དགའ་ལྡན་ལྔ་མཆོད་ཆེན་མོའི་ཉིན་གྱི་མཛད་འཕྲིན།

      དེ་རིང་སྟེ་དགའ་ལྡན་ལྔ་མཆོད་ཆེན་མོའི་དུས་བཟང་གི་སྔ་དྲོའི་དུས་ཚོད་དགུ་བའི་སྟེང་གངས་ལྗོངས་ཤེས་རིག་ནོར་བུའི་སློབ་གླིང་གི་སློབ་དཔོན་ཆེན་མོ་ལྡོང་ཡོན་ཏན་རྒྱ་མཚོ་མཆོག་རྭ་རྒྱ་གྲོང་རྡལ་བཅའ་སྡོད་བོད་ཡིག་སློབ་འབྲིང་གིས་གདན་ཞུ་བྱས་ཏེ་བཀའ་སློབ་བསྩལ།   སློབ་གཙོ་ཐང་ཧྲན་ཐེན་༼唐生亭༽དང་སློབ་སྟོན་ཁང་གི་འགོ་གཙོ་བསོད་ནམས་དར་རྒྱས་གཉིས་གཙོས་དགེ་སློབ་ཡོངས་ཀྱིས་ཕེབས་བསུ་རྒྱ་ཆེར་བྱས་ཏེ་ལྒང་རྩལ་ར་བར་གདན་དྲངས།    བཀའ་སློབ་ཀྱི་མགོ་མཇུག་བར་གསུམ་ལ་སློབ་གཙོ་ཐང་ཧྲན་ཐེན་༼唐生亭༽གྱིས་འགོ་འཛིན་བྱས་ཤིང་། སློབ་དཔོན་རིན་པོ་ཆེས་དེ་རིང་ཞོགས་པར་གསར་རྩོམ་མཛད་པའི་༼དགེ་སློབ་འོས་འགན་སློབ་གསོ་༽ཞེས་པའི་ཤོ་ལོ་ཀ་ཉེར་གཉིས་ཅན་གྱི་བསླབ་བྱའི་སྟེང་ནས་དགེ་སློབ་ཀུན་གྱི་ཕྱི་ནང་གསང་གསུམ་ལ་ཕན་པའི་བཀའ་སློབ་དུས་ཚོད་གཉིས་ལྷག་གི་རིང་ལ་བསྩལ་བས་ཚོགས་རའི་ནང་དུ་དགའ་བསུའི་ཐལ་སྒྲ་དང་སྤྲོ་དགའི་འཛུམ་གྱིས་ཁེངས།   ཁོང་གིས་བོད་ཀྱི་མཛངས་བློན་བཞི་བ་ཐོན་མི་སམྦྷོཊའི་སྙིང་སྟོབས་དང་ཐོན་མིའི་སློབ་གསོའི་རྒྱུན་འཛིན་དར་སྤེལ་གཏོང་དགོས་པའི་སྐོར་དང་།  དགེ་སློབ་ཡོངས་ལ་རང་རང་གི་འགན་འཁྲི་ངོ་སྤྲོད་དང་འབྲེལ་རེ་བ་ནན་མོ་བཏོན།

རྭ་རྒྱ་གྲོང་བརྡལ་གྱི་བོད་ཡིག་སློབ་འབྲིང་གི་དགེ་སློབ་རྣམས་ལ་འཆད་ཁྲིད་གནང་བཞིན་པ།

དགེ་སློབ་ཡོངས་ཀྱིས་ཁོང་གི་གསུང་བཤད་ལ་ཉན་བཞིན་པ།

ཚོགས་རའི་ཡུལ་དངོས།

དགེ་སློབ་ཀྱི་འོས་འགན་སློབ་གསོའི་གཏམ་བཤད་གནང་།

བློ་རིག་སྒྲིམ་ཏེ་གསུང་བཤད་ལ་ཉན་བཞིན་པ།

རྭ་རྒྱ་གྲོང་བརྡལ་གྱི་བོད་ཡིག་སློབ་འབྲིང་གི་དགེ་སློབ་རྣམས་ལ་འཆད་ཁྲིད་གྲ་སྒྲིག་གི་ཉིང་བསྡུས་སྡོམ་ཚིག

དགེ་སློབ་འོས་འགན་སློབ་གསོ་ཞེས་པ་འདི་ནི་དགའ་ལྡན་ལྔ་མཆོད་ཆེན་མོའི་དུས་ཆེན་ཉིན་ཨ་རིག་དགེ་བཤེས་ཆེན་མོའི་གདན་ས་ཁྱད་པར་ཅན་གྱི་ཉེ་འདབས་ནས་ལྡོང་ཡོན་ཏན་རྒྱ་མཚོས་འཕྲལ་མར་བྲིས་ཏེ་རྭ་རྒྱ་གྲོང་བརྡལ་གྱི་བོད་ཡིག་སློབ་འབྲིང་གི་དགེ་སློབ་ཡོངས་ལ་འཆད་ཁྲིད་ཀྱི་གཟུགས་བརྙན་ཙམ་ཡང་འཛིན་ཁུལ་བྱས་སོ།།      ༢༠༡༦-༡༡-༡༤ ཉིན།

རྩོམ་ཡིག་མཁོ་སྤྲོད་པ། དཀོན་མཆོག་ཆོས་རྒྱན།