡུག་མཉམ་མྱོང་གིས་ལས་དོན་བསྒྲུབ་དགོས་པ་དང་།  མཐར་ཕྱིན་སློབ་མ་གཙོས་པའི་སྤྱི་ཚོགས་ཡོངས་ལ་སྣེ་ཁྲིད་དང་གཞོག་འདེགས།  མིག་དཔེ་སྟོན་ཐུབ་དགོས།

དངོས་མིང་། ཁཱ་ཤེས་རབ་རྒྱ་མཚོ།

པིར་མིང་། སྐུད་པ།

ཕ་ཡུལ།  སི་ཁྲོན་རྔ་བ་ཁུལ་རྔ་བ་རྫོང་།

ལས་གནས།  གངས་ལྗོངས་ཤེས་རིག་ནོར་བུའི་སློབ་གླིང་གི་ཐོན་མིའི་སློབ་ཚོགས་ཀྱི་ཚོགས་གཙོ།   མགོ་ལོག་འཇིགས་མེད་རྒྱལ་མཚན་རིག་གནས་སློབ་གསོའི་བློ་འདྲི་ཚད་ཡོད་མཐུན་གཉེར་ཁང་གི་ལས་འཛིན་དང་རྐང་བདག   བཙན་པོའི་མགར་གྱི་དྲ་བའི་དྲ་བདག  གངས་ལྗོངས་ཤེས་རིག་ནོར་བུའི་སློབ་གླིང་གི་བོད་རྒྱ་དབྱིན་གསུམ་དྲ་བའི་དོ་དམ་པ་དང་གཙོ་སྐྱོང་བ།  མཚོ་སྔོན་ཞིང་ཆེན་དགེ་ལས་ལྷན་ཚོགས་ཐོན་མི་སམ་བྷོ་ཊའི་རོགས་སྐྱོར་ཐེབས་རྩའི་ཚོགས་གཙོ། རྔ་ཡུལ་ཁཱ་ཤཱི་དགོན་ནང་བསྟན་དཔེ་ཚོགས་གཟིགས་འབུལ་ཁང་གི་གཙོ་འགན་པ་དང་དགོན་པའི་དོ་དམ་གཙོ་བདག  རྫོང་དང་ཁུལ་སོགས་ཀྱི་ནང་བསྟན་མཐུན་ཚོགས་ཀྱི་ལས་འཛིན། རྔ་བ་རྫོང་གི་སྲིད་གྲོས་ཨུ་ཡོན།  རྭ་རྒྱའི་བཀའ་འགྱུར་ལས་སྒྲུབ་ཁང་གི་གཙོ་འགན་པ། ཁྲིན་ཏུའུ་བཀའ་བསྟན་གཙུག་ལག་ལས་སྒྲུབ་ཁང་གི་འགན་འཛིན་པ།

བརྩམས་ཆོས།

རྔ་ཡུལ་ཁཱ་ཤཱི་དགོན་གྱི་གདན་རབས། འཛམ་གླིང་རྒྱན་དྲུག་མཆོག་གཉིས་ཀྱི་གསུང་འབུམ་པོད་༤༡།  དཔའ་བར་འགྲོ་བའི་མདོ། བོད་ཡུལ་དམངས་ཁྲོད་ཀྱི་རྩ་ཆེའི་དཔེ་རྙིང་ཕྱོགས་བསྒྲིགས་པོད་༥༠། རྭ་རྒྱའི་བཀའ་འགྱུར་པོད་༡༠༤བདག་ཉིད་ཅན་སོགས་རྩོམ་སྒྲིག་དང་དཔེ་སྐྲུན་གྱི་ཕྱག་ལས་གནང་མུས་ཡོད།

འབྲེལ་གཏུག་ཁ་པར། 15283703999

དངོས་མིང་།  བློ་བཟང་ཆོས་འཕེལ།   པིར་མིང་།  འབའ་སྣང་གྲོལ། 

ཡོན་ཚད། སློབ་ཆེན། 

ལས་གནས།  གངས་ལྗོངས་ཤེས་རིག་ནོར་བུའི་སློབ་གླིང་གི་ཐོན་མིའི་སློབ་ཚོགས་ཀྱི་རྒྱུན་ལས་ཚོགས་གཙོ་དང་། དྲུང་ཡིག་ཆེན་མོ་ཟུར་བ། མགོ་ལོག་འཇིགས་མེད་རྒྱལ་མཚན་རིག་གནས་སློབ་གསོའི་བློ་འདྲི་ཚད་ཡོད་མཐུན་གཉེར་ཁང་གི་ལས་འཛིན་དང་རྐང་བདག  ཐོན་མི་སཾ་བྷོ་ཊའི་ཐེབས་རྩའི་ཚོགས་གཞོན། གངས་ལྗོངས་ཤེས་རིག་ནོར་བུའི་སློབ་གླིང་གི་བོད་རྒྱ་དབྱིན་གསུམ་དྲ་བའི་རྩོམ་སྒྲིག་པ་དང་གསར་འགོད་པ།   ཕ་ཡུལ་གྱི་གནས་བབ་ལ་དམིགས་ནས་ཕ་ཁྱིམ་བདག་སྐྱོང་ཚོགས་པ་དང་དགེ་རྩ་ལྷན་ཚོགས་གཉིས་བཙུགས་ཏེ་ལས་ཀའི་རྒྱུན་སྐྱོང་བཞིན་ཡོད།

བརྩམས་ཆོས།   ༼འོད་ཀྱི་ཞབས་རྗེས༽  ༼ལས་དབང་གསར་བརྗེ༽ ༼སྣང་བ་གྲོལ་བའི་མགུར༽ ༼ དཔྱད་གླེང་ཤོག་དྲིལ་མ༽  ༼གནའ་བོའི་མི་ཆོས་ཀྱི་རིག་གཞུང་སློབ་གསོ༽ སོགས་ཡོད།

སློབ་སྦྱོང་བྱ་ཡུལ། གངས་ལྗོངས་ཤེས་རིག་ནོར་བུའི་སློབ་གླིང་དང་། བླ་བྲང་། ལྷ་ས། ནུབ་བྱང་མི་རིགས་སློབ་ཆེན་སོགས། 

སྡོད་གནས། མཚོ་ལྷོ་འབའ་རྫོང་། 

འབྲེལ་གཏུགས་ཁ་པར།  18946885460  826927487

 དངོས་མིང་། བསོད་ནམས་རབ་སྣང་།

ཕ་ཡུལ། མགོ་ལོག་ཁུལ་རྨ་ཆེན་རྫོང་རྭ་རྒྱ་གྲོང་རྡལ།

ལས་གནས། གངས་ལྗོངས་ཤེས་རིག་ནོར་བུའི་སློབ་གླིང་གི་ཐོན་མིའི་སློབ་ཚོགས་ཀྱི་དྲུང་ཡིག་པ།

རྨ་ཆེན་རྫོང་ཁྱུང་ཆེན་ཀོ་པགས་ཆེད་གཉེར་མཉམ་སྒྲུབ་ཚོང་སྡེའི་འགན་འཛིན་པ།

གངས་ལྗོང་ལྗོངས་ཤེས་རིག་ནོར་བུའི་སློབ་གླིང་གི་དྲ་ཚིགས་རྩོམ་སྒྲིག་པ་དང་དྲ་ཚིགས་གསར་འགོད་པ།

མགོ་ལོག་འཇིགས་མེད་རྒྱལ་མཚན་རིག་གནས་སློབ་གསོ་བློ་འདྲི་ཚད་ཡོད་མཐུན་གཉེར་ཁང་གི་རྒྱུན་ལས།

དུས་ཀྱི་སྨྲ་ལྕེ་དྲ་ལམ་རིག་གནས་བགྲོ་གླེང་གི་གཙོ་སྐྱོང་བ།

མགོ་ལོག་རི་བོང་བློ་ལྡན་སློབ་སྦྱོང་མཉེན་ཆས་ཀྱི་འགན་འཛིན་གཞོན་པ།  

རྨ་ཆེན་རྫོང་གངས་ལྗོངས་མཉམ་སྒྲུབ་ཚོང་སྡེའི་མཉམ་འབྲེལ་ཚོང་སྡེ་ཡི་མ་བདག་གི་འཐུས་མི།

དངོས་མིང་།  འཕྲིན་ལས་ཉི་མ།  པིར་མིང་།  རྨ་སྲས་ཕོ་ཉ།  

ལས་གནས།  ཐོན་མིའི་སློབ་ཚོགས་ཀྱི་རྒྱུན་ལས་ལས་འཛིན། 

གངས་ལྗོངས་ཤེས་རིག་ནོར་བུའི་སློབ་གླིང་གི་དྲྭ་ཚིགས་རྩོམ་སྒྲིག་པ་དང་གསར་འགོད་པ།    

མཚོ་སྔོན་ཞིང་ཆེན་ནང་བསྟན་མཐུན་ཚོགས་ཀྱི་ལས་འཛིན། 
མགོ་ལོག་ཁུལ་ནང་བསྟན་མཐུན་ཚོགས་ཀྱི་འཐུས་མི། 
རྨ་ཆེན་རྫོང་སྲིད་གྲོས་ཀྱི་ཨུ་ཡོན། 
གྱང་རིང་དགོན་དམངས་དམ་ཁང་གི་དགོན་གཙོ། 
ལྡོང་གསུང་ཆོས་རྩོམ་སྒྲིག་ཁང་གི་ཚོགས་གཙོ་གཞོན་པ།