༄༅།།ལོ་ངོ་ཉིས་སྟོང་དྲུག་བརྒྱའི་སྔོན་ལ་བཞེངས་པའི་ཨ་ཧྥུ་ཀ་ནི་སི་ཐན་དུ་རྙེད་པའི་ནང་པའི་ཨེ་ན་ཁུ་དགོན་པ། 

ཀྱི་ནང་Mesཞེས་པ་ཟངས་ཀྱི་དོན་ཡིན་ནོ། ། མདོར་ན་ས་ཁྱོན་མུའུ་སུམ་སྟོང་ཙམ་ཟིན་པའི་གནའ་བོའི་དགོན་རྙིང་གི་རྗེས་ཤུལ་འདི་རྙེད་པ་ནི་རིག་དངོས་ཀྱི་ངོས་ནས་བཤད་ན་བསམ་ཡུལ་ལས་འདས་པ་ཤིག་ཡིན་པར་མ་ཟད་ནང་པ་སངས་རྒྱས་དག་གིས་གཟི་བརྗིད་དང་རེ་བ་ཞིག་ཏུ་བརྩིས་ན་ལགས།།  ཡིན་ཡང་ཐེངས་འདིའི་སྔོག་འདོན་ལས་བྱུང་པའི་གནའ་རྫས་ཀྱིས་ལོ་ངོ་ཉིས་སྟོང་འདོད་མཁན་དག་ཡང་སྐྱར་ཐེ་ཚོམ་གྱི་གནས་སུ་བསྐྱལ་བ་མ་ཟད་ལོ་ངོ་སུམ་སྟོང་འདོད་མཁན་ཚོར་དངོས་དཔང་རྩོད་མེད་ཅིག་སྦྱིན།  དེང་གི་དུས་འདིར་སངས་རྒྱས་འཁྲུངས་ནས་ལོ་ངོ་ཉིས་སྟོང་ལྔ་བརྒྱ་འདས་པ་ནི་འཛམ་གླིང་གི་སྤྱི་ལུགས་སུ་ཆགས་ཡོད་པ་དོན་དངོས་ཤིག་ཡིན་ལ།གལ་སྲིད་ཐེངས་འདིའི་གནའ་རྫས་རྟོག་ཞིབ་པ་ཚོས་བཤད་པའི་དུས་ཚོད་ལ་ནོར་བ་མེད་ཚེ་ནང་བའི་དགོན་པ་འདི་ལོ་ངོ་ཉིས་སྟོང་ལྔ་བརྒྱའི་སྔོན་ནས་བསྐྲུན་ཡོད་པར་འདུག ད་དུང་ལོ་ངོ་ཉིས་སྟོང་གི་སྔོན་ལ་གནས་འདི་བརྒྱུད་ནས་ནང་བསྟན་རྒྱ་ནག་ཏུ་དར་བ་གདོན་མི་ཟའོ། གང་ལྟར་ཀྱང་རིག་དངོས་ཀྱི་ངོས་ནས་བཤད་ན་ཐེངས་འདིའི་སྔོག་འདོན་ནི་བསམ་ཡུལ་ལས་འདས་པ་ཞིག་ཡིན་པར་མ་ཟད་ཨ་ཧྥུ་ཀ་ནི་སི་ཐན་གྱི་རྒྱལ་ཁབ་ཀྱི་དངོས་མང་བཤམ་སྟོན་ཁང་གི་སྟོང་ཆ་ཡོངས་སུ་སྐོང་ནུས་སོ། །གནའ་བོའི་དགོན་པ་འདིའི་རྗེས་ཤུལ་ནི་རྒྱལ་ས་ཁ་པུར་科布尔ལྷོ་ཕྱོགས་ཀྱི་སྤྱི་ལེ་སུམ་ཅུ་སར་གནས་ཡོད་ལ་ལོའུ་ཀིར་ཞིང་ཆེན་དུ་གཏོགས་ཤིང་།  སའི་རྒྱ་ཁྱོན་ལ་མུའུ་སུམ་སྟོང་ཡོད།  རྗེས་ཤུལ་དུ་ཨེ་ན་ཁུ་(Mes Aynak艾娜克)དགོན་ཤུལ་གཙོ་བོས་སྐུ་གདུང་མཆོད་

རྟེན་མང་པོ་བཞུགས།  སྤྱི་ལོ་༡༩༦༠ལོ་ཙམ་ནས་ཨ་ཧྥུ་ཀ་ནི་སི་ཐན་གྱི་གནའ་རྫས་རྟོག་ཞིབ་པས་ཨེ་ན་ཁུའི་ཟངས་ཀྱི་གཏེར་ཁ་ནི་གནའ་བོའི་དགོན་རྙིང་ཞིག་གི་རྗེས་ཤུལ་ཡིན་པ་རྟོགས་ཡོད་ཀྱང་ཕྱི་རུ་བསྒྲགས་མྱོང་མེད་ལ་ལོ་འདི་གར་གནའ་རྫས་རྐུ་ འཁྱེར་ཆེད་རྗེས་ཤུལ་ལ་གནོད་སྐྱོན་མི་ཉུང་བ་ཐེབས་ཡོད།  སྤྱི་ལོ་ཉིས་སྟོང་བཅུ་ཡི་ཟླ་བ་ལྔ་བར་དེ་གར་ཟངས་གཏེར་སྔོག་འདོན་བྱེད་གྲབས་ཡོད་པའི་ཀྲུང་གོའི་ཀྲུང་ཡེ་ཚོགས་ཁག་(中冶集团)ཟེར་བའི་སྤྱི་གཉེར་ཁང་ཞིག་གིས་རྙེད་དེ་ཕྱི་ལ་ཁྱབ་བསྒྲགས་གནང་། མིག་སྔར་ཨ་ཧྥུ་ཀ་ནི་སི་ཐན་སྲིད་གཞུང་དང་སྤྱི་གཉེར་ཁང་དེ་གཉིས་ནས་ གནས་སྐབས་ཀྱི་གྲོས་མཐུན་ཡི་གེ་བཀོད་ནས་ལོ་གསུམ་གྱི་དུས་ཡུན་སྤྲད་ནསཨ་ཧྥུ་ཀ་ནི་སི་ཐན་གྱི་ཆེད་མཁས་བཅོ་ལྔ་དང་ཧྥ་རན་སེའི་ཆེད་མཁས་གསུམ། ལས་མི་སུམ་ཅུ་ལྷག་བཅས་ཀྱིས་ཕྱོགས་ཡོངས་ནས་སྔོག་འདོན་དང་སྲུང་སྐྱོབ་བྱེད་བཞིན་ཡོད་ཅིང་། ད་ལྟའི་བར་དུ་དགོན་པའི་སྤྱིའི་ཆགས་དབྱིབས་དང་གླིང་བར། ལྡེབ་རིས་ཡོད་པའི་ལྷ་ཁང་། རྫ་ཆས་དང་རྡོ་ལས་བཟོས་པའི་སངས་རྒྱས་ཀྱི་སྐུ་འདྲ་སྣ་ཚོགས་ཐོན་ཡོད་པ་མ་ཟད་དགོན་པའི་ཁྱམས་ར་ན་སྔོན་རྨིད་བཞི་ནས་ལྔ་ཙམ་ལྡན་པའི་མཆོད་རྟེན་ཞིག་བཞེངས་ཡོད་པ་གསལ་བོར་ཤེས་ཐུབ།