འཛམ་གླིང་གི་མཁས་པ་གྲགས་ཅན་འགའི་ལེགས་བཤད་ཕྱོགས་བསྡུས་ལས་དཔེ་ཀློག་སྐོར་གླེང་བ།

ངས་དཔེ་དེབ་ཇི་ཙམ་ལྟ་ཀློག་བྱས་པ་དེ་ཙམ་གྱིས་ང་དང་འཛམ་གླིང་གི་བར་ཐག་གཏང་ཐུབ་པ་དང་། ངའི་འཚོ་བ་ཡང་དེ་བས་འོད་སྟོང་ལྡན་པ་དང་དོན་སྙིང་ལྡན་པ་ཞིག་ཏུ་འགྱུར་གྱི་འདུག

ཀའོ་ཨེར་ཅིས།

ཞིབ་འཇུག་བྱ་རྒྱུའི་གནད་དོན་ལ་གཞིགས་ཏེ་ངེས་པར་ཏུ་ཆེས་ཕུན་སུམ་ཚོགས་པ་དང་། གཏིང་ཟབ་པ། ཡང་དག་པ་བཅས་ཀྱི་སྒོ་ནས་གནད་དོན་དེ་རིགས་རྒྱས་བཤད་ཁ་གསབ་བྱ་ཐུབ་པའི་དཔེ་དེབ་གདམ་དགོས།

༼སུའུ་ལེ་ཉིན་གྱི་སློབ་གསོ་མཁས་ཅན༽ཁེ་ལུའུ་ཕུ་སི་ཁ་ཡས།

དཔེ་དེབ་ཇི་ཙམ་ལྟ་ཀློག་བྱས་པ་དེ་ཙམ་གྱིས་ཁོག་པ་སྟོང་བ་ཡིན་པའི་ཚོར་སྣང་ཡོང་།

༼དབྱིན་ཇིའི་སྙན་ངག་མཁས་ཅན༽ཞོས་ལེ་ཡིས།

དཔེ་དེབ་ལྟ་ཀློག་མ་བྱས་ཚེ་དངོས་འབྲེལ་གྱི་སློབ་གསོ་འཐོབ་མི་ཐུབ། དུས་མཚུངས་དབྱེ་འབྱེད་ཀྱི་ནུས་པའང་ལྡན་མི་སྲིད།

༼ཨུ་རུ་སུའི་བསམ་བློ་མཁས་ཅན་དང་རྩོམ་པ་པོ༽ ཧོར་ཚན་གྱིས།

དཔེ་མཛོད་ཁང་ནས་ང་ལ་ཡུན་རིང་ཞིབ་འཇུག་བྱ་རྒྱུའི་གོ་སྐབས་ཐོབ་བྱུང་བ་དང་ངའི་ཤེས་ཡོན་མང་དུ་འགྲོ་ཐུབ་པ་བྱུང་། ངས་ཉིན་ལྟར་དཔེ་མཛོད་ཁང་ནས་སློབ་སྦྱོང་ཆུ་ཚོད་གཉིས་ཙམ་བྱེད་ཀྱི་ཡོད། ཐབས་ལམ་འདི་སྤྱད་དེ་རང་ཉིད་དེ་སྔ་ཐོབ་པའི་གོ་སྐབས་མ་བྱུང་བའི་སློབ་གསོ་གཏིང་ཟབ་པ་དེ་རིགས་ཁ་གསབ་གང་འཚམས་བྱ་ཐུབ་པ་བྱུང་།

༼ཨ་རིའི་ཆབ་སྲིད་མཁས་ཅན་དང་ཚན་རིག་མཁས་ཅན༽ཧྥུ་ལན་ཁེ་ལིན་གྱིས།

ངའི་དགེ་མཚན་མཐའ་དག་དཔེ་དེབ་ལ་བཀའ་དྲིན་ཆེ་ཞུ་རྒྱུ་ཡིན། དེ་ཡང་ངས་དཔེ་དེབ་ལྟ་ཀློག་བྱེད་པའི་དུས་སུ་ང་ལ་སེམས་འགུལ་ཟབ་མོ་ཐེབས་པ་དང་སྤྲོ་བ་རབ་ཏུ་འཕེལ་བའི་དགའ་སྤྲོ་མང་བོ་ཞིག་ཡོང་ཐུབ།

༼གུང་གཞོན་ཚོགས་པས་ཚོགས་མིར་གང་བྱ་དགོས་མིན་གྱི་རེ་བ་བཏོན་པ༽ཀའོ་ཨེར་ཅིས།

ངས་དཔེ་དེབ་ལྟ་ཀློག་བྱས་པ་བརྒྱུད་ཤེས་ཡོན་འཚོལ་བསྡུད་ཐུབ་མོད། འོན་ཀྱང་ངེས་པར་བསམ་གཞིགས་བྱས་ཏེ་འབྲུ་རྡོག་དང་ཕུབ་མ་ཁག་སོ་སོར་དབྱེ་ཐུབ་པ་བྱ་དགོས།

༼དབྱིན་ཇིའི་རྩོམ་པ་པོ༽ཧྥུ་ལི་སི་ཐེས།

དཔེ་དེབ་གདམ་རྒྱུ་ནི་གྲོགས་པོ་བསྒྲིགས་དང་འདྲ་བས་གཟབ་ནན་བྱ་དགོས། གང་ཡིན་ཞེ་ན། རང་གི་གོམས་གཤིས་ལ་དཔེ་དེབ་ཀྱིས་ཤུགས་རྐྱེན་ཐེབས་པ་དེ་གྲོགས་པོ་ལས་གཞན་པ་མེད་པས་སོ།།

ཧུ་ཏེས།

དཔེ་དེབ་ནི་དུས་ནམ་ཡང་ཉེ་འཁོར་གྱི་གྲོས་འདྲི་གཞི་བྱེད་ས་ཞིག་ཡིན། དེས་རྣམ་ཀུན་རང་ཉིད་ལ་མཁོ་བའི་ཤེས་བྱ་རྣམས་སྤྲད་ཐུབ་པ་མ་ཟད། རང་ཉིད་ཀྱི་བློ་འདོད་ལྟར་གྲོས་འདྲི་བྱེད་པའི་ཁ་གྲངས་ཡང་སྐོར་བསྐྱར་སྐོར་བྱ་ཆོག

༼ཨ་རིའི་དངོས་ཁམས་རིག་པ་མཁས་ཅན༽ཁའེ་ལེས།

འཚོ་བར་དཔེ་དེབ་མེད་ན་འཇིག་རྟེན་ལ་ཉི་འོད་མེད་པ་དང་འདྲ། བློ་གྲོས་ལ་དཔེ་དེབ་མེད་ན་བྱེའུར་གཤོག་སྒྲོ་མེད་པ་དང་འདྲའོ།།

ཤིག་སེ་པིར་གྱིས།

རྩོམ་ཡིག་མཁོ་སྤྲོད་པ། གསར་འགོད་པ། ནག་བཟའ་བློ་བཟང་ཆོས་གྲགས།

སྤྱིའི་ལྟ་སྐུལ་བ། སློབ་གྲྭའི་དབུ་བཞུགས་ལྷན་ཚོགས།
གཙོ་སྐྱོང་སྡེ་ཁག ཐོན་མིའི་སློབ་ཚོགས།
དོ་དམ་པ། ཁཱ་ཤེས་རབ་རྒྱ་མཚོ།
ཞིབ་དཔྱད་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། འབའ་སྣང་གྲོལ།
རྩོམ་སྒྲིག་ཨུ་ཡོན། འོད་ཟེར་བཟང་བོ། བསོད་ནམས་རབ་སྣང་། འཕྲིན་ལས་ཉི་མ། བན་ཤུལ་འཇམ་དབྱངས་ཡེ་ཤེས། དམ་ཆོས་ཕུན་ཚོགས། སྦྲ་ནག་འཇིགས་མེད་རྡོ་རྗེ།