དུས་འཁེལ་འགད་རྫས།
དབྱིན་ཇིའི་རྒྱལ་ཁབ་ཁྱབ་འཕྲོ་སྲུང་སྐྱོབ་བསྐོས་མི་ཚོགས་པས ༡༩༩༨ལོ་ནས་ལག་འཕྲིན་གྱིས་མིའི་དྲན་པ་མི་གསལ་བ་དང་། ཤེས་པ་རྩེ་གཅིག་ཏུ་མི་གནས་པའི་ཉོབ་པོར་འགྱུར་བར་བཤད་ཅིང་། གཞན་ཡང་མགོ་འཐོམ་པ་དང་། གཉིད་རྨུགས་པ་སོགས་འབྱུང་སྟེ། ཀླད་པར་གནོད་ཚབས་ཆེ་བ་ཡིན་འདུག དབྱིན་ཇིའི་གཟད་སྤྱོད་པའི་རྩ་འཛུགས་ཀྱིས་ལག་འཛིན་ཁ་པར་སྐེད་པར་འདོགས་པ་འདི་ལ་དུས་འཁེལ་འགད་རྫས་ཞེས་པའི་མིང་འདོགས་ཏེ། འདི་སྐེད་པར་བཏགས་ན་ལུས་ལ་ཤིན་ཏུ་གནོད་དེ། ལག་འཕྲིན་རྒྱུན་དུ་གཡས་ཕྱོགས་སུ་བཏགས་ན་མཆིན་པ་ལ་གནོད་པར་འགྱུར་བ་དང་། རྒྱབ་ཕྱོགས་སུ་བཏགས་ན་མཁལ་མ་ལ་གནོད་པ་དང་། གཡོན་ཕྱོགས་སུ་བཏགས་ན་མཚེར་བ་ལ་གནོད་པ་དང་། མདུན་ཕྱོགས་སུ་བཏགས་ན་དོན་སྣོད་ཐམས་ཅད་ལ་གནོད་པར་འགྱུར་ཏེ། ཁྱབ་འཕྲོའི་གནོད་པ་ནི་ཤིན་ཏུ་ཚབས་ཆེ་བ་ཡིན། སུའེ་ཏེན་གྱི་ཚན་རིག་པ་རྣམས་ཀྱིས་མི་ཁྲི་གཅིག་དང་སྟོང་གཅིག་ལ་བརྟག་དཔྱད་བྱས་པས་ལག་འཕྲིན་ཡུན་རིང་སྤྱད་ན་མགོ་ན་བ་དང་། ལུས་པོ་ངལ་དུབ་ཏུ་འགྱུར་བ་དང་། སྦྲུམ་མ་ཡིན་ན་མངལ་གནས་ཀྱི་ལུས་སྐྱོན་ཅན་དུ་འགྱུར་བར་བཤད་དོ།།
ཡིག་སྒྱུར་བ། མཁན་པོ་ཚུལ་ཁྲིམས་བློ་གྲོས།
རྩོམ་ཡིག་མཁོ་སྤྲོད་པ། ཨ་སྐྱོང་འཇིགས་རྣམ།
|