༄༅༎ བརྩེ་ཆེན་དབྱངས་སུ་འཕོས་པའི་གདངས་སྙན།

གངས་ལྗོངས་ཤེས་རིག་ནོར་བུའི་གླིང་གི་སློབ་དཔོན་ཆེན་མོ་བཛྲ་ཚུལ་ཁྲིམས་རྒྱ་མཚོ་མཆོག་དང་། ལྡོང་ཡོན་ཏན་གཉིས་ཀྱི་ཕན་ཚུན་སྐད་འཕྲིན་བརྙན་རིས་བརྒྱུད་ནས་བྲིས་པའི་རྩོམ་ཐུང་།
གདོས་བཅས་ལུས་འདི་བླ་བྲང་དུ་ཡོད་ཀྱང་།།
ཐོགས་མེད་སེམས་དེ་ཤེས་རིག་གླིང་དུ་ཕྱིན།།
དུས་ཀུན་སློབ་གསོར་བྲེལ་བའི་དགེ་རྒན་ཚོར།།

ཤིས་ཚིག་མེ་ཏོག་ཆུན་པོ་འབུལ་དུ་སོང་།།

འབྱུང་བཞིའི་ནད་ཀྱིས་ཅི་ཙམ་མནར་ན་ཡང་།།
སློབ་གསོའི་བྱ་བཞག་ཡིད་ནས་ཡལ་མ་མྱོང་།།
གལ་ཏེ་མཆོག་གསུམ་མཐུ་ཡིས་ནད་འདི་ལས།།
ཐར་ན་མི་རིང་མཇལ་བར་སྙིང་ནས་སྨོན།།

ཞེས་བཛྲ་ཚུལ་ཁྲིམས་ཀྱིས་རྩྭ་ཐང་བུ་མོའི་སློབ་གྲྭ་དང་བཅས་པའི་དགེ་རྒན་ཡོངས་ལ་དགེ་རྒན་དུས་ཆེན་གྱི་འཚམས་ཞུར་ཕུལ།

ཐུགས་བསྐྱེད་དགུ་ཚིགས་ཞགས་པས་མི་ཟིན་པའི།།
མཚན་ཉིད་བཅུ་ལྡན་ཐེག་ཆེན་དགེ་བའི་བཤེས།།
རེ་ཞིག་གླིང་འདིར་ཕེབས་སྐལ་མ་བྱུང་ཡང་།།
དགེ་སློབ་དད་གུས་རེ་སྒུག་ལྷོད་མ་མྱོང་།།
བསླུ་མེད་མཆོག་གསུམ་དམ་པའི་བྱིན་མཐུ་དང་།།
བདག་ཅག་དགེ་སློབ་དད་མོས་མཐུ་སྟོབས་ཀྱིས།།
སློབ་དཔོན་ཁྱེད་ཀྱི་སྐུ་ཁམས་མྱུར་དྭངས་ཏེ།།
གླིང་འདིའི་གཙུག་རྒྱན་དམ་པར་མྱུར་ཕེབས་སྨོན།།

ཤེས་རིག་ནོར་བུའི་གླིང་དང་རྩྭ་ཐང་བུ་མོའི་སློབ་གྲྭའི་དགེ་སློབ་ཡོངས་ཀྱིས་གུས་ཕུལ་ཞེས་ལྡོང་ཡོན་ཏན་རྒྱ་མཚོས།

ཞེས་བཛྲ་ཚུལ་ཁྲིམས་རྒྱ་མཚོས།

མ་མཇལ་ཡུན་རིང་སོང་བའི་བདག་གི་བཤེས།།
གློ་བུར་ངོ་མཚར་འཕྲུལ་གྱིས་མཐོང་འདིས་སྤྲོ།།

ཞེས་ལྡོང་ཡོན་ཏན་རྒྱ་མཚོས།

འདི་ལྟར་འབྱུང་བཞིའི་འདུ་བ་མ་སྙོམས་པས།།
གང་ལ་དམིགས་པའི་བྱ་བཞག་ཀུན་ལུས་ཚེ།།
སུན་སྣང་དུད་སྤྲིན་འཁྲིགས་པའི་མེ་ལྕེ་ཡིས།།
སྙིང་གི་བུད་ཤིང་ཅིར་ཡང་སྲེག་ཅིང་གདུང་།།

ཞེས་བཛྲ་ཚུལ་ཁྲིམས་རྒྱ་མཚོས།

མཁྱེན་རབ་ནམ་མཁའི་མཐར་སོང་ཞིང་།།
ལྷག་བསམ་གངས་རིའི་དཔལ་འཛིན་པའི།།
མཆོག་གི་ཡུན་རིང་སྙུང་གཞི་དེས།།
བདག་ཀྱང་གདུང་བའི་བཙོན་ལ་བཅུག།

ཞེས་ལྡོང་ཡོན་ཏན་རྒྱ་མཚོས།

ལས་འབྲེལ་འོ་མའི་ཆུ་གཏེར་ཆེ།།
འགྲོགས་འདྲིས་རླུང་གིས་རྟག་བསྲུངས་པས།།
དུང་སེམས་རྦ་རླབས་ཆལ་ཆིལ་དུ།།
གཡོ་བའི་ཆོས་ཉིད་སུ་ཡིས་འགོག།

ཞེས་བཛྲ་ཚུལ་ཁྲིམས་རྒྱ་མཚོས།

ཞེས་ལྡོང་ཡོན་ཏན་རྒྱ་མཚོས།

ཞེས་བཛྲ་ཚུལ་ཁྲིམས་རྒྱ་མཚོས།

ཞེས་ལྡོང་ཡོན་ཏན་རྒྱ་མཚོས།

ཞེས་བཛྲ་ཚུལ་ཁྲིམས་རྒྱ་མཚོས།

  ཞེས་པ་འདི་ནི་གངས་ལྗོངས་ཤེས་རིག་ནོར་བུའི་སློབ་གླིང་གི་དགེ་བའི་བཤེས་གཉེན་ཆེན་མོ་བཛྲ་ཚུལ་ཁྲིམས་མཆོག་བསྙུང་གཞིའི་དབང་གིས་རེ་ཞིག་སློབ་གླིང་དུ་བཞུགས་མ་ཐུབ་པར་སྨན་ཁང་མང་བོར་ཕེབས་ཏེ་བཞུགས་ཡོད་པ་ལ། ད་རེབ་གནས་སྐབས་བླ་བྲང་དུ་བཞུགས་སྐབས་དགེ་རྒན་ལྡོང་ཡོན་ཏན་མཆོག་དང་དཔོན་སློབ་གཉིས་ཀྱིས་ཁ་པར་ལས་སྐད་འཕྲིན་བརྒྱུད་ཕན་ཚུན་བསྐུར་པའི་འཕྲིན་ཐུང་འདི་ཉིད་བཞུགས་པ་ཐོས་པས་ངེད་ཅག་གིས་ཀྱང་གསོལ་བ་ལན་བརྒྱར་ཞུས་པ་བཞིན་དགོངས་འཁྲོལ་བྱུང་སྟེ་བཀོད་པ་ལགས་ལ། ཁ་བྱང་འདི་ཡང་ཕྲན་བུ་ཅག་གིས་གང་བྱུང་དུ་བཏགས་པ་ལགས་པས་དོན་ལ་མ་འབྱོར་བ་ཡོད་ན་དགོངས་དག་ཞུས་པ་ཡིན།

རྩོམ་ཁུངས།  ཁ་བ་ལེབ་མོའི་འཕྲིན་སྟེགས་ལས་བཤུས།