བཻ་རོ་ཙ་ན་རྩིས་འཁོར་གསབ་སྦྱོང་ནི་རྩིས་འཁོར་ཤེས་བྱ་ལ་དང་འདོད་ཡོད་པའི་བོད་ཀྱི་དགོན་སྡེ་དང་སློབ་གྲྭ་སོགས་ཀྱི་སློབ་གཉེར་བ་རྣམས་ལ་ཆེད་དུ་ཁ་གཏད་དེ་ལོ་རེར་ཟླ་བ་གཉིས་ཀྱི་རིང་གཙོ་སྒྲུབ་བྱེད་བཞིན་པའི་རིག་གནས་བྱ་འགུལ་ཞིག་ཡིན།  གསབ་སྦྱོང་གི་ཁྲིད་གཞི་བོད་ཡིག་ཏུ་ཕབ་ཡོད་པས་སྐད་ཡིག་གི་ཚད་བཀག་ཡོད་པའི་སློབ་མ་དག་ལ་དམིགས་བསལ་གྱི་རམ་འདེགས་བྱ་ཐུབ།  གཞན་ཡང་གསབ་སྦྱོང་འདིར་རྩིས་འཁོར་ལ་ཐོག་མར་འཇུག་མཁན་དང་ཡང་ན་རྩིས་འཁོར་གྱི་སྦྱོང་བ་སྔོན་སོང་ཅན་སུ་ཞིག་ཡིན་རུང་སློབ་དེབ་ཀྱི་སློབ་ཚན་རིམ་པ་གང་རུང་གིས་ཁྱེད་ཀྱི་འདོད་བློ་སྐོང་ཐུབ་ངེས།  འབྲེལ་ཡོད་ངེས་རྟོགས་དགོས་པའི་ཤེས་བྱ་དག་གཤམ་གསལ་ལྟར་ཡིན།

   དང་བོ། མིང་ཐོ་འགོད་དུས་དང་འགོད་སྟངས།
     དགེ་སློབ་ཀུན་གྱི་སློབ་ཁྲིད་དང་སློབ་སྦྱོང་འཐུས་ཚང་ཡོང་ཆེད་གསབ་སྦྱོང་སློབ་མ༣༠ལས་མི་བསྡུ། མིང་ཐོ་འགོད་པའི་དུས་ཚོད་ནི་ལོ་རེའི་སྤྱི་ཟླ་བཅུ་པའི་ཚེ་༡༠ནས་སྤྱི་ཟླ་བཅུ་གཅིག་པའི་༡༠བར་ཡིན། གལ་ཏེ་སྐུ་ཉིད་གསབ་སྦྱོང་འདིར་སྤྲོ་བ་ཡོད་ཚེ་དྲྭ་གནས་དང་ཁ་པར་བརྒྱུད་གནས་ཚུལ་རྒྱུས་ལོན་བྱ་ཆོག

གཉིས་པ། གསབ་སྦྱོང་གི་ནང་དོན། 
     རྩིས་འཁོར་གྱི་རྨང་གཞིའི་ཤེས་བྱ་ནས་འགོ་བརྩམས་ཏེ་officeགཞུང་སྒྲུབ་མ་ལག་གསུམ་དང་དྲྭ་ངོས་གསར་བཟོ་དང་དྲྭར་འཇུག་རྒྱུན་ཤེས། ཁྱད་པར་དུ་Photoshop ,Coreldraw ,Indesignསོགས་ཀྱི་པར་རིས་ཇུས་འགོད་དང་དཔེ་གཟུགས་པར་སྐྲུན་སྐོར་ནས་ཤེས་བྱ་དང་ལག་ལེན་ཟུང་འབྲེལ་སྒོས་སློབ་མའི་འདོད་བློ་ལྟར་སློབ་ཁྲིད་བྱེད་པ།
གསུམ་པ། གསབ་སྦྱོང་དུས་ཡུན་དང་ས་གནས།
     ༢༠༡༦ལོའི་གསབ་སྦྱོང་འཚོགས་པའི་དུས་ཡུན་ནི་ཟླ་བ་གཉིས་ཡིན་ལ་ས་གནས་རྒྱ་ནག་ཁྲིན་ཏུའུ་（罗马假日广场）ལོ་མ་ཅཱ་རི་ཐང་ཆེན་གྱི་(大宅门)ཏ་གྲའེ་མིན། ཡེང་ཧྥུང་（盈丰)ཐོག་རྩེགས་བཞི་བ་ཡིན།
བཞི་པ། གསབ་སྦྱོང་གི་ཁྲིད་ཐབས།
   གསབ་སྦྱོང་གི་ཁྲིད་ཐབས་ནི་རྩིས་འཁོར་ཆེད་ལས་པས་བོད་ཡིག་དང་བོད་སྐད་ཀྱི་ལམ་ནས་སློབ་ཁྲིད་བྱ་རྒྱུ་དང་རྒྱ་དབྱིན་གྱི་བརྡ་ཆད་དག་ཆེད་དུ་དུས་ཚོད་བཀོད་སྒྲིག་བྱས་ཏེ་ཟུར་སྦྱོང་བྱེད་དུ་འཇུག་རྒྱུ།
ལྔ་བ། ཉམས་འཇོག་བྱ་དགོས་པའི་དོན་ཚན།　
     འཚོ་བའི་ཆ་རྐྱེན་དང་རང་གིས་བཀོད་སྒྲིག་བྱས་ཐོག་ལག་འཁྱེར་རྩིས་འཁོར་གཅིག་དང་ཟིན་བྲིས་ལག་དེབ་གཅིག་ངེས་པར་དུ་གྲ་སྒྲིག་བྱེད་དགོས་ཀྱིན་ཡོད།


རྩིས་འཁོར་གསབ་སྦྱོང་གི་བོད་ཡིག་ཁྲིད་དེབ།

རྩིས་འཁོར་ཆེད་ལས་དགེ་རྒན་གངས་ཅན་དབྱངས་འཚོ།

རྩིས་འཁོར་ཆེད་ལས་དགེ་རྒན་བསོད་ནམས་དཔལ་སྐྱིད།

གསབ་སྦྱོང་འཛིན་གྲྭར་ཞུགས་པའི་སློབ་གཉེར་བ།

གསབ་སྦྱོང་སྤེལ་བཞིན་པའི་རྣམ་པ།

གསབ་སྦྱོང་སྤེལ་བཞིན་པའི་ཡུལ་དངོས།

གསབ་སྦྱོང་གཙོ་སྒྲུབ་མཁན།
མཚོ་སྔོན་ཡུལ་ཤུལ་བཻ་རོ་ཙ་ན་ཤེས་རིག་ཁྱབ་སྤེལ་ལྟེ་གནས།
གསབ་སྦྱོང་གི་ནང་དོན།

རྩིས་འཁོར་ཚན་རྩལ་ཤེས་བྱ།

འབྲེལ་ཡུལ།
ཁ་པར།
[ཁྲིན་ཏུའུ]17381902522
[ཡུལ་ཤུལ]18609761966
འཕྲིན་སྟེགས་བཤེར།

གསར་འགྱུར་མཁོ་སྤྲོད་པ། བཻ་རོོ་ཙ་ན་ཤེས་རིག་ཁྱབ་སྤེལ་ལྟེ་གནས།