མཚོ་ལྷོའི་གསེར་ཆེན་རྫོང་གི་ཐོན་མིའི་སློབ་ཚོགས་ཀྱི་ལོ་སར་ཇ་སྟོན།

   དེ་རིང་ནི་སྤྱི་ལོ༢༠༡༧ལོའི་སྤྱི་ཟླ༢ཚེས༢༡ཡིན་ལ།  རྒྱལ་སྤྱིའི་སྐད་ཡིག་གི་ཉིན་མོ་འདི་དང་སྟབས་བསྟུན་ནས་ཉིན་གུང་ཆུ་ཚོད་བཅུ་གཉིས་སྟེང་མཚོ་ལྷོ་ཆབ་ཆའི་གཡུ་འབྲུག་གསོལ་མགྲོན་ཁང་ཆེན་མོར་གསེར་ཆེན་རྫོང་གི་ཐོན་མིའི་སློབ་ཚོགས་ཀྱིས་ལོ་སར་ཇ་སྟོན་ལ་རོལ།  གསེར་ཆེན་རྫོང་གི་ཐོན་མིའི་སློབ་ཚོགས་ནི་གངས་ལྗོངས་ཤེས་རིག་ནོར་བུའི་སློབ་གླིང་ཆེན་མོར་སློབ་མཐར་ཕྱིན་པའི་གསེར་ཆེན་རྫོང་ཁོ་ནའི་སློབ་བུ་དག་གིས་གྲུབ་པ་ཡིན་ལ།  ཐེངས་འདིའི་འདུ་འཛོམས་ནི་སྐབས་གཉིས་པའི་དགྱེས་འཛོམས་དེ་ཆགས་ཡོད་ཅིང་། ཐེངས་འདིར་སློབ་བུ་ཉི་ཤུ་ལྷག་འཛོམས་ཤིང་འབྱུང་འགྱུར་ཁེ་ལས་དང་འབྲེལ་བའི་སྤྱི་ཕན་གྱི་བྱ་བ་ཇི་ལྟར་བསྒྲུབ་དགོས་པའི་སྐོར་ལ་གླེང་མོལ་བྱས། ཇ་སྟོན་སྟེང་དུ་སྤྲུལ་ཀུན་བཟང་ཉི་མ་མཆོག་གིས་ཐོན་མིའི་སློབ་ཚོགས་ཀྱི་འབྱུང་འགྱུར་བྱ་བའི་བྱེད་ཕྱོགས་ལ་བཀའ་སློབ་གནང་བ་དང་།  སློབ་ཚོགས་ཀྱི་ཚོགས་གཙོ་སྤྲེལ་ཉི་མ་རྒྱལ་མཚན་དང་། དྲུང་ཡིག་པ་རྟ་ནག་བཟོད་པ་གཙོས་ཚོགས་མི་ཡོངས་ནས་རང་ཉིད་ཀྱི་བསམ་ཚུལ་བཤད་ཅིང་བགྲོ་གླེང་ལྷུག་པོར་གནང་སྟེ། འབྱུང་འགྱུར་མ་དངུལ་མཉམ་བསྡུས་ཀྱིས་མཉམ་ལས་ཁེ་ལས་ཀྱི་ཕྱོགས་ལ་གོམ་པ་སྤོ་བའི་གྲོས་ཐག་བཅད། ཐེངས་འདིའི་ལོ་སར་ཇ་སྟོན་གྱི་འགྲོ་སོང་ཚང་མ་སྤྲེལ་ཉི་མ་རྒྱལ་མཚན་ལགས་ནས་བཏང་བ་དང་། འདི་ལོའི་དབྱར་ཟླ་དྲུག་པའི་ནང་དུ་སློབ་ཚོགས་ཀྱི་འདུ་འཛོམས་སྐབས་གསུམ་པ་དེ་མཚོ་སྔོན་པོའི་འགྲམ་དུ་འཚོགས་རྒྱུར་ཐག་བཅད།

ཚོགས་ཞུགས་སློབ་མའི་མཉམ་པར།