༄༅།། ས་སྐྱ་ལེགས་བཤད་ལས་རབ་བྱེད་བརྒྱད་པ་བྱ་བ་བརྟགས་པ་བཞུགས་སོ།།
བློ་ལྡན་བྱ་བ་ཅུང་ཟད་ཀྱང་།།
རྒྱུན་དུ་གྲོས་ཀྱིས་བསྒྲུབ་པར་བྱ།།
གྲུབ་པར་གྱུར་ན་ལྟ་ཅི་སྨོས།།
མ་གྲུབ་ན་ཡང་མཛེས་པ་ཡིན།།
སེམས་ཅན་མོས་པ་སྣ་ཚོགས་པས།།
ཐམས་ཅད་མགུ་བ་སུས་ཀྱང་དཀའ།།
རང་ཉིད་ཡོན་ཏན་ལྡན་བྱས་ན།།
ཐམས་ཅད་དགའ་བ་དེ་ལ་ཉེ།།
ཤིན་ཏུ་རྒས་པར་གྱུར་ཆེ་ཡང་།།
ཐོས་པ་མང་དུ་གསག་པར་བྱ།།
ཕྱི་མས་ཐོས་པར་ཕན་པ་ཙམ།།
སྦྱིན་པ་ཡིས་ཀྱང་ག་ལ་ཕན།།
ཡོན་ཏན་ཀུན་རྫོགས་སྐྱེ་བོ་བསྟེན།།
ཡང་ན་ཐ་མལ་འགྲོགས་པ་བདེ།།
བུམ་པ་ཆུ་ཡིས་གང་བའམ།།
ཡང་ན་སྟོང་པར་ཁུར་བ་སླ།།
ཡོན་ཏན་ཅུང་ཟད་བསླབས་པའི་མི།།
སུ་ཞིག་གིས་ནི་བསྟེན་པར་ནུས།།
ཆུས་ཕྱེད་གང་བའི་བུམ་པ་དེ།།
མགོ་ལ་འཁུར་བ་སུ་ཡིས་ནུས།།
མི་གང་སྐྱེ་བོ་དམ་པ་དང་།།
དམན་པའི་ཁྱད་པར་ལེགས་ཤེས་ནས།།
དེ་ཡི་བྱ་བ་བསྒྲུབ་ཤེས་པ།།
ཕུན་སུམ་ཚོགས་པའི་གཞི་ཆེན་ཡིན།།
བློ་གྲོས་ལྡན་པས་ལེགས་བསྐྱངས་ན།།
སྐྱེ་བོ་དམན་པའང་མཆོག་ཏུ་འགྱུར།།
སློབ་ཤེས་དག་གིས་ནེ་ཙོ་ལ།།
བསླབ་ན་འདོད་པ་ཤེས་པར་འགྱུར།།
ཉམས་སྟོབས་ཆུང་བའི་སྐྱེ་བོས་ཀྱང་།།
ཆེན་པོ་གཞན་ལ་བསྟེན་ན་འགྲུབ།།
ཆུ་ཡི་ཐིགས་པ་ཉམས་ཆུང་ཡང་།།
མཚོ་དང་འདྲེས་ན་སྐེམ་མི་ནུས།།
རང་ལ་བློ་གྲོས་མི་ལྡན་ན།།
བློ་ཆེན་གཞན་ལ་ལེགས་པར་འདྲི།།
ལག་པས་དགྲ་བོ་མི་གསོད་ན།།
མཚོན་ཆ་ལེན་པར་མི་བྱེད་དམ།།
གནོད་པར་བྱེད་པའི་དགྲ་བོ་ཡང་།།
ཐབས་དང་ལྡན་ན་གྲོགས་སུ་འགྱུར།།
དུག་ཆེན་ལུས་ལ་གནོད་མོད་ཀྱི།།
སྦྱོར་བ་ཤེས་ན་སྨན་དུ་འགྱུར།།
རིགས་པས་རྙེད་པའིཟས་ནོར་བླང།།
མི་འོས་གཞན་ལ་རློམ་སེམས་སྤངས།།
ཤིང་ཏོག་ཤིང་རྩེ་ལས་བླང་གི།།
དེ་ལས་ཐལ་ན་ས་ལ་ལྷུང་།།
མཁས་པས་སྒྲིམ་པར་མི་བྱེད་པ།།
དེ་ཡི་བར་ལ་ཉེས་པ་འབྱུང་།།
བློ་དང་ལྡན་པས་རབ་བསྒྲིམས་ན།།
ཉེས་པ་བྱུང་བའི་གོ་སྐབས་དཀའ།།
ཇི་སྲིད་རང་སྟོབས་མ་རྫོགས་པར།།
དེ་ཡི་བར་དུ་དགྲ་རྣམས་བཀུར།།
ནུས་པ་རྫོགས་ནས་གང་རིགས་པ།།
བྱ་ཞེས་བསྟན་བཅོས་གཞན་དག་སྨྲ།།
དགྲ་བོ་སྙན་པར་སྨྲ་ན་ཡང་།།
བློ་དང་ལྡན་པས་ཡིད་མི་བསྟན།།
ཆུ་སྐྱར་བྱི་ལ་དེས་པ་ཡིས།།
ཕ་རོལ་གསོད་ལ་རྟག་ཏུ་བརྩོན།།
ཡུལ་གྱི་བདག་པོར་ཞེ་སྡང་ཡང་།།
དེ་ལས་དགའ་བས་བསྟན་ཏེ་བསྡད།།
ས་ལ་རྐང་པ་འདྲེད་འགྱུར་ན།།
ས་ཉིད་ལ་ནི་བརྟེན་པ་བཞིན།།
ཧ་ཅང་འདོད་ལ་བརྐམ་པ་ཡིས།།
སྐྱེ་བོ་མྱུར་དུ་བརླག་པར་འགྱུར།།
མཆིལ་པའི་ཤ་ལ་ཆགས་པ་ཡིས།།
ཉ་རྣམས་དེ་མ་ཐག་ཏུ་གསོད།།
མཆོད་འོས་པ་དང་འཁོར་རྣམས་ཀྱང་།།
རྟག་ཏུ་སྦྱིན་པས་བསྡུ་བར་བྱ།།
མཆོད་གཏོར་ལ་ནི་ལྷ་རྣམས་དང་།།
ཡི་དྭགས་བར་དུ་མགུ་བས་བསྲུང་།།
ཆེན་པོ་རྣམས་ཀྱིས་རྩེད་མོ་དང་།།
བདེ་དང་ཟས་ལ་ཆགས་པ་སྤང།།
འདོད་ལ་ཆགས་པའི་ལེ་ལན་གྱིས།།
འབོད་གྲོགས་ལང་ཀར་བསད་ཅེས་གྲགས།།
བྱམས་རྩོད་གཉིས་ཀ་ཆེན་པོ་དང་།།
བྱ་ཡི་དམན་དང་ནམ་ཡང་མིན།།
ཉོ་ཚོང་རིན་ཆེན་ལ་བྱ་ཡི།།
སྦྱར་དུག་ལ་ནི་དེ་ལྟར་མིན།།
དཔྱ་བ་མང་ཕྱིར་རྒྱལ་བོའི་མཛོད།།
ཧ་ཅང་མི་བསྡུ་ཉུང་ངས་ཁེངས།།
གྲོག་མཁར་སྦྲང་རྩི་ཡར་ངོ་ཡི།།
ཟླ་བ་ཉུང་ངུ་ཉུང་ངས་གང་།།
རྗེ་བོས་འབངས་ལ་མི་གནོད་པར།།
རིག་པའི་ལམ་གྱི་དཔྱ་རྣམས་བསྡུ།།
ས་ལའི་ཤིང་ལས་སྤོས་ཀྱི་བཅུད།།
གཟགས་པ་མང་ན་བསྐམ་པར་འགྱུར།།
རྗེ་བོ་ལྷག་པར་དེས་པ་དགོས།།
རྒྱུ་མཚན་ཆུང་ངུས་ཁྲོ་མི་རུང་།།
སྦྲུལ་ལ་ནོར་བུ་ཡོད་ན་ཡང་།།
སེམས་ཤེས་སུ་ཞིག་དྲུང་དུ་སྡོད།།
གང་ཞིག་ནོར་འདོད་སྐྱེ་བོས་ཀྱང་།།
ཆོས་ཉིད་གཙོ་བོར་བསྲུང་བར་བྱ།།
ཆོས་ལས་ཉམས་པའི་ནོར་ཙམ་ནི།།
འཇིག་རྟེན་འདིར་ཡང་ག་ལ་རྟག།
ཧ་ཅང་བྱམས་ཐལ་གཉེན་ལའང་མིན།།
ཤིན་ཏུ་གནོད་ཚེ་དགྲ་ལའང་མིན།།
གཉེན་ལ་རེ་བ་འཁོན་གཞི་སྟེ།།
གནོད་ལན་ཀུན་གྱིས་སྒྲུབ་པར་སླ།།
འཇམ་པོས་འཇམ་པོ་འཇོམས་བྱེད་ཅིང་།།
འཇམ་པོས་རྩུབ་པོའང་འཇོམས་བྱེད།།
འཇམ་པོས་ཀུན་འགྲུབ་དེ་ཡི་ཕྱིར།།
འཇམ་ཉིད་རྣོ་ཞེས་མཁས་རྣམས་སྨྲ།།
སུ་ཡང་བདག་གི་དགྲ་ཡིན་ཡང་།།
འགའ་ཡང་བདག་ལ་མི་བྱམས་ཞེས།།
མི་བྱམས་ན་ཡང་དེ་མི་བསྒྲག།
བསྒྲགས་ན་དེ་ཉིད་འབྱེད་པ་སེལ།།
ངོ་ཚ་ཁྲེལ་ལ་མི་ལྟ་ཞིང་།།
མཆོད་དང་བརྙས་པའི་ཁྱད་མི་ཤེས།།
ཟས་དང་ནོར་ལ་ཆགས་ལྡན་པ།།
དེ་འདྲའི་གནས་སུ་བསྡད་མི་བྱ།།
ཡུལ་གཞན་ལེགས་པར་མ་བརྟག་པར།།
སྔ་མའི་གནས་ནི་འདོར་མི་བྱ།།
རྐང་བ་ཡ་གཅིག་མ་བཙུགས་པར།།
གཉིས་ཀ་བཏགས་ན་འགྱེད་བའི་རྒྱུ།།
རང་སྤྱོད་འབད་པས་སྦ་བར་བྱ།།
ཕལ་ཆེར་གསལ་བར་བསྟན་པས་ཉམས།།
སྤྲེའུ་ཟློས་གར་མི་བྱེད་ན།།
མགུལ་དུ་ཐག་པ་ཅི་སྟེ་འདོགས།།
ཉེས་པ་མངོན་སུམ་མཐོང་ན་ཡང་།།
གནས་མ་ཡིན་ལ་སྨྲ་མི་བྱ།།
ལྟས་ངན་མཐོང་ན་སྨྲ་བ་བོའི།།
ཐོག་ཏུ་འབྱུང་ཞེས་འཇིག་རྟེན་སྒྲོགས།།
གཞན་ལ་བརྙས་པར་འགྱུར་བ་ཡིས།།
ནོར་དང་ཟས་ཀྱིས་ཅི་ཞིག་བྱ།།
ཁྱི་ཕག་མི་གཙང་ཟ་བ་ལ།།
མཁས་པ་སུ་ཞིག་ཡིད་སྨོན་བྱེད།།
ཕ་རོལ་གནད་དུ་འབེབས་པའི་ཚིག།
དགྲ་བོ་ལ་ཡང་སྨྲ་མི་བྱ།།
བྲག་ཆ་བཞིན་དུ་རང་ཉིད་ལ།།
དེ་མ་ཐག་ཏུ་ལེ་ལན་འབྱུང་།།
གལ་ཏེ་དགྲ་ལ་གནོད་འདོད་ན།།
རང་ཉིད་ཡོན་ཏན་ལྡན་པར་བྱ།།
དེ་ཡིས་དགྲ་ཡང་སེམས་སྲེག་ཅིང་།།
རང་ཡང་བསོད་ནམས་འཕེལ་བར་འགྱུར།།
མི་བསྲུན་འགྲོ་ལ་བྱམས་སེམས་བསྐྱེད།།
རྩུབ་སྤྱོད་ཁོ་ནས་གདུལ་བར་བྱ།།
རང་གི་ལུས་ལ་ཕན་འདོད་རྣམས།།
གཏར་དཔྱད་ཀྱིས་ནི་ནད་རྣམས་འདོན།།
གནོད་པར་བྱེད་པ་ཆུང་ངུ་ཡང་།།
མྱུར་ཏུ་གསལ་ལ་འདུམ་པར་བྱ།།
ཡུར་བ་ཆུང་ངུའི་རྗེས་ཞུགས་ནས།།
འོད་པ་ཆེན་པོ་མ་མཐོང་ངམ།།
མཁས་པས་བྱ་བ་མ་ཡིན་པའི།།
བྱ་བ་ཤེས་ཀྱང་མི་བྱའོ།།
གླང་པོས་དགྲ་སྡེ་བཅོམ་པ་ཡིས།།
རྒྱུན་དུ་རྒྱལ་བོས་བཅིངས་ལ་ལྟོས།།
རང་ཕྱོགས་སྡང་ཡང་སྤང་མི་བྱ།།
དགྲ་བོ་བྱམས་ཀྱང་འཁུ་མི་བྱ།།
བྱ་རོག་བྱ་རོག་གིས་འཚེ་ཡང་།།
ཉིན་མོ་ལོང་བ་བསྟེན་ན་ཕང་།།
བྱ་བ་ཆེ་ཆུང་གང་བྱེད་ཀྱང་།།
མཁས་པས་རྟག་ཏུ་བསྒྲིམས་ཏེ་བྱ།།
སེང་གེ་རི་བོང་གླང་ཆེན་གཉིས།།
གསོད་པའི་ཚེ་ན་སྒྲིམ་ལྷོད་མེད།།
ཡོན་ཏན་ལྡན་པ་མི་བཀུར་བའི།།
གནས་དེར་མཁས་པ་སུ་ཞིག་སྡོད།།
ཆུ་ཤེལ་མེ་རྡོར་བྱེད་པ་ཡི།།
ཡུལ་དེར་ཆུ་ཤེལ་འཚོང་ངམ་ཅི།།
མཁས་པས་གཞན་ལ་བཤད་པའམ།།
ཡང་ན་ཞི་བའི་ནགས་སུ་བསྒྲུབ།།
ནོར་བུ་སྤྱི་གཙུག་རྒྱན་བྱེད་དམ།།
མིན་ན་རྒྱ་མཚོའི་གླིང་ན་གནས།།
བདག་བས་མཐོ་བའི་དམ་པ་ལ།།
བསྙེན་ན་བདག་ལ་ཕན་པ་སྒྲུབ།།
ལྷུན་པོའི་ངོས་ལ་གནས་པ་ཡི།།
བྱ་རྣམས་གསེར་དུ་སྣང་བར་འགྱུར།།
ཆེན་པོ་ཕྲག་དོག་ལྡན་པ་ལ།།
བརྟེན་ན་ཆེན་པོ་ཐོབ་མི་འགྱུར།།
ཉི་མའི་འོད་ལ་ཉེ་བ་ཡིས།།
ཟླ་བ་མར་ངོར་གྱུར་ལ་ལྟོས།།
མི་གང་མཛའ་བར་མི་བརྟེན་པ།།
དེ་དང་འགྲོགས་ན་སུ་ཞིག་འཐམ།།
ནམ་མཁའི་འཇའ་ཚོན་མདོག་མཛེས་ཀྱང་།།
རྒྱུན་དུ་རེ་ན་བླུན་པོ་འཁྲུལ།།
བདག་ཉིད་གང་ལ་མི་དགའ་བ།།
གཞན་ལ་ཀུན་ཏུ་དེ་མི་བྱ།།
གཞན་གྱིས་ཅུང་ཟད་གཙེས་པའི་ཚེ།།
རང་ལ་བསམ་པ་ཅི་འབྱུང་སོམས།།
གང་ཞིག་བདག་ཉིད་གང་དགའ་བ།།
དེ་ཉིད་གཞན་ལ་སྦྱར་བྱས་ན།།
གཞན་གྱིས་བདག་ལ་གང་དགའ་བ།།
དེ་ཡི་ཚུལ་གྱིས་མཆོད་པར་གྱུར།།
དམུ་རྒོད་རྣམས་དང་མཛའ་བ་དང་།།
རྩོད་པ་གཉིས་ཀ་མཁས་པས་སྤངས།།
འགྲས་པ་དང་ནི་འདྲིས་པའི་ཚུལ།།
གཉིས་ཀ་སྟེག་ལ་བྱར་མི་རུང་།
དམ་པ་དག་ལ་བརྟེན་པ་དང་།།
མཁས་པ་དག་ལ་འདྲི་བ་དང་།།
གཞུང་བཟང་བ་དང་འགྲོགས་པ་ནི།།
སུ་ལ་ཡོད་པ་རྒྱུན་དུ་བདེ།།
དུས་སུ་མ་བབ་པ་ཡི་གཏམ།།
གང་སྨྲས་དེ་ལ་ཀུན་གྱིས་བརྙས།།
མང་བོ་སྨྲ་བའི་གཏན་ཚིགས་ལས།།
སྨྱོན་པར་རྗེས་སུ་མི་དཔོག་གམ།།
ཉམ་ཆུང་རྣམས་ཀྱིས་རང་ཉིད་ཀྱི།།
སྨྲ་བ་ཐམས་ཅད་འཁྲུལ་བར་བསམ།།
དེ་ལྟར་གོ་ནས་མི་སྨྲ་བའི།།
མི་ལ་གཞན་གྱིས་བཀུར་བ་ཉེ།།
ཡུལ་དང་དུས་ལ་བབ་པའི་ཚེ།།
རབ་ཏུ་བསྒྲིམས་ཏེ་ཕན་འགའ་སྨྲ།།
ལེགས་བཤད་ཡིན་ཡང་མང་གྱུར་ན།།
ཚོང་ཟོང་ལྷག་བཞིན་བྲིན་མི་འགྱུར།།
རང་སྐྱོན་མཁས་པ་རྣམས་ཀྱིས་ཀྱང་།།
སྐྱོན་དུ་གོ་བ་ཤིན་ཏུ་དཀའ།།
མང་པོས་བདག་ལ་དེ་སྒྲོག་ན།།
སྐྱོན་ཅན་ཡིན་པར་རྗེས་སུ་དཔོག །
གོ་ཡང་སྐྱོན་དེ་མི་འདོར་ན།།
མི་དེ་གདོན་གྱིས་བཏབ་པ་ཡིན།།
ད་དུང་གཉེན་པོ་མི་འཇུག་ན།།
མི་ཡིན་སྙམ་དུ་མི་སེམས་ཤིག།
ཅུང་ཟད་བསམ་པ་ཡོད་རྣམས་ཀྱིས།།
སྐྱོན་དེ་བརྣགས་ལ་གདོན་པར་བྱ།།
དེ་ལྟར་གཉེན་པོ་སྤྱོད་པ་ཡིས།།
མི་དེ་གོང་ནས་གོང་དུ་འགྲོ།
བློ་དང་ལྡན་པའམ་བྱམས་ཀྱང་རུང་།།
བསྒོ་བ་ཉན་པའམ་དཔའ་ཡང་རུང་།།
གཞན་གྱི་བྱ་བ་མི་ཤེས་ཀྱང་།།
དེ་དང་དེ་ཡིས་སྤྱོད་པས་བསྐྱང་།།
མི་བསྲུན་པ་ཡི་འབྲེལ་བ་དང་།།
རིང་ནས་འགྲོགས་ཀྱང་སྤངས་ན་བདེ།།
རྟག་ཏུ་འགུལ་བའི་སོ་བཟང་ཡང་།།
བཏོན་ན་བདེ་ཞེས་རྒད་པོ་སྨྲ།།
རྒྱུན་དུ་འཁང་ཞིང་འཁོར་བ་ཡིས།།
འབྲེལ་བ་ཅུང་ཟད་བྱེད་ལ་བསྐྲད།།
སྦྲུལ་གྱིས་ཟིན་པའི་རྨ་དག་ནི།།
གཅོད་མ་ནུས་ན་སྲོག་དང་བྲལ།།
གལ་ཏེ་ཆེན་པོ་ཐོབ་གྱུར་ན།།
ཕྲན་ཚེགས་གཞན་ལ་སེར་སྣ་སྤང་།།
ཡུལ་འཁོར་དབང་དུ་འདུ་བ་ན།།
དབྱིག་ལ་སེར་སྣ་བྱེད་དམ་ཅི།།
མཁས་པ་ལོངས་སྤྱོད་གསོག་འདོད་ན།།
ཆ་ཤས་སྦྱིན་པ་སྲུང་བ་ཆེ།།
ཁྲོན་པའི་ཆུ་ནི་འཕེལ་འདོད་ན།།
འཆུ་བ་ཉིད་ནི་གདམས་ངག་ཡིན།།
གང་ཞིག་ཕུན་སུམ་ཚོགས་འདོད་ན།།
དེ་ཡི་འདུ་འགོད་མང་དུ་བྱ།།
འདུ་འཛི་སྡུག་བསྔལ་རྒྱུར་མཐོང་ན།།
ཕུན་སུམ་ཚོགས་པའི་རེ་བ་ཐོངས།།
བྱ་བ་གང་ཞིག་བསྒྲུབ་ན་ཡང་།།
སྐྱོན་དང་ཡོན་ཏན་གཉིས་གཉིས་སོམས།།
གཉིས་ཀ་མཉམ་ཡང་སྤང་དགོས་ན།།
ཉེས་པ་ཤས་ཆེ་སྨོས་ཅི་དགོས།།
མཁས་པ་དྲང་པོ་གུས་པས་བསྟེན།།
མཁས་པ་གཡོ་ཅན་ཤེས་ན་གཟབ།།
རྨོངས་པ་དྲང་པོ་བྱམས་པས་སྐྱོང་།།
རྨོངས་པ་གཡོ་ཅན་མྱུར་དུསྤོང་།།
ནོར་དང་གཡོག་འཁོར་མེད་ན་ཡང་།།
མཛའ་བོ་བློ་ལྡན་གྲོགས་ཡོད་ན།།
དུད་འགྲོས་ཀྱང་ནི་དོན་གྲུབ་ན།།
མི་ཡི་འགྲོ་བས་སྨོས་ཅི་དགོས།།
གང་ཞིག་ཤེས་པའི་བྱ་བ་བསྒོ།།
མི་ནུས་པ་ལ་འགའ་མི་སྦྱར།།
ཆུ་ལ་ཤིང་རྟའི་མི་བགྲོད་དེ།།
ཐང་ལ་གྲུ་ཡིས་ཇི་ལྟར་བགྲོད།།
ཡུན་རིང་འཁོན་པའི་དགྲ་བོ་དང་།།
མཛའ་བ་བྱེད་ཀྱང་བསྲེ་མི་བྱ།།
ཤིན་ཏུ་ཁོལ་བའི་ཆུ་ཡིས་ཀྱང་།།
མེ་དང་འཕྲད་ན་མི་གསོད་དམ།།
གཞུང་བཟང་ངོ་ཚ་ཁྲེལ་ཡོད་ན།།
དགྲ་བོ་ལ་ཡང་ཡིད་བརྟན་རུང་།།
གཞུང་བཟང་དགྲ་ལ་སྐྱབས་སོང་བས།།
སྲོག་གི་བར་དུ་བསྐྱབས་པ་ཐོས།།
རང་ལ་ངན་སེམས་མེད་ཅེས་ཏེ།།
ཕལ་བ་ཀུན་ལ་ཡིད་མི་བརྟན།།
རི་དྭགས་རྒྱུན་དུ་སེམས་བཟང་ཡང་།།
མཆེ་བ་ཅན་རྣམས་ཟས་སུ་བསྒོམ།།
བླུན་པོ་ལོག་པའི་ལམ་འགྲོ་ན།།
བླུན་པོ་ཉིད་དུ་གོ་བས་ཆོག།
མཁས་པ་ལོག་པའི་ལམ་འགྲོ་ན།།
རྒྱུ་མཚན་གང་ཞིག་དཔྱད་དགོས་སོ།།
མཁས་པས་ལོངས་སྤྱོད་ལྷག་པར་སྤྱད།།
མི་སྟེར་ན་ཡང་འཕྲོག་པ་མེད།།
ལོངས་སྤྱོད་ཉམས་པའི་ས་ཕྱོགས་སྤང་།།
མི་འཕྲོག་ན་ཡང་གཉའ་བསྐྱིས་འཇོམས།།
རང་གིས་ལེགས་པར་ཤེས་ན་ཡང་།།
བྱ་བ་ཐམས་ཅད་གྲོས་ཀྱིས་བསྒྲུབ།།
མི་གང་གྲོས་ལ་མི་དགའ་བ།།
འགྱོད་པ་རིན་གྱིས་ཉོ་བ་ཡིན།།
ཉམ་ངའི་གྲོས་དག་བྱེད་པ་ལ།།
མཛའ་ཡང་གསུམ་དུ་གྲོས་མི་བྱ།།
རོ་ལངས་སྒྲུབ་པའི་གྲོགས་ངན་ན།།
ཐོག་མར་སྒྲུབ་བོ་ཟ་བར་འགྱུར།།
ལེན་ཤེས་སྙོམས་པར་གཏོང་ལ་མཁས།།
དུལ་ཞིང་ཀུན་གྱི་ངོ་བསྲུང་བ།།
འཇིགས་མེད་བྱས་པ་ཆུད་མི་གཟན།།
མི་དེ་འདོད་ན་ས་ཀུན་ཐོབ།།
གལ་ཏེ་དགྲ་བོ་སྐྱབས་འོང་ན།།
དེ་ལ་མཆོད་ནས་སྙན་པ་བརྗོད།།
ཁྭ་ཏས་བྱི་བ་ལ་བརྟེན་ནས།།
བདེ་བ་ཐོབ་ཅེས་སྔོན་རབས་སྨྲ།།
གྲོགས་པོ་ངན་དང་ཐོས་པ་ངན།།
རྟོག་པ་ངན་དང་བྱ་བ་ངན།།
མཁས་པ་རྣམས་ཀྱིས་མི་བྱ་སྟེ།།
བྱེད་ན་བླུན་པོ་གུད་ན་མེད།།
ལེགས་པར་བརྟགས་ནས་བྱེད་པ་ལ།།
བྱ་བ་ཉམས་པ་ག་ལ་སྲིད།།
མིག་ལྡན་བརྟགས་ནས་འགྲོ་བ་ལ།།
གཡང་སར་གོམ་པ་འདོར་རམ་ཅི།།
རང་གཞན་གཉིས་ཀ་འཕེལ་འགྱུར་བའི།།
ཡོན་ཏན་བསླབས་ན་མཁས་པའི་རྟགས།།
རིག་པ་འགའ་ཞིག་མདའ་མཁན་ལྟར།།
ཤེས་པ་ཉིད་ན་ཆོ་འབྲང་འཇིག།
རང་ཉིད་ཅིས་ཀྱང་མཐོ་འདོད་ན།།
གཞན་ལ་ཕན་པ་འབའ་ཞིག་གིས།།
བྱད་ལ་བྱི་དོར་བྱེད་པ་རྣམས།།
སྔོན་དུ་མེ་ལོང་མི་འབྱིད་དམ།།
ཕ་རོལ་ཅི་ནས་གཞོམ་འདོད་ན།།
རང་གི་ཡོན་ཏན་འབད་པས་སྒྲུབ།།
དགྲ་བོ་གསོད་པར་འདོད་པ་རྣམས།།
མཚོན་ཆ་འབད་ནས་སྒྲུབ་ལ་ལྟོས།།
གཡོ་ཅན་ཚིག་ལ་དྲོད་འཇུག་པས།།
དྲང་པོས་དེ་ལ་བརྟག་དཔྱད་དགོས།།
བསླུས་རྗེས་ཁོ་བོ་དྲང་ངོ་ཞེས།།
རང་ལ་བསྟོད་པས་ཅི་ཞིག་ཕན།།
གཡོ་ཅན་སོགས་ལ་གཡོ་སོགས་དང་།།
དྲང་པོ་སོགས་ལ་དྲང་བོ་སྟེ།།
མི་བརྟན་པ་ལ་བརྟན་དགོས་ཞེས།།
བྱ་བ་སྔོན་གྱི་ཡིག་ཚངས་ཡིན།།
མཁས་པས་རྟག་ཏུ་དགྲ་ལ་ཡང་།།
གཉེན་དེས་རྐྱེན་དུ་བྱས་ན་ལེགས།།
དེ་ཡི་འདུམ་ལ་མི་ཕན་ཡང་།།
ངེས་པར་གནོད་སེམས་འཇིལ་བའི་སྨན།།
ཚིག་ངན་བརྗོད་པས་འཇིག་རྟེན་ན།།
འདོད་པ་འགྲུབ་པར་མི་སྲིད་ཀྱིས།།
ཡིད་ལ་རང་འདོད་བསྒྲུབ་ན་ཡང་།།
ངག་གིས་ཀུན་དང་མཐུན་པར་གྱིས།།
རང་དང་གཞན་གྱི་དོན་གྲུབ་ན།།
འཇམ་རྩུབ་ཇི་ལྟར་བྱས་ཀྱང་རུང་།།
ཐབས་ལ་མཁས་པས་སྤྱོད་པ་ལ།།
གཡོ་སྒྱུ་ཐུབ་པས་མ་གསུངས་སོ།།
ཐ་མར་ཤིན་ཏུ་ཕན་པའི་གྲོས།།
འཕྲད་ལ་སྡུག་ཀྱང་མཁས་པས་བསྟེན།།
རྒས་ཤིང་གདུངས་ན་ཡོན་ཏན་རྣམས།།
བུ་གཅིག་པ་ལ་མཁས་རྣམས་སློབ།།
ཡོན་ཏན་ལྡན་པ་མི་བཀུར་བའི།།
གནས་དེར་མཁས་པ་སུ་ཞིག་སྡོད།།
ཆུ་ཤེལ་མེ་རྡོར་བྱེད་པ་ཡི།།
ཡུལ་དེར་ཆུ་ཤེལ་འཚོང་ངམ་ཅི།།
མཁས་པས་གཞན་ལ་བཤད་པའམ།།
ཡང་ན་ཞི་བའི་ནགས་སུ་བསྒྲུབ།།
ནོར་བུ་སྤྱི་གཙུག་རྒྱན་བྱེད་དམ།།
མིན་ན་རྒྱ་མཚོའི་གླིང་ན་གནས།།
བདག་བས་མཐོ་བའི་དམ་པ་ལ།།
བསྙེན་ན་བདག་ལ་ཕན་པ་སྒྲུབ།།
ལྷུན་པོའི་ངོས་ལ་གནས་པ་ཡི།།
བྱ་རྣམས་གསེར་དུ་སྣང་བར་འགྱུར།།
ཆེན་པོ་ཕྲག་དོག་ལྡན་པ་ལ།།
བརྟེན་ན་ཆེན་པོ་ཐོབ་མི་འགྱུར།།
ཉི་མའི་འོད་ལ་ཉེ་བ་ཡིས།།
ཟླ་བ་མར་ངོར་གྱུར་ལ་ལྟོས།།
མི་གང་མཛའ་བར་མི་བརྟེན་པ།།
དེ་དང་འགྲོགས་ན་སུ་ཞིག་འཐམ།།
ནམ་མཁའི་འཇའ་ཚོན་མདོག་མཛེས་ཀྱང་།།
རྒྱུན་དུ་རེ་ན་བླུན་པོ་འཁྲུལ།།
བདག་ཉིད་གང་ལ་མི་དགའ་བ།།
གཞན་ལ་ཀུན་ཏུ་དེ་མི་བྱ།།
གཞན་གྱིས་ཅུང་ཟད་གཙེས་པའི་ཚེ།།
རང་ལ་བསམ་པ་ཅི་འབྱུང་སོམས།།
གང་ཞིག་བདག་ཉིད་གང་དགའ་བ།།
དེ་ཉིད་གཞན་ལ་སྦྱར་བྱས་ན།།
གཞན་གྱིས་བདག་ལ་གང་དགའ་བ།།
དེ་ཡི་ཚུལ་གྱིས་མཆོད་པར་གྱུར།།
དམུ་རྒོད་རྣམས་དང་མཛའ་བ་དང་།།
རྩོད་པ་གཉིས་ཀ་མཁས་པས་སྤངས།།
འགྲས་པ་དང་ནི་འདྲིས་པའི་ཚུལ།།
གཉིས་ཀ་སྟེག་ལ་བྱར་མི་རུང་།
དམ་པ་དག་ལ་བརྟེན་པ་དང་།།
མཁས་པ་དག་ལ་འདྲི་བ་དང་།།
གཞུང་བཟང་བ་དང་འགྲོགས་པ་ནི།།
སུ་ལ་ཡོད་པ་རྒྱུན་དུ་བདེ།།
དུས་སུ་མ་བབ་པ་ཡི་གཏམ།།
གང་སྨྲས་དེ་ལ་ཀུན་གྱིས་བརྙས།།
མང་བོ་སྨྲ་བའི་གཏན་ཚིགས་ལས།།
སྨྱོན་པར་རྗེས་སུ་མི་དཔོག་གམ།།
ཉམ་ཆུང་རྣམས་ཀྱིས་རང་ཉིད་ཀྱི།།
སྨྲ་བ་ཐམས་ཅད་འཁྲུལ་བར་བསམ།།
དེ་ལྟར་གོ་ནས་མི་སྨྲ་བའི།།
མི་ལ་གཞན་གྱིས་བཀུར་བ་ཉེ།།
ཡུལ་དང་དུས་ལ་བབ་པའི་ཚེ།།
རབ་ཏུ་བསྒྲིམས་ཏེ་ཕན་འགའ་སྨྲ།།
ལེགས་བཤད་ཡིན་ཡང་མང་གྱུར་ན།།
ཚོང་ཟོང་ལྷག་བཞིན་བྲིན་མི་འགྱུར།།
རང་སྐྱོན་མཁས་པ་རྣམས་ཀྱིས་ཀྱང་།།
སྐྱོན་དུ་གོ་བ་ཤིན་ཏུ་དཀའ།།
མང་པོས་བདག་ལ་དེ་སྒྲོག་ན།།
སྐྱོན་ཅན་ཡིན་པར་རྗེས་སུ་དཔོག །
གོ་ཡང་སྐྱོན་དེ་མི་འདོར་ན།།
མི་དེ་གདོན་གྱིས་བཏབ་པ་ཡིན།།
ད་དུང་གཉེན་པོ་མི་འཇུག་ན།།
མི་ཡིན་སྙམ་དུ་མི་སེམས་ཤིག།
ཅུང་ཟད་བསམ་པ་ཡོད་རྣམས་ཀྱིས།།
སྐྱོན་དེ་བརྣགས་ལ་གདོན་པར་བྱ།།
དེ་ལྟར་གཉེན་པོ་སྤྱོད་པ་ཡིས།།
མི་དེ་གོང་ནས་གོང་དུ་འགྲོ།
བློ་དང་ལྡན་པའམ་བྱམས་ཀྱང་རུང་།།
བསྒོ་བ་ཉན་པའམ་དཔའ་ཡང་རུང་།།
གཞན་གྱི་བྱ་བ་མི་ཤེས་ཀྱང་།།
དེ་དང་དེ་ཡིས་སྤྱོད་པས་བསྐྱང་།།
མི་བསྲུན་པ་ཡི་འབྲེལ་བ་དང་།།
རིང་ནས་འགྲོགས་ཀྱང་སྤངས་ན་བདེ།།
རྟག་ཏུ་འགུལ་བའི་སོ་བཟང་ཡང་།།
བཏོན་ན་བདེ་ཞེས་རྒད་པོ་སྨྲ།།
རྒྱུན་དུ་འཁང་ཞིང་འཁོར་བ་ཡིས།།
འབྲེལ་བ་ཅུང་ཟད་བྱེད་ལ་བསྐྲད།།
སྦྲུལ་གྱིས་ཟིན་པའི་རྨ་དག་ནི།།
གཅོད་མ་ནུས་ན་སྲོག་དང་བྲལ།།
གལ་ཏེ་ཆེན་པོ་ཐོབ་གྱུར་ན།།
ཕྲན་ཚེགས་གཞན་ལ་སེར་སྣ་སྤང་།།
ཡུལ་འཁོར་དབང་དུ་འདུ་བ་ན།།
དབྱིག་ལ་སེར་སྣ་བྱེད་དམ་ཅི།།
མཁས་པ་ལོངས་སྤྱོད་གསོག་འདོད་ན།།
ཆ་ཤས་སྦྱིན་པ་སྲུང་བ་ཆེ།།
ཁྲོན་པའི་ཆུ་ནི་འཕེལ་འདོད་ན།།
འཆུ་བ་ཉིད་ནི་གདམས་ངག་ཡིན།།
གང་ཞིག་ཕུན་སུམ་ཚོགས་འདོད་ན།།
དེ་ཡི་འདུ་འགོད་མང་དུ་བྱ།།
འདུ་འཛི་སྡུག་བསྔལ་རྒྱུར་མཐོང་ན།།
ཕུན་སུམ་ཚོགས་པའི་རེ་བ་ཐོངས།།
བྱ་བ་གང་ཞིག་བསྒྲུབ་ན་ཡང་།།
སྐྱོན་དང་ཡོན་ཏན་གཉིས་གཉིས་སོམས།།
གཉིས་ཀ་མཉམ་ཡང་སྤང་དགོས་ན།།
ཉེས་པ་ཤས་ཆེ་སྨོས་ཅི་དགོས།།
མཁས་པ་དྲང་པོ་གུས་པས་བསྟེན།།
མཁས་པ་གཡོ་ཅན་ཤེས་ན་གཟབ།།
རྨོངས་པ་དྲང་པོ་བྱམས་པས་སྐྱོང་།།
རྨོངས་པ་གཡོ་ཅན་མྱུར་དུསྤོང་།།
ནོར་དང་གཡོག་འཁོར་མེད་ན་ཡང་།།
མཛའ་བོ་བློ་ལྡན་གྲོགས་ཡོད་ན།།
དུད་འགྲོས་ཀྱང་ནི་དོན་གྲུབ་ན།།
མི་ཡི་འགྲོ་བས་སྨོས་ཅི་དགོས།།
གང་ཞིག་ཤེས་པའི་བྱ་བ་བསྒོ།།
མི་ནུས་པ་ལ་འགའ་མི་སྦྱར།།
ཆུ་ལ་ཤིང་རྟའི་མི་བགྲོད་དེ།།
ཐང་ལ་གྲུ་ཡིས་ཇི་ལྟར་བགྲོད།།
ཡུན་རིང་འཁོན་པའི་དགྲ་བོ་དང་།།
མཛའ་བ་བྱེད་ཀྱང་བསྲེ་མི་བྱ།།
ཤིན་ཏུ་ཁོལ་བའི་ཆུ་ཡིས་ཀྱང་།།
མེ་དང་འཕྲད་ན་མི་གསོད་དམ།།
གཞུང་བཟང་ངོ་ཚ་ཁྲེལ་ཡོད་ན།།
དགྲ་བོ་ལ་ཡང་ཡིད་བརྟན་རུང་།།
གཞུང་བཟང་དགྲ་ལ་སྐྱབས་སོང་བས།།
སྲོག་གི་བར་དུ་བསྐྱབས་པ་ཐོས།།
རང་ལ་ངན་སེམས་མེད་ཅེས་ཏེ།།
ཕལ་བ་ཀུན་ལ་ཡིད་མི་བརྟན།།
རི་དྭགས་རྒྱུན་དུ་སེམས་བཟང་ཡང་།།
མཆེ་བ་ཅན་རྣམས་ཟས་སུ་བསྒོམ།།
བླུན་པོ་ལོག་པའི་ལམ་འགྲོ་ན།།
བླུན་པོ་ཉིད་དུ་གོ་བས་ཆོག།
མཁས་པ་ལོག་པའི་ལམ་འགྲོ་ན།།
རྒྱུ་མཚན་གང་ཞིག་དཔྱད་དགོས་སོ།།
མཁས་པས་ལོངས་སྤྱོད་ལྷག་པར་སྤྱད།།
མི་སྟེར་ན་ཡང་འཕྲོག་པ་མེད།།
ལོངས་སྤྱོད་ཉམས་པའི་ས་ཕྱོགས་སྤང་།།
མི་འཕྲོག་ན་ཡང་གཉའ་བསྐྱིས་འཇོམས།།
རང་གིས་ལེགས་པར་ཤེས་ན་ཡང་།།
བྱ་བ་ཐམས་ཅད་གྲོས་ཀྱིས་བསྒྲུབ།།
མི་གང་གྲོས་ལ་མི་དགའ་བ།།
འགྱོད་པ་རིན་གྱིས་ཉོ་བ་ཡིན།།
ཉམ་ངའི་གྲོས་དག་བྱེད་པ་ལ།།
མཛའ་ཡང་གསུམ་དུ་གྲོས་མི་བྱ།།
རོ་ལངས་སྒྲུབ་པའི་གྲོགས་ངན་ན།།
ཐོག་མར་སྒྲུབ་བོ་ཟ་བར་འགྱུར།།
ལེན་ཤེས་སྙོམས་པར་གཏོང་ལ་མཁས།།
དུལ་ཞིང་ཀུན་གྱི་ངོ་བསྲུང་བ།།
འཇིགས་མེད་བྱས་པ་ཆུད་མི་གཟན།།
མི་དེ་འདོད་ན་ས་ཀུན་ཐོབ།།
གལ་ཏེ་དགྲ་བོ་སྐྱབས་འོང་ན།།
དེ་ལ་མཆོད་ནས་སྙན་པ་བརྗོད།།
ཁྭ་ཏས་བྱི་བ་ལ་བརྟེན་ནས།།
བདེ་བ་ཐོབ་ཅེས་སྔོན་རབས་སྨྲ།།
གྲོགས་པོ་ངན་དང་ཐོས་པ་ངན།།
རྟོག་པ་ངན་དང་བྱ་བ་ངན།།
མཁས་པ་རྣམས་ཀྱིས་མི་བྱ་སྟེ།།
བྱེད་ན་བླུན་པོ་གུད་ན་མེད།།
ལེགས་པར་བརྟགས་ནས་བྱེད་པ་ལ།།
བྱ་བ་ཉམས་པ་ག་ལ་སྲིད།།
མིག་ལྡན་བརྟགས་ནས་འགྲོ་བ་ལ།།
གཡང་སར་གོམ་པ་འདོར་རམ་ཅི།།
རང་གཞན་གཉིས་ཀ་འཕེལ་འགྱུར་བའི།།
ཡོན་ཏན་བསླབས་ན་མཁས་པའི་རྟགས།།
རིག་པ་འགའ་ཞིག་མདའ་མཁན་ལྟར།།
ཤེས་པ་ཉིད་ན་ཆོ་འབྲང་འཇིག།
རང་ཉིད་ཅིས་ཀྱང་མཐོ་འདོད་ན།།
གཞན་ལ་ཕན་པ་འབའ་ཞིག་གིས།།
བྱད་ལ་བྱི་དོར་བྱེད་པ་རྣམས།།
སྔོན་དུ་མེ་ལོང་མི་འབྱིད་དམ།།
ཕ་རོལ་ཅི་ནས་གཞོམ་འདོད་ན།།
རང་གི་ཡོན་ཏན་འབད་པས་སྒྲུབ།།
དགྲ་བོ་གསོད་པར་འདོད་པ་རྣམས།།
མཚོན་ཆ་འབད་ནས་སྒྲུབ་ལ་ལྟོས།།
གཡོ་ཅན་ཚིག་ལ་དྲོད་འཇུག་པས།།
དྲང་པོས་དེ་ལ་བརྟག་དཔྱད་དགོས།།
བསླུས་རྗེས་ཁོ་བོ་དྲང་ངོ་ཞེས།།
རང་ལ་བསྟོད་པས་ཅི་ཞིག་ཕན།།
གཡོ་ཅན་སོགས་ལ་གཡོ་སོགས་དང་།།
དྲང་པོ་སོགས་ལ་དྲང་བོ་སྟེ།།
མི་བརྟན་པ་ལ་བརྟན་དགོས་ཞེས།།
བྱ་བ་སྔོན་གྱི་ཡིག་ཚངས་ཡིན།།
མཁས་པས་རྟག་ཏུ་དགྲ་ལ་ཡང་།།
གཉེན་དེས་རྐྱེན་དུ་བྱས་ན་ལེགས།།
དེ་ཡི་འདུམ་ལ་མི་ཕན་ཡང་།།
ངེས་པར་གནོད་སེམས་འཇིལ་བའི་སྨན།།
ཚིག་ངན་བརྗོད་པས་འཇིག་རྟེན་ན།།
འདོད་པ་འགྲུབ་པར་མི་སྲིད་ཀྱིས།།
ཡིད་ལ་རང་འདོད་བསྒྲུབ་ན་ཡང་།།
ངག་གིས་ཀུན་དང་མཐུན་པར་གྱིས།།
རང་དང་གཞན་གྱི་དོན་གྲུབ་ན།།
འཇམ་རྩུབ་ཇི་ལྟར་བྱས་ཀྱང་རུང་།།
ཐབས་ལ་མཁས་པས་སྤྱོད་པ་ལ།།
གཡོ་སྒྱུ་ཐུབ་པས་མ་གསུངས་སོ།།
ཐ་མར་ཤིན་ཏུ་ཕན་པའི་གྲོས།།
འཕྲད་ལ་སྡུག་ཀྱང་མཁས་པས་བསྟེན།།
རྒས་ཤིང་གདུངས་ན་ཡོན་ཏན་རྣམས།།
བུ་གཅིག་པ་ལ་མཁས་རྣམས་སློབ།།
ལོངས་སྤྱོད་ཧ་ཅང་སྤེལ་དྲགས་ན།།
དེ་ལ་རྒུད་པ་ཤིན་ཏུ་ཉེ།།
ཆུ་ཡིས་ཤིན་ཏུ་གང་བ་ཡི།།
རྫིང་བུ་སྟོང་ངམ་ཡང་ན་འབྲལ།།
སྐྱེ་བོ་འགའ་ལ་ཕན་པའི་ལས།།
ལ་ལས་དེ་ལ་འཇུག་མི་རུང་།།
སྒོག་སྐྱ་རླུང་ལ་ཕན་མོད་ཀྱི།།
མཁྲིས་པའི་ནད་ལ་དུག་ཏུ་འགྱུར།།
ཉམ་ཆུང་རྟག་ཏུ་བསྐྱང་དགོས་དང་།།
འགྲོགས་ན་ཆེན་པོ་ཉམས་དོགས་ཡོད།།
ཞུན་མར་སྣོད་དུ་བཞག་འགྱུར་ན།།
སྣོད་ལ་བྱི་བས་མི་རྨུག་གམ།།
ངན་པ་རྣམས་ལ་བརྟེན་བྱས་ན།།
ངན་པའི་ཤན་གྱིས་རང་ལ་གནོད།།
ཡུར་བའི་ཆུ་ལ་བརྟེན་པ་ཡི།།
ཉ་རྣམས་ཞིང་ལ་འགྲེམས་ལ་ལྟོས།།
གཞུང་ངན་བདག་ལ་བརྟེན་འཆའ་ན།།
དེ་ལ་ཅུང་ཟད་བྱིན་ཏེ་བསྐྲད།།
ཁྱིམ་དུ་ལྟས་ངན་བྱུང་གྱུར་ན།།
ནོར་ལས་ཕྲིས་ཏེ་བཟློག་པ་དགོས།།
དམ་པ་གཞན་དུ་འགྲོ་ན་ཡང་།།
བསྙེན་བཀུར་བྱས་ཏེ་ཉེ་བར་བཞག།
ནོར་བུ་རིན་ཆེན་རྟག་མཆོད་ན།།
བཀྲ་ཤིས་དཔལ་དང་བསམ་པ་འགྲུབ།།
དམན་པའི་སྐྱེ་བོ་བསྟོད་དྲགས་ན།།
ཕྱི་ནས་དེ་ཉིད་ཁྱད་དུ་གསོད།།
མཁའ་ལ་མི་གཙང་གཏོར་གྱུར་ན།།
འཐོར་བ་བོ་ཡི་སྤྱི་བོར་བབ།།
སྐྱེ་བོ་བློ་ལྡན་མགོ་སྨད་ན།།
སྨོད་བྱེད་ཉིད་ལ་ཉེས་པ་འཕོག།
མར་མེ་ཐུར་དུ་ཁ་བསྟན་ན།།
སྟོན་པ་པོ་ཡི་ལག་པ་སྲེག།
གང་དང་གང་གིས་གནས་ཡིན་པར།།
དེ་དང་དེ་ཡི་གནས་སུ་བཞག།
གཙུག་རྒྱན་རྐང་བ་མི་གདགས་ཏེ།།
རྐང་བའི་རྐང་རྒྱན་སྤྱི་གཙུག་མིན།།
བྱ་བ་ཆེན་པོ་སྒྲུབ་པའི་ཚེ།།
འབད་པ་ཡིས་ནི་གྲོགས་བཟང་བསྟེན།།
ནགས་ཚལ་ཆེན་པོ་མེས་བསྲེགས་ན།།
རླུང་ཞིག་ཅི་ནས་གྲོགས་སུ་དགོས།།
བྱམས་པས་ཁྱབ་པའི་ཚིག་སྨྲ་བ།།
བསྒྲུབ་སླ་གཞན་དགའ་སྡུད་པའི་མཆོག།
ནོར་གྱིས་མགུ་བར་སུ་ཡིས་ནུས།།
ལུས་སྲོག་བཏང་ཡང་ཕྱེད་མི་ཚིམ།།
ཕོངས་ཀྱང་གདུང་བར་མི་བྱ་སྟེ།།
འབྱོར་ཡང་དགའ་པས་དྲེགས་མི་བྱ།།
ལས་ཀྱི་འཕེན་རྒྱང་རིང་བས།།
སྐྱིད་སྡུག་སྣ་ཚོགས་ད་གདོད་བྱུང་།།
རྩོམ་ཡིག་མཁོ་སྤྲོད་པ། ནག་བཟའ་བློ་བཟང་ཆོས་གྲགས།
| 
青公网安备 63262102000011号