ཕྱོགས་རིས་ཆགས་སྡང་ཞི་བའི་གསོལ་འདེབས་འབྲེལ་ཚད་དོན་ལྡན།

ཞབས་དཀར་ཚོགས་དྲུག་རང་གྲོལ།

གསར་རྙིང་ཆོས་ལ་ཕྱོགས་རིས་མ་མཆིས་པའི།།
དགེ་བའི་བཤེས་གཉེན་རྣམས་ལ་གསོལ་བ་འདེབས།།
བོད་དུ་དར་བའི་གྲུབ་མཐའ་ཐམས་ཅད་ཀྱི།།
ཉེ་རིང་ཆགས་སྡང་ཞི་བར་བྱིན་གྱིས་རློབས།།

བདག་གིས་ལེགས་པར་བཤད་པའི་གཏམ་སྙན་འདི།།
ཆོས་ལུགས་གྲུབ་མཐའ་གང་གིས་གོ་ན་ཡང་།།
རྒྱུད་ཀྱི་གྲུབ་མཐའི་ཕྱོགས་རིས་ཀུན་ཞི་ནས།།
ཕྱོགས་མེད་དད་གུས་དག་སྣང་འཆར་བར་ཤོག།

རྩོམ་ཡིག་མཁོ་སྤྲོད་པ། གསར་འགོད་པ། རྒྱ་འདུ་སངས་རྒྱས།