ཉིས་སྟོང་བཅུ་དྲུག་ལོའི་ཟླ་བཅུ་གཅིག་པའི་ཚེས་ཉེར་དགུ་ཉིན་གྱི་དགོང་མོར་ངེད་གངས་ལྗོངས་རྩྭ་ཐང་བུ་མོའི་སློབ་གྲྭས་སྐབས་གསུམ་པའི་<<དབྱངས་ཅན་མགྲིན་སྒྲ་>>ཞེས་པའི་སྙན་ངག་གྱེར་འདོན་གྱི་བྱ་འགུལ་སྤེལ། སྙན་ངག་ནི་ཨུ་རུ་སུའི་རྩོམ་གཞུང་སྨྲ་བ་པེ་ལེན་སི་ཅིས། མི་རིགས་གང་ཡིན་ཡང་སྙན་ངག་ནི་མི་རིགས་དེ་ཉིད་མཚོན་པར་བྱེད་པའི་མེ་ལོང་ལྟ་བུ་ཡིན་ཞེས་བཤད་པ་བཞིན་སྙན་ངག་ནི་སྔོན་གྱི་ལོ་རྒྱུས་གསལ་བའི་མེ་ལོང་དང་མིའི་རིགས་ཀྱི་མགྲིན་ཚབ་པ། དགའ་སྐྱོ་ཆགས་སྡང་། འཚོ་བའི་རང་མདངས་ཉིང་བསྡུས་ཀྱིས་མཚོན་པའི་སྒྱུ་རྩལ་ཞིག་ཡིན་ཕྱིར། ང་ཚོས་ཀྱང་སྙན་ངག་གྱེར་འདོན་ཐེངས་གསུམ་ལ་སྤེལ། ཐེངས་འདིའི་གྱེར་འདོན་ལ་དགེ་རྒན་སྒྲོལ་མ་སྐྱབས་དང་དམའ་གཉིས་དང་བོའི་སློབ་མ་དབང་ཆེན་སྒྲོལ་མ་གཉིས་ཀྱིས་མདོ་འཛིན་བྱས། བྱ་འགུལ་ལ་འཛིན་གྲྭ་རེ་ནས་མི་གསུམ་རེ་བཅས་ཁྱོན་སྡོམ་མི་སུམ་བཅུ་ལྷག་འགྲན་སྡུར་ལ་ཞུགས། སློབ་གཙོ་གཡོན་གཞིའི་ཡུལ་ལྷ་ལགས་དང་། སློབ་གཙོ་གཞོན་པ་སོག་རུས་འབྲུག་འབུམ་རྒྱལ། བོད་ཡིག་སྡེ་ཁག་གི་འགོ་བ་དམེ་ཚང་ཨ་ལགས། དགེ་རྒན་བཟང་རྒྱལ། དཀར་མོ་ཡེ་ཤེས་བཅས་ཀྱིས་དཔྱད་འདེམ་བྱས། དཔྱད་འདེམ་དགེ་རྒན་སོ་སོ་ནས་གྱེར་འདོན་པའི་<<སྐད་ཀྱི་འགྱུར་ཁུགས། >><<ལུས་ཀྱི་ཉམས་འགྱུར།>><<གྱོན་པ་གྱོན་སྟངས།>><<སྙན་ངག་གི་བརྗོད་བྱ་>>སོགས་དཔྱད་བརྗོད་གནང་། འགྲན་སྡུར་སྟེང་དགེ་རྒན་ལྷ་མོ་མཚོ་དང་རང་སློབ་གྲྭའི་གླུ་མ་ལས་དབང་ལྷ་མོ་སོགས་ཀྱིས་གླུ་དབྱངས་དང་ཞབས་བྲོ་སོགས་འཁྲབ། མཇུག་མཐར་དཔྱད་འདེམས་དགེ་རྒན་ཚོས་བྱ་དགའ་ཐོབ་པའི་སློབ་གྲོགས་ཚོར་གཟི་བརྗིད་དཔང་ཡིག་གནང་སྟེ་བཀྲ་ཤིས་པའི་ངང་མཇུག་བསྡུས།