༄།།གངས་ལྗོངས་རྩྭ་ཐང་བུ་མོའི་སློབ་གྲྭས་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་དང་ལྔ་བཞིའི་ན་གཞོན་དུས་ཆེན་དཀྱིས་གཅིག་ཏུ་བསུས།
རྒྱལ་ཡོངས་བོད་ཀྱི་ཡིག་གཟུགས་བགྲོ་གླེང་ཚོགས་འདུ་སྐབས་དང་བོའི་སྟེང་ལོ་རེའི་སྤྱི་ཟླ་བཞི་བའི་ཚེས་སུམ་ཅུ་ཉིན་ནི་བོད་ཀྱི་ཡིག་གཟུགས་དུས་ཆེན་དུ་ཐག་བཅད་བགྱིས་པ་ནང་བཞིན། དེ་རིང་སྟེ་སྤྱི་ཟླ་ ༤ ཚེས་ ༣༠ ཉིན་ངེད་སློབ་གླིང་གིས་ཀྱང་མི་རིགས་རིག་གནས་འཕེལ་རྒྱས་དང་། བླང་དོར་མཁས་པའི་མིག་ལ་བརྟེན་པ་ཉིད་ནི་གལ་ཆེ་བར་ངེས་ནས་དུས་ཆེན་ལ་སྲུང་བརྩི་དང་དགའ་བསུའི་བྱ་འགུལ་སྤེལ། དགེ་རྒན་དང་སློབ་མ་སུ་ཡིན་ཡང་སུག་བྲིས་བཟང་བོ་ཞིག་འཛོམས་མིན་ལ་མ་ལྟོས་པར་ཤོག་བུ་དང་སྨྱུ་གུ་བསྣམས་ཏེ་བོད་ཀྱི་ཡིག་གཟུགས་སྣ་ཚོགས་གང་ཐོན་གྱིས་བྲིས། བོད་ཀྱི་ཡིག་གཟུགས་དུས་ཆེན་ནི་འཇམ་མགོན་ཐོན་མི་མཆོག་ལ་རྗེས་དྲན་ཞུ་སྟངས་ཤིག་དང་། ཡང་ན་སློབ་དཔོན་ཐོན་མིའི་སྐུ་དྲིན་དྲན་ཚུལ་ཞིག་ཀྱང་ཅིས་མ་ཡིན། དེ་སླད་སློབ་གཙོ་རྒན་བཀྲ་ཤིས་ཚེ་རིང་སོགས་རང་སློབ་གྲྭའི་གཙོ་འགན་པ་དག་གིས་སྣེ་ཁྲིད་དེ་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་སྐབས་དང་བོ་བསུ་བའི་བྱ་འགུལ་ཕུན་སུམ་ཚོགས་པ་འཁྱོངས་སོ།།
གཞན་དགེ་སློབ་ལས་བཟོ་བ་དང་བཅས་པས་གཟབ་མཆོར་གྱི་རྒྱན་གོས་སྤྲོས་ཤིང་། སློབ་གཙོ་རྒན་བཀྲ་ཤིས་ཚེ་རིང་ལགས་ཀྱིས་རྒྱལ་སྤྱིའི་ན་གཞོན་དུས་ཆེན་གྱི་དགོས་གལ་དང་། ན་གཞོན་རྣམས་ཀྱི་འགན་འཁྲི་གང་ཡིན་སྐོར་གྱི་ཐོག་མའི་གཏམ་བཤད་སྤེལ། དེ་མིན་སློབ་གྲྭའི་རིག་རྩལ་སློབ་ཚོགས་ཀྱིས་གཙོས་སྡེ་ཁག་སོ་སོ་དང་། འཛིན་གྲྭ་སོ་སོས་གླུ་གར་དང་། ཞབས་བྲོ། གར་ཆུང་དང་བཤད་པ་སོགས་རིག་རྩལ་གྱ་ནོམ་པ་དང་བཅས་ལྔ་བཞིའི་ན་གཞོན་དུས་ཆེན་བསུས།
དགེ་རྒན་བཟང་རྒྱལ་གྱི་ཡིག་གཟུགས།
སློབ་གཙོ་གཞོན་པ་རྒན་འབྲུག་འབུམ་རྒྱལ་གྱིས།
སློབ་གཙོ་གཞོན་པ་རྒན་འཇམ་དཔལ་གྱི་བོད་དབྱིན་རྒྱ་གསུམ་གསུམ་གྱི་ཡིག་གཟུགས།
རྒན་སྒྲོལ་མ་སྐྱབས།
རྒན་པད་དཀར་འབངས།
སློབ་བུ་འཛམ་ཆུང་།
སློབ་བུ་སངས་རྒྱས་མཚོ།
སློབ་བུ་ཚོས་སྦྱངས་ཤིང་བཀོལ་ཏེ་འབྲི་བ།
སྦྱངས་ཤིང་སྟེང་གི་ཐོན་མིའི་མཛུབ་རིས།
བོད་རྒྱ་དབྱིན་གསུམ་གྱི་མདོ་འཛིན་པ།
གངས་ལྗོངས་རྩྭ་ཐང་བུ་མོའི་སློབ་གྲྭའི་བོད་སྐད་ཡིག་སྡེ་ཁག
གསར་འགོད་པ། པད་དཀར་འབངས་ཀྱིས་༢༠༡༧ ༤ ༣༠ ཉིན།
|