རྭ་རྒྱ་དགོན་པའི་བླ་གྲྭ་ལྔ་བཅུ།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 11 ཚེས 14 རེས་གཟའ་ཕུར་བུ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» སློབ་གསོ།» དགོན་སྡེའི་སློབ་གསོ། »རྭ་རྒྱ་དགོན་པའི་བླ་གྲྭ་ལྔ་བཅུ།
རྭ་རྒྱ་དགོན་པའི་བླ་གྲྭ་ལྔ་བཅུ།
རྩོམ་སྒྲིག་པ།  བན་ཤུལ་འཇམ་དབྱངས། སྤེལ་དུས 2017-10-02ལྟ་ཀློག (13610)རྩོམ་ཁུངས: རྩོམ་ཁུངས་འདེམ་བྱང་།པར་འདེབ།

རྭ་རྒྱ་དགོན་པའི་བླ་གྲྭ་ལྔ་བཅུ།

     མདོ་སྨད་ཀྱི་ཆོས་སྡེ་ཆེན་པོ་རྭ་རྒྱ་དགའ་ལྡན་བཀྲ་ཤིས་འབྱུང་གནས་བཤད་སྒྲུབ་དར་རྒྱས་གླིང་ནི། རབ་བྱུང་བཅུ་གསུམ་པའི་ས་མོ་གླང་གི་ལོ་སྟེ་སྤྱི་ལོ ༡༧༦༩ ལོར་སྐྱབས་མགོན་ཨ་རིག་དགེ་བཤེས་ཆེན་མོས་ཕྱག་བཏབ་ཅིང་། ཤིང་བཟའ་སྐུ་ཕྲེང་རིམ་བྱོན་གྱིས་བདག་སྐྱོང་གནང་སྟེ་འཆད་ཉན་དབྱར་མཚོ་ལྟར་རྒྱས་པས་བོད་ཡུལ་མདོ་དབུས་ཀུན་ལ་མཚན་སྙན་གྱི་དར་དཀར་རིང་མོ་ཡུག་གཅིག་གིས་ཁྱབ་པ་བྱུང་།  སྤྱི་ལོ༡༩༥༨ལོའི་ཡར་སྔོན་དུ་དགོན་འདིར་བླ་གྲྭ་ཉིས་སྟོང་ལྷག་བཞུགས་མོད། རིག་གསར་གྱི་རྡུལ་རླུང་དྲག་པོའི་ཁྲོད་ལྷ་ཁང་དང་འདུ་ཁང་ཐམས་ཅད་གཏོར་བརླག་བཏང་བ་མ་ཟད་བླ་གྲྭ་ཐམས་ཅད་བཙོན་འཇུག་དང་། གཅར་རྡུང་། སྐྱ་སར་ཕབ་པ། ངལ་རྩོལ་སྒྱུར་བཀོལ་སོགས་ཀྱིས་བློར་མི་ཤོང་བའི་ཉམས་ཆག་བྱུང་། ཡང་དར་བསྟན་པའི་ཆོས་སྒོ་སླར་ཡང་འབྱེད་སྐབས་སྔར་ཡོད་བླ་གྲྭ་ཉིས་སྟོང་ལྷག་ལས་བླ་གྲྭ་ལྔ་བཅུ་ལྷག་མ་གཏོགས་འཛོམས་རྒྱུ་མ་བྱུང་། འོན་ཀྱང་ཁོང་རྣམ་པས་དགོན་པ་བསྐྱར་བཞེངས་དང་། འཆད་ཉན་དར་སྤེལ། སྒྲིག་ལམ་སླར་གསོ་སོགས་ཀྱི་ཐད་བྱས་རྗེས་བླ་ན་མེད་པ་བསྐྲུན། ད་སྐབས་རྭ་རྒྱ་དགོན་པའི་འཆད་ཉན་དང་སྒྲིག་ལམ་སྔར་ལྟར་རྒྱུན་སྐྱོང་བྱེད་ཀྱིན་པ་འདི་ནི་ཁོང་རྣམ་པའི་བཀའ་དྲིན་དང་ཐུགས་རྗེ་ཉག་གཅིག་ལ་བརྟེན་ནས་བྱུང་བ་རེད། འོན་ཀྱང་ཆོས་སྒོ་གསར་དུ་ཕྱེས་ཏེ་མི་ལོ་བཞི་བཅུ་ལྷག་འགོར་བའི་དེ་རིང་གི་དུས་འདིར་ཁོང་རྣམ་པས་གདུལ་བྱ་རྟག་འཛིན་ཅན་ལ་མི་རྟག་པའི་རང་མཚང་གསལ་བོར་སྟོན་ཕྱིར་སྐུ་ཡི་བཀོད་པ་ཆོས་དབྱིངས་སུ་བསྡུས་པའི་ཚུལ་མཛད་དེ། ད་ལྟ་ཞལ་དངོས་སུ་བཞུགས་པ་རེ་གཉིས་ཙམ་ལས་ལྷག་མེད་། དེའི་ཕྱིར་ཁོང་རྣམ་པའི་བཀའ་དྲིན་དང་ཕྱག་རྗེས་ནམ་ཡང་མི་བརྗེད་པར་སེམས་སུ་གཟུང་ཕྱིར་སློབ་དཔོན་བསོད་ནམས་དར་རྒྱས་ཀྱིས་འདྲ་པར་འཚོལ་སྡུད་བྱས་པ་རྭ་རྒྱ་བཟོད་པ་བཟང་བོས་གསལ་བཤད་ཀྱི་ཡི་གེ་དང་ལྷན་ཏུ་བཀོད་པ་འདི་ཡིས་གཞན་ལ་ཕན་པའི་རྒྱུར་གྱུར་ཅིག



  འདྲ་པར་ལག་སོན་མ་བྱུང་བ་དག་ནི། དགེ་བསྐུལ་བློ་བཟང་གྲགས་པ། དགེ་བསྐུལ་འཇམ་དབྱངས་བཀྲ་ཤིས།  དགེ་སློང་བསྟན་པ་དར་རྒྱས།  དགེ་སློང་ཤེས་རབ་རྒྱ་མཚོ།  དགེ་སློང་བསྟན་པ་རྒྱལ་མཚན།  དཀོན་མཆོག་དར་རྒྱས།  དགེ་སློང་ཤེས་རབ་རྒྱ་མཚོ།  སྨན་ཤུལ་ཆོས་གྲགས།  དགེ་སློང་འཇམ་དབྱངས།  དགེ་སློང་བཟང་བོ།  དགེ་སློང་བློ་བཟང་འོད་ཟེར། དགེ་སློང་ངག་དབང་བཟང་བོ། 

གསལ་བཤད།

  འདིར་བཀོད་པའི་པར་དང་མཚན་གྱི་ནང་མ་ཐོན་པ་ཡོད་ཚེ་བདག་ལ་གསལ་བཤད་དང་། ཁོང་རྣམ་པའི་ལོ་རྒྱུས་ཉིང་བསྡུས་རེ་བདག་ལ་མཁོ་སྤྲོད་གནང་རྒྱུ་རེ་བ་ཞུ། མ་འོངས་པར་ང་ཚོས་ཁོང་རྣམ་པའི་ལོ་རྒྱུས་ཡིག་ངོར་བཀོད་དེ་ནམ་ཡང་ཉམས་པ་མེད་པའི་ལོ་རྒྱུས་ཀྱི་རྡོ་རིང་ཞིག་གིས་ཁོང་རྣམ་པར་རྗེས་དྲན་བྱ་ཆོག   

ཞེས་རྭ་རྒྱ་བཟོད་པ་བཟང་བོས།  ༢༠༡༧.༩.༢༨ཉིན།


དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། rohu བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
5920395
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号